هاك اوصاف النصاب دا بس اوعك تديهو تلفونك

03:57 PM December, 26 2021

سودانيز اون لاين
Osman Musa-
مكتبتى
رابط مختصر

نصاب خطير.
دايما يقصد الناس الشغالين توصيل بضايع .
كان في دفار او بكس او تكتك.
يوقفك . وانت تقيف
مظهرو الأنيق يخدعك .
يوقفك في الشارع وهو على الموتر سايكل.
يسالك عن ورق الضرائب .
ويسالك عن الرخصة .
تديه الرخصة يعاين ويرجعها ليك .
ويقول ليك تاني ورق الضرائب.
و يسالك . وين أصحاب الحاجات .
تقول ليه المحل الفلاني في المكان الفلاني
يقول ليك تمشي معاي او تتصل بصاحب البضاعة.
وانت مستعجل عشان مشوارك .
تقوم تتصل بصاحب الحاجة.
يقوم يقوليك اديني ليه في التلفون .
تقوم انت تديه التلفون .
وتاني عينك ما تشوف الا النور .
زولك يكسح بسرعة ويقوليك الحقني في الضرائب
بعدها انت بتكون ساكي الرهاب .
من ضرائب لمركز لضرايب .
..
زول مربوع القامة مليان في حوالي ال 35 من العمر .

كيفك يا ود موسي
في الرقم المتسلسل للموبايل
لوعندي مفروض ناس الاتصالات يعرفوا
لك محلو، وفي تطبيق برضو يستعمل.

الحق ما على سواق الموتر.. الحق على سواق النقل.
كيف بكل هذه السذاجة التى تصل مرحلة الغباء يستسلم له ويعطيه كل ما يريد وهو لا يعرفه ولم يعرف نفسه ببطاقة.. هل الأناقة بطاقة شخصية؟. وليه ما اداه رقم صاحب البضاعة بدل يديه
تلفونه.. يا عثمان أشك فى صحة خبر من نقل لك هذا.. ما ممكن فى ناس بهذا الغباء المخجل حقــاً

بنتنا إخلاص
سلام
هو في عشرة دقايق بكون سلخ التلفون .
دا شغلو .
وهو متأكد من محركة الشرطة في البحث .

ما بقدر ، ما مرتبط بالشريحة
في تطبيق تفعله مع الجهاز الجديد
وكمان ممكن تحول جهازك الي حديدة
ما يشتغل كلو كلو ، لا يستفيد ولا يبيعه
ولا يستعمله ( الايفون) .
في تركيا مرة فقدت الموبايل في دقائق
محل الاتصالات قدر يعرف مكانه ، شركات
الاتصال في السودان مستهبلين