|
Re: الناس الناوين يحضرون كأس العالم في قطر ال� (Re: أبوذر بابكر)
|
والله يا جماعة ابوذر دا زول شفت شفتنة عيال ريودي جانيرو زاتو . ياخ بقيانك للحاج حياتي بس إلا لامن كأس العالم باقيلو شهور ؟ والله جنس حرفنة . ياخ دي رونالددينو ما سواها. غايتو حظك تحضر كأس العالم مع قريبك بدرالدين وتطلع ليكم ورثة في جنينة المنقة حقت جدك حياتي. هههههههها
| |
|
|
|
|
|
|
Re: الناس الناوين يحضرون كأس العالم في قطر ال� (Re: Osman Musa)
|
هههههه
لا والله يا ابو عفان انا زول مسكين جدا الكديسة تاكل ايسكريمي خليها الغنماية ديك البتاكل العشا
انا قلت اشاغل بدر الدين بي اربجي وعشان ادعم موقفي قلت ليه أهلنا الهناك سبحان الله طلعو اهله هو ذاتو
مافي طريقة لي حضور المونديال يمكن بس لو الزول لقى فرقة وقت يخفس ويحضر النهائي
المشوار قريب من دبي
| |
|
|
|
|
|
|
Re: الناس الناوين يحضرون كأس العالم في قطر ال� (Re: أبوذر بابكر)
|
ابو ذر المهندس الكهربائى القمر عبدالله حياتى كان من أوائل الذين فنشتهم حكومة الكيزان بعد ماكان من كبار مهندسى محطة برى الحرارية بعدها هاجر لسلطنة عمان كان يعمل في محطة بالقرب من مضيق هرمز ومن ثمة هاجر لأمريكا يعمل حالياً سواق تكس بشيقاقواخر مرة زار السودان الشقيق قبل ثلاثة سنوات لتلقى التعازى في رحيل والدته صفية بت محمد على الشائك سافر للسودان عبر الخطوط الجوية القطرية قضى معى يوم رغم الاحزان والقمر كما تعلم ملك السخرية ضحكنا كثيرا وبكينا كثيرا وهو من قراء المنبر الدايمين بس من يعوبه أنه صديق التاكسى الشهير هشام هبانى الكافر
| |
|
|
|
|
|
|
Re: الناس الناوين يحضرون كأس العالم في قطر ال� (Re: بدر الدين الأمير)
|
الأخ الكريم بدرالدين سلام البوست دا مهم جدا . حقو يا بدر توضح في البوست كل حاجة تخص قطر وكأس العالم . 1_ شنو الطيران المناسب للدوحة . 2_ الفنادق من نجمة ولاحدي 5 نجوم 3_ المواصلات 4_ المطاعم الشعبية وخلافها 5_ تقدير التكلفة لمدة أسبوع 6_ وصايا منك للناس الناوين زيارة قطر . مع جزيل الشكر
| |
|
|
|
|
|
|
Re: الناس الناوين يحضرون كأس العالم في قطر ال� (Re: Osman Musa)
|
عثمان موسى يا ابو فديوهات بدون فديهات مثلا مثلا الرطانى عزام فرح ساكن في ضواحي الدوحة بالقرب من استاد احمد بن محمد أحد استادات كأس العالم ومن عندى لحدى مسكنة عشرة دقائق بالمترو على فكرة لحدى الآن عزام فرح ماجايب خبر انو قطر فيها مترو ومن تحت الارض
| |
|
|
|
|
|
|
Re: الناس الناوين يحضرون كأس العالم في قطر ال� (Re: بدر الدين الأمير)
|
عثمان موسى بالله عليك ده سؤال تسأله وتقول شنو الطيران المناسب للسفر لقطر؟؟ والله لمن كلمت امتثال بسؤالك ده ضغط دمها ارتفع ... يعني في خطوط طيران اروع من الخطوط القطرية!!؟؟ مفروض اي واحد عاوز يحضر مباريات كأس العالم ويصل الدوحة على خطوط غير القطرية يرجعوهو من المطار....
| |
|
|
|
|
|
|
|