Post: #2
Title: Re: دي بلاويك يا بكري...سيف عوج الدرب بقي لواء �
Author: Mahjob Abdalla
Date: 12-20-2021, 04:44 PM
Parent: #1
| Quote: صديق و زميل من هنا تداخلي معي في الفيس و قال لي انت من صنعت هذه البلوة.....رايكم شنو؟ |
سلام يا ريس
غايتو لو عديناهم ليك, انت صنعت ما بين 10 الي 20 بلية.
|
Post: #3
Title: Re: دي بلاويك يا بكري...سيف عوج الدرب بقي لواء �
Author: صديق مهدى على
Date: 12-20-2021, 05:00 PM
Parent: #2
كلامك صاح يا محجوب انا من نعيمة سيف دا ما ابناء نعيمة ولا عندنا واحد بالاسم الا اهله رحلوا نعيمة فى زمن الانقاذ
تحياتى
|
Post: #4
Title: Re: دي بلاويك يا بكري...سيف عوج الدرب بقي لواء �
Author: نعمات عماد
Date: 12-20-2021, 05:19 PM
Parent: #3
سلام
يبدو لي يشبه التوم هجو شكلاً ولاموضوعاً،
خاصة في تعليق في بوست آخر بإنه مساعد هطلة.
|
Post: #5
Title: Re: دي بلاويك يا بكري...سيف عوج الدرب بقي لواء �
Author: Mahjob Abdalla
Date: 12-20-2021, 05:32 PM
Parent: #4
البحيرنى زى الجيس السودانى ده بتلقى وين.
زمان بتذكر واحد اخوهو عسكرى, قام لبس القميص فقط و قاعد يلعب في الشارع مع الشباب و هو في عمر 15 او 16, جاء واحد عسكرى ماشى. لولا تدخل بعض كبارات اهل الحى كان سايقو معاه ربما الي اقرب مركز جيش و لا اظن الي مركز شرطة و ما معروف الكان حيحصل للولد شنو.
الان اى زول لابس الزى العسكرى و الرتب علي المزاج.
تانيا, انا بستغرب, هل الناس ديل كلهم كانو عايزين يدخلو الكلية الحربية و لا جاتهم باردة عايزين يعملو انقلابات؟
فى قريبى وزميل دراسة في الابتدائى, بعد ما عمر البشير تم اتهامه بجرائم الحرب و انو حيودوهو لاهاى و كل مجرمى الحرب, زميلى ده دق غلبة للناس في البلد. مرة اتصلت عليهو بصعوبة و قلت مالك يا ابو الزمل عامل للناس غلبة. قال لى بينى و بينك شايف الطريقة الممكن نحصلكم بيها.
قلت يا زول اعمل حسابك, قاعدين يبنو سجن محلي في قدوم الشعيرية.
من داك, رجع بقى مؤدب.
|
Post: #6
Title: الفريق سليمان صندل حقار
Author: بكرى ابوبكر
Date: 12-20-2021, 05:50 PM
Parent: #5
سلام يا شباب وشكر لكل من زار و تداخل
تعرف يا حبيبنا محجوب
المحيرني الرتب العسكرية من هو الذي يعطيها و علي اساس ...هل هي العمر، الشهادات العلمية او الخبرة العسكرية ....الخ و ليه زميلنا سيف اعطوه لواء ما فريق او مشير؟
وهل يحق للشخص ان يختار الرتبة العسكرية التي يريدها ،هل اختار سيف ان يكون لواء؟ و ليه سليمان صندل حقار بقوه فريق وسيف لا....هل لانو كان كوز؟. ...ههههههه
الجدير بالذكر حاكم النيل الابيض السابق كان بوردابي هو الاستاذ إسماعيل فتح الرحمن وراق...انتو الولاية فيها شنو البوداب بحبوها كدا
|
Post: #7
Title: Re: الفريق سليمان صندل حقار
Author: عبدالعظيم عثمان
Date: 12-20-2021, 05:59 PM
Parent: #6
إنت يا بكري يوم القيامة إلا تعمل ساتر
في بلاوي كثيرة طلعت من منبرك دا
تعرف اذا لم يخترع مارك الفيس ومافي سوشيال ميديا تم تطويرها
منبرك دا كان ممكن تدور بيه السودان زي ما قاعد مو ابراهيم يعمل واسامة داؤود برضه
|
Post: #8
Title: Re: الفريق سليمان صندل حقار
Author: Elhadi
Date: 12-20-2021, 08:10 PM
Parent: #7
سيف العارض 😀😀😀
لا حولاااااااااااااااااااااااااااااااااااااا
|
Post: #9
Title: Re: الفريق سليمان صندل حقار
Author: Elhadi
Date: 12-20-2021, 08:25 PM
Parent: #8
غايتو يا بكري فاضل لينا شوية كده والواحد خلاص يقنع من السودان ده ظاهراً وباطناً
مسرح العبث واللا معقول
|
Post: #10
Title: Re: الفريق سليمان صندل حقار
Author: Elhadi
Date: 12-20-2021, 08:35 PM
Parent: #9
| Quote: الجدير بالذكر حاكم النيل الابيض السابق كان بوردابي هو الاستاذ إسماعيل فتح الرحمن وراق...انتو الولاية فيها شنو البوداب بحبوها كدا |
بالغت يا بكري
ما في مقارنة كلو كلو بين وراق وبين الشيء الاسمو سيف ده
وراق تختلف معاهو سياسياً ممكن ـ لكن ما ممكن تقارنو بي الزول الاسمو سيف ده ولا في أي حاجة
|
Post: #11
Title: Re: الفريق سليمان صندل حقار
Author: Mahjob Abdalla
Date: 12-20-2021, 09:55 PM
Parent: #10
| Quote: المحيرني الرتب العسكرية من هو الذي يعطيها و علي اساس |
اظن الفكرة الاساسية في الرتب جاءت من اتفاقية اديس ابابا (انانيا 1) حيث تختار الحركة بعض من كبار قادتها لارسالهم للكلية الحربية بعد الاتفاقية لتأهليهم ودمجمهم في الجيش.
في اتفاقية ابوجا الاولى تم تطبيق ذات الفكرة حيث معظم قادة الحركات الذين وقعو الاتفاق بأختيار بعض قادتهم لدمجهم في الجيش و ب رتب كبيرة حسب كوتهم.
بعدها اظن الجيش فتح بوابة الجنجويد (دعم سريع) حيث تم احضار الزى مع عدد كبير من الاسبليتات دون ترتيب و اى زول ياخد مقاسو و يخطف الرتبة التقع ليهو بس الجيش لعب عليهم شوية بأن خصص لهم زى مختلف عن الجيش.
بعداك المسألة انبشقت و بقى اى زول بطلع بيان, بكتب توقيعو ب لواء. ما شفت بيان ب عميد او عقيد او اى رتبة اخرى.
عند توقيع الاتفاق الاخير في جوبا, اظن تم دمج البعض في الجيش برتبهم التى اصطنعوها و ما زالت الدمج تسير.
ما زلت متحير في كيفية الحصول الدبابير و لو بقو في ترزية بصنعوها ليهم محلي او ربما Made in China
|
Post: #12
Title: Re: الفريق سليمان صندل حقار
Author: muntasir
Date: 12-20-2021, 11:04 PM
Parent: #11
إنتو في الأزبليطة الناصلة ولا سيف كلوش دخل كلية القادة والأركان متين شكله شادي اليونيفورم سحبة
|
Post: #13
Title: Re: الفريق سليمان صندل حقار
Author: منتصر عبد الباسط
Date: 12-20-2021, 11:22 PM
Parent: #12
الزول دا وين غاتس؟!
|
Post: #14
Title: Re: الفريق سليمان صندل حقار
Author: هدى ميرغنى
Date: 12-21-2021, 03:09 AM
Parent: #13
سلام للجميع~
دكتورة نعمات يا عزيزة ،
جاية بنفس فكرتك دى
"يبدو لي يشبه التوم هجو شكلاً ولاموضوعاً،
خاصة في تعليق في بوست آخر بإنه مساعد هطلة."
بس كنت عايزة أقول بدل هطلة دلاهة من يومه
|
Post: #15
Title: Re: الفريق سليمان صندل حقار
Author: Ahmed Yassin
Date: 12-21-2021, 06:08 AM
Parent: #14
ومالو مبهدل كدة.. هسي دي حالة وكيل عريف؟
دا قميص مالك عقار مما واسع فوقو كدة..اتصور جواهو ويرجعوا
|
Post: #16
Title: Re: الفريق سليمان صندل حقار
Author: أبوبكر عباس
Date: 12-21-2021, 06:11 AM
Parent: #15
في شبه شديد بين سودانيزاونلاين والدعم السريع
|
Post: #17
Title: Re: الفريق سليمان صندل حقار
Author: Yousuf Taha
Date: 12-21-2021, 09:17 AM
Parent: #16
| Quote: في شبه شديد بين سودانيزاونلاين والدعم السريع |
يامستنير يبدوا انو منبر بكري سينضم لقائمة الجميلة المستحيلة وام الكلالي
شكرا يامدير لمد الدوسان بالمواسير
|
Post: #18
Title: Re: الفريق سليمان صندل حقار
Author: محمد البشرى الخضر
Date: 12-21-2021, 10:36 AM
Parent: #17
| Quote: لقائمة الجميلة المستحيلة وام الكلالي |
و أمدرمان (قلبها)
|
Post: #19
Title: Re: الفريق سليمان صندل حقار
Author: Yousuf Taha
Date: 12-21-2021, 12:26 PM
Parent: #18
ما ألتش حاجة انا هههههه
ع قول المصريين
|
Post: #20
Title: Re: الفريق سليمان صندل حقار
Author: بسمات الشيخ
Date: 12-21-2021, 12:59 PM
Parent: #19
احمد ياسين
وصفك دقيق ..
|
Post: #21
Title: Re: الفريق سليمان صندل حقار
Author: بكرى ابوبكر
Date: 12-21-2021, 01:44 PM
Parent: #20
سلام يا شباب حا اجيكم برواقة لكن مداخلة منتصر الانجليزي قراتها عدة مرات و فعلا تحتاج الي نقيف فيها و نحللها
| Quote: إنتو في الأزبليطة الناصلة ولا سيف كلوش دخل كلية القادة والأركان متين شكله شادي اليونيفورم سحبة |
كيف عوج الدرب اصبح فريق ركن ...حتي حميتي ذاتو قال قبل كده انه ليس فريق ركن لانه لم يدخل كلية القادة و الاركان فكيف لزميلنا سيف اعطوه فريق ركن و متي دخل الكلية مع انه عاد قبل فترة الي السودان
|
Post: #22
Title: Re: الفريق سليمان صندل حقار
Author: نعمات عماد
Date: 12-21-2021, 04:38 PM
Parent: #21
| Quote: دي بلاويك يا بكري...سيف عوج الدرب بقي لواء ركن و احتمال حاكم اقليم |
شيلو شيلتكم يا ناس الإقليم الأوسط.. الدلاهة جاكم 😂
شكراً العزيزة هدى على التذكير بكلمات معبّرة مثل دلاهة، عوقة، خلاقة
ع الرحيم محمد حسين و بالرندوك وهمي.
|
Post: #23
Title: Re: الفريق سليمان صندل حقار
Author: حيدر حسن ميرغني
Date: 12-23-2021, 06:31 AM
Parent: #22
دوام الحال من المحال
دي السياسة وبلاويها في بلدنا
عادي ممكن تجيب سيف وبقال في الواجهة
-
هسه يا بكري لو سيف طلب باسويرد جديد للدخول للبوست ده تحديداً .. تسوي شنو ؟
|
Post: #24
Title: Re: الفريق سليمان صندل حقار
Author: الصادق عبدالله الحسن
Date: 12-23-2021, 03:03 PM
Parent: #23
| Quote: كيف عوج الدرب اصبح فريق ركن .. هل لانو كان كوز؟ |
ليس هناك ما يدعو للاستغراب والحيرة في حوش بكري يا بكري
وأظن بأن اللواء "أركان حرب" (عوج الدرب) لم يكن كوزاً
ولكن "اللماح" ود الباوقة وبعينيه الحادة التي تشبه عين الصقر،
وبرؤيته الإستراتيجية الثاقبة للأوزون استطاع أن يخترق أسرار وأسوار حوش بكري
وأن ينفذ، من وراء ظهركم، إلى الشيفرة الوراثية للواء (عوج الأزبليطة)
وأن يكتشف الكثير من الخصائص الكامنة والعلامات والرموز الضرورية
وأن يصل إلى الخيوط الموصلة بين الكوز وبين عشق الموز
خصوصاً موز القصور الرئاسية اللذيذ لذاذة تفاح الباوقة.
Re: ود عوج الدرب ( الليلة حوبتك جات ) اركض ...Re: ود عوج الدرب ( الليلة حوبتك جات ) اركض ...
وقد لمح ود الباوقة مبكراً المهارات والقدرات القيادية التي تختبي داخل
جينات الفيلد مارشال (عوج الأزبليطة) فوجّه إليه الدعوة في العام 2009
وأطلق النداء مخاطباً عوج الازبليطة بأنه إن أراد النجاة وتحقيق الفوز فعليه
زياة الركض، وضرورة ارتداء الميري، واللحاق باعتصامات الموز
باعتبارها بداية الطريق الذي قد يقود (عوج الأزبليطة) مستقبلاً ليكون
أحد العسكريين العظام والقادة الكرام لجمهورية موز السودان.
علماً بأن البوست على الرابط في الأعلى كان قد افترعه السيد الأراجوز قبل مدى
زمني طويل وسابق لاعتصام التوم هجو الأخير، والذي عجّ بالعسكر واللواءات
ونقلته الفضائيات، وحجت إليه القرود والنسانيس والعبلانجات وبعض الغوريلات
وسعت وطافت بموائده السعادين وسائر ما يُربط من صُلبه من فصائل الحيوانات التي
احتشدت ونططت وشرخت حنجرتها بالهتافات المؤيدة للازبلايطات.
والمثير للدهشة يا (منتصر الإنجليزي) أن (محمد البُشرى بالإنجليزي) استبق
الجميع وتدخل هو الآخر قبل اكثر من عشر سنوات وأحدث "اعوجاجاً" طفيفاً
في مسار البوست، وأدخل تغييراً دقيقاً للعنوان، فكانت تلك الكلمة الخاتمة
والجُملة المفصلة تفصيلاً لتناسب مقاسات البدلة الميري لـ (عوج الأزبليطة) ليصبح
بعدها العنوان الفرعي باللون الأزرق، وكما تشاهدونه في الأسفل، هكذا:
(ود عوج الأزبليطة أظرط من الكوز)!!
....
..
.
|
Post: #25
Title: Re: الفريق سليمان صندل حقار
Author: muntasir
Date: 12-23-2021, 03:12 PM
Parent: #24
سلام الصادق الحبرتجي ود الباوقة في إشارته للموز لا يقصد إعتصام الموز بل معركة الذراع الطويل لقوات العدل والمساواة
|
Post: #26
Title: Re: الفريق سليمان صندل حقار
Author: بكرى ابوبكر
Date: 12-23-2021, 03:58 PM
Parent: #25
Quote: هسه يا بكري لو سيف طلب باسويرد جديد للدخول للبوست ده تحديداً .. تسوي شنو ؟
|
سلام و احترام للجميع ،واسف مداخلة حبيبنا حيدر مهمة مضطرد ارد عليها....
زميلنا سيف ما بجي تاني هنا لانو وصل الي مبتغاه ...مع انو قرآ هذا البوست اكثر من عشر مرات وكل يوم بجي ماري بجاي ....كتير من امثال سيف تعلموا السياسة و الكتابة هنا و عملوا علاقات هنا و عرفهم الجمهور من هنا وبدوا نضالهم هنا ....الخ اليوم بعد وصلوا بشوفوا انهم اكبر من الناس الهنا ...و بنكروا ان الناس الهنا و الموقع من صنعهم وو عرفهم السياسة و الكتابة و الناس....الخ .....ولو داير تتاكد من كلامي كدي اخذ ليك جولة في ارشيف الموقع و الحمد لله ارشيف الموقع. من ٢٠٠٢ قاعد رغم ما تعرض له من هجمات هاكرية....
|
Post: #27
Title: Re: الفريق سليمان صندل حقار
Author: ABUHUSSEIN
Date: 12-23-2021, 03:59 PM
Parent: #25
| Quote: سلام الصادق الحبرتجي ود الباوقة في إشارته للموز لا يقصد إعتصام الموز بل معركة الذراع الطويل لقوات العدل والمساواة |
ذكي انت يا اريرا ....
المداخلات الجابها الصادق من ٢٠٠٩ ...
زول وهم خلاص ..
|
Post: #28
Title: Re: الفريق سليمان صندل حقار
Author: muntasir
Date: 12-23-2021, 05:34 PM
Parent: #27
….. … في غبيرا 😂
|
Post: #29
Title: Re: الفريق سليمان صندل حقار
Author: ABUHUSSEIN
Date: 12-23-2021, 08:12 PM
Parent: #28
..... في جميرا 😜
|
Post: #30
Title: Re: الفريق سليمان صندل حقار
Author: حيدر حسن ميرغني
Date: 12-24-2021, 05:58 AM
Parent: #29
| Quote: زميلنا سيف ما بجي تاني هنا لانو وصل الي مبتغاه ...مع انو قرآ هذا البوست اكثر من عشر مرات وكل يوم بجي ماري بجاي ....كتير من امثال سيف تعلموا السياسة و الكتابة هنا و عملوا علاقات هنا و عرفهم الجمهور من هنا وبدوا نضالهم هنا ....الخ اليوم بعد وصلوا بشوفوا انهم اكبر من الناس الهنا ...و بنكروا ان الناس الهنا و الموقع من صنعهم وو عرفهم السياسة و الكتابة و الناس....الخ .....ولو داير تتاكد من كلامي كدي اخذ ليك جولة في ارشيف الموقع و الحمد لله ارشيف الموقع. من ٢٠٠٢ قاعد رغم ما تعرض له من هجمات هاكرية.... |
|
Post: #31
Title: Re: الفريق سليمان صندل حقار
Author: جلالدونا
Date: 12-24-2021, 05:20 PM
Parent: #30
Quote: ذكي انت يا اريرا ....
المداخلات الجابها الصادق من ٢٠٠٩ ...
زول وهم خلاص .. |
هههههها غايتو جنس غايتو
عوجت ليهو دربو ياخ
كان سيبو ينداح شوية
|
Post: #32
Title: سيف عوج الدرب
Author: بكرى ابوبكر
Date: 02-06-2022, 08:26 PM
Parent: #31
اسع اضحك و لا ابكي و
يا اخو السودان شيل عليه الفاتحة
|
Post: #33
Title: Re: سيف عوج الدرب
Author: بكرى ابوبكر
Date: 02-06-2022, 08:31 PM
Parent: #32
حوار:د.سيف مساعد القيادي بحركة العدل والمساواة في حوار مع «الوطن»
على جميع القوى السياسية التواضع من أجل مصلحة الوطن
حوار : أحمد جبريل التجاني
د.سيف مساعد القيادي بحركة العدل والمساواة والمقيم بألمانيا ظل نشطاً و سط المعارضين خاصة في وسائط التواصل الاجتماعي وظل حضوراً في مناشط الحركات المسلحة وإجتماعات نداء السودان بالخارج،.. «الوطن» إلتقت د.سيف للحديث عن الثورة وبعض ماتمور به الساحة السياسية هذه الأيام عبر المساحة التالية:
أين حركة العدل والمساواة من حراك الشارع؟
الحركة طبعاً الكل يشهد على موقفها الإيجابي من الأحداث بداية من مقاطعة مفاوضات الدوحة العام السابق ومشاركة في التظاهرات والإحتجاجات السلمية بداية من كوستي وربك ومشاركة عضويتنا التي قدمت من الأقاليم للعاصمة طيلة الفترة مابين ديسمبر ٢٠١٨ إلى يوم الزحف الأكبر ٦ أبريل وصبيناها مع الصابين، وماحدث يشبه الشعب السوداني.
# هل ترى أن قوى الحرية والتغيير تستحق تصدر المشهد بمعزل عن القوى السياسية الأخرى؟
ما نالته قوى التغيير هو إنتصار للثورة المطالبة بالحرية والعدالة وقوى التغيير من تجمعات سياسية مختلفة لن يكرس رأي مجموعة بعينها ويجعلها تسيطر على كل شئ كي تحقق أهدافها على حساب الآخرين . ولن تتحقق العدالة إلا بهذه النسبة الموزعة على الجميع التي تتطلب تنازل الجميع من أهدافهم من أجل مصلحة الوطن ولن يتضرر الذين هم خارج تجمع قوى التغيير.
# ظلت قوات الدعم السريع تؤكد أنها تتعرض إلى حملة تشويه السؤال..؟
كتائب الظل وبقايا النظام هم خلف الحملة المنظمة ضد حميدتي وبعض القوى السياسية يريدون أن يخرجوا البعض من اللعبة بعدما أسقط الإنقاذ وتغنوا له أثناء حملة الإسقاط والآن بعد أن ثبت بأن النظام سقط بنسبة ٩٠% أرادوا أن ينفردوا بالملعب من دونه ولكن لايقدرون على ذلك ولو حميدتي أخرج قواته خارج الخرطوم سوف تعود حرب الردة .
#د.جبريل قال حديثاً حسب عليه للثوار ثم عاد وإعتذر ما ردك؟
ما أحب أن اؤكده إننا لن نسئ للشباب والثوار لأن لنا منصة في مكان الإعتصام ومنصتنا من أنشط المنصات في مكان الاعتصام.
|
|
