في رثاء الأستاذ خالد الحاج رحمه الله

02:35 AM February, 02 2022 سودانيز اون لاين
حسين أحمد حسين-UK
مكتبتى
رابط مختصر

فى رثاء الأستاذ خالد الحاج رحمه الله

يا حارِقْ حَشَا الكلماتْ رحيل،
سَاسَاقْ خُطاكْ والضحكة يوم تَصْبِحْ عَويل،
يَبْدا الحُزُنْ والعين تسيل.

يا دابِىْ جِيتْ رَقْرَاقْ حنين،
واديتنا من زِندكْ ضَرَا، وزِندكْ يشيل.

يا صاحي فوق كمِّين جَرِفْ،
راجى الصباحات والهديل.
تاريكْ تَلَوِّحْ مُنْصَرِفْ، تاركنا لليل الطويل.

شيلتَكْ نشيلة ارْقُدْ قفا، حُلْمَكْ مُضارِع يا أصيل.
قَدَّاحْ ظَلامات الجفا، ومِفتاح دروب المستحيل.

نَخَلَكْ يَقاوِمْ ريحْ وليل، ظِلَّكْ ظَليل،
أمرح على رَفْرَفْ خميل،

يا زول جميل.