شاهد بالفيديو.. بلغت نقطة الحفل 31 ألف دولار.. نساء تشاد يمنحن الفنان السوداني محمد بشير أعلى نقطة في تاريخ الغناء ويتجاوز ميادة وايمان الشريف 2022/02/200 أقامت أسرة تشادية ثرية حفل زواج لأحد أبنائها أحياه الفنان السوداني الشاب محمد بشير وذلك في العاصمة التشادية انجمينا قبل يومين. وبحسب متابعات محررة موقع النيلين فقد تم تسريب جزء من الحفل الذي تغنى فيه المطرب الملقب بالدولي وسط حضور كبير من النساء. وأظهر المقطع المتداول بغزارة على مواقع التواصل الاجتماعي النساء وهم يضعن أموال النقطة بالدولار على الفنان السوداني إعجاباً به وبما يقدمه من أغاني سيرة وحماس. https://fb.watch/bhMc4d16dZ/https://fb.watch/bhMc4d16dZ/ وأختلفت الصفحات حول أموال النقطة التي حصل عليها الفنان, حيث أكدت إحدى الصفحات أن الدولارات تجاوزت ال 20 ألف دولار. فيما ذكرت صفحات آخرى أن الفنان محمد بشير تجاوز المطربتين إيمان الشريف وميادة قمر الدين اللاتي سجلن الرقم القياسي في أعلى نقطة بالدولار حيث حصلت إيمان الشريف الأسبوع الماضي على 25 ألف دولار في حفل واحد. وذكرت ذات الصفحة أن النقطة التي حصل عليها الدولي في تشاد تقدر بحوالي 31 ألف دولار .
Post: #2 Title: Re: دخل حفل الفنان الشاب محمد بشير في تشاد 31 � Author: Ahmed Yassin Date: 02-20-2022, 11:58 PM Parent: #1
عثمان موسى الفنان
Quote: حصلت إيمان الشريف الأسبوع الماضي على 25 ألف دولا
نقطها شيخ الصوفية صاحب السجادة ببيت المال(شيخ اللمين) قام بالتنقيط على القونة في مرتين وكل مرة بعملة مختلفة الاولى كانت (١٠) الف يورو اوراق جديدة لنج طبعا الثانية كانت (١٠) دولار (١٠٠) وىقة من فئة ال١٠٠
Post: #6 Title: Re: دخل حفل الفنان الشاب محمد بشير في تشاد 31 � Author: Osman Musa Date: 02-21-2022, 12:13 PM Parent: #2
اخونا الفنان أحمد سلام قاليك الولد دا في تشاد ولا ويز خليفة. بعدين عندهم العملة قوية وراقدة.
Post: #3 Title: Re: دخل حفل الفنان الشاب محمد بشير في تشاد 31 � Author: walid taha Date: 02-21-2022, 07:16 AM Parent: #1
Quote: بلغت نقطة الحفل 31 ألف دولار.
يمكن الخبر (طلس) يا عثمان ! :)
Post: #4 Title: Re: دخل حفل الفنان الشاب محمد بشير في تشاد 31 � Author: Ahmed Yassin Date: 02-21-2022, 09:27 AM Parent: #3
ابدا يا وليد ما طلس ولا حاجة الفيديو موجود الحفلة شكلها كلها نسوان في تقريبا اربعة نسوان لابسات تياب زي بعض لون اخضر وشايلات شنط يد زي بعض ومليانات دهب فل زي بعض .. ما زحوا من قدام الزول دا وهو بغني (اسال العنبة الرامية في بيتنا) تقريبا ساعة وكل واحدة تفتح الشنطة ترمي عليهو الدولارات... وهو يمد ليها المايك.
Post: #5 Title: Re: دخل حفل الفنان الشاب محمد بشير في تشاد 31 � Author: Ahmed Yassin Date: 02-21-2022, 09:28 AM Parent: #4
اذا عرفتو النسوان ديل قرايب منو.؟. بطل العجب
Post: #13 Title: Re: دخل حفل الفنان الشاب محمد بشير في تشاد 31 � Author: Osman Musa Date: 02-22-2022, 11:01 AM Parent: #4
يا أخ احمد المشعلق في النسوان ديل كلو دهب ؟ طبعا لو المدرعات ديل لو لبسنو في شرق بروكلين ما كان فيهن واحدة رجعت الحلة . دي قروش تقيلة.
Post: #7 Title: Re: دخل حفل الفنان الشاب محمد بشير في تشاد 31 � Author: Osman Musa Date: 02-21-2022, 01:21 PM Parent: #3
استاذ الوليد سلام ها طلس وييييين؟ الشباب دا في تشاد عندو هيلمانة.
Post: #8 Title: Re: دخل حفل الفنان الشاب محمد بشير في تشاد 31 � Author: ابوحراز Date: 02-21-2022, 03:02 PM Parent: #7
اخونا احمد يس واخونا عثمان موسى سلاماااات من الاعماق والله الواحد رغم انه صوته زي طشت العدة الشايلاهو الكتاااحة لكن والله افكر جليا في الشغلة ام دولارات هاملة دي وعلى الرغم من انني بدات هذه التجربة في واحدة من اجازاتي كان ذلك داخل الحمام حيث ان الحمام يعطيك احساس مزيف بان صوتك جميل لكن حينما تخرج من الحمام تجد هروب جماعي من غنم وسخيلات الفريق لجهة غير معلومة
هجمة مرتدة تصدقوا انا اول واحد في منطقتنا يستثمر في هذا المجال بعد ان مكثت عشرة سنوات بالسعودية فكرت في مشروع صغير للاعاشة ما اشتريت ركشة َولا محل اتصالات وبيض بل احضرت معي ساوند ديناكورد واورغان ياماها لان اغلب حفلات منطقتنا كانوا يستاجرون من مدني والحصاحيصا ولا ادري حتى اللحظة ان شراء الساوند ذوق واحساس فني ام انتقام من ناس الهيئة في السعودية حيث كان الهوس الديني في قمته و يومها لو كنت عاوز تسمع هاشم ميرغني الا تتغطي بي 6 بطاطين لقد رايتهم بعيني يصادرون المجلات التي علي اغلفتها ممثلات ا و فنانات جميلات احدهم كان يصادر المجلات ويتصفحها في البيت😁 واذكر ان الفنان عبد الله البعيو اقام لنا حفلة بالطائف والنسوان ماشاء الله من قبل الحفلة ب 3 ايام هاك ياحنة وَمكياج وثياب جديدة واول مابدا البعيو اقتحمت هيئة الامر بالمعروف الصالة قاموا بفصل الرجال عن النساء ادخلوا النساء في صالة أخرى يعني النسوان بقن في ام عليلة والرجال في ام عويوة غايتو ذلك اليوم كان يوم سيئ علي النساء طلعن زعلانات جدا سالناهم الحاصل شنو؟؟؟ قالوا جابوا ليهم واحدة عملت ليهم محاضرة في سنن الوضوء 😁 قال مكياج قال
Post: #9 Title: Re: دخل حفل الفنان الشاب محمد بشير في تشاد 31 � Author: بسمات الشيخ Date: 02-21-2022, 04:19 PM Parent: #8
اوع يكونن قرايب حميدتي ... اذا الامر كذلك بطل العجب فعلا ...
Post: #15 Title: Re: دخل حفل الفنان الشاب محمد بشير في تشاد 31 � Author: Osman Musa Date: 02-22-2022, 05:08 PM Parent: #9
أهلا بسمات وترحيب بمرورك الأنيق.
Post: #12 Title: Re: دخل حفل الفنان الشاب محمد بشير في تشاد 31 � Author: Osman Musa Date: 02-22-2022, 07:13 AM Parent: #8
اخونا الكاتب الجميل ابوحراز سلامات شقاوتنا حضرتنا زمن عجاجة دا الغناء المخرمج. كنا أطفال يا ابوحراز اخوي 4 سنوات الواحد فينا قبل ما يمسح لوح الخلوة بيسمع راديو امدرمان الصباح طالق اغنية أول غرام والواحد يتمحرك في نضافة اللوح عشان ابوهو ما يفكر ليه وهو بسرق في الاستماع للأغنية. لاحدي ما الراحل وردي يصل . .. أنا مازلت عايش اذكر طيف جمالك اواصل الليل نهار اسبح في خيالك وماضي الذكري عاد يسجد لي دلالك . ... ونسمع الناس في ديك الايام تنضم عن حتي الشيخ عوض الله صالح مفتي الديار السودانية يحب ويحترم اغاني وردي ونحنا عليك الله شنو بالنسبة لشيخنا عوض الله صالح . اقولك حاجة يا ابوحراز اخوي الغناء دي الأيام اخد أصوات البمبان وذوق القناصين وألحان الخلاء . هسع بلاي الزول بتاع الطارة ابوجلابية ضبة عكاز دا ما محتاجليه عنجاوي مبلول في قدح قطران يومين؟ دي مشكلة يا ابوحراز لو فننا اخد الدرب دا . وعشان يرجع اكيد محتاجلو مليونية كاربة.
Post: #10 Title: Re: دخل حفل الفنان الشاب محمد بشير في تشاد 31 � Author: Hassan Farah Date: 02-21-2022, 05:36 PM Parent: #1
دا معاهو فرقة متابعاهو .... راقصات وعرضة بالسيوف
Post: #11 Title: Re: دخل حفل الفنان الشاب محمد بشير في تشاد 31 � Author: Ahmed Yassin Date: 02-21-2022, 11:49 PM Parent: #10
ابوحراز اهههههههههههه انا ما قادر اعلق حاليا
Post: #16 Title: Re: دخل حفل الفنان الشاب محمد بشير في تشاد 31 � Author: Osman Musa Date: 02-23-2022, 06:52 AM Parent: #11
يا استاذ أحمد رايك شنو في التفلتات البتحصل على ترثنا.
Post: #14 Title: Re: دخل حفل الفنان الشاب محمد بشير في تشاد 31 � Author: Osman Musa Date: 02-22-2022, 02:13 PM Parent: #10
الأخ Hassan سلامات ومشكور كتير على جلب الفيديو . وعلى المرور الكريم . والوقوف في حفل تشاد ابو دولارات وفرنكات.
Post: #17 Title: Re: دخل حفل الفنان الشاب محمد بشير في تشاد 31 � Author: Osman Musa Date: 02-24-2022, 01:10 PM Parent: #14
بالمناسبة الدولي انتشر في تشاد بسرعة عجيبة
Post: #18 Title: Re: دخل حفل الفنان الشاب محمد بشير في تشاد 31 � Author: Ahmed Yassin Date: 02-24-2022, 01:46 PM Parent: #17
Quote: رايك شنو في التفلتات البتحصل في تراثنا
عارف يا عثمان يا ودموسى انا لفيت السودان دا ما خليت فيهو شبر يمكن. ودا كله بحث عن الايقاعات والتراث الثر المتنوعة الجميل ....دا تراث غنى بشتى انواع الفنون.....وكله اصالة نتاج تلاقح افريقي عروبي ما بتلقاهو في اي مكان في العالم السودان كان بلد منظم ومتفرد في علاقاته الاجتماعية..لكن التفلتات ضربت كل شىء من الاسفل كل شىء كان اصيل وخالد ومتاصل ...اصبح ملطشة زي السياسة وزي الاقتصاد وزي الفنون وزي الانسان السوداني الكان فريد من نوعه وفي احساسه وتفكيره وفي شهامنه...اصبح ملطشة للمايسوى من الحكام المجرمين.
Post: #19 Title: Re: دخل حفل الفنان الشاب محمد بشير في تشاد 31 � Author: Osman Musa Date: 02-25-2022, 11:01 AM Parent: #18
الأخ استاذ احمد ياسين سلام بتاع الطاره شكلو ماسك الشغلة هبتلي ساكت بتخيل لي ساعد في فرزعة بهجة اللمة . و ترك الراقصات في حيرة . وحتي الفنان احتار . وفي فيديو لحفل اليوم التاني فيه هجيج عجيب .
Post: #20 Title: Re: دخل حفل الفنان الشاب محمد بشير في تشاد 31 � Author: Arif Nashed Date: 02-25-2022, 02:07 PM Parent: #19
Post: #21 Title: Re: دخل حفل الفنان الشاب محمد بشير في تشاد 31 � Author: Osman Musa Date: 02-25-2022, 05:09 PM Parent: #20
استاذ عارف سلام القروش القدر بيجيبوها من وين يا عارف ؟ لكن جد الشاب عندو طريقة خطيرة لجذب المهججات . بعدين الناس ديل بنقطوا بدون توقف.
Post: #22 Title: Re: دخل حفل الفنان الشاب محمد بشير في تشاد 31 � Author: Osman Musa Date: 02-26-2022, 11:14 AM Parent: #17