فلتكن كنداكـة رئيســة الوزراء القادمـة.

06:33 PM December, 18 2021

سودانيز اون لاين
Abureesh-
مكتبتى
رابط مختصر

يختاروها.. والحكومة كلها يجب ان تكون من الثوار الذين فى الشارع.. لماذا يكون رجل رئيساً للوزراء.. نساء بلادى اللائى ضحين بحياتهن لسن أقل كفاءة من هؤلاء الأفنيدية الذين تعودوا
تعيين بعضهم والقفز على كرسى الرئاسـة. أقترح رئيسة للوزراء ووزيرة للدفاع وأخرى للخارجيـة..

خسارة لو أدوها تانى للأحزاب.. الأحزاب التى انبثقت عن مؤتمر الخريجين وصار مثقفوها أذيالا للطائفية وما زالوا قد انتهى عمرهم الإفتراضى.. اليوم تنشأ احزاب جديدة من هؤلاء الشباب.
تخطوا أحزاب قحت التى أضاعت ثلاث سنوات من عرق ودماء الشباب الثائر.. أرحموا هؤلاء الشباب، وعلى كل حال زمن التلاعب انتهى وقد رأيتم يا احزاب بأعينكم حين لعبتهم وتامرتم
مع اللجنة العسكرية وتخطيتم الشباب والشعب الذى قدمكم حين لم تكونوا تستحقون ولم تكونوا اهلا للتقديم.

إنت كان حكومتك حاكماك في البيت
ما تجي تطبقا فينا
انا عايزه فرعون عشان كل واحد يدخل في جحرو وتقيف الفوضى الوطنوها في بلدنا الكيزان والأحزاب دي

سلام ابوالريش
المشكلة ابدا ما في كونو امراة او رجل بل في العقل الجمعى لشعوب و كيفية الاتفاق علي كيف نحكم السودان و ليس من يحكم.
لو ادينا القيادة لساحر و بدون برنامج متفق عليه, برضو حيفشل

توفيق عيسى.. من فضلك ابعد من شخصة النقاش.. ما فى زول ناداك بإسمك
ووجه كلام لشخصك. الناس هنا تناقش أمور عامة تهم الجميع.

Quote: ما فى زول ناداك بإسمك

حقيقي مافي زول قال سموء الأمير أو ما شابه
بس لما تمس الأمير ودولته كده بتكون شخصيته الحكاية
(لما تنازعني في عقيدتي الإسلامية وثوابتها اتوقع أي ردة فعل من أي زول إلا المشركين والملحدين والكفرة)

Quote: لماذا يكون رجل رئيساً للوزراء.. نساء بلادى اللائى ضحين بحياتهن لسن أقل كفاءة من هؤلاء الأفنيدية الذين تعودوا

ابو الريش انت جادي ؟؟
لو كان الكلام دا ممكن كان استاذكم اولى من يطبقه ، ليه ما رشح كنداكة لوظيفة الانسان الكامل ؟؟
استاذكم قال ( المرأة مكانها البيت ) ...........

Quote: سلام ابوالريش المشكلة ابدا ما في كونو امراة او رجل بل في العقل الجمعى لشعوب و كيفية الاتفاق علي كيف نحكم السودان و ليس من يحكم. لو ادينا القيادة لساحر و بدون

صدقت لكن السطحية والعقم الربتتا عليه مدارس وجامعات المستعمر
الخبيث صعب تمرق تاني بأخوي وأخوك

Quote: المشكلة ابدا ما في كونو امراة او رجل بل في العقل الجمعى لشعوب و كيفية الاتفاق علي كيف نحكم السودان و ليس من يحكم.

الأخ محجوب عبدالله
من أهم محاور "كيف نحكم السودان" التأكيد أن من حق المرأة أن تترشح لرئاسة الدولة.. الولاية الكبرى.. ألا ترى ان هذه أهم نقاط كيف نحكم السودان؟
أنا لم أقترح امرأة محددة لتحكم ولكن أن تكون احدى الكنداكات اللائى حملن رؤوسهن على أكتافهن من أجل التغيير. وأهو زى ما شايف هسى طلع ليك
واحد قال لا نرضى هذا فى (عقيدتنا).. يعنى المرأة لا يجب أن يكون لها حق الترشح للرئاسة. هل هذا هو ما تراه كيف يجب أن نحكم السودان؟
زى ديل عاوزين المرأة تثور بالنيابة عنهم وتتعرض للرصاص.. هنا طبعا ما يقولوا مكانها البيت.. يخلوها لما تجيب ليهم الديمقراطية باردة بعد
داك يقولوا ليها يللا أبقى ليجوة أمشى شوفى التكل وين ولما عسكرى تانى يقلبها أبقى مارقة مافى مشكلة.. هل هذا نوع كيف نحكم الذى تريده؟ أم أن
تأسيس مبدأ عدم التفرقة بين الجنسين على اساس الجنس غير وارد فى الدستــور؟
إقتراح إمرأة محددة للرئاسة فعلا يكون من باب من يحكم السودان (رحم الله الشهيد قرنق الذى أسس مفهوم كيف يحكم السودان) وصاحب عبارة
"كيف يحكم السودان وليس من يحكم السودان" التى صار يرددها أدعياء السياســة حتى منذ ذلك الوقت. أما نقاش أن يكون للمرأة حق تولى الحكم فهو أكيد من
باب كيف يحكم السودان.