نشاط فظيع لتهريب الفحم وقطع الغابات في الزمن المافيه حكومة

08:31 AM February, 03 2022 سودانيز اون لاين
Osman Musa-
مكتبتى
رابط مختصر

(adsbygoogle = window.adsbygoogle || []).push({});

بوابات ما ليها حد اتفتحت
في الشمال والشرق والغرب لتهريب الفحم السوداني.
وفي عز دي الدربكة ينشط قطع الغابات دون فرز لكونها
هي الحافظة لتوازن الطبيعة في البلاد .
... يا جماعة العملو د. حمدوك في أيام قليلة .
ساطوهو الجماعة بعناد وجهل وحسادة وبقصد السرقة .
البلد طالقة ساكت .
المحروس فقط القصر والقيادة و مطامير الدهب .

مشكلتنا ياعثمان انو نحنا ناس كلام فى الميديا
لكن الفعل والتجاوب على الارض مافى
البيحصل نتيجه قصور تنفيذى وكانات عمل عام لاتقوم بواجبها تجاه القضايا اللى هى من صميم واجباتها
الاباده البيئيه (Ecocide)الاباده البيئيه (Ecocide)
وفى مشروع بيئى مهم اتكلمت عنو هنا لكن لا اعلاميين ادونا افاده عن وضعالمشروع القارى دا فى السودان ولا بيئيين قدمو ما يليهم ؟
Great Green WallGreat Green Wall

السيد / Asim
سلام
في سوق ام دفسو كل الأشياء مستباحة.
قتل الأشجار وقتل الثوار سوا سوا .
شغل ممنهج.
اطعن بالسكين ام شرشر والبد ماهي البلد في موسم الطلاق.

عثمان سلام..
شاهدت فيديو يعلق فيه أحد أبناء الوطن المهمومين بالكارثة يقول فيه أن منطقة الدمازين
تُقطع وتُحرق فيها غابة بحالها كل خمسة أيام ( شحنة 200 لوري يوميا).
قال إنو المسؤولين في مصلحة الغابات ديل مفروض يحاسبوا لأنها تقع ضمن مسئوليتهم المباشرة.
والله يا عثمان حاجه تحرق القلب من الصبح وكأنما نحن ناقصين.
كل يوم تكتشف أن الخونة من عينة (أنا وبعدي الطوفان) يتواجدون في أي بقعة مما تبقى من الوطن
والبيع كان بالقطاعي هسه بالجملة وبالشيكل. .
السنه الجايه دي ما ح تلقى في الأطلس دولة إسمها السودان.
البيع والقضم من كافة الإتجاهات، غربا وشمالا وشرقا وجنوبا،
لصوص الإنقاذ باعوا سودانير وسودان لاين والسكك الحديديه والنقل النهري وسوداتيل والميادين
وفصلوا ثلث الوطن وأي حاجه ممكن تتباع باعوها ، حتى أن أحد منسوبيهم، أظنه المدعو عبدالرحيم،
قال (جينا لقينا "الحِتت" كلها اتباعت)..

قت ليك النسور رابضه تنتظر طلوع الروح عشان تشيل نصيبها من الجثة، والدولة
لامن تكون دولة قاعدة لفترة 100 يوم بدون حكومه دي معناها أنها تنتظر أن ينزعوا عنها أجهزة التنفس الصناعي.

الأخ المستشار محمد المرتضى
سلام
في أمريكا بيدوك 15سنة سجن لو تبيع صابونة حمام تقليد لماركة
من الماركات.
ويومك اسود لو تصيدليك زرزور من زرازير ال US
في بلاد شيخنا البرهان القال حلمان ابوهو قالو حتكون في يوم البريزدنت حق هادي البلاد
السايبة.
ممكن مش تشتر زرزور. تشتر زول رصاصة وهو واقف منتظر البص عشان يمشي الحاج يوسف
لاطفالو بعد ما كان راجع مع زوجتو من العيادة .
تخيل الزول دا اتكتل في محطة البص . مات من كتر النزيف .
الشجرة في دي البلاد ما عندها قيمة . والانسان برضو .

بالمناسبة الفحم حقنا دا لو اتقطع مكعبات صغيرة و اتقرطس
و وضع في علب محترمة مافي فرق بينو وبين الدهب .