فيديو رقصة حسانية روعة في موريتانيا

02:43 PM December, 17 2021

سودانيز اون لاين
Osman Musa-
مكتبتى
رابط مختصر

فرحة و هجيج بديع .
فيه ملامح سودانية

انت يا عثمان لبسة التوب دي منو الاخدها من التاني؟

اخونا المهندس محمد البشرى
سلامات
ما عندي معلومة أكيدة عن منو الاخد من التاني .
لكن سمعنا انو الشناقيط دخلوا السودان يعلموا السودانيين القرآن.
والسودانين شفوا منهم بعض العادات .
..
لكن داير اقولك حاجة يا اخ محمد اخونا المستشار محمد المرتضى حامد
عندو كتاب مدسوس يستحق النشر عن بنات شنقيط و نقل العادات للسودان .
..

الأخ الكريم ود البشرى
عان .
عندهم نوع من الفن اسمو التبراع
حاول اسمع فنانة موريتانيا اسمها كمبان بنت اعل .
اسمع الصوت المبالغة واتفرج في التوب فيها .

ما تكتروا الحكي توب وتبراع أدخلوا لينا في صلب الموضوع

يا استاذ منتصر
سلام
ياخ ماهو التوب في صلب الموضوع .

تحياتي يا عثمان
وكل السمحين الهنا

في شراكات كتيرة جدا بين اهل شنقيط وأهل ام سودان
علي قول صديقنا كبر الله يطراهو بالخير والعافية

لكن اعتقد انه التوب جانا من ديار شنقيط

لغاية عهد قريب جدا نساء السودان ما كانن بعرفو التوب بشكله الحالي دا

اللبس كان عبارة عن قرقاب في الجزء الاسفل وملفحة في الأعلى
زي احرام الحج
يعني قطعتين من القماش ما قطعة واحدة زي التوب

الشراكة المهمة في الايقاعات والالات الايقاعية
الدلوكة ياها نفس العندنا هنا في وسط السودان

الأخ الكريم استاذ ابوذر
سلام
اهلنا الشناقيط ديل جديدين زينا في الهجرة والغربة وكدي.
الموريتانيين القابلتهم في أمريكا قليلين مقارنة بالجيران ليهم .
حتي في فرنساء مافي مقارنة بينهم وبين المغاربة والتوانسة في العدد .
لو كان تعدادهم في فرنسا ربع تعداد المغاربة كان مذيعات القنوات
الفرنسية كلهن موريتانيات وبالتوب كمان في قلب باريس.
حاول تابع برامج القنوات الموريانية.
تحياتي
وخليك قريب.

شلووم ياصديقي،
ياخي وقسما شئ يمقس، يقطع انياط القلب، كيف كل شئ في مركز دائرة الوجود كلو، اي السودان الحالي، بطول وعرض عشرات الاف السنين الان اصبح لايسوي شئ، وكنتيجة كل شئ فيهو جاي من برة، بما فيهم سكانو، لدرجة، البتصوروهم كسكان محليين، اي "الزرقة" يبادو بالملايين، فقط لانهم ماعرب، جو السودان من العراق، او السعودية كما "العربة" حسب الوهم، وما اليه، والان المغرب من بعد موريتانيا وهكذا!!

شئ مخجل، مقزز، مقرف، يدعو للطراش مثل هكذا تمسح بالاخرين، شغل مركب نقص، كراهية ذات!!!!

الشناقيط هم العلمونا القران، او لسانا احنا، اول لسان نطق به، وخطه يراع بشر، يعرف ب"المدونتر"، اي "كلام الله" وهذه ترجمة حرفية لي " Medu Neter"؟

متي وجد الشناقيط كبشر، عشان يعلمو شعب اب الانبياء، اب البشرية، "كلام امون"؟

معليش، ولكن هذا مستفذ لابعد حد، بل فضيحة!!!

اها والشناقيط، اهنا يا اب عفان؟

كده امشي او شوف بي عيونك، حال امثالنا من الافارقة اهل الارض، المستعبدين الي اليوم في ديار شنقيط، اي مورتانيا!!

مورتانيا عزيزي القارئ، من Moors والمعني الحرفي للاسم ده، يعني "ســـــــــودان"، وهؤلاء كانو هم من اخضعو اوربا، واخرجوها من عصور الظلام كنتيجة لانقطاعم اي الاوربيين عن كوش، وهذا معروف ذورا بفتح الاندلس المنسوب للعرب شغل نجر!!

هل صدفة اننا لانعرف ايا من هذا، ولاذكر اطلاقا لاهلنا اصحاب الارض، في شمال افريقيا، البعانو الي اليوم في اغلال العبودية، بالذات في موريتانيا؟

الطريف لما نتكلم كده، يقولو ليك "عنصري"!!!!

قرقرقرقر!!!!

التحية لاهلنا المورز الكوشيين!!!!

" target="_blank">


اب عفان رجاءا حاول ترجم الشريط ده، لانو يصيب المشاهد فعلا بالدوار!!!!

صعب جدا، وبجكم طريقة تفكيرنا يقع لينا زي الكلام الفي الشريط العجيب عن اهلنا المـــــــورز، سكان شمال افريقيا الاصليين، بالذات في موريتانيا والمغرب:

الأخ الموسوعة استاذ بشاشا
سلامات .
كلامك كلام كبار ومهم جدا ومفيد المنبر.
ياخ احكيلك: في بداية جيتنا أمريكا اندرشنا في شوارع مانهاتن
جلابة جينز . فينا من غانا والنيجر ولبنان وموريتانيا.
بتذكر كلما فترنا من تجوال البيع نقعد نحسب البيع و نهترش .
كان اكتر زميل هتراش من موريتانيا.
زول حبوب اسمو حمود ولد مولود. لاجيء زينا.
حمود دا يا بشاشا كان جنو يحكيلينا عن حصان دنقلا Dongola Horse .
ويحكيلينا نتف عن التاريخ الإسلامي و
الاسلام في فترة ولاية عبيد الله بن الحبحاب للقيروان
وعن ملوك السودان في فترة ولاية بن الحباب.

وعن أهمية حصان دنقلا في الفتوحات .
وعن العلاقات التجارية بين غرب أفريقيا والسودان الحضري.
لكن بعد هترشتو ديك كلها ما جاب سيرة التوب
المهفهف.
..
استاذ بشاشا بلاي اوعك تبعد .

بخصوص ترجمة شريطك العجيب الجبتو لينا مشكور .
حنقوم نستعين بفطاحلة الترجمة ناس الخواض وابوذر .

ا

حسع يا عثمان يا أخوي



في فيديو ول نأكل باسطه

موضوع التوب، حقيفة لا أعرف عنه شي يذكر، ولكن توب شرق السودان هو الاقرب لي أزياء ملكات مروي في تقديرنا، مع التسليم الموضوع عايز بحث.

بالنسبة للعراقي، السروال، الطاقية والمركوب فهذا مثبت أو مفروغ منه.

الطاقية الحمرا، فكانت بترمز لي كمت السفلي، اي نواحي اسكندرية، أما البيضاء فترمز لي كمت العليا اي نواحي اسوان.

العمة ظهرت بي صورة واضحة في العصر المروي.

أما الجلابية ففي مايبدو اقدم، وامون اعلم!!!

نعم جدنا اوسار اب البشرية بظهر بمايشبه الجلابية، البيضاء ولهذا ماصدفة كيف شيوخ الاسلام المسيحية اليهودية قاشرين بي ذات جلابية اب الانبياء اوسار، البيضاء المكوية، ثم الطاقية البيضاء، بالذات حاخامات اليهود وبابوات المسيحية.

الموضوع عايز بحث أو تنقيب اكتر.

عامة وكقاعدة، ممكن بي هدوء وارتياح نقول اي سمة ثقافية مشتركة مابينا والاخرين ايا كانو، فاعلمو والي ان يثبت العكس، اصلو سوداني وليس العكس، كقاعدة، كما دايما وابدا نتصور أقصد نتوهم انو جانا من برا.

عندنا ميل غريزي بحكم طريقة تفكيرنا الحالية ان ننظر لاشياءنا باعتبارا جاية من برا، بالذات من العالم العربي، وهذا مؤلم، بالذات أنهم شفع شفعنا!

اخونا الكريم بشير
سلامات
الفيديو موجود حيجيك.
رقصة يقيف عندها الرقيص.
شغل مدهش .

الأخ استاذ بشاشا
شنو رايك عن الكلام البقول انو عمر التوب السوداني اكتر من عشرة الف عام ؟

الفيديو موجود حيجيك.
رقصة يقيف عندها الرقيص.
شغل مدهش .
---------------------------------------------
الاخ عثمان موسى حقو تمشى تعرض بضاعتك فى سوق الملجه فى نص امدر
حتلقى مشترين

اب عفان شلوم،
زي ماقتا ليك، موضوع التوب ده، فعلا عايز تنقيب، او لو لي مابعرف عن تاريخو حاجة. ان يكون عمرو 10,000 سنة فهذا وارد لانو حضارتنا تبلورت اقلاه قبل 40,000 سنة، مش ناس 5 او 6 الف سنة الاحنا حايمن بيهو او ده ملعوب من المعسكر الاخر في الحرب الكونية المدورة حول تاريخنا بطول وعرض ال200 سنة الماضية.

ادناه صورة لي مجسم لي واحدة من ملكات مروي، اللي فيما يبدو لي زيها بدي فكرة عن زي اخواتنا واماتنا في شرق السودان.
الموضوع حفر بالجد:

تاملو اناقة زي امنا دي،(نفرتاري-احمس الاسرة 17) الكانت شخصية روحية عظيمة جدا جدا لدي اجدادانا، ولهذا فازت باللون الاسود، وهذا مقام روحي، نالوهو بالعدد افراد بعينهم في تاريخنا، او من هنا جاي لقب "ازرق طيبة" كمثال.
امنا دي، نزلت الميدان بعد ما استشهد زوجها، ثم ولدينا، في الحملة القاسية جدا القادوها اجدادنا من السودان الحالي لتحرير كمت "مصر" من الهكسوس اجداد السيسي!

الطريف جدا في الحملة دي اجدادنا طهرو القبضوهم من الهكسوس "الغلف" طهير!!!!

الأخ استاذ بشاشا
سلامات
الصورة في مداخلتك الاخيرة دي ما فتحت.
ارجو التكرم بمعالجتها.
دايرين نتفرج في أناقة جدتنا .
الف شكر

تابع من الدقيقة ١ و ٣٠ ثانية

سلام اب عفان،
حاجة غريبة لو الصور مافتحت من عندك، لانها فاتحة من تالاي!!
ماعارف ده يسوو ليهو شنو!!!

يا كنزي الصبيان الثقيلين ديل ما دايرين البنات يرقصن.
كل واحد لافيلو طاقة قماش وخاشي.
لكن اظنها دي حركة من الحركات المتممة للرقصة.
يعني زي شبال وكدي .