انفصال بس

إنفصال بس

العبارة (القزمة) دي اتكررت كتير في الأسافير والواقع وبقت مبتذلة جدا جدا
وتجيب طمام البطن والكاروشة وكل امراض العصر ..
وعليه
يا إما يكون القصد منها تهديد وشخصيا ما شايف فيها أي تهديد
لانو ببساطة شديدة جدا اذا لم يخسر المنفصل فبالتأكيد لن يخسر المنفصل عنه
أو ممكن تكون دي رغبة حقيقية وفي الحالة دي يستحيل التعايش
والعيش مع مخلوق ما عايزك وبتربص الفرص عشان يتخارج منك لأنو ح يفضل يزن ليك
بالحركة دي صبح ليل .. ليل وصبح وانت تبطل شغلك
وتقعد تحاحي فيهو كأنو طالبك حاجة أو لو فات منك بقفل عليك الهواء وح يجي يوم
لو قلت ليهو السلام عليكم ح يقول ليك (انفصال بس)
ويبقي ليك زي اللخو أردول لو عاينت ليهو ساي
يقول ليك دي عنصرية منك وممكن يلاقيك ما يعجبو شكلك
يقول ليك انت عنصري، واحتمال لو لقي الشاي مسيخ يقول
لأقرب زول جنبو دي عنصرية .
يعنى يا يعمل العايزو هو غصبا عن عين اي حاجة في
أية حاجة يا اما كمان لو قلت ليهو غلط يرفع ليك كرت
العنصرية القاعد يلوك فيها زي العلكة الرديئة، طبعا هسة
الكرت بتاعو دا اتحرق تماما بعد ما الدنيا كلها كشفت نومتو وعرفت حركتو
الطفولية دي ولم يعد احدا يعبأ بصراخه حتى أقرب الأقربين
واظنو هسة عاكف على صناعة فزاعة جديدة يمشي بيهو أمورو.. خخخخ
نهايتو
أنا شايف أي جماعة عايزين ينفصلوا يفتحوا ليهم الباب ضلفتين
ويدعوا ليهم بدرب السلامة وأن يعيشوا مرتاحين في وطنهم الجديد
وأعتقد كدا الأمور تكون كويسة خالص للجميع والناس تعيش في هناء
وكل جماعة بما لديهم فرحين وما مصدعين خخخخخخخ
نعم
دا كلام صاح وعن نفسي أؤيده تماما على الأقل من
باب ( الببيعك بيعو) وعشان الدنيا تبقي حلوة
...........
الحل الآخر والأحسن انو المخلوقات السودانية تهجس
في الواطة دي وتعتبر أي حتة تراب في السودان الواسع
دا ملكها زي ما هي ملك غيرا وبناء عليه يبطلوا العوك عاك دي

العفو
مبتذلة

تيبيكال تفكير جلابة مثلث حمدي!

بمناسبة العنصرية واللخو أردول
قناعتي الراسخة والمتأكد منها انو
أي مخلوق عندو رأس فيهو عقل وبلسان
وشفتين ورجلين ويدين يقول لمخلوق زيو
انت عنصري ويقعد يردد في المفردة القبيحة
دي في الرايحة والجاية بمناسبة ودون مناسبة
دا هو العنصري البغيض بشحمو ومزعة لحمو
بل مريض جدا بالعنصرية نسأل الله السلامة
النظرية
العنصري هو من يفسر أي لفتة وأي لمحة وأي
حركة واي همسة بانها عنصرية ضدو وقد قيل في المقام
العود كان ما فيهو شق ما بقول طق
وامثال أخرى مشابهة.

..............
ما ينطبق على العنصري الفوق دا ينطبق كذلك
على الانفصالي مع مراعاة بعض الفروقات التى
لا تفسد للموضوع معنى .. واضافة سؤال جوهري
أنت كمخلوق عايش وسط مخلوقات زيك في بلدكم
لو انفصلت منهم وفرزت عيشتك ح يحصل للغادرتهم
ديل شنو ؟؟؟؟؟؟؟؟؟؟
الإجابة المؤكدة وكفتوى مني هي
لا بتمرقهم من الجنة ولا بتدخلهم النار .
خخخخخخ

عجب امو
جلابة مثلث حمدي والاسكيمو ومزارعي العنب نواجي تيرامو الإيطالية
وصيادو الحيتان في المحيط المتجمد محشورين برضو في النار الفوق
دي .

انفصال يعني تصويت من الجميع وليس من الطالب له

أحمد عمر
أنا ما عايزو لا بالتصويت ولا يدونو البلد دي حقتنا كلنا