ما هو موقف السودانيين الأمريكان من إدارة بايدن على ضوء مجزرة اليوم ؟

05:09 PM January, 17 2022

سودانيز اون لاين
Elhadi-
مكتبتى
رابط مختصر

أي واحد فينا يسأل نفسو السؤال ده

المناشدات والنداءات واضح أنها لا تجد أذناً صاغياً لدى هذه الإدارة وبالتحديد الخارجية الامريكية التي تواصل صم آذانها وإغلاق عينيها عن المجازر المروعة التي يرتكبها المجلس العسكري الانقلابي في السودان بحق المواطنين الأبرياء والعزل

وحتى الآن ليس هناك موقف جاد

وحتى المواقف والإجراءات التي يسعى الكونغرس لاتخاذها ضد المجلس العسكري كأفراد أو خلافه، تعارضها الخارجية الامريكية ـ علانية ـ بزعم أنها تؤثر على الجهود الدبلوماسية لاستعادة الشراكة خدمة لأجندات دول في الإقليم ( وبالتحديد الإمارات والسعودية )

طبعاً في تقديري أنا الشخصي الكلام ده سببو الأساسي هو اللوبيهات التي تملكها هذه الدول في واشنطن ـ وخصوصاً اللوبي الإماراتي في واشنطن ـ فهي دول غنية جداً ولديها مال سايب

الناس حا تعمل شنو أو مفروض تعمل شنو عشان توصل رسالة للإدارة دي ؟؟

أنا أفتكر موقف جماعي بالتلويح بعدم التصويت لأي مرشح ديمقراطي في أي انتخابات قادمة.

خصوصاً في بعض الولايات " زي فرجينيا" الأصوات دي ممكن تفرق معاهم خصوصاً في ظل انتخابات متوقع أنها تكون تنافسية ومتقاربة

يا الهادى امريكا شنو ؟ ومجتمع دولى شنو ؟
ديل ناس ليهم مصالحهم ومن يطيع
من بدرى من انلاب مالى التانى (البرهان ماشى على خطى رصيفو المالى عاصيمى غويتا) وتكرر التنبيه بعد انقلاب غينيا وضيحة افغانستان كان راى واضح الناس ماتعشم فى مجتمع دولى مجتمع او منفرد لانو المجتمع الدولى بيهمو قوى ينفذ مخططو ولو بالجم اكثر من رومانسيى السياسه اللى ماعندهم غير لسانهم .
مجتمع دولى يدرب وياهل فى مليشيا جنرالالخلا ويدعمها ربما عشان نكون فصيل (مرتزقه) من افريكوم يمارس دور اقليمى
مجتمع بالعقليه دى (كان اوروبا ولا امريك) ما ترجا منهم خير كان امبارح ولا الليله ولا بكره القريبه او البعيده