سفه،،،،،، و تخميسه،،،،،

Post: #1
Title: سفه،،،،،، و تخميسه،،،،،
Author: علوبه
Date: 02-09-2022, 03:14 PM

02:14 PM February, 09 2022
سودانيز اون لاين
علوبه-KSA - Sudan
مكتبتى
رابط مختصر

*بي📝 الحنين،،،،*
*د. علي الشيخ ،،،،،*

*سفه و تخميسه*،،،،
اجع الكيس لو سمحت،،،، ،،،
فك النفس🚬 يا فرده،،،، ،،
و كرت♠️♣️♥️♦️🃏 المخاوه ،،، ،،
زمان الحبايب ما بتفرقوا،،،
زمن الحبايب،،،،
بتلموا في صحن بوش
و بخمسوا السيجارة،،، و بسفوا من كيس واحد،،،،
ديل البسفوا ،،، حلال،،،
هسه السف بقي اجتهاد فردي،،،، تدي الزول قروش،،، ما تديهو كيسك،،،، وأهم حاجه تضمن سفة الصباح حقت فك الريق،،،،
الناس خلت شيل الحقه،،،، زمن تطلع الحقه من جيب العراقي و تديها نقره بي كوعك 💪،،،، و طرف اصبعك 🤞،،، زي نظام الرقم السري،،،، بعدها تفتح الحقه،،،، و تديها جرة نفس طوييييييله👃🏻،،، دي حركه زي التعارف و كت الناس تجي تخطب،،،،
و منها تدردم ليك سفه ،،،، دقار قندراني ،،،،، و سريع،،، سريع تدخل حقتك في جيبك،،،، ،،،،
فن السفه،،، دي ما اي زول بعرف بختها،،،، زي اللعيبه الحريفين،،،، وكت تسديد ضربة الجزاء،،،،
الناس البشنقوا السفه،،، فوق،،، ديل مهنيين ،،، ناس دبلوماسيين شديد،،، بهندموا الموضوع،،، بدلعوا كيس التمباك،،،، بلفوهو بي مناديل ورق،،،، زي الشافع عمره ٧ شهور،،،، و في تقنيات حديثه،،،، يجففوه من نزة العطرون،، ،،، هاك منديل ام كلثوم ده،،،،،،
في اتفاق،،، مابين الراجل و مرته،،،
* دس الكيس من أولادك،،،
* ما تجي البيت خاتي ليك سفه،،،،،
* ما تسف قدام اهلي،،،،
*دي بنود اتفاق شهر العسل،،،*
بعد تمر الأيام و تعدي،،، عادي،،، الراجل ممكن يقول لي مرته،،، عليك الله ناولني كيس التمباك،،،،
بالعربي كده زاغ من الوثيقه الدستوريه،،،
*التخميسه*،،، مفرده،،،
نتفرد بيها وممكن اقول،،،، حاجه حقتنا برانا،،،،
*صنع في السودان*،،،،
في الواطه دي نحن قاعدين نخمس لي بعض،،،
خليك من اخر نفس،،،
في المواصلات بنضاير و نزح لي بعض،،،
كوز زمان كان نضيف و بنشرب بيهو كلنا و بنخمسوا و ببل العطش و الله،،،،

اخر مره خمست شنو
يا زول،،،،

يا زمن وقف شويه،،،

زي مابنقول،، ،،،
الحله ،،،،، بصل،،،،
الفول ،،،،، زيت ،،،،
*نتلت الكلام ونقول*،،،،
التمباك،،،، عطرون ،،،،،

*في حاجه تانيه و لا نسف،،،،*

زمن الزمن الجميل،،، بعد الناس تاكل،،،، و تحلى،،،، و تشرب الشاي،،،
بجي سؤال،،،، متعارف عليه،،،
اها يا جماعه عندكم حاجه تانيه و لا نخت لينا سفه ،،،،،
نحن نقول شرحو،،،
اها يا ناس،،،،
*دي اسمها التستيفه،،،،*

*د.علي الشيخ*
*الحنين*
*امدرمان*
*٩ فبراير ٢٠٢٢*