Post: #1
Title: يا لرخصة برطم والجاكومي بالشمالية..بالله تتباعو بـ30 يا الشيخ سيد احمد؟
Author: HAIDER ALZAIN
Date: 12-17-2021, 06:01 AM
05:01 AM December, 17 2021 سودانيز اون لاين
HAIDER ALZAIN-
مكتبتى
رابط مختصر
ناس الشمالية يفرفرو بس.. فرفرفر
اقلب وترس وارفع واعمل حلف..
وقلنا على الأقل بيطلعو بـ 70% :)
قوم يا برطم بيع الشغلة والفلول ومحبي العسكر بـ منح الخرطوم
سبعين في المية من ايردات الموارد والضرائب والجبايات المتحصلة من المواطنين بالشمالية ..
غايتو ياها ذاتها حكوة سطوة الكشاف والمكوك خخخخخخخ
بالله هسه ال30% دي بس بنزين وجاز بتقضي ال30 الف تاتشر ودوشكا بتاعت الجاكومي ههههه
يرضينا الكلام دا يا الشيخ دحين!!!
|
Post: #2
Title: Re: يا لرخصة برطم والجاكومي بالشمالية..بالله �
Author: HAIDER ALZAIN
Date: 12-17-2021, 06:25 AM
Parent: #1
في واحد من اللقاءات المباشرة مع سيد ابوامنة حول موضوع مسار الشرق..
قال في لغة رغم انها كانت فجة وعنصرية في اغلب محاور اللقاء..
لكن قال حاجة اكبرتها فيه ولا أدري يلتزم بها اهل الشرق بعد كدة والا لاء..
قال الناس وقعوا مسار الشرق في اتفاقية جوبا رضوا بـ30% من السلطة والموارد
لانهم رخيصين ودا تمنهم لانهم ما بيمثلوا اهل المنطقة ودي بتكفيهم لانه دا حجهم..
اما اسيـاد الأرض واصحاب الحق الأصلاء فبيطالبوا للإقليم بـ100% من موارده كسقف تفاوضي.
فرق ما بين موقف اصحاب ازمة حقيقية وحق وما بين مستأجرين ليعبروا عن حقوق آخرين..عز المطالب بها
|
Post: #3
Title: Re: يا لرخصة برطم والجاكومي بالشمالية..بالله �
Author: محمد البشرى الخضر
Date: 12-17-2021, 07:10 AM
Parent: #2
يا ود الزين اتفاق الشمال دا بل و المسار كله برطم بعيد عنه بل و ضده, ايام اغلاق الشرق اعتراضا على المسارات برطم حاول يغلق الشمال برضه لكنه فشل و الجكومي قالها في مؤتمر صحفي فرتقنا له خيمه وقلنا ليه كان راجل حاول اغلق تاني
فا نظريا برطم ضد المسار و الافتفا و الكيانات لكن الكلام دا كان ايام الحكومة المدنية حينها كانت المسارات و الضدها العوبات في يد العسكر تجهيزا للانقلاب, احتمال بعد الامور راقت تكون النفوس هدت و برطم صار من مؤيدي المسار! ما تستبعد
|
Post: #4
Title: Re: يا لرخصة برطم والجاكومي بالشمالية..بالله �
Author: HAIDER ALZAIN
Date: 12-17-2021, 07:22 AM
Parent: #3
صراحة يا ود البشرى برطم دا ما انتبهت ليهو الا بعد الانقلاب..
وزي ما قال بشري الفكي اغلب السودانيين
ما عرفو هو إلا بالنزول البني بيته زي البيت الابيض..
هسه الأكيد موافقته والا فهو في المجلس السيادي
وباعتباره ممثل الإقليم الشمالي..
وكله حايكون بيع وسمسرة بينهم والجاكومي وباقي الجوقة..
السؤال..متين سيطرح ناس الشمال
قضيتهم بدل كانوا سايقنها رفقة ترك..
ام ماف اي اشكالية بالشمال ونهر النيل اساسا
والأمور باسطة..
عشان بعد شوية حا يجوا ناس شوفوا تهميش كنور وما ادراك ما ادونا..
.. هل كدة كويس معاهم ومع لا بولاية أمونة وامال؟
|
Post: #5
Title: Re: يا لرخصة برطم والجاكومي بالشمالية..بالله �
Author: صديق مهدى على
Date: 12-17-2021, 07:49 AM
Parent: #4
سلام ود الزين اب طبعا زين غايتو السودان اصبح بين نارين نار برطم اب اضنين وترك الما معروف وين قالوا مشى الاردن عشان العلاج لكنه اظنه ابعاد يا ود الزين ناس برهان وحميدتى ديل شغلهم صار تسديد دين الله يكون فى عون لجان المقاومة قدر ما ترس تجد حفر وطين
|
Post: #6
Title: Re: يا لرخصة برطم والجاكومي بالشمالية..بالله �
Author: HAIDER ALZAIN
Date: 12-17-2021, 08:17 AM
Parent: #5
والله يا صديق البيك الضيق..
الاردن دي كان كمان سافر ليها برمة ناصر وساق
معاهو ورثة الأمام عليه رحمة الله وادو لجان المقاومة
دي نفسها وادو البلد زاتو هواء الأمور ممكن تكون احسن..
|
Post: #7
Title: Re: يا لرخصة برطم والجاكومي بالشمالية..بالله �
Author: adil amin
Date: 12-17-2021, 01:40 PM
Parent: #6
فصك
لمن انت تفارق كعوك المركز وتحترم برنامج جقود في البورد الخاص بالاقليم في بوست عطبرة داك
مباري اولاد ام درمان و
وعامل شيوعي
وام درمان قطر ما فيها
الشيوعية حقتهم
نومة وسهرة وقهوة وسكرة
زي ما قال صلاح احمد ابراهيم
الشمال يا اخوي منطقة مقفولة للختمية والحركة الشعبية
يرجعو الحكم الاقليمي اول حاجة وينزلو ناس المركز ديل من راسنا ونشوف الدول الوسخة الباعو ليها اراضي الشمال كيري دي
بتمشي وين ؟؟؟
ننتخب حاكم اقليم
وتشريعي الااقليم
ومجالس مجلية الاقليم
وترجع الادارة الاهلية بي الجنسية الخضراء
بعد داك نشوف منو اهل الشمال ومنو البروووس
|
|