Post: #1 Title: أو الوفاق السياسي! Author: محمد البشرى الخضر Date: 02-03-2022, 08:06 AM
Quote: البرهان : لن نسلم أمانة السلطة إلا لمن يأتي عبر الإنتخابات او الوفاق السياسي الفاشر ٢-٢-٢٠٢٢م
Post: #2 Title: Re: أو الوفاق السياسي! Author: محمد البشرى الخضر Date: 02-03-2022, 08:11 AM Parent: #1
"أو الوفاق السياسي" دي جديدة! يا ترى ما المقصود منها هل قصة الانتخابات ما عادت تكفي بعد ما دار في الجلسة ديك! و الكلام عن عند الاعتراف او القبول بانتخابات مطبوخة! أم هناك ضغوط ما غير ظاهرة! السؤال كيف نقرأ هذا الخطاب الجديد؟ اهو تهديد أم رضوخ؟
Post: #3 Title: Re: أو الوفاق السياسي! Author: nazar hussien Date: 02-03-2022, 08:30 AM Parent: #2
هو تهديد يا محمد, ليس في نية البرهان تسليم السلطة لأي جهة والسبب بسيط جدا...فحتي التوافق السياسي او الوفاق السياسي سيكون مفصله علي حسب مقاسه...تجيب ليه اي وفاق سياسي ح يقول ليك لا دا وفاق زرارته مقطوعة
Post: #7 Title: Re: أو الوفاق السياسي! Author: نعمات عماد Date: 02-03-2022, 08:50 AM Parent: #3
سلام يا باش كما تفضل ضيفك ، القتلة يشترطون الوفاق من باب التعجيز و استباق المبادرات. يبدو إن الإنتخابات المخجوجة تمثل آخر طوق نجاة لهم. فرض هيبة الدولة على المخربين يقصد به قتل المتظاهرين في كل أنحاء السودان لان الدولة بالنسبة لبرهان و حميدتي هي أنفسهم و الشعب هو كل من يؤيد الإنقلاب.أما أغلبية الشعب فهم مخربين يجب قمعهم و قتلهم حتى يقبلوا بالانتخابات المخجوجة أو ربما حكومة يعينها برهان المنافق الذي يتحدث عن نازحي دارفور كانه لم يكن سبب نزوحهم و حرق قراهم.
Post: #4 Title: Re: أو الوفاق السياسي! Author: طلحة عبدالله Date: 02-03-2022, 08:33 AM Parent: #2
Quote: السؤال كيف نقرأ هذا الخطاب الجديد؟ اهو تهديد أم رضوخ؟
يعنى كدا خلاص اثبت انك عميق ومحلل بى دقنو ؟ لازم تبهل التوم والشمار في أية حاجة حتى لو كانت مجرد كلام ساي كما اعتدنا من العساكر والسياسيين في البلد المنكوبة دي ؟؟ عبارة حفظا في مكان ما او جرت على لسانو عفويا ساي كدا شنو طوالي شعبطت فيها ولحنتها جرجير أخد اجازة بلا كيف تقرأ بلا حركات مثقفاتية فارغة معاك
Post: #5 Title: Re: أو الوفاق السياسي! Author: Salah Zubeir Date: 02-03-2022, 08:34 AM Parent: #2
Quote: الوفاق السياسي
عيبو لي ... بعد شيلة علامة التعجب ... أوليس من حقنا ان نتفق على الحد الأدنى ونخلي سفينة نوح العالقة دي تتدردق ...؟ هل المأمول بهذا البوست وضع المتاريس قبل وبعد الكلمتين ديل وتظل الساقية لسع مدورة ...؟
قبل أسبوعين لاحق دافنه في احمد شرفي اتحركت من شرق النيل ١٥ دقيقة بعد الساعة ١ ظهرا الدفن الساعة ٥ مساء ... بعد ٢٠ دقيقة وبي شارع النيل من كبري المنشية وصلت تحت كبري شمبات ولقيت عيال بيت المال مترسين ... دخلت بيت المال ووجدت تروس كثيرة جدا في كل الشوارع الداخلية وبعدها ابروف اسوء بي كتير جدا .... المهم بعد نضال مرير وبعد الساعة ٦ ونص مساء رجعت شارع النيل بعد تخطينا ابروف عن طريق الشوارع الداخلية ... ومشينا بيت البكا في الحارة ١٣ وعزينا عادي ورجعتا اهلي سالم غانم ... نسأل الله أن يفك كربة هذا الشعب المطحون بي نخبته ...
Post: #6 Title: Re: أو الوفاق السياسي! Author: طلحة عبدالله Date: 02-03-2022, 08:38 AM Parent: #5
Quote: هل المأمول بهذا البوست وضع المتاريس قبل وبعد الكلمتين ديل وتظل الساقية لسع مدورة ...؟ .
عزيزنا صلاح الزبير برضو لاحقك يا جرجير أبسط يا عم الناس خخخخخخخ
Post: #8 Title: Re: أو الوفاق السياسي! Author: محمد البشرى الخضر Date: 02-03-2022, 09:54 AM Parent: #6
فعلا يا نزار قصة تسليم السلطة دي الا بترتيبات تضمن ليهم استمرار الامتيازات و الحماية من المحاسبة! غير كدا لا احد يثق في العساكر ووعودهم
قصة الانتخابات دي معروفة و منذ فض الاعتصام يا نعمات, الجدت قصة الوفاق دي أمس, هل هي رسالة لجهات معينة ام ماذا
ما فهمتك يا ود الزبير, حاولت اتابع الخريطة الزمنية دي وبرضو رحت, المهم التروس دي مضايقاك و مضايقة الناس لا خلاف لكن في المقابل هي وسيلة لمقاومة النظام البدل يضايقك بالتروس بضايك بالرصاص و السيطان و القتل و النهب عيني عينك ومن قوات انفاذ القانون كمان!
تنظير: خرتمية مرة قلت ليك, الباسويرد ما بعقن او بطاريته تنزل فاكر انه لازم تستعمله او ح يقلعوه منك لذا تكتب اي كلام كيفما اتفق ممكن تقعد مستمع عادي ما فيها حاجة بدل تبهدل روحك كدا!
Post: #9 Title: Re: أو الوفاق السياسي! Author: Yasir Elsharif Date: 02-03-2022, 10:32 AM Parent: #6
سلام يا محمد البشرى وضيوفك الأكارم
Quote: البشير: نحترم قرار الشعب في انتخابات 2020 l 20 يناير 2019 - 17:30 بتوقيت أبوظبي
قال الرئيس السوداني عمر البشير إنه يحترم قرار الشعب السوداني في اختيار رئيسه عبر انتخابات حرة، مشيرا إلى أن صناديق الاقتراع هي الوسيلة الوحيدة للتغيير.
وأوضح الرئيس السوداني في خطاب شعبي بولاية النيل الأبيض: "من يحكم السودان هو قرار المواطن السوداني.. عبر صناديق الاقتراع.. و2020 ليست بعيدة، بقيت سنة واحدة ويختار الشعب السوداني من يحكمه."
وأضاف:" تأكدوا نحن مع خيار الشعب السوداني ونحترم قراره.. وأرجعنا السلطة إلى المواطنين من أجل أن يختاروا رئيسهم وحكومتهم ونوابهم في انتخابات حرة.. تكونوا أنتم أسيادها إن شاء الله".
ولفت البشير إلى المحاولات التخريبية في البلاد، قائلا إنه جرى اعتقال "عناصر من متمردي دارفور أقروا بأنهم قتلوا متظاهرين".
وقال إن هناك "من يريد تدمير السودان كما حدث في بلدان عربية أخرى"، مضيفا أن "المندسين والمخربين اغتنموا فرصة الاحتجاجات للتخريب." [.quote]
بالله شوفوا فيديو خطاب البشير في النيل الأبيض يوم 19 يناير 2019. وضع في موقع اسكاي نيوز يوم 20 يناير . نفس الفيلم يعرض الآن بس الممثلين مختلفين. الانتخابات وما أدراك. السؤال للبرهان: لماذا قام هو وجنرالات اللجنة الأمنية بالإطاحة بالبشير ولم ينتظروا انتخابات 2020 ولا توافق سياسي من كل السودانيين؟
وبالمرة شوفوا قناة اسكاي نيوز وضيفها الصحفي أسامة عبد الماجد وبماذا ينصح المحتجين في تلك المظاهرات؟
Quote: البشير يتهم مندسين بقتل متظاهرين 889 Aufrufe • 20.01.2019 • في رد على التحركات الشعبية في السودان، أكد الرئيس عمر البشير أنه مع خيار الشعب مشيرا إلى احترام قرار الناخبين في اختيار الرئيس والنواب في انتخابات حرة. 12 Mag ich nicht Teilen Speichern سكاي نيوز عربية 3,14 Mio. Abonnenten
أسامة عبد الماجد هذا كان ضيفا مهما في فيلم العربية الوثائقي عن الساعات الأخيرة للبشير:
Quote: "أو الوفاق السياسي" دي جديدة! يا ترى ما المقصود منها هل قصة الانتخابات ما عادت تكفي بعد ما دار في الجلسة ديك! و الكلام عن عند الاعتراف او القبول بانتخابات مطبوخة! أم هناك ضغوط ما غير ظاهرة!
الوفاق السياسي : مقصود بيهو ان يشمل اي اتفاق سياسي قادم تحديداً من قاموا باصدار الاوامر وارتكاب مجزرة فض اعتصام القيادة حمايةً لهم من المساءلة والمحاسبة وهم :
- البرهان - حميدتى - عبدالرحيم دقلو - الكباشي - ياسر العطا - ابراهيم جابر - وزير الدفاع وقت ارتكاب مجزرة القيادة . - وزير الداخلية وقت ارتكاب مجزرة القيادة . - مدير جهاز الامن وقت ارتكاب مجزرة القيادة . - مدير المخابرات العامة وقت ارتكاب مجزرة القيادة .
وفعلاً هناك ضغوط امريكية وغربية كبيرة على البرهان وحميدتي والامريكان تحديد قالوا لهم لن نعترف باي انتخابات يقودها العسكر والرسالة وصلتهم بدليل انه لاول مرة يتحدث عن تسليم السلطة عبر الوفاق السياسي .
الملاحظ أن مذيعي ومذيعات القنوات الفضائية العربية لديهم إصرار غريب على تحسين خيار الانتخابات الذي يرفعه البرهان، وكان في السابق يردده البشير. شوقي عبد العظيم يضع الأمور في نصابها الصحيح.
Quote: أزمة السودان.. الحل الغائب والشروط المضادة | #غرفة_الأخبار 1.204 Aufrufe • 03.02.2022 • الأزمة السودانية تراوح مكانها، وسط محاولات من القوى السياسية لتوحيد صفوفها... في المقابل المكون العسكري يرسم ملامح المخارج ويؤكد الالتزام بتسليم السلطة لمن يأتي عبر الانتخابات أو الوفاق السياسي. هذه المواقف تترافق مع استمرار الوساطات الخارجية للحل في الداخل السوداني.. فأي اتفاق مرتقب أو ممكن بانتظار الوصول إلى الانتخابات؟ البرهان #مجلس_السيادة #القوات_المسلحة #السودان#
8 Mag ich nicht Teilen Speichern سكاي نيوز عربية 3,15 Mio. Abonnenten
Post: #12 Title: Re: أو الوفاق السياسي! Author: علي عبدالوهاب عثمان Date: 02-04-2022, 04:05 PM Parent: #11
حبيبنا البشرى تحياتي برهان صرح هكذا لأنه يعرف بأن الوفاق السياسي سيأخذ وقت طويل .. لو حدث ذلك .. والانتخابات لم تجد الموافقة من كل مكونات الثورة ( قحت ، المهنيين ،الشيوعي ...الخ) ووجد في الموضوع مخرج أمام الرأي العام الدولي الكرة في ملعب الثوار توافق بين الجميع ووقفة صلية عندها سوف لن يجد برهان مخرج