ظاهرة إصطياد النّساء بالشِّعر الرّديء .. القصيدة السّنارة والطُّعمَة!!

08:18 PM February, 19 2022

سودانيز اون لاين
awad hassan-USA
مكتبتى
رابط مختصر

النّص :-
فتحــت لـيك
قلبي أبـواب حجـــرتين /
برضو فاتح
حجرة تالتة على اليمين /
حجرة ليك .. أتهني فـيها
حجرة لي أُمــك وابوكـي
حجرة لي هيثم أخوكي /
لو درتي حت لو حجــرة رابعة
برضو لي أُختك نبيها
مافي مانع أفتحيــها /
أنا طبعي زول في الحب كريم
ياحلــوة مــن زمـني الطّفــــل
قــلــبي فاتــــح للغــــرام
من غير ترابيس أو قِــفل
أدخليهــو أتهــني فيهــــو
أمشــي فيهـــــو وأقــــدلي
إلاّ مـــــا تستعجـــــــــلي
لو درتي تطلعي أطلعـي
لودرتي تنـزلي أنـــزلي
ماقلــبي دار مفتـوحة ليك
مفتاحـو عِنـــدِك في يديك
أفتحيهو وأقفــــلي
أمشي فيـهو اتمـهلي
بشيش عليك إتفسحي ما تستحي
ما تَخلَــعِـك نبضــــات حـــنانو
ولا تزعِجـِك خفــــقات جنـــانو
جـــــوّه الشّــــرَايين أمـــرحـي
إن دُرتِي تـفـــــرحي أفــرحـي
وإن دُرتي تجـــرحي أجــرحي
لا عليك ...
روحــي برضـــو بــراح لَدَيــك
نومــي فيـها أتمـــهــلي
بس علــيك ما تمـــرقي
لأنَهـا بتمــــرق معـــاك
تَبراَك محـــل ما تَقَبِّـلي
إنتي يا أســــرار هواي
أنتي بيك أملي ورجـاي
ما إنتي دايماً في جواي
لو كان بعيدة أوحـِداي
لو معاي ناس أو بـراي /
إ نتي في دنـــياي مَعـزّة
إنتي مُزّة ...
أشهَى من شُــربَة كوارع
ألـزّ مــن زمـن التّسكـــع
والحوامات في الشوارع
أحنّ من تعب الأسـانسير
مرّة نازل ومـرّة طــالع
أنا كيف أعيش وأحمل جفاكي
أســــــألي الناس المعاكي
لو صديقات أو أصـدقاكي
بين دموعي ونار هواكي
صار قلبي فيسبوك ليك براكي
هشتقــيني وبوكـــــــيني
مرميطـــيني وبلكــــيني
أعملي الدايــراهــو فيني
برضو ما بعشق سواكي
أنا فيك دايمأ طاقي جِرســه
إلا بــس ضــارباني فلـــسه
لا مظنّه ولا مدسه
جيبي فاضي ومخي فاضي
برضو راضي ب مراضي
لو قليبك مــرّة حسّه
............................
نواصل الحاصل