Post: #2 Title: Re: حفل زفاف بعيـر فى السعــوديـــة. Author: أبوبكر عباس Date: 01-18-2022, 02:12 AM Parent: #1
كضباً كاضب يا أبو الريش، الفيديو منشور من سنة ٢٠١٤ ومكتوب عليه: استقبال هذيل لقبيلة الجحادلة
عليك الله تعفي لي
لكن لو داير فيديو لزفاف ناقة فهو موجود، فقط أكتب زواج الناقة الهنوف على الجمل عجلان
Post: #3 Title: Re: حفل زفاف بعيـر فى السعــوديـــة. Author: Abureesh Date: 01-18-2022, 02:36 AM Parent: #2
Quote: كضباً كاضب يا أبو الريش، الفيديو منشور من سنة ٢٠١٤ ومكتوب عليه: استقبال هذيل لقبيلة الجحادلة
بل أنت الكضاب يا أبوبكر.. شغل الفيديو تانى وشوف مكتوب عليه شنو.. مرر الماوس فى نص الفيديو وأقرأ أعلى اليسار. هذا ما نقلته. ما مكتوب عليه استقبال هذيل لقبيلة الجحادلة.. بل مكتوب عليه "هذا عرس الناقة في السعودية شاهدو حتى النهاية" ,أكتر من دا فى النسخة التانية ما لقيتها فى يوتيوب كان فى شيخ يعلق ويسب المحتفلين
Post: #4 Title: Re: حفل زفاف بعيـر فى السعــوديـــة. Author: أبوبكر عباس Date: 01-18-2022, 02:37 AM Parent: #2
عليك الله، يا أبو الريش نزل لينا الفيديو بعنوان؛
حجاج الشيباني أيقونة مهرجان الإبل.. تقرير نرجس العوامي
يا أخي، حجاج الشيباني دا أكتر زول قاعد أحسدو على حياته
Post: #5 Title: Re: حفل زفاف بعيـر فى السعــوديـــة. Author: أبوبكر عباس Date: 01-18-2022, 03:13 AM Parent: #4
يا أخي، دا حفل زواج سعد العيافي الهذلي عام ٢٠١٤ وسعد دا أبوهو صديقي
Post: #6 Title: Re: حفل زفاف بعيـر فى السعــوديـــة. Author: أبوبكر عباس Date: 01-18-2022, 03:35 AM Parent: #5
الموضوع دا لو كان عادي كنت خليت ود البشرى يحقق فيه، لكن دا موضوع تخصصي يحتج درجات علمية
Post: #7 Title: Re: حفل زفاف بعيـر فى السعــوديـــة. Author: جلالدونا Date: 01-18-2022, 04:03 AM Parent: #6
و اصلا ده موضوع يتفتح في يوم زي ده ياخي بقيت فارغ بشكل يحيّر هذا مع تحياتي للاستاذة آمنة مختار
Post: #8 Title: Re: حفل زفاف بعيـر فى السعــوديـــة. Author: Ahmed Yassin Date: 01-18-2022, 05:20 AM Parent: #7
ابوالريش وشريكه ابوبكر انا شخصيا اي معلومة عن الحيوان ..سلوكية ..طبية.. طبيعية و(اجتماعية) وعادات .. طبعا لا يفتى ودكتورالمستنير في المنبر
Post: #9 Title: Re: حفل زفاف بعيـر فى السعــوديـــة. Author: Ahmed Yassin Date: 01-18-2022, 05:27 AM Parent: #8
ويحب ناقتها بعير من ابيات المنخل اليشكري يصف فيها(المتجردة) زوجة النعمان
Post: #10 Title: Re: حفل زفاف بعيـر فى السعــوديـــة. Author: محمد الزبير محمود Date: 01-18-2022, 05:56 AM Parent: #9
Quote: و اصلا ده موضوع يتفتح في يوم زي ده ياخي بقيت فارغ بشكل يحيّر
تقصد ذكرى اعدام الاستاذ ام انا خيالي واسع ؟؟؟
Post: #11 Title: Re: حفل زفاف بعيـر فى السعــوديـــة. Author: محمد الزبير محمود Date: 01-18-2022, 05:59 AM Parent: #10
Quote: حفل زفاف بعيـر فى السعــوديـــة
ابو الريش: هذه الأيام أيام الظهور الأنسان الكامل بتاعكم بقى زي صبى الرافضة ، غياب بعمر الكون !!!!!!
Post: #12 Title: Re: حفل زفاف بعيـر فى السعــوديـــة. Author: walid taha Date: 01-18-2022, 09:35 AM Parent: #1
ستطالب -لاحقا - يا أبو الريش بإلغاء "مزاين الإبل" إن سرت فى هذا الطريق !
Post: #13 Title: Re: حفل زفاف بعيـر فى السعــوديـــة. Author: أبوبكر عباس Date: 01-18-2022, 03:18 PM Parent: #12
يا أبو الريش، أرجو أن تعتذر لي عن وصفك لي بالكضاب. واضح إنك غوغلت وتبين لك صدقي
نعم.. شهيد الفكر محمود محمد طه و الخالد مصطفى سيداحمدو سبعة شهداء كرام و مائة و نيف من الجرحى و الغريب بعد ده زعلان عشان بندورة طوكر هذا مع تحياتي للاستاذة آمنة محتار
Quote: نعم.. شهيد الفكر محمود محمد طه و الخالد مصطفى سيداحمدو سبعة شهداء كرام و مائة و نيف من الجرحى و الغريب بعد ده زعلان عشان بندورة طوكر هذا مع تحياتي للاستاذة آمنة محتار
أديهم حباية بندورة يا جلالدونا.. وأدى المصريين دهباية من جبال البحر الأحمر.. ما مشكلة موش حاجة بسيطـة؟
الأستاذ محمود محمد طه ضحى بحياته من أجل حماية حباية بندورة لا يأخذها غصبا أجنبى بعد ان يحتل السودان. نحن عارفين كتيرين من السودانيين خارج اقليم البحر الأحمر لا يلقون أى وزن لأرضه ولا لترابه ولا لإنسانه. لا قيمة لطوكر ولا لحلايب ولا لشلاتين ما دامت خارج إقليمهم.. ولكن خلى المصريين يجو ينقبوا أو يشتروا الذهب مباشرة من المنقبين فى ولاية النيل.. تلقى المنبر إتملا فرسان ووطنيين لا يشق لهم غبار. أفضل إحتفال بالأستاذ محمود هو السير فى طريقه فى الدفاع عن الوطن والشعب السودانى. ولم أشارك يوما فى هذه (الإحتفالات) وقلت انى لو احتفلت أحتفل بيوم ميلاده وليس يوم وفاته. كل الشعوب تحتفل بيوم ميلاد عظمائها.. هل تعرف يوم إغتيال مارتن لوثر كنج؟ ربما تعلم ولكن كم أمريكى يعلم؟ ولكن أمس كنا محتفلين بيوم ميلاده.
Post: #16 Title: Re: حفل زفاف بعيـر فى السعــوديـــة. Author: كمال عباس Date: 01-18-2022, 10:41 PM Parent: #15
الناس في شنو وبعير السعودية في شنو؟ واللا يكون محصل سبق الجُمال
يا كمال لو واحد قال ليك عاين المركب هناك، ما تعاين لصباعه.. عاين للجهة اللى يؤشر ليها.. نحن نتكلم عن العادات الجاهلية ورجونا أولى الأمر أن يحاربوها، وأنت وقفت مع البعير.. خليك مع البعيـرإن شاء الله ينفعك.
Post: #18 Title: Re: حفل زفاف بعيـر فى السعــوديـــة. Author: muntasir Date: 01-19-2022, 03:41 AM Parent: #17