القايد الغبي-🖋 راشد عبدالقادر

09:54 AM January, 25 2022

سودانيز اون لاين
زهير ابو الزهراء-السودان
مكتبتى
رابط مختصر

اى انقلاب فى الدنيا بيعملوه ضباط بيكون عندهم قائد قوى عنده شخصيه وكاريزما وعنده قوة وعنده فكره فى راسو عاوز ينفذا
لكن دا اغبى واتفه انقلاب فى الدنيا عملوه تحالف (بينكى وبرين) واحد جاهل وغبي وواحد امى ومتخلف..
لا كاريزما لا قوة لا فهم لا راى لا شخصية لا كلمة (دلدولين وبس) ..
لو سألوهم عملتوا الانقلاب دا ليه عشان تعملوا بيه شنو عشان ياتو فكرة عشان ياتو فهم؟
ما ح تلقى اي اجابه
لا فكرة لا فهم لا عارفين عاوزين يعملوا شنو لا ح يحكموا كيف (هدفنا ما عندنا هدف)
خربوا البلد تماما وكسروا اى تأسيس بدا يتوضع وساطوا اى مفاهمات واتفاقات مع العالم كل القصة وبدل يكونوا جزء من قيادة بلد اتحولوا لعصابة ومهرباتية ومرتزقة وموردى انفار لحرب اليمن. بس عشان عاوزين يزوغوا من محاسبات فض الاعتصام وكل مره يغرقوا فى جرائم ومحاسبات اكبر
بلاهة استثنائية ما حصلت
والاوسخ من دا انه فى ناس كل همها تكون جزء من هذه التفاهة بكرسى وزارة ولا مكتب شركة على حساب بلد كاملا..
دا مش انقلاب فاشل وبس وانما اساسا ولد ميتا والى زوال..
لكن افضل ما فيه كشف لينا منظومات التفاهة الكنا بنعتبرا قوات نظامية واذا بها بلا شرف ولا وطنية تابعة لمن يدفع مهما كان جاهل او امى او عميل ومرتزق.

ورد في الوسائط ان واسيني الاعرج
وقف علي قبر الطيب صالح ليقول
لو عدت اليوم لوجدت السودان
يحكمه اخسأ البشر واحطهم واكثرهم نذالة

محمد عثمان خطيب- مقرات -ابوحمد
حكومات الإنقلابات العسكرية وتأريخ تشكيلها
١/ إنقلاب الفريق عبود ١٧ نوفمبر ١٩٥٨
تأريخ تشكيل الحكومة الاولى وأسماء الوزراء
١٧ نوفمبر ١٩٥٨
١- الفريق ابراهيم عبود الرئيس والقائد العام
٢- اللواء أحمد عبد الوهاب وزير الداخلية والحكومة المحلية
٣- اللواء محمد طلعت فريد - الإستعلامات
٤- الأميرالاي ( عميد ) أحمد عبد الله حامد وزير الزراعة والري
٥- الأميرالاي أحمد رضا فريد وزير الأشغال والثروة المعدنية
٦- الأميرالاي حسن بشير نصر وزير شئون الرئاسة ونائب القائد
٧- الأميرالاي : أحمد مجذوب البحاري وزير المواصلات
٨- زيادة عثمان أرباب وزير المعارف والعدل
٩- عبد الماجد أحمد : وزير المالية والتجارة
١٠- أحمد خير المحامي : وزير الخارجية
١١- دكتور محمد أحمد علي : وزير الصحة
١٢- سانتينو دنج : وزير الثروة الحيوانية
٢/ إنقلاب العقيد جعفر محمد نميري ٢٥ مايو ١٩٦٩
تشكيل حكومة مايو الاولى في ٢٥ مايو ١٩٦٩
١- عقيد اركان حرب جعفر محمد نميري رئيساً للوزراء و وزير الدفاع
٢- القاضي بابكر عوض الله : وزير الخارجية
٣- الرائد فاروق عثمان حمد الله : وزير الداخلية
٤- عبد الكريم ميرغني : وزير الإقتصاد والتجارة الخارجية
٥- مكاوي مصطفى : وزير التخطيط
٦- جوزيف قرنق المحامي : وزير التموين
٧- خلف الله بابكر : وزير الحكومة المحلية
٨- د. محي الدين صابر : وزير التربية والتعليم
٩- أمين الطاهر الشبلي : وزير العدل
١٠- د. موريس سدرة : وزير الصحة
١١- د. محمد عبد الله نور : وزير الزراعة والغابات
١٢- محجوب عثمان : وزير الإرشاد القومي
١٣- د. سيد أحمد الجاك : وزير الأشغال
١٤- مرتضى أحمد ابراهيم : وزير الري
١٥- موسى المبارك : وزير الصناعة والثروة المعدنية
١٦- د. طه بعشر : وزير العمل
١٧- د. أحمد الطيب عابدون : وزير الثروة الحيوانية
١٨- آبيل ألير : وزير الإسكان
١٩- منصور محجوب : وزير الخزانة
٢٠- فاروق أبوعيسى : وزير شئون الرئاسة
٣/ انقلاب الرائد هاشم العطا ١٩ يوليو ١٩٧١
لم تشكل الحكومة خلال ثلاثة أيام من عمر الإنقلاب ودارت عليه الدائرة وذهب الجمل بما حمل .
٤/ انقلاب العميد عمر حسن أحمد البشير ٣٠ يونيو ١٩٨٩
١- العميد عمر حسن أحمد البشير رئيس الوزراء و وزير الدفاع
٢- المقدم الطيب إبراهيم محمد خير : وزير شئون رئاسة مجلس الوزراء
٣- علي أحمد سحلول : وزير الخارجية
٤- العميد / فيصل علي أبو صالح : وزير الداخلية
٥- حسن إسماعيل البيلي : وزير العدل والنائب العام
٦- علي محمد شمو : وزير الثقافة والإعلام
٧- سيد زكي : وزير المالية
٨- بروفسير أحمد علي قنيف : وزير الزراعة والموارد الطبيعية والثروة الحيوانية
٩- د. يعقوب أبو شورة : وزير الري
١٠- د.م محمد أحمد عمر : وزير الصناعة
١١- د. عبد المنعم خوجلي : وزير الطاقة والتعدين
١٢- محجوب البدوي محمد : وزير التربية والتعليم
١٣- الأب جورج كنقور الكنج : وزير العمل والإصلاح الإداري
١٤- د. فاروق البشرى : وزير التجارة والتعاون والتموين .
١٥- د. ابراهيم أحمد عمر : وزير التعليم العالي والبحث العلمي
١٦- د. علي الحاج محمد : وزير ديوان الحكم الإتحادي
١٧- علي عثمان محمد طه : وزير التخطيط الإجتماعي
١٨- عثمان عبد القادر عبد اللطيف : وزير الطرق والإتصالات
١٩- د. الفاتح محمد علي : وزير النقل
٢٠- قلواك دنج : وزير الصحة
٢١- لينو رول دنج : وزير المجلس الأعلى للسلام
كل الحكومات الإنقلابية الثلاث كانت جاهزة مباشرة بعد تكوين مجلس قيادة الثورة ( الإنقلاب )
إلا إنقلاب الفريق البرهان الذي ولد ميتاً في ٢٥ أكتوبر ٢٠٢١ والآن مضى عليه ثلاثة وتسعون يوماً عجز فيه عن إيجاد رئيس حكومة ناهيك عن وزراء أصحاب كفاءات .
لم تشهد الإنقلابات في المنطقة العربية حالة مثل هذه منذ أول إنقلاب في المنطقة العربية بقيادة حسني الزعيم في سوريا عام ١٩٤٩ واللواء محمد نجيب وجمال عبد الناصر في مصر عام ١٩٥٢
وعبد الكريم قاسم وعبد السلام عارف عام ١٩٥٨
هذه الحالة الشاذة غلبت بايدن وبوتين ويحلها الشبكها .
دخول الناس في الشبكات هين
ولكن التأمل في الخروج
محمد عثمان خطيب

ايوه كدا اديهم بالحتة الفيها الحديدة هذا الغبي وذاك الامي...
بس خليك حريص و Look at your back فهؤلاء اغبياء وجهلة
وفي نفس الوقت قتلة ومجرمين لا يعرفون الرحمة لسبب بسيط
لانهم اغبياء وجهلة فعلا..