Post: #1
Title: اول سيارة سودانية تعمل بالكهرباء ،، تصميم سوداني
Author: عزالدين عباس الفحل
Date: 02-19-2022, 06:55 PM
05:55 PM February, 19 2022 سودانيز اون لاين
عزالدين عباس الفحل-ابوظبــــــــي
مكتبتى
رابط مختصر
بالسودان
تم اليوم ترخيص اول عربة
تعمل بواسطة الكهرباء
بدلا من الوقود .
وهي من تصميم سوداني
مع شركة اساسيات الصين لصناعة السيارات .
ويمكنها ان تقطع مسافة ٢٥٠ كلم
في حالة شحن بطارياتها الاربع
التي يمكن شحنها
من اي مصدر للتيار الكهربايء .
كما انها مزودة ببطارية
شحن طاقة شمسية
،،،،
****
منقول
،،،،
،،،،
عزالدين عباس الفحل
ابوظبي
|
Post: #2
Title: Re: اول سيارة سودانية تعمل بالكهرباء ،، تصمي�
Author: عزالدين عباس الفحل
Date: 02-20-2022, 06:21 AM
Parent: #1
متي ينطلق المارد العنيد من كبوته
الي الآفاق الي العلا
متجاوزا المحن والابتلاءات
والعنصرية البغضاء
ي رعااااااااااع
السودان في فج ضيق و قاسي
الي تقسيم جريح مرا
وتمزق وشتااااااات
الدماء السودانية الغالية
تهدر رخيصة .
***
،،،،
عزالدين عباس الفحل
ابوظبي
|
Post: #3
Title: Re: اول سيارة سودانية تعمل بالكهرباء ،، تصمي�
Author: عزالدين عباس الفحل
Date: 02-21-2022, 05:07 AM
Parent: #2
٠البلد الاغنى على الاطلاق
..............
خطرت على بالى خاطره.
هى البلد دى الدهب فيها فى الشماليه ولا الغرب ولا النيل الازرق ولا شرق السودان ؟
البلد دى حكايتها شنو؟
قريت تقرير امريكى بيقول ان اكبر مساحه مسطحه و خصبه على وجه الكوكب هى سهل البطانه .
تقرير تانى بيقول ان اليورانيوم الموجود فى السودان يكفى الكره الارضيه لو اعتمدت على الطاقه النوويه فقط لمده عشره الف سنه .
شاهدت بام عينى فى منطقه ام سقطه جنوب غرب قلع النحل ، جبال من الخامات النادره المتعدده . جبال كامله ، يظهر على سطح الارض الجزء اليسير منها، و الباقى مدفون تحت الارض .
تقرير اخر يقول ان الشركات الصينيه ذات الكفاءه العاليه و التكلوجيا المتطوره لم تجازف بالدخول فى استكشاف البترول السودانى خوفا من العقوبات الامريكيه السابقه و ان الشركات العامله فى مجال البترول هى شركات صغيره و بعضها انشىء خصيصا للعمل فى السودان و لم تستطيع استخراج البترول السودانى الا فى حدود المخزون السهل ، و هو قليل جدا بالمقارنه مع الموجود فعلا فى باطن الارض.
تقرير اخر يقول ان دول حوض النيل السودان و مصر و اثيوبيا يختصمون حول تقسيم ٧٤ مليار متر مكعب تقريبا و وصل بهم الامر حد الحديث عن حرب محتمله على هذه الحصه ، فى حين ان معدل الامطار السنوى الذى يهطل على السودان لا يقل بأى حال من الاحوال عن ٤٠٠ (اربعمائه) مليار متر مكعب. نعم، انا لم اخطىء فى الكتابه، ٤٠٠ مليااااار متر مكعب . ناهيك عن المياه الجوفيه التى تغمر جمييييع مناطق السودان ماعدا الشريط الساحلى على البحر الاحمر .
تقرير اخر يقول ان مجموع الاراضى الصالحه للزراعه فى مصر، و التى تطعم منها ١٠٠ مليون مواطن و تصدر منها منتجات زراعيه، هى عشره مليون فدان، فى حين ان الاراضى الزراعيه الخصبه و مسطحه و صالحه للزراعه بدون استصلاح فى السودان تزيد على ٢٠٠(مائتا ) مليوووون فدان .
ده غير ان السودان ما عنده مشكله انفجار سكانى كالهند و اسيا عموما و بعض الدول الاخرى التى اصبحت تعانى من التكدس السكانى الخانق و المستهلك لكل مساعى الزياده فى الانتاج.
ده غير ان السودان كله صالح للسكن و الشعب منتشر فى جميع ربوعه و ليس فقط على الشريط النيلى كغيرنا.
تقرير اخر يتحدث عن خصوصيه موقعنا الجغرافى المميز جدا و واعد و يربط جغرافيا و ثقافيا بين كل ما حولنا من تباينات جغرافيه و ثقافيه. جغرافيا، نحن ممر لاثيوبيا و تشاد و افريقيا الوسطى و جنوبنا الحبيب و ايضا ممر الى ليبيا من دول اسيا فى حال توقف قناه السويس عن العمل لاى سبب. و لعل العنت الذى واجهته اسرائيل بسبب عدم عبورها الاجواء السودانيه يوضح لنا اهميه موقع السودان لجميع دول الشرق و الغرب كممر جوى لا يمكن الاستغناء عنه ، ليس فقط لاسرائيل، بل لجميع الخطوط العابره . و لعل الحديث عن مديونيه امريكا للطيران المدنى(بغض النظر عن صحه المبلغ و تضخيمه) دليل على حوجه امريكا للاجواء السودانيه حتى فى ظل الخلاف الذى كان بين البلدين.
اما الحديث عن الصمغ العربى و الثروه الحيوانيه كما و نوعا . و نركز على نوعا دى كتييير، لان اللحوم السودانيه مصنفه الاجود عالميا ، مع امكانيه مضاعفتها عشرات الاضعاف بالاستثمار فى القطاع الحيوانى.
.................
لكل المذكور اعلاه ، و بعض الموارد الاخرى ايضا . من الواضح للاعمى قبل البصير، و للجاهل و العالم . ان السودان هو اغنى قطر على الاطلاق على سطح الكره الارضيه ، و ان ما به من موارد، لا يمكن مقارنتها باى دوله بتروليه او دوله تكنلوجيه اخرى، خصوصا ان هذه الموارد غالبيتها متجدده .
.................
ارفع راسك فوق ، انت سودانى. و فى الغالب ، مواردنا هى سبب بلاوينا ، لان الشجر المثمر فقط هو الذى يُقذف بالحجاره. و علينا ان ننتبه جيدا لما بين ايدينا و نحافظ عليه و نحسن استغلاله .
اخيرا ، اعتقد ان الكيزان اغبى مخاليق الله ، لانهم لو ادركوا ما سيطروا عليه من ثروات هائله و احسنوا استغلاله ، لكانوا استطاعوا ان ينهبوا اضعاف مضاعفه لما نهبوه فعلا، و فى نفس الوقت ، يقوموا بالهاء الشعب برفاهيه تنسيه ما نهبوه و يبقوا على كرسى السلطه لفتره طويله جدا.
لكنهم اغبياء و اكتفوا بالقشور، هذا طبعا غير الغباء بسبب كون الحرامى اصلا خاسر فى كل الاحوال.
بالمقارنه مع امكانيات السودان، الكيزان نهبوا نقطه من بحر الثروات السودانيه ، و الخساره الحقيقيه التى خسرناها هى الزمن الضاع و ليس المليارات المنهوبه.
................
الخاتمه.
نرمى قدام ، و ما نخلى بكانا على النقطه الاتنهبت تنسينا اننا عندنا بحر فى انتظار استغلاله . فنحن الان غارقين فى مستنقع الماضى و ويلاته على حساب المستقبل و مآلاته .
ارموا قدام .
................
مهندس/ احمد دياب
***
،،،،
،،،،
عزالدين عباس الفحل
ابوظبي
|
Post: #4
Title: Re: اول سيارة سودانية تعمل بالكهرباء ،، تصمي�
Author: Abureesh
Date: 02-21-2022, 07:00 AM
Parent: #3
شكرا عزالدين على الاخبار المفرحة حقا.. اليوم يتعاونوا مع الشركة الصينية وبكرة
لا يحتاجون الاستعانة بصديق. كامل الاحترام.
|
Post: #5
Title: Re: اول سيارة سودانية تعمل بالكهرباء ،، تصمي�
Author: عزالدين عباس الفحل
Date: 02-22-2022, 12:34 PM
Parent: #4
Abureesh
سلااااااااام
الاخ الفاضل ابو الريش
فعلا السودان لو يعلم الساسة
علم اليقين
بما يمتلك السودان من مقومات
اصول وعقول نفيسه.
لكنا في صفوة الدول المتقدمة
التي يشار اليها بالبنان
التحايا العطرة.
،،،،
،،،،
Quote:
شكرا عزالدين على الاخبار المفرحة حقا.. اليوم يتعاونوا مع الشركة الصينية وبكرة
لا يحتاجون الاستعانة بصديق. كامل الاحترام
Abureesh
|
عزالدين عباس الفحل
ابوظبي
|
Post: #6
Title: Re: اول سيارة سودانية تعمل بالكهرباء ،، تصمي�
Author: عزالدين عباس الفحل
Date: 02-24-2022, 06:19 AM
Parent: #5
السودان عبثت به الأهواء
بالساسة الخطأ
فدفع الثمن باهظا .
،،،،
،،،،
عزالدين عباس الفحل
ابوظبي
|
Post: #7
Title: Re: اول سيارة سودانية تعمل بالكهرباء ،، تصمي�
Author: عزالدين عباس الفحل
Date: 02-28-2022, 07:31 AM
Parent: #6
امس بالليل الغريب في ابوظبي . مشيت الصيدلية اجيب لي دواء بتاع Toothache . بعد أن شاخت الاسنان القويه التي كانت تكسر الصخرة الصماء وتهرس وتطحن العظام.في عيد الاضحي المبارك. ااااااااه. لقيت صيدلي سوداني زهجاااااان وقرفات وصاري وجهو زي التعريفة في بلاد الخليج العربي اليانع البليل . وبمجرد ما دخلت عليهو اتكلم معاي باللغة الانجليزية افتكرني هندي . قمت اقحمته بلغة إنجليزية بليغة رصينة من تيراب اهلها النصاري ..لساني اتعوج 180 درجة . استغرب الدكتور الصيدلي من اللسان الانجليزي الطلق الرصين لكن في جلباب سوداني ناصع البياض...فجاءة قال لي ؛،
انت سوداني ؟؟؟؟
قلت ليهو ؛-
اااااااي وكمان جعلي سعدابي من كبوشية . شبعان حليب ضان والمراح والغنم والابل والبقر مد البصر.
رد علي :-
طيب مالك بتتكلم لغة الافرنجة. ؟؟؟؟
قلت ليهو ؛-
انت البديت والبادي اظلم .قايلني هندي .
الزهج لزومو شنو من صفوف البنزين والا انقطاع الغاز والا جيعان ما لاقيك ليك عيشه تقرضها ...؟؟؟؟؟
ضحك كثيرا حتي ارتمي الي الخلف واعتذر في خجل وحياء الضعفاء.
قلت ليهو ؛-
كويس بتعرف الامين العام للمجلس القومي للادوية والسموم بالسودان ؟؟؟
ذكر لي اسم الحاج.
قلت ليهو:-
لا
رد سريعا كان في واحد ترك سيرة عطرة وساهم في تطوير المجلس ورفع سمعة الدواء. وشجع التصنيع الدوائي المحلي . لكن عليه رحمة الله انتقل الي الدار الاخرة سريعا في عمر الزهور .
قلت ليهو ؛-
عليه رحمة الله اسمو منو طيب ؟؟؟
قال بعد أن رفع رأسه أعلى الي السقف.
- اسمو اسمو ايوة اسمو
دكتور الزين عباس الفحل.
لكن توفي عليه رحمة الله.
قلت له ؛-
دا اخوي دكتور الزين عباس الفحل . شقيقي الأصغر.
عليه رحمة الله تعالي ..
هنا استغرب الدكتور الصيدلي وتأثر وحزن حزنا عميقا.
وقال :-
كان انسان شهم وضكر ونضيف
وعفيف اللسان واليدين.
كان شغال باخلاص وتفاني ووطنية وصاحب شخصية قوية فولاذية رغم انه كان وديعا وخدوما لكل الناس.
الناس الزي الزين دا ما بيعيشوا
كثير...
،،،،،،،،
،،،،
عزالدين عباس الفحل
ابوظبي
|
|