+ مليونية لكنس حمدوك +

06:23 PM December, 25 2021

سودانيز اون لاين
Mutasim Idris-Sacramento
مكتبتى
رابط مختصر

وقف جدار بين الشارع وتحقيق مكتسباته وستارة للعسكر
لتمرير كل اجندتهم.
حمدوك خازوق يجب ازاحته بالكنس.

صمت العالم علي الانتهاكات و غض طرفه عن وحشية العسكر
في مواجهة الثورة لن يستمر بعد كنس حمدوك.
عالمية حمدوك سم في عسل لم ولن ينطلي علي الثوار.

رش الثوار بالمادة طريقة استخدمتها قوات الفصل العنصري
في جنوب افريقيا من اجل تمييز المتظاهرين والتعريف
عليهم بغرض الاعتقال او التصفية.
تبا لكم اولاد الهرمة..

متوقع حملة اعتقالات واسعة وسط الثوار الليلة..
انترنت مقطوع و قوات احتلال تمارس في كل انواع
البطش من استعمال اسلحة محرمة بمبان و رصاص
وغير اخلاقية اغتصابات وسرقة.
صمت العالم يجب ان يفضح ومحور الشر الاماراتي
السعودي المصري اختار الشعب الخطأ لتركيعه.
قسما لن نركع الا للاله الواحد الاحد..

سلام أخ معتصم~
هسه الحاصل دا كنس "لحمدوك ومن تبعه".
هو واقف فى صف الإنقلابين أو بالأصح واحد منهم ، وشغال محاولة فى تفريق بين الشعب السودانى (فَرِق تَسُد)
زى وزى أى استعمارى دخيل.
وجميعهم سيكنسهم الشعب رغم القمع الشديد وتعدد أساليبه.
تكون عالمية حمدوك مقصود بيها إضافة لتخريب الإقتصاد وسرقة الموارد فتح الطريق لجلب أحدث أنواع أدوات القمع زى المادة الملونة الفوق

هدي تحياتي واحتراماتي..

Quote: هسه الحاصل دا كنس "لحمدوك ومن تبعه". هو واقف فى صف الإنقلابين أو بالأصح واحد منهم ، وشغال محاولة فى تفريق بين الشعب السودانى (فَرِق تَسُد) زى وزى أى استعمارى دخيل.

الرسالة تتوجه لاسيادهم هنا وفي المنطقة..
حمدوك بقي (خرقة) يمسحوا بيها ما كتبوه علينا في
مكاتبهم من بيانات وتوصيات كخيار اوحد.
لكن تصلهم الرسالة ومعاها كيس (القمامة) حمدوك ساعتها
ح يعرفوا انه دا ما شعب يكمم او يوصي عليه..
مليونية كنس باسمه عشان ننهي حجوة العالمية دي..

سلام أخ معتصم~
أتفق معاك
وخاصة بعد أن وضح للشعب تماما و خروجه غير الميمون بعد مجزرة بحرى.

بالضبط
عامل ذي الحجّاز المُنحاز في الشكلة لأحد الطرفين وعامل محايد، في صراع أصلاً لا يقبل الحياد، وتبقى فقط من أسبابه التي أعلنها كمبرر لتوقيع ذلك الاتفاق المخزي مع الانقلابي برهان الوسخان والقاتل المجرم حميدتي، رغبته في استكمال برنامجه الإصلاحي لمزيد من التبعية لدوائر الهيمنة العالمية، وهو سببه الحقيقي الوحيد، فلا الطريق الحالي سيؤدي إلى تحول ديمقراطي، ولا دماء شباب حُقنت، وأصلاً هم يخرجون بصدور مفتوحة حاملين أكفانهم ولم يعيروا تخاريفه تلك أي اهتمام، فلا يمكن أن تنصّب نفسك وصي على شخص عاقل وكامل الأهلية أكثر منه، فتباً له وتب، والشعب أقوى وأكبر.

الكوشوعية في ابهي معانيها
عالم مخملية جدا … اخمل ما يكًون
او كما قال

" حمضوك ديستان "

قصة حب من طرف واحد
.....
.....
.....

جلالدونا سلامات..
اعصابك ياااخ. رهانك علي (بغل) خاسر..

Quote: الكوشوعية في ابهي معانيها عالم مخملية جدا … اخمل ما يكًون او كما قال

زولك ما هنأكم بزكري الثورة يوم١٩ ولا بالكريسماس
ولا ح يقدر باحتفالات الاستقلال لانه ح يكون اتكنس..
الشوارع لا تخون.. لسة بص الثورة فيه مقاعد..

دم الشهيد بكم ولا السؤال ممنوع
يا أستاذ جلادونا أنت تدافع عن قناعاتك ليس إلا و التى ترجو أن يحققها شخص حمدوك.
قناعات ليس فيها بداية - أخذ حق الشهداء ،تحقيق العدالة وإنزال برنامج الثوار إلى أرض الواقع من أجل حياة كريمة للشعب السودانى ..وما يعقب كل ذلك.

*الليلة يا موت يا حياة
وخاتى البيختار الوسط!

اختنا هدى
كدي هشيشك بشيشك
دم شهداءنا الكرام
حقهم بجيبو القضاء ما حمدوك
الكلام ده ما من راسي
الكلام ده من الوثيقة الدستورية
نعم حق الشهداء علينا كلنا و في رقبتنا كلنا
وقالا الشارع .... يا نجيب حقهم يا نموت زيهم
ما قال حمدوك يجيب حقهم
حق الشهداء في ذمّة القضاء بحسب مبدأ الفصل بين السلطات
المكتوب في الوثيقة الدستورية
البعدو

Quote: زولك ما هنأكم بزكري الثورة يوم١٩ ولا بالكريسماس ولا ح يقدر باحتفالات الاستقلال لانه ح يكون اتكنس..

يا خيبتك ياخ
هسي خمة النفس دي كلها عسان ما هنانا بالعيد
و الكنس ده كلللللو عشان تهنئة
و نفسك فاتحة تقولا
و هم الوطن كمّين
الكوشوعي زي الشوكوزي لافرق
وحات الله صحي
نحمد الله عشنا و شفنا زمن الاحزاب العقائديةز و حكم الشارع لا يعتقد
غايتو الشارع عليهو جنس حمضوكة
تعرف الحمّيض يا جنا
ول ّ ابلشفا ليك و ارشها بي فلفل اسلمة

الفهم والسعادة.. قسمة ونصيب.

Quote: يا خيبتك ياخ هسي خمة النفس دي كلها عسان ما هنانا بالعيد و الكنس ده كلللللو عشان تهنئة و نفسك فاتحة تقولا و هم الوطن كمّين

شدة ما فضلت ليه حاجة قلت ليك التهاني غلبته..
الكنس عشان خائب وبتحبس ههههههههه.

Quote: حق الشهداء في ذمّة القضاء بحسب مبدأ الفصل بين السلطات المكتوب في الوثيقة الدستورية البعدو

إنت من زمن الوثيقة ال برهان أدي نفسه الحق في تعطيل بنودها بليل دامس
داير تعمل ليها رقعة أم تستر عورتها يا جلال
ثم ثانياً ..... أنا معاكم في أمريكا اليومين ديل
تحياتي

سلام للجميع
يعني مشكلة الثورة و السودان اصبحت حمدوك .... ؟؟؟؟
و الوسخان و تاجر الحمير براءة ..... ؟؟؟؟
المليونية اولى بيها رأس الحية

Quote: ثم ثانياً ..... أنا معاكم في أمريكا اليومين ديل

معقولة دي وده خبر تفكو هنا
البلشفي اب شلاليف فى دار المتأسلم الرأسمالي
اه قولّي بكانك وين و يا جيتني يا جيتك
مرحب بيك فى دار الندوة
و دار ابي سفيان
------
تلفونك معاي و بدّيك سلك بي سفّة كمان و كمنجة كمان

Quote: المليونية اولى بيها رأس الحية

كلامك صاح
لكن رأس احية عمل حمدوك درقه
عاوز يتغطي بيها .... و يبرر بيها إخفاقاته
مع كامل إحترامي له أقصد حمدوك
لكن ركب السرج ال غلط
المليونية دي في مصلحته
علي الأقل تخفف عليهو الضغط الدولي
علي إعتبار ده رأي الشارع
أقدر تماما إنه مضغوط من جهات عديدة ,
خارجة أكتر من داخلية
تحياتي أبو حسين

وعليكم السلام اخ ابوحسين..

Quote: يعني مشكلة الثورة و السودان اصبحت حمدوك .... ؟؟؟؟ و الوسخان و تاجر الحمير براءة ..... ؟؟؟؟ المليونية اولى بيها رأس الحية

مليونية الكنس اولي بيها الخان الثورة وثوارها ودمائهم
وارواحهم اللي ارتقت فداءا و وعدنا واخلف و اؤتمن و خان.
ما اظنك محتاج نقول كيف لكن بس امسك في اتفاقه
الاخير اللي ما حفظ بيه دم باعوضة..

يا معتصم لحظة التوقيع هتف الشباب حمدوك الني الشارع لسة حي ومن لحظتها تجاوزوه و اعتبروه نزل في احد محطات الثورة و ما كمّل زيو وزي ذو النون و اولاد الضي و عمك بتاع النفق و غيرهم من الكانوا على متن القطر و ما قدروا أو رغبوا يكملوا المشوار
الثورة بتتجاوز المتساقطين و لا يتوقف كثيرا عندهم وهو متوجه نحو غاياته
لكن انتو واقفين أكتر من اللازم في محطة حمدوك! اعتبروه ex ياخ و move on

ودالبشري سلامات..

Quote: لكن انتو واقفين أكتر من اللازم في محطة حمدوك! اعتبروه ex ياخ و move on

معقولة يا محمد بقيت تجلي قدر دا..
المعني العالم الخارجي يا ااااخ.. ماسكين بيه زمن ولسة
مصريييييين علي العودة.. مليونية الكنس عشان كيس
القمامة يترمي ليهم راجع و نشوف شغلنا وما يتعطلوا..
حمدوك انت عارف انا اتجاوزت محطته متين..

صراحة كدا شايفها كتيرة قصة تخصيص مليونية كااااملة لحمدوك براه!
يسقط معاهم اذا ما استقال براه

Quote: كلامك صاح لكن رأس احية عمل حمدوك درقه عاوز يتغطي بيها .... و يبرر بيها إخفاقاته مع كامل إحترامي له أقصد حمدوك لكن ركب السرج ال غلط المليونية دي في مصلحته علي الأقل تخفف عليهو الضغط الدولي علي إعتبار ده رأي الشارع أقدر تماما إنه مضغوط من جهات عديدة , خارجة أكتر من داخلية تحياتي أبو حسين

تحياتي الصاوي
العساكر و الجنجويد و الكيزان الما قادرين عليهم ديل و لسه شغالين ضدكم ديل هم أولى بالمليونية و ليس حمدوك ...

Quote: مليونية الكنس اولي بيها الخان الثورة وثوارها ودمائهم وارواحهم اللي ارتقت فداءا و وعدنا واخلف و اؤتمن و خان. ما اظنك محتاج نقول كيف لكن بس امسك في اتفاقه الاخير اللي ما حفظ بيه دم باعوضة..

يعني اللي قتلو الثوار يأتو ثانياً بعد حمدوك .....؟؟؟؟؟؟؟؟؟؟؟

برهان وحميدتي جو براهم
حمدوك يسال من أتي به
وبعدين مفردات الشتيمة الموغلة في الذكورية
وني ومنفنس وغيرها تدل علي كراهية للنساء
وتشبيهات ضد النساء ، وطبعاً هو لا منفنس ولا ني
يعني لما تشتم دي هي شتيمتكم وتجردوا النساء
الشجاعات من صفات الشجاعة .

لسه بدري علينا

Quote: وبعدين مفردات الشتيمة الموغلة في الذكورية وني ومنفنس وغيرها تدل علي كراهية للنساء وتشبيهات ضد النساء ، وطبعاً هو لا منفنس ولا ني يعني لما تشتم دي هي شتيمتكم وتجردوا النساء الشجاعات من صفات الشجاعة .

يخيل لي ما سمعتي انه هتاف حمدوك الني قامن بيه
كنداكات.. اولا.
بعدين ني بتعني غير مكتمل النمو ما اظن فيها اااي
تشبيه بالنساء وكراهيتهم او حبهم لمّا يوصف بغير
ذلك.. اعتقد والله اعلم.
معذرة البوست لا يحمل اااي تقليل او كراهية للنساء
الا لمن اراد حسب وجهة نظره.

Quote: يعني اللي قتلو الثوار يأتو ثانياً بعد حمدوك .....؟؟؟؟؟؟؟؟؟؟؟

اولي جملة في البوست هي موضوعه..
وقف ستارة بين العسكر ومكتسبات الثورة ولسة مصر في
دغمسته بإتفاقه الاخير (حفظ الدماء)..
موضوع البوست يا ابوحسين السيد حمدوك وجوده في
الصورة بشوش علي مسار الثورة خاصة عند دول صناعة
القرار اللي قالوا هم مع رغبة الشارع اللي (غالبيته)
اتجاوزته عشان يسموا لينا الحصل انقلاب و يقوموا بدورهم
في فرض عقوبات علي (العسكر) اللي قتلوا الثوار وتجريدهم
من ااي شرعية قديمة كانت او جديدة.. بس.

حمور زيادة كتب:
"
في لحظات كهذه لا استطيع منع نفسي من التفكير في حمدوك.
لو راهن الرجل -حتى لو بشكل براغماتي للتفاوض- على هذه الحشود وصمودها لخرج من اقامته الجبرية كأحد الهة الاوليمب.
لكنه تعجل واختار اسوأ خيار ممكن، فهوى بلا قرار.
لم يفعل إلا انه زاد تعقيد المشهد.
لو أنك صبرت اسبوعاً يا دكتور. او اسبوعين. لاختلف الواقع، وربما لاختلف مصيرك.
***نعم، اتوقع ان اي تسوية او تغيير قد يحافظ للرجل على موقعه لانه يستمد قوته من المجتمع الدولي، لكن حتى لو حدث ذلك فسيكون عند الناس هو "برهان المرحلة". سيقبلونه على مضض - ان قبلوه- كما قبلوا البرهان في بداية الانتقالية كشر لابد منه بينما كان يمكنه أن يدير الانتقالية كصاحب أضخم تفويض وشعبية في تاريخ السودان ربما منذ الثورة المهدية.

بشكل ما انا حزين لما فعل الرجل بنفسه."

من المفارقات يا استاذ معتصم ان
البوشي والنساء استعملن هذا الوصف
وطبعاً القضاء كان فيصل في الكلمة ، لم
اخطئ في فهمها .
الشفافية واجبة في انتقاد حمدوك
هو ليس سياسي بل اكاديمي اقتصادي
وله خياراته وقناعته واظن المسار الاقتصادي
هو ما أدي للاصطدام بالعسكر وفي نفس الوقت
قوي الثورة المعارضة لهذا المسار ، العسكر رفض
اخضاع شركاته والاخرون يريدون مسارا بعيد
عن صندوق النقد.

لا زال خيار الاستقالة في يده وهو مفيد له وغير مفيد
للسودان علي ما أظن.

النِّيُّ :صفة مشبَّهة تدلّ على الثبوت من ناءَ: غير ناضج، ما يُعالج بالطّبخ أو بالشّيّ ولم ينضج، النِّيءُ.

السودانيون عندهم مثل:

"النيى للنار"

والله أعلم

الثوار سلميين ويترفعون عن ساقط القول، عندهم قضية واحدة تحرير وطنهم.

اهلاً الحبيبة هدي
ني دي عبد الحي رفع فيها قضية
وطبعاً في شعرنا و غناءنا صفة مديح
للأنثى ( الفريع الني ) وصفة ذم للرجل.

دي جملة اعتراضية ارجو الا تحرف البوست.
وسؤال البوست هل حمدوك يمنع المجتمع الدولي
من ادانة البرهان ويتفرع منه ما هي موازين القوي
الداخلية والخارجية ولمن تميل الكفة (عسكر
Vs مدنيين) .
الان مصالح الخارج ايضاً لها يد.

يا دكتورة إخلاص ~
الوزيرة السابقة وبعض النساء بالتأكيد قاصدين المعنى كما جاء فى المعجم العربى ( ولن يكون كوزا مرجعا لنا)|
وأؤكد الثوار يعفون تماما عن ساقط القول وعندهم هدف أكبر من كدا.
*السودان سيصبح دولة ديمقراطية بكل مكوناتها، وإن طال النضال.

الحبيبة هدى
مرجعيتي هنا ما الكوز ، القضاء الواقف والجالس
وعلي كل ارجو لو خرجت مظاهرات ضد حمدوك
يكون الهتاف يسقط وما شابه من دون المس بشخصه

لانه كان يوماً مع الثورة ، ويكفينا ذلك