Post: #2 Title: Re: الاعتداء على ابراهيم الشيخ ومحاولة طرده م Author: Mohamed Doudi Date: 12-19-2021, 11:02 PM Parent: #1
ال حصل ده مرفوض تماما وحذرنا منه منذ اوائل ايام الثوره فى 2020 ولكن ضحك البعض وشمت على هتافات البعض ضد رموز وكوادر بعض الاحزاب مافى ديمقراطيه من غير احزاب
Post: #3 Title: Re: الاعتداء على ابراهيم الشيخ ومحاولة طرده م Author: Mutasim Idris Date: 12-19-2021, 11:14 PM Parent: #2
الشارع بنضف في جراحه من الصديد.. ابراهيم الشيخ قبل كدا كذب في اعتصام القيادة وصرح بكيفية فضه حتي قبل التحقيقات.. ابراهيم الشيخ لم يمانع في مشاركة العسكر في تصريحه للجزيرة قبل يومين بشرط ابعاد البرهان!! الشارع في ثورة ولن تسرق مرتين..
Post: #4 Title: Re: الاعتداء على ابراهيم الشيخ ومحاولة طرده م Author: Abureesh Date: 12-19-2021, 11:37 PM Parent: #3
هل يا ياسر شاهدت فيديو الجزيرة اليوم اللى الأستاذ أحمد استضاف فيه إبراهيم الشيخ؟ نزله كوستاوى قبل ساعات هنا وأنا شاهدته الزول دا مع العسكر وقال مافى أى خيار غير التحالف مع العساكر، وقال شباب الثورة ما واعين للحقيقة دى.. طيب زول دا رأيه ليه يمشى فى المظاهرة مع الثوار غير يكون هدفه تثبيطهم وشق صفهم.. أنا ضد الإعتداء الجسدى ولكنه يستحق الطرد ولو عنده دم ما كان جاء للمظاهرة اساسا.. نفاق واضح. الثوار شعارهم لاءات ثلاثة هو عارفها، وهو رأيه لا خيار سوى التحالف مع العسكر.. طيب جاى يسوى شنو؟ موقف الثوار سليم جدا يا ياسر.. ديل شباب مارقين للموت وكل يوم يتتشهد منهم واحد أو واحدة.. يشوفوا أخواتهم يقتلن بالرصاص، جاى يناقشهم ويقنعهم يعنى؟ يستحق تماما الطرد.. خليه يمشى العسكر بتوعينو ينفعوه. هذا ليس وقت الأحزاب.. الأحزاب انتهت لو ما نزلت القيادات التقليدية وقدموا الشباب الثائر من بينهم للمناصب العليا حتى الرئيس. أما إبراهيم الشيخ وحسب فيديو الجزيرة اليوم رجل يستحق الطرد من وسط الثوار فهو ليس ثائر. الثورة مواقف وليست كلام بعد الظهيرة فى الصالون عن الديمقراطية. شوف بكرى الان قرر أى زول يكتب فى إتجاه تثبيط الثوار سيحذف ما كتبه ولو كرره سيحذف العضو زاتو من المنبر.
Post: #5 Title: Re: الاعتداء على ابراهيم الشيخ ومحاولة طرده م Author: Yasir Elsharif Date: 12-19-2021, 11:55 PM Parent: #4
سلام يا أبو الريش
برضو الاعتداء على ابراهيم الشيخ عمل مرفوض. بعدين يبدو أنك ما استمعت جيدا لابراهيم الشيخ. أرجو أن تعيد الاستماع من الموضع 13:53.
قال لا بد من التحالف مع العسكريين، لكن عسكريين ملتزمين بالدولة المدنية. وشرح ذك بصورة جيدة. كما قال أن البرهان وحميدتي كباشي إلخ لم يعودوا محل ثقة، ويجب أن يذهبوا.
Post: #6 Title: Re: الاعتداء على ابراهيم الشيخ ومحاولة طرده م Author: Abureesh Date: 12-20-2021, 00:24 AM Parent: #5
عليكم السلام أخى العزيز ياسر، واسف إذ لم أحييك فى المداخلة السابقة
Quote: برضو الاعتداء على ابراهيم الشيخ عمل مرفوض.
ولو لاحطت مداخلتى أعلاه فقد أدنت الإعتداء الجسدى عليه.. أما قولك:
Quote: قال لا بد من التحالف مع العسكريين، لكن عسكريين ملتزمين بالدولة المدنية
كيف يكون عسكرى وملتزم بدولة مدنية.. فى الدولة المدنية الحكام مدنيون، حتى وزير الدفاع لابد يكون من المدنيين والعساكر ما فاضين زاتو من وضع خطط الدفاع وتصنيع ومشتروات الأسلحة ومراقبة الجيوش الأجنبية والتدريب والمناورات.... الخ. إبرايهم الشيخ لا يعرف ما هى المدنية وما هى العسكرية. ووجهت كلام للبرهان هنا من قبل... قلت له العسكرى المحترف لا يتشرف أن يكون وسط المدنيين وهو يلبس الكاكى.. دا يكون زى ما تقول شخص يتشبه بالجنس الاخر سواء رجل أو إمرأة. كل ميسر لما خلق له. وقلت له أن الجندية ليست دبابير على الأكتاف وإنما شرف فى المقام الأول. لذلك عبارة عسكريين ملتزمين بالدولة المدنية تكشف جهل الرجل طبيعة العسكرية وطبيعة المدنية. ومرة أخرى أقول أن طرده كان واجبا لأنه منافق وجاء وليشق الصف.. وهو كتاجر لازم يمسك العصا من النص.. عشان لو انتصر العسكر أو الثوار يضمن مصالحه التجارية., ما لاحظت دا فى ردوده على أسئلة أحمد التى لم تعنى شئ.. ردود كلها تهرب وفارغة من المحتوى. مافى إجابة مباشرة أبداً..
Post: #7 Title: Re: الاعتداء على ابراهيم الشيخ ومحاولة طرده م Author: Abureesh Date: 12-20-2021, 04:13 AM Parent: #6
روبيسبيـــر Robespierre كان من قادة الثورة الفرنسية ولما انتصرت الثورة ورأى الثوار انه بدأ ينحرف من خط الثورة تم إعدامه بالمقصلة المشهورة Madame guillotine وما قام به روبسبير لا يرقى الى عشر ما قام به إبراهيم الشيخ أو حمدوك من خيانة للثورة والثوار. ورغم ذلك لم يعدموا أو حتى يعتقلوا او يحرموا من حقوقهم.. ولكن أن يتجرأ أحدهم ويسير فى موكب الثوار فليحمد الله أنه جزء من الشعب السودانى الكريم والمتسامح والمسالم، الذى أكتفى بطرده من بين الثوار. أما العنف اللفظى وبعض المجابدات (لم يضرب حسب ما رأيت فى الفيديو) فيمكن أن يعتبر هذه صورة ملطفة لمدام جيللوتاين. ومع تطور المجتمع لطفت العقوبات.
Post: #8 Title: Re: الاعتداء على ابراهيم الشيخ ومحاولة طرده م Author: علاء سيداحمد Date: 12-20-2021, 06:28 AM Parent: #7
Quote: قال لا بد من التحالف مع العسكريين، لكن عسكريين ملتزمين بالدولة المدنية. وشرح ذك بصورة جيدة. كما قال أن البرهان وحميدتي كباشي إلخ لم يعودوا محل ثقة، ويجب أن يذهبوا.
ما فى حاجة اسمها عسكريين ملتزمين بالدولة المدنية جنس الكلام المايع دا من ابراهيم الشيخ هو البيعطى العسكر فرص لا يستحقونها .
مشاركة العسكر يا ابراهيم الشيخ تعنى : ان يكون هناك فى السيادي عدد 2 او 3 من العسكر فى المجلس ودور المجلس مجلس تشريفي
كان مفروض تشرح كدا عشان يكون كلامك مبلوع .
واما الآن فلتذهب انت الى حيث تستحق فى المذبلة مع غيرك .
Post: #9 Title: Re: الاعتداء على ابراهيم الشيخ ومحاولة طرده م Author: علاء سيداحمد Date: 12-20-2021, 06:29 AM Parent: #7
Quote: قال لا بد من التحالف مع العسكريين، لكن عسكريين ملتزمين بالدولة المدنية. وشرح ذك بصورة جيدة. كما قال أن البرهان وحميدتي كباشي إلخ لم يعودوا محل ثقة، ويجب أن يذهبوا.
ما فى حاجة اسمها عسكريين ملتزمين بالدولة المدنية جنس الكلام المايع دا من ابراهيم الشيخ هو البيعطى العسكر فرص لا يستحقونها .
مشاركة العسكر يا ابراهيم الشيخ تعنى : ان يكون هناك فى السيادي عدد 2 او 3 من العسكر فى المجلس ودور المجلس مجلس تشريفي
كان مفروض تشرح كدا عشان يكون كلامك مبلوع .
واما الآن فلتذهب انت الى حيث تستحق فى المذبلة مع غيرك .
Post: #10 Title: Re: الاعتداء على ابراهيم الشيخ ومحاولة طرده م Author: علاء سيداحمد Date: 12-20-2021, 06:29 AM Parent: #7
Quote: قال لا بد من التحالف مع العسكريين، لكن عسكريين ملتزمين بالدولة المدنية. وشرح ذك بصورة جيدة. كما قال أن البرهان وحميدتي كباشي إلخ لم يعودوا محل ثقة، ويجب أن يذهبوا.
ما فى حاجة اسمها عسكريين ملتزمين بالدولة المدنية جنس الكلام المايع دا من ابراهيم الشيخ هو البيعطى العسكر فرص لا يستحقونها .
مشاركة العسكر يا ابراهيم الشيخ تعنى : ان يكون هناك فى السيادي عدد 2 او 3 من العسكر فى المجلس ودور المجلس مجلس تشريفي
كان مفروض تشرح كدا عشان يكون كلامك مبلوع .
واما الآن فلتذهب انت الى حيث تستحق فى المذبلة مع غيرك .
Post: #11 Title: Re: الاعتداء على ابراهيم الشيخ ومحاولة طرده م Author: أحمد محمد عمر Date: 12-20-2021, 07:55 AM Parent: #10
الشباب ديل بتحركهم حالياً طاقة الغضب الغضب من حقارة العسكر والغضب من انكسار الحرية والتغيير جربوا حكم قحت سنتين وشافوا بي عينهم البلد ماشي من حفرة لي حفرة أعمق والمدنيين الجابتهم قحت ما عملوا أي حاجة تحسب ليهم في مطالب الشباب ديل شافوا لجنة فض الاعتصام شغالة بالسنوات وما قدمت ولا متهم من المتهمين المصورين روحهم بموبايلاتهم الشخصية وهم بنفذوا في الجريمة شافوا الحرية والتغيير اتسلموا الوزارات وسيلان الدماء مستمر آخر حاجة عاوزينها الثوار ديل هو ظهور اسباب هزيمتنا .. الناس الصعدوا للمناصب بالثورة وما عملوا ليهم حاجة ترضيهم رفضهم للأحزاب مبرر لأنها حتى الآن ما قدمت ما يطمئن الجماهير إنها شغالة عشانهم الثوار ديل ما شغالين بالمجتمع الدولي والقروض وموازنات المحاور وباقي الأمور الشاغلة عقول الساسة ديل همهم توفير السلع والخدمات الأساسية والحقوق الأساسية زي حرية الكلام بدون رصاص وبمبان والقصاص من القتلو زملاءهم واختفاء السلاح وترويع المدنيين في فروقات كبيرة جداً بين مطالب الأحزاب ومطالب الثوار، ودة ما وقت مناسب نهائي لظهور أي شخصية كانت جزء من الحكم المدني السابق، لأنهم شافوا فشلهم شوف العين ما كلموهم بيه الأحزاب لو عندها ذرة عقل تدعم قيادات ميدانية من الثوار أنفسهم موش تحاول تسوق لنفس القيادات القديمة الساسة شايفين الحراك دة عظيم جداً ومفروض يتوجه وإلا حيكون مجرد هتاف وخلاص، لكن دايرين يمشوا في نفس الطريق القديم ويصلوا لنتائج مختلفة ما تفترضوا إنه الثوار ديل كلهم واعين ومثقفين، فيهم كمية غوغائية ما شوية، ناس جاهزة لإنها تفجر طاقة الغضب الجواها في أي زول، ودي حاجة ممكن يلعبوا بيها الكيزان والمندسين بسهولة شديد، يعني ببساطة يهتفوا في أي زول إنه خائن للثورة وبلقى مية موجوع داير يقرمش الخائن دة بسنونه كل السياسيين الشاركوا في الحكومة السابقة مفروض يختفوا من مواكب الشارع ويكتفوا بمداخلات القنوات لحدي ما الشارع ينتظم تحت قيادة جديدة بدل تجمع المهنيين الهدموهو ناس قحت
الناشط الوحيد الفاهم الشارع والثوار هو راشد عبد القادر
Post: #12 Title: Re: الاعتداء على ابراهيم الشيخ ومحاولة طرده م Author: Ali Alkanzi Date: 12-20-2021, 08:20 AM Parent: #11
سلام يا دكتور ياسر ليه الزعل؟ ابراهيم الشيخ لم يطرده البرهان بل الشباب الذين جادوا بدمائهم وكلما عندهم لاحداث هذه الثورة ثم قولك:
Quote: ومحاولة طرده
وصف غير دقيق ابراهيم الشيخ تم طرده بل تشيعه
Post: #13 Title: Re: الاعتداء على ابراهيم الشيخ ومحاولة طرده م Author: Yasir Elsharif Date: 12-20-2021, 10:37 AM Parent: #12
سلام للجميع وشكرا
كثير مما أود أن أقوله للإخوان الذين كتبوا كتابة سالبة عن الأستاذ إبراهيم الشيخ موجود في هذا البوست
الذي وضعته يوم 29 نوفمبر الماضي هنا في سودانيز أونلاين.
هذا حديث لابراهيم الشيخ قبل انقلاب 25 أكتوبر بثلاثة أيام، بعد أن كان قد خرج في مليونية 21 أكتوبر التي تعرض فيها أيضا للازدراء، بسوء فهم أو سوء نية من مندسين.
Quote: جمهورية ودنوباوي 23. Oktober · ابراهيم الشيخ وبشفافية عالية يطرح المشكلة الحادثة الآن وتحركات البرهان ومحاولة الانقلاب على الثورة ....
ــــ وهذا ما كان قد قاله ابراهيم الشيخ في قناة الجزيرة مباشر عقب مليونية 21 أكتوبر ووضع في صفحة القناة يوم 22 أكتوبر 2021:
Quote: الجزيرة مباشر السودان 22. Oktober · إبراهيم الشيخ وزير الصناعة والقيادي بالحرية والتغيير: البرهان لا يستطيع أن يتصور نفسه يبقى عضوا عاديا بعد أن كان رئيسا والقائد الأعلى للقوات المسلحة.. لو أقسم #البرهان بالطلاق لن نصدقه.. مافي شراكة الآن يتقدمها البرهان.. ما عدنا نثق فيه
هل يا عزيزي أبو الريش زول بيقول مثل هذا الكلام يمكن أن يصح فيه قول مثل قولك أن هدفه من الخروج هو "تثبيط الثوار وشق صفهم؟؟":
Quote: الزول دا مع العسكر وقال مافى أى خيار غير التحالف مع العساكر، وقال شباب الثورة ما واعين للحقيقة دى.. طيب زول دا رأيه ليه يمشى فى المظاهرة مع الثوار غير يكون هدفه تثبيطهم وشق صفهم..
قولك يا أبو الريش:
Quote: عبارة عسكريين ملتزمين بالدولة المدنية تكشف جهل الرجل طبيعة العسكرية وطبيعة المدنية.
أن يكون العساكر ملتزمين بالدولة المدنية يعني ائتمارهم بأمر السلطة المدنية، في تعاون تام. ولكن هذه التجربة فشلت وانتهت بانقلاب البرهان، وأنا أختلف مع ابراهيم الشيخ بإعادتها بشخصيات عسكرية أخرى، وأقترح استقدام عسكريين ورجال شرطة أحرار ومستقلون كانوا قد أبعدتهم الانقاذ، فيتولوا استلام السلطة وتسلميها للمدنيين ويضعوا أنفسهم تحت سلطتهم في المؤسسات العسكرية كالجيش والشرطة والأمن.
Post: #14 Title: Re: الاعتداء على ابراهيم الشيخ ومحاولة طرده م Author: Gafar Bashir Date: 12-20-2021, 11:26 AM Parent: #13
Quote: الشباب ديل بتحركهم حالياً طاقة الغضب
ما حدث ليس غضب ولا حالة غضب ما حدث امرمتكرر ومرتب ومخطط له ومعروف ومفهوم للجميع بدا من فترة طويلة واستمر حتي ندوة شمبات واستمر مع 19 ديسمبر مستهدف قيادات قوي الحرية والتغيير بصورة كبيرة وواضحة والحل انه يتم تامين جميع الكوادر حتي لو ادي الامر لاستخدام العنف ضد اي جهة او افراد او مجموعات منفعل او غير منفعل
Post: #15 Title: Re: الاعتداء على ابراهيم الشيخ ومحاولة طرده م Author: بسمات الشيخ Date: 12-20-2021, 02:46 PM Parent: #14
يا جماعة الخير الزول ده ما قال هو مع الشراكة مع العسكر ولكنه قال انه يرى ان الجيش لا بد ان يضمن انتقال السلطة للشعب ولكن الجيش نزل بكامله للسيطرة على السلطة ... ..وبعدين هو كان أحد رموز الثورة ضد نظام اللصوص والحرامية فما ممكن تنسوا كل ما قدمه وتقوموا بضربه ...وطرده من المظاهرة.. هذا عمل مرفوض بشدة ... ..انتو بتشوفو الفيل وتطعنوا في ضله ....
Post: #16 Title: Re: الاعتداء على ابراهيم الشيخ ومحاولة طرده م Author: tabaldy Date: 12-20-2021, 03:10 PM Parent: #15
Quote: انتو بتشوفو الفيل وتطعنوا في ضله
دي رسالة في صندوق بريد الفيل
كان صحي حاكم السودان اطلع وخاطب الشعب بصورة مباشرة عشان تشوف شعاع.
ضد العنف
تحياتي
Post: #17 Title: Re: الاعتداء على ابراهيم الشيخ ومحاولة طرده م Author: ABUHUSSEIN Date: 12-20-2021, 03:38 PM Parent: #16
اي تصريح او تعليق سالب في حق الناس البتطلع الشارع بيعتبر كارثي لأنو بيدي العساكر الدافع لمزيد من القتل ...... يعني كان معاهم حق لمعاقبته على اي كلمة بتزيد قتلاهم العدو بيتربص بالثوار و هم عارفين كويس ياتو كلام بزيد من خسائرهم ......
Post: #18 Title: Re: الاعتداء على ابراهيم الشيخ ومحاولة طرده م Author: Mahjob Abdalla Date: 12-20-2021, 03:47 PM Parent: #17
Quote: والحل انه يتم تامين جميع الكوادر حتي لو ادي الامر لاستخدام العنف ضد اي جهة او افراد او مجموعات منفعل او غير منفعل
الافضل ان يظل يشارك في كل التجمعات و بدون حرس. ياخد ام دلدوم عادى او عجوز سدت بابها, ياكلها في حنانو و يديهم الخد الاخر.
Post: #32 Title: Re: الاعتداء على ابراهيم الشيخ ومحاولة طرده م Author: Gafar Bashir Date: 12-21-2021, 05:32 PM Parent: #18
Quote: الافضل ان يظل يشارك في كل التجمعات و بدون حرس. ياخد ام دلدوم عادى او عجوز سدت بابها, ياكلها في حنانو و يديهم الخد الاخر.
حبيبنا حسن الظن راح مع كولومبيا
Post: #19 Title: Re: الاعتداء على ابراهيم الشيخ ومحاولة طرده م Author: نعمات عماد Date: 12-20-2021, 04:05 PM Parent: #17
سلام أقترح على السيد ابراهيم الشيخ التحاور مع الشباب الظاهري في الفيديو لمعرفة سبب طردهم له. يمكن من الفيديو معرفة اللجان التي ينتمون لها أو معرفة ما إذا كانوا كيزان مندسين أو أمنجية و دعم سريع. لأن ما يحدث الآن هو إنقسام القوى الثورية حول ما حدث للشيخ و الإنشغال بالتلاوم بدلاً عن توجيه الغضب نحو القتلة برهان و حميدتي و الإنقلابيين و المندسين من الكيزان و غيرهم.و بدلاً عن الحديث عن الشهداء الجدد و المصابين و عن بسالة من حملوا أكفانهم و خرجوا من أجل تحرير الوطن من القتلة. فلنفرض إن عدد من الشباب قاموا بعنف لفظي و طردوا ابراهيم الشيخ، فلابد أن نكون حريصين على توجيه اللوم و الإدانة لمن أخطأ ولا نعمم.
Post: #20 Title: Re: الاعتداء على ابراهيم الشيخ ومحاولة طرده م Author: Gafar Bashir Date: 12-20-2021, 04:20 PM Parent: #15
Quote: يا جماعة الخير الزول ده ما قال هو مع الشراكة مع العسكر ولكنه قال انه يرى ان الجيش لا بظ ان يضمن انتقال السلطة للشعب ولكن الجيش نزل بكامله للسيطرة على السلطة ...
كل واحد بيقرا وبيسمع حسب رغباته الشخصية
Post: #21 Title: Re: الاعتداء على ابراهيم الشيخ ومحاولة طرده م Author: Abureesh Date: 12-20-2021, 05:06 PM Parent: #20
الأخت بسمات.. راجعى الفيديو.. الزول قال ما فى خيار غير الشراكة مع العسكر.
الأخ ياسر.. صحيح هو قال لا يثق فى البرهان.. ولكن لا أدرى ماذا يعنى هذا عندك.. هو قال ما فى خيار غير شراكة العسكر.. وطبعا لا يهم ان كان على راسهم البرهان او عسكرى اخر.. اراك لم تناقش هذه والنقاط الاخرى من مداخلتى
Post: #22 Title: Re: الاعتداء على ابراهيم الشيخ ومحاولة طرده م Author: Hafiz Bashir Date: 12-20-2021, 09:02 PM Parent: #21
Quote: مستهدف قيادات قوي الحرية والتغيير بصورة كبيرة وواضحة والحل انه يتم تامين جميع الكوادر حتي لو ادي الامر لاستخدام العنف ضد اي جهة او افراد او مجموعات منفعل او غير منفعل
كلام خطير يا جعفر مجموعة من الثوار هتفت ضد إبراهيم الشيخ، الهتاف فعل سلمي لا يبرر العنف المضاد وإلا لكان مبرر للقوات النظامية في أن تستخدم العنف ضد الثوار الذين يهتفون ضد البرهان. ما عارفك قاصد منو الممكن يكون مستهدف قيادات قوى الحرية والتغيير، إذا كنت تقصد العسكر والقلول فإنهم يستهدفون الشعب السوداني بكامله والذي يخرج فلذات أكباده يومياً ولا يدري أي منهم موقع الطلقة القاتلة. الثوار الذين يخرجون بصدورهم العارية، لم يبرر لهم عنف القوات النظامية والملشيات ان يخرجوا عن سلميتهم إلا قي حدود الضرورة القصوى. فما الذي يبرر لقحت إستخدام العنف لحماية كوادرها من الهتافات؟
إبراهيم الشيخ تم إستهدافه ومنعه من السفر فقام بالإتصال برئيس الوزراء وبعضو من المجلس السيادي ليتوسطوا له عند البرهان. أنا إذا منعوني من السفر وحات الله إلا أكان إتصل بجمال ولد جيران ناس عمتي عشان يتوسط لي، جمال أظنو عريف او وكيل عريف في البوليس.
Post: #23 Title: Re: الاعتداء على ابراهيم الشيخ ومحاولة طرده م Author: أبوبكر عباس Date: 12-20-2021, 10:09 PM Parent: #22
يا شبح، أشرح لي كيف الشباب ديل ما شغالين بالقروض الدولية وهمهم توفير السلع؟!
خلاص نزل ليهم المن والسلوى
Post: #24 Title: Re: الاعتداء على ابراهيم الشيخ ومحاولة طرده م Author: Bashasha Date: 12-21-2021, 04:59 AM Parent: #23
قرقرقرقرقرقر!!!!!!!!!!!!
مضحك حد البكا، طريقة فهمنا، تعاملنا مع مفهوم ديمقراطية، ونظام ديمقراطي!!
عشان كده قنا، تعالو نســــودن الداهي ده، المسمي ديمقراطية، اللي فعلا لاعلاقة لطريقة تفكيرنا بهكذا نظام سياسي، وكنتيجة العسكر بجو متلبين لملئ الفراغ الناجم عن وهم ديمقراطية!!!!!!!
ابراهيم الشيخ ده، المفترض، سياسي وبالتالي خادم، والبهتفو ضدو هم مخدميه، اولياء امره.
لو هو فاهم كده، مفروض يشكر ناخبيه، مخدميه، يديهم تعظيم سلام او يبطل جدال او مناقرات، علي الاهتمام الزائد بي اداؤو، ثم يجلس في جلال، في حضرة مخدميه، يمسك قلم او كراس، او يكتب البقولو ليهو، باعتبار هذا خدمة بلوشي لامثالو عشان يحسنو الاداء، للفوذ بي رضاء ناخبيه، او بي كده يصل كرسي السلطة، اكرر كخادم مطيع!!!
قطعا اي عنف بديني مرفوض، والجاني كفرد يدان، او ده كلو لايغير من دور، وضعية، واجب امثال ابراهيم، والا فلافرق بينو او بين العوقة البرهان، الا الكاكي!!!
اتمني لو ذكي، ابراهيم او منظومتو يفهمو ما حصل كده، بي تواضع جم، واحترام من خادم لي مخدمو، ويعتبر ماحدث خدمة مجانية ليهو لويعلم!!!
Post: #25 Title: Re: الاعتداء على ابراهيم الشيخ ومحاولة طرده م Author: عبدالغني محمد الحاج Date: 12-21-2021, 05:28 AM Parent: #24
ما حدث خطأ كبير ضد قامة سياسية ضحت من أيام كنا طلبة في جامعة الخرطوم بالغالي والنفيس من أجل الوطن ما يحدث إما فجوة في الوعي بين الشباب الفي المظاهرات والقيادات التي تصدت للأمر في الفترة السابقة نتيجة للحملات التشويهية التي قادها ضدهم تحالف كيزاني يساري أو عمل وراه خباثات سياسية من جهات أدمنت المؤامرات والعمل من وراء ستار لتكسير كل تنظيم يبرز بقوة في الساحة الساسية
Post: #26 Title: Re: الاعتداء على ابراهيم الشيخ ومحاولة طرده م Author: محمد البشرى الخضر Date: 12-21-2021, 05:45 AM Parent: #25
حديث ابراهيم الشيخ في الجزيرة كان بعد ما تعرض له في الموكب, يحمد له عدم انفعاله و اشارته لما جرى بلغة غاضبة اوحت بتفهمه لرد فعل الشباب الغاضب
Post: #27 Title: Re: الاعتداء على ابراهيم الشيخ ومحاولة طرده م Author: Hafiz Bashir Date: 12-21-2021, 06:03 AM Parent: #26
Quote: حديث ابراهيم الشيخ في الجزيرة كان بعد ما تعرض له في الموكب, يحمد له عدم انفعاله و اشارته لما جرى بلغة غاضبة اوحت بتفهمه لرد فعل الشباب الغاضب
😂😂😂 هو كان يقدر يجيب السيرة دي؟
Post: #28 Title: Re: الاعتداء على ابراهيم الشيخ ومحاولة طرده م Author: أبوبكر عباس Date: 12-21-2021, 06:15 AM Parent: #27
لو كان قال كلامو داك هنا؛ بكري وحافظ بشير كانوا حظرو وفي أحسن الأحوال قللوا مداخلاته لواحدة
Post: #29 Title: Re: الاعتداء على ابراهيم الشيخ ومحاولة طرده م Author: أحمد محمد عمر Date: 12-21-2021, 06:57 AM Parent: #28
Quote: يا شبح، أشرح لي كيف الشباب ديل ما شغالين بالقروض الدولية وهمهم توفير السلع؟! خلاص نزل ليهم المن والسلوى
انت قايل طلبة عطبرة البدو الثورة من فرن عيش لقوهو بي 3 جنيه كانوا قارين رأس المال ولا بعرفو آدم سميث؟! الثورة دي شعارها كان (تسقط بس) "بس" دي يعني ما مهم البحصل بعديها شنو
Post: #30 Title: Re: الاعتداء على ابراهيم الشيخ ومحاولة طرده م Author: Yasir Elsharif Date: 12-21-2021, 08:32 AM Parent: #29
سلام للجميع وشكرا
بالمناسبة، إبراهيم الشيخ شارك في الخروج في مليونية 21 أكتوبر التي كانت قبل أربعة أيام من انقلاب البرهان. والناس كانت تهتف سلم سلم يا برهان. فهو قد أدرك أن البرهان ناوي على الانقلاب.
وبالمناسبة أيضا، تعرض ابراهيم الشيخ لهتافات مناوئة له من البعض في ذلك اليوم:
Post: #31 Title: Re: الاعتداء على ابراهيم الشيخ ومحاولة طرده م Author: محمد البشرى الخضر Date: 12-21-2021, 10:38 AM Parent: #30
النصف الممتلئ من الكوب, من محاسن تفريق ندوة شمبات و ضرب ابراهيم الشيخ كتير من الخبراء الاستراتيجيين ما قادرين يحاججوا انه دا شارع الحرية و التغيير وهي البتطلع الناس للمظاهرات ومضطرين يعترفوا بانه ديل الشباب ودا الشارع الحقيقي البوظ اعصابهم دا لكن شايف في نغمة كدا بتاعة شيطنة وانو دا الحزب الشيوعي ورا لجان المقاومة وانه في سفارات بتمول و عبط من النوع دا
Post: #33 Title: Re: الاعتداء على ابراهيم الشيخ ومحاولة طرده م Author: Gafar Bashir Date: 12-21-2021, 05:37 PM Parent: #31
Quote: مجموعة من الثوار هتفت ضد إبراهيم الشيخ، الهتاف فعل سلمي لا يبرر العنف المضاد وإلا لكان مبرر للقوات النظامية في أن تستخدم العنف ضد الثوار الذين يهتفون ضد البرهان.