Post: #2
Title: Re: ∆و غادر حمدوك محطة الثورة بالشنقيطيπ
Author: دفع الله ود الأصيل
Date: 01-11-2022, 03:35 AM
Parent: #1
مرووورن بطيييييئن جددددن بسوق "صاااااابريييين"
|
Post: #3
Title: Re: ∆و غادر حمدوك محطة الثورة بالشنقيطيπ
Author: دفع الله ود الأصيل
Date: 01-11-2022, 03:41 AM
Parent: #2
حتى يتأتى إما:سقوط الأقنعة أو ثبوت " البراهين"
أو يرث الله أرضه و من عليها من العالمين ؛ ٱمين!!
|
Post: #4
Title: Re: ∆و غادر حمدوك محطة الثورة بالشنقيطيπ
Author: adil amin
Date: 01-11-2022, 03:51 AM
Parent: #3
وينك يا ود الاصيل
والله رفعت البوست القديم بتاع الثورة بالشنقيطي لقيت بوستك ده قدامي
قلت كمان اعبر عن شعوري فيه مع اللاريكس ده
تاكد العمل الوثيقة الدستورية دي 2019 علي حساب علي محمود حسنين ده ساقط وارخس عميل للمخابرات المصرية والشركة القابضة
والعمل سلام جوبا البيض ده نفس الشيء كلب حر بتاع ولد شيخ زايد وبراعم الخليج وضيعو حراك الشباب ساكت
https://top4top.io/
قلنا ليكم من الاول
السودان ما الخرطوم ونظام الون مانش شو
وبعاعيت مايو في قحت1 رايح ليه درب وقحت2 هم ايتام الترابي جباتهم الوثيقة الدستورية المضروبة بي الشباك
وهسة الكلام دخل الامم المتحدة
انت في الاقاليم الستة بما في ذلك الاقليم الجنوبي
الحل قدامك
1-البند السادس في الرونامة التكامل مع دولة جنوب السودان النفط مقابل الغذاء والحريات الاربعة والجنسية المزدوجة \
الحل في الاقاليم الخمسة الزمان
1- حاكم الاقليم المنتخب
2- المجلس التشريعي المنتخب
3- المجالس المحلية المنتخبة
4- الادارة الاهلية والقبائل السودانية بالجنسية الخضراء فقط لا رقم وطني ولا يحزنون
الحل في المركز المازوم سبب بلاوي السودان كلو
1- المحكمة الدستورية اولا \
2- المراجع العام والدكلاريشن
3- الاعلام التعددي الحر والمفتوح في الساحات والمايدين
4-المجلس التشريعي المركزي المنتخب
5- وزارة التخطيط والتعاون الدولي والاقتصاد المؤسسي الموجه
تشكيلة المجلس الراسى المممثلة فعلا للشعب السوداني كله
رئيس مدني منتخب +5 حكام اقاليم منتخبون بدرجة نائب اول
اي تهريج وغاوغائية
بمشي اللامر مجلس الامن ثم الفصل السابع ثم الغزو والدمار الشامل للسودان ويفر الحثالات الي مكبات الربيع العربي المعروفة
ويتركو الشعب السوداني يعاني زي سوريا واليمن وليبيا وهم نفس الادوات
غدا الاربعاء جلسة مجلس الامن بخصوص السودان
ومنها بتعرف
هل
فصل سابع× انتخابات
وانا براهن علي الانتخابات والشعب فقط والهيكلة القدامك دي
|
Post: #5
Title: Re: ∆و غادر حمدوك محطة الثورة بالشنقيطيπ
Author: دفع الله ود الأصيل
Date: 01-11-2022, 04:08 AM
Parent: #4
شاحد إلاهي و سيدي يرفع لي شأنك في الدارين ,
عموجقود دافنشي. ياخي إتا الوينك, ليك وحشة والله.
و عندي معاك تضمي كوتييير . علا ماشي هنا و بجيك.
تحين قتا لي حشرت روسين العنزين قحط ون و قحط2
في كراع لباس قصدي برمة واحدة ؛ ياخ من عدم الطين.
غايتو عليكم جنس محن كقطع الليل الأسود !!
|
Post: #6
Title: Re: ∆و غادر حمدوك محطة الثورة بالشنقيطيπ
Author: صديق مهدى على
Date: 01-11-2022, 04:53 PM
Parent: #5
سلام عادل امين
اب مخا تخين
وود الاصيل
ماس دربين
وراكب سرجين
بوستاتك ما معروفة
شايتة وين
قدر ما حللتها
ما لقيت فيها
فرض كفاية
كلها فرض عين
المهم توكلت
على رب العالمين
وجيت داخل توش
لا فرامل لا بنزين
لقيت نفسى
بين يافطتين
اتلفت يمين وشمال
قولت يا ربى انا وين
|
Post: #7
Title: Re: ∆و غادر حمدوك محطة الثورة بالشنقيطيπ
Author: دفع الله ود الأصيل
Date: 01-12-2022, 03:27 AM
Parent: #6
.
¶مرحبن حبابو صديقي اللدود الودود/
ود مهدينا و أنت سيد العازفين بس أمسك
لينا في " لا فرامل. لا بنزين" على مدار عأمين
كاملين منصرمين و نحن مكانك سر .. مرابطين
منشحطين في محطة صابرين و أنت..فاهم نحن
شايتين ضفايري علي وين و لاك أعمى و طبعن
لا أصنك حاشاك..و لكنك من المتغترشين.
|
Post: #8
Title: Re: ∆و غادر حمدوك محطة الثورة بالشنقيطيπ
Author: دفع الله ود الأصيل
Date: 01-21-2022, 06:32 AM
Parent: #7
وجهة. نظر
¶من هم الذين لايجوز غض الطرف عنهم؟
هذا هو السؤال المفخخ..هم أرتال الكادحين و
مواكب الشهداء ممن يضيفون إلى سفر الخلود الإنساني
فواصل بعد النقاط على كل الحروف لصنع مجد يليق...
(هنا أمدرمان)..لك يا أرض البطولات.. و ميلاد الحضارات
واحة باسقة الأعناق في عز بيداء.. الخيل و الليل و البيداء
تعرفها و السبف و الرمح و القرطاس و القلم..عذبة الانسان
..تلك التي يمكن ان نتحدى بشموخ ثقافاتها المتعددة وجه
العالم الراقي..وثقت لكل من عاشوا بحواريها و نفافيجها
و تغنوا بأمجادها.نقش على رقعة الزمن....
من فتيح للخور للمغالق
من علايل ابروف للمزالق
قدله يا مولاي خافي حالق
بالطريق الشاقه الترام
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام..
|
Post: #9
Title: Re: ∆و غادر حمدوك محطة الثورة بالشنقيطيπ
Author: دفع الله ود الأصيل
Date: 01-23-2022, 06:02 PM
Parent: #8
¶نحن برانا سجمانين و واقع الله أصلن ما بترفع
الود حمدكة فضل يحمس فينا "سوف نعبر..سوف تعبر"
لامن قنع من خيرن فينا قام عبر براهو و خلانا في سجمنا
و رمادنا .. ثم عاد أدراجه إلى من حيث أتى.
|
Post: #10
Title: Re: ∆و غادر حمدوك محطة الثورة بالشنقيطيπ
Author: صديق مهدى على
Date: 01-23-2022, 09:50 PM
Parent: #9
سلام ودالاصيل علك بخير
الشوق ليك كثير
اها انت لاعب مهاجم
ولا ظهير
باصاتك كترت
عند الهجير
طماعة فى الرئاسة
ولا وزير
|
Post: #11
Title: Re: ∆ و غادر حمدوك محطة الثورة بالشنقيطيπ
Author: دفع الله ود الأصيل
Date: 01-31-2022, 06:46 AM
Parent: #10
الشوق والريد ود مهدينا يا خطير ..
بس أنت عارفنا عنقالة لانا في العير ولانا في النفير
زمن الناس راكبة برادوهات ونحن راكبين حناطير
و إن شاء الله الشقاوة زاتا تطير..زمن الرجال بقو
يتمسحو بالكريمات و نحن روسينا قنابير!
|
|