Post: #1
Title: كباشي، ياسر العطا و إبراهيم جابر و آخرين
Author: Nasser Amin
Date: 01-24-2022, 10:42 PM
09:42 PM January, 24 2022 سودانيز اون لاين
Nasser Amin-
مكتبتى
رابط مختصر
فكروا فيما من بدأ مع نميري و كيف انتهى
و من كان معه...
الانقاذ كيف بدأت و من من و كيف تمت تصفيتهم جميعا
كم ضابط واصل معه حتى النهاية.
أي انقلاب لا يقبل تعدد الرؤوس و المشاركين
قريبا ح يتم التخلص منكم بأسباب عديدة.
و النهائي ح يكون بين البرهان و حميدتي
السيناريو دا ممكن لو الشعب السوداني كان جبان
كلمناكم و اتصرفوا
المؤسسة العسكرية لازم تتصرف
وتتصرف ضد مليشيا تريد أن تقضى
عليها.
نحن مع مؤسستنا العسكرية السودانية
(قوات الشعب المسلحة)
|
Post: #2
Title: Re: كباشي، ياسر العطا و إبراهيم جابر و آخرين
Author: Nasser Amin
Date: 01-24-2022, 11:29 PM
Parent: #1
و المجارمة ديل ممكن يلبسكوم التهم دي
وهم من فض الاعتصام لكن بس عشان بتظهرروا للاعلام
و حكاية "حدث ما حدث" يا كباشي ضخموها جماعتكم زاتهم.
وح يبيعوكم في أقرب ملف.
انتفضوا و خليكم مع الشعب السوداني.
قادتكم واحد فيهم حلم ابوهو يكون رئيس ودي مطامعه
و التاني جاي بمشروع ح يفرتق السودان كلو حته حته
لأنو جاهل و مصدق انو يكون حاكم.
اتحركوا و الجيش ح يتحرك
و الشعب ما واقف و ما ح بقيف
و الثورة وقودها الثوار
و الثورة مستمرة و ماضية
|
Post: #3
Title: Re: كباشي، ياسر العطا و إبراهيم جابر و آخرين
Author: بسمات الشيخ
Date: 01-24-2022, 11:35 PM
Parent: #2
ناصر
للأسف الشديد فقدنا الأمل في الجيش السوداني وذلك لسبب بسيط لان
الجيش الان بقى تحت إمرة الجنجويد ويتلقى اوامره من حميدتي ..
هل بعد كده في امل؟؟؟؟؟
لا نظن ذلك..
|
Post: #4
Title: Re: كباشي، ياسر العطا و إبراهيم جابر و آخرين
Author: اخلاص عبدالرحمن المشرف
Date: 01-25-2022, 03:36 AM
Parent: #3
السلام عليكم
دعوة كباشي وياسر وابراهيم للتفكر لا
اظن انها تفيد.
نميري مات ودفن بجنازة عسكرية
البشير لم يحاسب ووضع في اصلاحية
و تم تحسين السجن له ومن معه
كرتي في تركيا مستمتعاً يطلق التهديد
تلو الاخر . عمر محمد الطيب عاش مستشاراً
قوش مستشاراً ، نحن شعب بلا ذاكرة ويتم
تزوير الحقيقة.
هؤلاء ما لم يقتلوا والسلاح بالسلاح لا حل.
لقد تطاول الجاهل حتي حلم بحكم السودان
وتفرعن الابله حتي حلم بمملكة له ونسله من بعده
لا تهدروا الشعب بالسلمية ، من اراد الخروج للشارع
ف ليحمي نفسه من قطعان الجنحويد
غير هذا يكون الدفع بالشباب العزل للذبح
|
Post: #5
Title: Re: كباشي، ياسر العطا و إبراهيم جابر و آخرين
Author: محمد البشرى الخضر
Date: 01-25-2022, 06:08 AM
Parent: #4
Quote: لا تهدروا الشعب بالسلمية ، من اراد الخروج للشارع
ف ليحمي نفسه من قطعان الجنحويد
غير هذا يكون الدفع بالشباب العزل للذبح |
الشباب يا دكتورة أوعى من أن يدفع بيهم احد وكذلك يوريهم يعملوا شنو
فعليا هم من يقود انفسهم و الشارع و البقية احزاب على كيانات على اسافير تسير خلفهم ودي احد حسنات انقلاب اكتوبر - ان جاز لنا اعتبار ان له حسنات ما - ان ارجع الفعل و المبادرة و القيادة للشارع و للشباب
|
Post: #6
Title: Re: كباشي، ياسر العطا و إبراهيم جابر و آخرين
Author: اخلاص عبدالرحمن المشرف
Date: 01-25-2022, 10:02 AM
Parent: #5
اهلاً باشمهندس محمد البشرى
الشباب واعي بس العواليق بكتلو
بدم بارد وبسببو اعاقات مستديمة
ده غير الدهس بالعربات وكسير الارجل .
الصبر علي ده من اصعب الاشياء.
|
Post: #7
Title: Re: كباشي، ياسر العطا و إبراهيم جابر و آخرين
Author: محمد البشرى الخضر
Date: 01-25-2022, 10:06 AM
Parent: #6
نعم كلامك سليم لكن كمان لو لاقدر الله و تسلح الشارع فا الخسائر ستكون اضعافا مضاعفة بما لا يقاس, الآن السلمية تهزمهم كل يوم وكل ما ارتقى شهيد او اصيب مصاب ينهد ركن من اركان الانقلاب حتى يأتي الحساب يإذن الله
|
|