الشارع هل أصبح هو الشارع لا شارع غيره ؟!

10:47 PM December, 27 2021

سودانيز اون لاين
منتصر عبد الباسط-
مكتبتى
رابط مختصر

في السابق كان الشارع دوره فقط اسقاط النظام الشمولي
وينفض الشارع
أما الشارع (المشرع) والذين يتسلمون السلطات يأتي بهم
الشعب عبر انتخابات وليس الشارع
لأن الشارع لامي من هم دون سن ١٨
ولامي أصحاب أجندة مختلفة ومتناقضة
حدث موقف مضحك مبكي
في مرة كان في مراهقين واطفال قافلين كوبري سوبا شرق
قلت ليهم ليه قافلين الكبري ؟
رد علي ولد عمرو بالكتير ١٥ سنة
قال لي ديل ما نحن
قام نط مراهق أو شاب ١٧ أو ١٨ سنة
قال لي أيوا ديل نحن
قلت ليهو دا شغل كيزان وبيخدم الكيزان
البتسسووا فيهو دا
أقسم بالله قال لي أيوا نحن ذااااتنا عايزين
البشير يطلع من السجن!
الكلام دا قبل ستة شهور تقريبا
أو أكتر شوية
يعني الشارع متعدد الأهواء والأغراض والأجندة وكما نلاحظ
لا يحملون أي يفط!!!
يعني مطالبهم غير محددة ولا متفقين حول
المطالب
فهذه ليست ثورة هذا عبث
وانتكاسة كبيرة ومتاجرة خبيثة
لأحزاب اليسار المدعومين من الكيزان
بأجساد وأرواح ودماء وطيش المراهقين