الانقلابيين يستخدمون سياسة الخنق وتأزيم الوضع المعيشي.

10:51 AM February, 07 2022

سودانيز اون لاين
Arif Nashed-
مكتبتى
رابط مختصر

وسيلة قذرة يستخدمها الانقلابيين في خنق المواطن معيشيا.
انها وسيله مصطنعة لتأزيم الوضع المعيشي والخدمات لإشغال المواطن
ومحاولة لجعل هذه الأمور هي الغاية التي يتحرك من أجلها المواطن.
ارتفاع اسعار المواد الاساسية التي تمثل العصب الرئيسي للمجتمع.
الوقود
الكهرباء
تعرفة المواصلات
الدقيق
.........الخ من السلع الاخري.

موجة غلاء بالأسواق بعد رفع سعر الوقود
7 فبراير، 2022
ثارت مخاوف في الشارع السوداني من موجات غلاء للسلع والخدمات، بعد إعلان وزارة الطاقة والنفط السودانية رفع أسعار الوقود بنسبة 20%.
وأدى القرار الذي صدر، أول من أمس، إلى تكدس عشرات السيارات أمام محطات الوقود، وشكا سائقو الشاحنات وحافلات السفر والمواصلات المحلية من الزيادة، التي أكدوا أنّها ستؤدي إلى ارتفاع أسعار خدماتهم.

وتعتبر هذه الزيادة الثالثة منذ بدء رفع الدعم عن المحروقات في العام الماضي، إذ تأثرت بها قطاعات أساسية وأثرت بدورها في زيادة أسعار السلع والنقل والمواصلات المحلية.
ويقول اقتصاديون إنّ الفترة المقبلة ستشهد مزيداً من الارتفاع في أسعار جميع السلع الأساسية، نتيجة لهذه الزيادة التي وصفوها بالكبيرة، كذلك فإنّها ستؤثر سلباً بالمواصلات والزراعة والصناعة..

العربي الجديد

ارتفاع تعريفة المواصلات في الخرطوم

7 فبراير، 2022
نفذت بعض خطوط المركبات العامة الأحد، زيادة في تعريفة المواصلات، حيث زاد اصحاب حافلات بحري الخرطوم التعريفة الى (200) جنيه، مقارنة مع (150) جنيه حتى يوم أمس، بينما زاد اصحاب الحافلات الكلاكلة اللفة – الإستاد التعريفة الى (300) جنيه مقارنة بـ(250) جنيه، فيما زادت تعرفة الأمجاد من جاكسون الى الخرطوم وسط الى (200) جنيه بدلاً عن 150 جنيه.
وبرر اصحاب المركبات بحسب الاحداث نيوز الزيادة لزيادة اسعار الوقود أمس.

زيادةٌ جديدةٌ في أسعار الوقود بالخرطوم
 5 فبراير, 2022
الخرطوم : الطيب علي
طبّقت محطات الوقود بولاية الخرطوم، زيادة في أسعار المواد البترولية وارتفع سعر جالون البنزين بموجب الزيادة إلى 1868 جنيهاً عوضاً عن 1640 جنيهاً، كما ارتفع سعر لتر البنزين إلى 415 جنيه بدلاً من 362 حنيهاً، بينما قفز سعر لتر الجازولين الى 407 جنيهات بدلاً من 347 جنيهاً ليقفز سعر جالون الجازولين الى 1831 جنيهاً بدلاً من 1561 جنيهاً.
وقالت مصادر موثوقة في قطاع الطاقة لـ(السوداني)، إنّ ارتفاع أسعار الوقود يعود إلى تدني قيمة الجنيه في الأسواق المُوازية للعملات وارتفاع أسعار الوقود عالمياً.

زيادةٌ جديدةٌ في أسعار الوقود بالخرطوم
 5 فبراير, 2022
الخرطوم : الطيب علي
طبّقت محطات الوقود بولاية الخرطوم، زيادة في أسعار المواد البترولية وارتفع سعر جالون البنزين بموجب الزيادة إلى 1868 جنيهاً عوضاً عن 1640 جنيهاً، كما ارتفع سعر لتر البنزين إلى 415 جنيه بدلاً من 362 حنيهاً، بينما قفز سعر لتر الجازولين الى 407 جنيهات بدلاً من 347 جنيهاً ليقفز سعر جالون الجازولين الى 1831 جنيهاً بدلاً من 1561 جنيهاً.
وقالت مصادر موثوقة في قطاع الطاقة لـ(السوداني)، إنّ ارتفاع أسعار الوقود يعود إلى تدني قيمة الجنيه في الأسواق المُوازية للعملات وارتفاع أسعار الوقود عالمياً.

من بوست للاخ زهير
تم اليوم تطبيق ضريبة أرباح الأعمال ال 30% للعام 21 للتجار والشركات بنسبة زيادة 100% والمجال الصناعي ضريبة 15% بنسبة زيادة 50%.

كل ذلك سوف يؤثر على أسعار السلع
وكل هذه الزيادات ستكون اعباء اضافية علي ظهر المواطن.
(الضرب تحت الحزام).

زيادة رسوم النفايات بالخرطوم 500%

8 فبراير، 2022
طبقت هئية نظافة ولاية الخرطوم زيادة جديدة على رسوم النفايات بنحو 500%.
وبحسب صحيفة الانتباهه الصادرة اليوم الثلاثاء أن الرسوم الشهرية التي تجمعها الهيئة من أصحاب المحلات التجارية، حيث وصلت رسوم نفايات محلات الفول والطعمية والاسماك 5040 جنيهاً، والمطعم السياحي 5400 جنيه، ومقهى الانترنت “صالة” 7560 جنيها ومقهى انترنت “دكان” 5040، بينما حددت رسوم أماكن القهوة محل أكبر من 16 متر 2520 جنيهاً، ومحلات بيع الأسماك واللحوم البيضاء 100800 جنيهاً.

سودان مورنيغ

========================  
تعليقات بعض القرأ
   
يقول Mohamed Abdallah Ali:
خرج الشباب فى التظاهر ضد الانقلاب والمطالبة بالحكم الديمقراطى .. واجهوه انتقادات من جل الكتلة الصامتة على خروجهم .. لم يفتر الشباب ولم يتراجعوا … الان سيخرج الجميع غصب …

يقول العازة بت الشول:
بالضبط كده
الانقلاب ده وحلان يا محمد فيهو 3 شركاء برهان وحميدتي والكيزان وكل واحد بيكون ناوي يغدر بالتاني بالإضافة لي الوضع الاقتصادي حيخنقو
قروش مافي لا سعودية ولا امارات حتدفع امريكا هارشاهم روسيا ومصر ديل ما بيدفعوا بينهبوا ممكن يدوهم سلاح بمبان وشغل مخابرات لكن قروش مافي

يقول Sudan Vision 2300:
مافي واحد يدفع ولا مليم يجب محاربة أي رسوم او جبايات هذه الفلوس سوف تذهب لحركات الإرتزاق والجنجويد والعسكر اللصوص يجب خنق العملاء حتى آخر نفس في حياتهم !!!!

يقول رقراق:
رأيت ############اً , يخطب اليوم عن النظافة وينذر الأوساخ بالعقاب , وحوله , يصفق الذباب .
كتبها أحمد مطر بعد أن سمع قصيدة الشاعرى الذى ألقاها بعد أن رأى وزير ماليتنا على التلفاز وهو يرتدى عباية وعمامة يخرج من أوصالها شالها ملونا وجدلات من الصوف تتهادى على ناصيته وخدوده السمحة , حيث قال حينها :
ومن الجماعه كالضبيب المنتفخ *** متبخترا , يسحب ثويبه من _ ( ورا ) !.

يقول نجلاء عبدالعزيز عبدالله:
طيب كيف وهم بشيلوها مع قروش الكهربا والمويه ربطوهم مع بعض ويوم واحد ما شفنا عربية نفيات جات حلتنا

يقول النسر الجارح:
لا بد من هذه الاجراءات لدعم رواتب اتفاقية جوبا المشؤمة

يقول Fahad:
وكأنه يعلم أنها فرصته الأولى والأخيرة ليمارس انتقامه من الشعب وخصوصا سكان الخرطوم ولا ينتبه انه قد يأتي يوم يحرم عليه دخولها ولو على أجساد ساكنيها

يقول العازة بت الشول:
جبريل كمان لو استعجلتا طبعتا الجنيه رب رب رب
يكون كويس عشان تغوروا من وشنا سريع
إنقلابكم ده وحلان وعيبكم الكبير ما بتعترفوا بالغلط كعادة الاسلامويين وعسكر الدول المتخلفة والمليشيات
لكن نسأل الله أن يكون إنقلابكم ده للممايزة الصفوف ونعرف منو بالجد مع حرية سلام وعدالة ودولة مدنية ديمقراطية
رغم القتل والتعب والضنك ربنا يريد بالسودان واهله خيراً
اي لف ودوران اتعمل من بداية الثورة سبحان الله بيرتد على كل من هو ضد إرادة الشعب السوداني

يقول سودانية مغبونه:
يا جماعة الخير ما تهيجوا ساكت فالنفايات كثيرة ومُرهِقه ، فالبوم يقصد الهركات المُستوطنه بوسيخة جوبا!!!!

يقول البرعي:
غايتو يا جبريل سعرت عديل
دولة المكوث والجبايات
كنا بنسمع بزيادات 10% أو 20% لتغطية الميزانية
لكن 1000% و 2000% دي بعني انت مستخري الشعب وما خايف من ردة الفعل
دي ميزانيتك و مواردها الحقيقية؟

يقول ممغوص:
هو فى نفايات أكتر منكم يا فكى جبرين, انتو أخطر نفايات على صحتنا و على حياتنا!

بعد الكهرباء والغاز.. حكومة البرهان تتجه لزيادة القيمة المضافة على السكر المستورد

8 فبراير، 2022
الخرطوم: الراكوبة

كشفت مصادر وزارية مطلعة عن إتجاه وزارة المالية القيمة المضافة على السكر المستورد، بنسبة مقترحة مابين 20 بالمئة إلى 25 بالمئة.
واكدت المصادر لـ”الراكوبة” أن الخطوة تأتي بغرض زيادة الإيرادات.
ورفعت الحكومة المكلفة تعرفة الكهرباء ما خلق تذمراً واسعاً.
وأعلن وزير المالية في وقت سابق زيادة الرواتب، لكن الخطوة لم تتم، وتم تحويل الرواتب بوضعها القديم.

يقال بأن سعر الرغيفة بلغ 50 جنيها

الحرية والتغيير مافي
نشوف الفشل منو في الاقتصاد
يورينا جبريل شطارته

ده ما مقصود ،،، ده فشل اقتصادي ما قادرين عليهو

سلام عليكم عارف
الغلاء متدد
3 قطعخبز ب100 جنيه +1 ..يعنى تشترى 8 ب200 يدوك 7 او 9 ب300 يدوك 10 (دا شائع فى اغلب مخابزالاحياء) يبدو انهم برضو عرفو انو لازم الناس تتشايلوتتنازل شويه
صاحب دكان جنبنا يشتغل ويكون فاتح وقت الفطور بوالعشاء (قدره الفول) لكن بخلاف ذلك غالبا يقفل الدكان ويشتغل بالركشه
الليله مشيت اشرى كهربا من مكتب الكهربا الرئيسى لقيت ورقه توضحانو الكهربا تتباع فى مكتبه (فلان) امام مكتب الكهربا ما اديت انتباه كبير للموضوع دخلت لقيت الناس قاعده فى المقاعد ما اشتغلت بيهم (طبع السودانى اى مكان ترطيب دايرين يركلسو) الموظفه غير الموظفه المعتاده (من سنوات ) ومديت القروش قالت شبكه ما فى
طوالى انتبهت لموضوع الاعلان
يبدو انها عمليه مرتبه فى عهد اللادوله بيع الكهربا فى المكتبه برا ولانعلم من المستفيد من الموظفين من ماتجنيه المكتبه من ربح(قيمه خدمه البيع خارج نقاط بيع الكهربا (مكاتب الكهربا الرسميه)
اخبارتسرى عن اضافه النفايات زياده على المويه لفاتوره الكهربا لكن لسه ماتم تطبيثها ومامعروف تكون كم ؟
الاسعار فى السوق فى تزايد عبوه الزيت (لتر ) من 950 بقت 1300 كمثال
اما المواصلات حدثولاحرج فوضى فى التسعي وكل واحد يفرض تعريفه نقل حسب ظرف الزمان وحجم ضغط الحركه فى اوقات اذروة حركه المواطناو ندره المواصلات
انقاذ2 سا عارف اسوء من اقناذ 1 وحيورى الناس الويل مالم يجتث مايسمى بنى كوزبثوره حقيقيه تقضى فعليا على وجودهم

Quote: الحرية والتغيير مافي نشوف الفشل منو في الاقتصاد يورينا جبريل شطارته ده ما مقصود ،،، ده فشل اقتصادي ما قادرين عليهو

جعفر تحياتي
تدني الإنتاج وجود منافسة احتكارية داخل الأسواق تساعد
على ارتفاع أسعار السلع والخدمات وايضا يسهم في ارتفاع
التضخم فالدولة ليست لديها موارد وعليها التزامات مالية
تجاه جيوش المليشيات التي اتت بهم اتفاقية جوبا.
المورد الوحيد المتاح امامها جيب المواطن.