الادارة الاهلية بولاية الخرطوم تبيع نفسها للقتلة

02:20 PM January, 07 2022

سودانيز اون لاين
زهير ابو الزهراء-السودان
مكتبتى
رابط مختصر

أطلقت الإدارة الأهلية بولاية الخرطوم مبادرة لدعم ومؤازرة القوات المسلحة، واعلنت عن لقاء حاشد يوم الاثنين المقبل بقرية (الغرزة) بالريف الجنوبي لأمدرمان لدعم وتأييد القوات المسلحة وتدشين المبادرة بحضور عدد من أعضاء المجلس السيادي من العسكريين والمدنيين.

وقالت إن المبادرة هدفها التأكيد على أن القوات المسلحة هي المؤسسة الوطنية القومية والتي تعلو علي كل إنتماء فضلاً عن أنها خط أحمر ويجب دعمها دعما كاملا ضد الحملة الممنهجة للنيل منها وبالتالي النيل من الوطن.



وأكدت أن المبادرة ستعمل على حشد الدعم والتأييد للقوات المسلحة وتفويضها لإكمال مرحلة الإنتقال.

ما ارخصهم في سوق السياسة

الادارة الاهليه صنيعة الاستعمار والغام الاستعمار لايرجى من ورائها خير وصلاح للبلد

دا كله شغل كيزان عشان كدا كانت المطالبة بفترة إنتقالية طويلة تتم تصفية كل المواقع التي شربك الكيزان ولاءاتهم أو مصالحهم فيها
ودا شغل محتاج نفس طويل عشان ما يفكك تمكين 30 سنة
حضرت كلوبهاوس بتاع المؤتمر الشعبي فيه تراجي وعلي جلاس من أعضاء المنبر بيدعوا فيه إلى إستعمال الجيش القوة المدمرة
لحسم المعركة ضد الثوار إسوة بما فعل السيسي وبيقولوا كلهم إنه الثوار جواهم قوى مندسة هي السبب وراء الموت وإطلاق الرصاص
بيعفوا الجيش من إطلاق الرصاص على المتظاهرين السلميين تصدقوا لذا إتضح لي إنه الاسلاميين معولين بقوة على الجيش
لكسب معركة كسر العضم بينهم وبين التيارات الكان معلرضاهم وأزاحتهم
من الحاجات اللاحظتها إنهم مستعجلين جدا للإنتخابات عشان ضامنين إنه لسة المصالح والأشخاص زي ناس الإدارات الأهلية الضموهم
ليهم بالرشوة أو غيرها حيقنعوا جماهيرهم بالتصويت للكيزان لو حصلت الإنتخابات بسرعة وهم كذلك واعين إنه كل ما مر الزمن فتفكيك
هذا التمكين وتعرية المخازي والفساد بتاع عضويتهم ومن تحالف معهم بيفقدهم كتير ممن كانوا سيصوتون لهم لو تمت انتخابات سريعة

المجاعة ضاربة ١٤ مليون سودانى ..

والجوع كافر

وسبب المجاعة هم جنرالات الجيش الخونة والبرهان وحميدتى العملا

اللهم عليك بهم
اللهم شتت شملهم ومزق جمعهم واجعل كيدهم في نحورهم

وتدميرهم فى تدبيرهم

اللهم آمين

Quote: الادارة الاهلية بولاية الخرطوم تبيع نفسها للقتلة

سبب بلاء السودان هو : الادارة الاهلية والتى تريد اعادة السودان الى القرون الوسطى

لو كان فيهم فائدة كانوا افادوا البشير والكيزان .
لو كان فيهم فائدة كانوا افادوا البرهان وحميدتي منذ بداية ظهورهم .

هؤلاء لا خير يُرجى منهم وان اردتم لاقسمت لكم لن يفيدوا حميدتي فى شئ والاله العظيم على ما اقول شهيد .

ولا يقسم بالله ولا باشهاده الاّ على شئ صادق ليس فيه شبهة كذب .

Quote: لو كان فيهم فائدة كانوا افادوا البشير والكيزان . لو كان فيهم فائدة كانوا افادوا البرهان وحميدتي منذ بداية ظهورهم . هؤلاء لا خير يُرجى منهم وان اردتم لاقسمت لكم لن يفيدوا حميدتي فى شئ والاله العظيم على ما اقول شهيد .

لول ضحكتني يا أبوعلوة
قلت لي شعب كل حكومة ههههه
عمك ترك ذاتو كان عامل فيها مؤتمر وطنى

في وضع شاذ ورقم وطني مضروب وتكدس 10 مليون شخص في الخرطوم
الادارة الاهلية ركن اساسي في الاقاليم الستة زمن الجنسية الخضراء والنظار الاصليين والحواكير والقبائل السودانيية
من مؤتمر الخريجين لحدي مشو الانجليز 1956
وزمن الجنسية الخضراء للسوداني بي الميلاد والجنسية البنية للسوداني بي التجنس
وكان القصر الجمهوري ده فيه سودانيين يمثلون الملاييين في الاربعة جهات لحدي 1989 وما كان في جنرال واحد يا تكنو ضراط
الادارة الاهلية والمشورة الشعبية في الاقاليم الستة ركن اساسي للثورة السودانية الحقيقية الما جات
1- الادارة الاهلية
2- المجالس المحلية
3- المجلس التشريعي الاقليمي
4- حاكم الاقليم
ترجع الاقاليم في 6 شهور بتفضي الخرطوم دي وكل زول بمشي من محل ما جا
والما عارف نفسو جا من وين وكيف ولي ناكر القصة يقعد في الخرطوم ساكت بس
لاننا بننقل العاصمة كوستي ونتحرر من اصر المركز المشوه ده
اتخيلو
زول عايز يلغي
الختمية
الانصار
القبائل
وهو شنو ما عارفين
يعني البديل هو
الشيوعيين \البعثيين الناصريين مش كده
فعلا شعار قحت1 ال ما فايت اللفة وصابرين ده مشكلة
بتعرفو شنو عن رجالات الادارة الاهلية الاصليين و زمن الانجليز البصنعو الطائرة الاير باص
وعن مستر مور في دارفور ودينق مجوك وبابو نمر وعوض الكريم ابو سن
يا كعوك مايو ونحن من مايو وفي مايو بصعنا من جديد
الادارة الاهلية ركن اساسي في الثورة السودانية القادمة في الاقاليم الستة
الحاجات في الخرتوم دي شخاليت خلا ساكت والسودان ما الخرطوم اطلاقا
الادارة الاهلية مرتبطة بي القبائل والقبائل عندها اسماء واماكن في السودان
ادارة اهلية الخرطوم دي منو ..؟؟