توضيح من تروس الشمال إلى جماهير الشعب السوداني

04:53 PM January, 22 2022

سودانيز اون لاين
Hassan Farah-جمهورية استونيا
مكتبتى
رابط مختصر

الشاحنة المصرية تدخل السودان من مصر الي الخرطوم محمله بصل وبطاطس وبرتقال وبلاستيك بكافة انواعه بدون منفستو وبدون جبايات ولا هلله واحده يدفعها المصري...
بينما دفار البصل يشحن من الشماليه واول ما وصل الملتقي يدفع 70مليون جنيه بالقديم يعني...ودفار البركاوي 94مليون اي والله...ودفار البطاطس 80مليون دا غير المحطات الاخري البي يدفع فيها الفين فما فوق
كل يوم كده شوف من الشماليه كم دفار وشاحنه بتدفع.....وشوف المصريين ولا جنيه واحد
وعند عودة الشاحنات لمصر تجي مليانه ابل وابقار.. وسكر كنانه...والعربات الشكل تلاجات مليانه ذهب
والله ما تعدي ولا تقطع شارع بالشماليه وكلها رجعناها من حيث اتت
ونحن لهم بالمرصاد
شركات خاصه لافراد في حكومة الجن حاليا تعمل لمصلحتها وليس للوطن قالوا استثمار ...استثمار وهم يخموا في ثروات السودان لمصر نحن مصر مصلحتنا شنو منها غير تجلب العمله المزورة السودانيه...والبلاستيك والمخدرات بكافة انواعها
نحن في الولاية الشماليه لا يهمنا قحت...ولا برهان ولا من حولهم.
يهمنا اولا مصلحة الوطن عامة...
ومطالبنا تنفذ باتفاقيه شامله للوطن وليس للشمالية
زادوا الكهرباء نحن السبب في ارجاع تسعيرتها القديمة والله ما ينفذوا السد. نقلعوا من جذورا علينا وعلي اعدائنا
حقنا من الكهرباء 60%
حقنا من الذهب وشركاته 60% باقي الولايات بالمثل لا نظلمها لانها وطننا الواحد.......
تسليم السلطة للمدنيين خلال ثلاثة اشهر بانتخابات بي حكومة مستقله بي حكومة وطنيه المهم حكومة مدنيه.....ان شاء الله يحكمنا....استاذ رياضيات جامعي. ما يهمنا مؤهله يهمنا ....حكم مدني يساوي الحقوق والثروات ...ودولة ذات سيادة قانون بجميع مكرناتها تتبرأ منها القوات المسلحه سياسيا...
دا جزء من مذكرتنا......
والايام ستشهد....يا السودان بقي حكم مدني يا متنا شرفا وكرامة....من اجل الوطن وليس الشماليه .....
المصريين...بيشيلو في ثرواتنا....وسنوقف ذلك
والقادم احلي زي ما بيقول اخونا بوخلف محمداحمدنور الوطني الغيور.....

https://www.facebook.com/groups/sudanrevolt/؟multi_permalinks=7061502540589656%2C7061114123961831andnotif_id=1642840343776062andnotif_t=group_activityandref=notifhttps://www.facebook.com/groups/sudanrevolt/؟multi_permalinks=7061502540589656%2C7061114123961831andnotif_id=1642840343776062andnotif_t=group_activityandref=notif

تنسيقية وحدة الحفير
✌🏻تروس الشمال✌🏻
بيان حول أحداث اليوم
تم تتريس طريق شريان الشمال بالكامل من قبل تروس الشمال
وتم حجز اكثر من 200جرار وكانت المفاجاة من ضمن العدد اعلاه عدد 30 جرار تابع للدعم السريع محمله بالجمال وبها جمال اناث منافي تماما لقوانيين التصدير التي تمنع تصدير الاناث خوفا من خلق سوق موازي للصادر السوداني
التحية للكل من شاركنا بالاتصال اطمئنانا وداعما.
شكرا لتروس الولايه
( الدبه ومروي والقولد ودنقلا)
#مكمليييين

حبيبنا حسن تحياتي
يا سلام اصحنا نقرأ اسماء قرى حقتنا في صفحات النضال
تعرف خلاص بقينا زي الجنينة والفاشر معاقل النضال
شكرا على البوست
دي منطقتنا أول مرة منذ رماة الحدق تحدث ثورة حقيقية عندنا

تحياتي يا جميل

ربنا يحفظهم و ينصرهم
إرتفع تيرمومتر الوطنية و الإخلاص للوطن
لي قدام

حبيبنا حسن فرح تحياتي
قلت اعمل ليكم شوية تعريف بوحدة (الحفير)
قرية محدودة السكان هم غرب النيل ونحن شرق
يعني معرفة تامة 100%
المفاجأة هي بلد بكري حسن صالح ( مرطب في كوبر)
وكذلك ( المرحوم عبدالوهاب عثمان وزير المالية الاسبق )
صدقني يا حسن دكتور عبدالوهاب ده كان زول حقاني أنا كنت بحبه جداً
وبين بكري حسن صالح وعبدالرحيم محمد حسين فقط النيل
بكري غرب النيل وعبدالرحيم شرق النيل
ديل كلهم من أقل 10كلم مربع
كانوا يخدروا الناس بالوعود بدل ما يعمروا قراهم
بنوا قصورهم في كافوري وماليزا وتركيا
ونحن نبني المدارس من حر مالنا وكذلك المراكز الصحية
لكن قريبنا وجدي تمكين ما قصر معاهم يا ريت يرجع يكمل الباقي

اليوم تحرر الشباب وعرفوا وفهموا كل شيء
بصراحة نحن جيلنا القديم وبعدنا الجيل الوسط كنا عديمي
الحركة ما شاء الله اليوم احبابنا واحفادنا رفعوا اسم البلد
حتى بدأوا يهددوا مصر كمان مش برهان وحميدتي وصلوا
السيسي

تحياتي الحبيب
حسن فرح معليش تعريف عن المنطقة

الاخ على عبدالوهاب مرحبا بك يا ابن الاصالة
انا شخصيا ارى ان نعود كما كنا ابناء المديرية الشمالية الممتدة من الخرطوم وحتى حلفا
وبكل قوة اوكد لك ان هذا فعلا هو حالنا
ولا امشى بعيدا بل لا اغادر بيتنا وستجد كل ابناء وبنات الشمال حاضرون
اخى منصور زوجته دنقلاوية واختى نعيمة زوجها الدرديرى محسى وابنهما خلف الله زوجته دنقلاوية ...هذا فى امدرمان
اما اذا نزلنا البلد فمنطقة ابوحمد بجانب الروباطاب والمناصير يعيش فيها البشاريين والعبابدة والمحس والدناقلة والشايقية
وصورة التنوع الجميل تبهرك اذا دخلت عطبرة والدامر وبالتأكيد سنجد وضعا مشابها فى دنقلا ومروى وهذه نعمة كبيرة

حبيبنا حسن فرح
نحن مشكلتنا في الاقليم الشمالي من بعد الجيلي الى حلفا
السكان تعداد قليل جداً
ولاية النيل تقريبا 1.5 مليون
الشمالية اقل من مليون
امبدة فقط تقريبا 1.8 مليون
موارد طبيعية ومعادن وأمن واراضي مسطحة ومياه جوفية ونهر النيل
صيف حار وشتاء بارد القمح والخضروات ما يحتاج
مشكلتنا تعداد السكان
أكيد المصريين يمكن يملأوا الفراغ ( ده خوف رئيسي )

تحياتي الحبيب حسن

الاخ على عبدالوهاب لك التحية
الاقليم الشمالى كان ارضا طاردة لعدم توفر الخدمات..... عادى جدا تجد الناس تولد فى الشمال ثم تدفن فى العاصمة لعدم توفر العلاج فى مناطقهم
الشماليون اعدادهم كبيرة لكن حكمت عليهم ظروف الحياة فى مناطقهم بالهجرة داخليا وخارجيا
هذا اضافة للتهجير القسرى الذى فرض على اهالى حلفا والقرى التى اغرقتها بحيرة السد العالى
املنا فى فى شباب هذا العصر لقد اذاقهم الكيزان مرارة الحنظل فاكتسبوا الوعى وهاهم يشقون طريقهم بكل شجاعة وتصميم

حبيبنا حسن فرح تحياتي
بصراحة في بعض مناطقنا بدأت العودة من العاصمة
لأن الانتاج الزراعي اصبح مجدي وخاصة المحصول الشتوي
في حال توفر المدخلات قبل قليل كنت اتابع السعر التأشيري للقمح
ما زال قيد التداول والاجتماعات صدقني الحبيب حسن كأني في سحب يانصيب
منتظرين النتيجة سعر الشوال الواحد هذا يحدد الدخل طوال السنة
العودة عندنا اصبحت معتبرة جداً

شكرا الحبيب حسن ,, بوست موفق وشكرا

ا

التحية لتروس الشمالية


بق يا الصاح الماك متراجع
حرِّق دبش الدنيا الغلطة
بق وانفرتق في الجابرية
بق في أرحامنا في شافع نافع
ترفعو أمو في حيطة الجامع
يكتب يسقط دجل السلطة
ويسقط بلة وشيخنا التابع
وكشفناك وكشفنا الخطة
تحيا كلابك يا الجابرية
ويحيا ضراع الزيتن طالع
غُلب يصارع مر الواقع
يحيا ترابك والطورية
الجابرية تحيي الشارع
دايرين كهرباء دايرين موية ,...
دايرين سلطة وسوق منضبطة
دايرن هسة زيادة الحصة ..
الشفخانة بديل النقطة
ودايرين بوسطة ومدرسة وسطى
آ الجابرية تصارع الواقع

محمد الحسن سالم

التحايا للاماجد
تروس الشمال
وزي مقال حميد
وغنى مصطفى سيد احمد
ياوطن عز الشدايد ....