إإذا كانت المخاطبة او الإعلان الحايتم يوم الجمعة القادمة 17 ديسمبر كما علنت عنه المرفودة حايتم بالتنازلات والإنبطاح وفتح الباب امام قادة القتلة ومجرمي الحروب والانسانية للهروب عبر بوابة التطمينات.. هذا إبتزاز وابتزار واهدار لدماْء الشهداء تحت كرسي مشاركتكم وادعاءكم للوصاية..
باقي النقاط كانت لا تستحق هذه المسرحية السمجة منك ومن رئيسك ليقتل الشباب ويتدهور وضع اساسا متدهور وقد كانت مطلب ورسالة العديد من القوى حتى قبل تزوير الويثقة بفتح مجال المشاركة او السلطة كما تسمونها لمن فاته " شرف " الانضمام لمياق قوى الحرية والتغيير .. بل هو مطلب مطلب جماعة القصر وقبلهم حمدوك لمن وصل الامر انه حتى التوم هجو كان مطلبه.. الاضافة شنو الما اضافها ليكم بُرمة ناصر .؟؟
يا للقرف. مقتت المسارعة والشفقة لسرقة انتصار الشارع .!
وبماذا !!!! بالله هسسسه اتهزم الإنقلاب والا إتهزمتي انتي ؟
انا دا ضد أي اعلان من قوى سياسية في خطبة الجمعة الجاية تكون من ضمن بنوده العبرت عنه بت المهدي في لقاءه بالجزيرة مباشر وباليشمل ضمانات وتضمينات للقتلة للفرار بجرائمهم ومع عودة لجنة ازالة التمكين الإتجاهلتها وسقوط حمدوك.
# ما عارف ليه اتذكرت قصيدة معتز مطر صبيحة سقوط ابنعوف وهتاف الجماهيــر بعد تولى البرهان تسقط تالت.. واللي كان بينه وبين السقوط الحتمي جنس كلمات ابراهيم الشيخ حينها وحكى اللخت اللي اتسيدت المشهد عشان اتحنكت بعجوة الحظوة بالميلاد واتروقت بمعلقة دهب شنو؟
يا بت الناس المسالة ما شراكة سلطة بالنسبة للبعض المسالة دم! المسألة خيانة. المسألة نقض عهود وموايق. المسألة مخالفة للقوانين. المسألة عمالة.. المسألة كذب.
يعني جميع الموبقات المهلكات وبالتخلد صاحبها في النار باسم السياسة واجي اتكلم عن العدالة الإنتقالية واتضارى وراء باب الجرائم الجنائية..
ياخ اقول ليك شي.....
او كما قال هيم غالي
تقبلك الله الشهيد وليد عبد الرحمن ..
Post: #2 Title: Re: تسقط مريم المهدي ويسقط حزب الامة و خطبة ال Author: HAIDER ALZAIN Date: 12-14-2021, 05:05 AM Parent: #1
نسيت اذكر انه يسقط حزب الامة بمؤسساته كلها....
فكما عبرت بت المهدي في بداية اللقاء وعابت على برمة ناصر انه عاوز يكاوش على المسالة براهو اعادت ذكر انه الان الحزب عبر مؤسساته وصل لرؤية وطفقت تحدنا على الخرابيط أعلاه .. وهترشات حبها وعشقها لبحري وام درمان وترحب بزيارة
I WILL BE BACK
Post: #3 Title: Re: تسقط مريم المهدي ويسقط حزب الامة و خطبة ال Author: محمد البشرى الخضر Date: 12-14-2021, 05:40 AM Parent: #2
عشان الموسرنجية و المخوناتية وكارهي حزب الأمة و كارهي السيد الإمام - رحمه الله - وناس عليهم عليهم معاهم معاهم و أحدهم وكل الح يجي يركب الكركابة وراك يا ود الزين ويسب ويلعن بناء على مقدمتك يعرف يلعن على شنو ما يلخ ساي بلا هدى, بس اتمنى يلاقوا الصبر يكملوا الفيديو للآخر
Post: #4 Title: Re: تسقط مريم المهدي ويسقط حزب الامة و خطبة ال Author: shaheen shaheen Date: 12-14-2021, 06:02 AM Parent: #2
كان ياما كان. كان فى زعيم سياسي يا ابنى حيدر ، بلده كانت فى حالة ثورة وبتغلى ، والدم كان فيها للركب. تخيل هذا الزعيم ، كان طالع من صلاة الجمعة ، التف الناس حوله وقعدوا يهتفوا ضد السلطة الظالمة. والناس صورت المشهد ، تخيل الزعيم ده ، هل اشاد بالروح الثورية ؟ ، ابدا وحاتك ، قال هو كان ماشى لاداء واجب عزاء ، يعنى بمعنى ان الهتاف على مسؤلية الهاتف. هذا هو مستوى الزعامة ، يكرهون العامة ويعشقون الغرف المغلقة ، غرف النخبة الفاشلة. * طالع من فضلك كتاب "منصور خالد" عن النخبة السودانية .. وكتاب "فتحى الضو" عن الاقنعة التى سقطت ، لتعرف كم هم اعداء لنا ، وان عشرات الثورات لن تغسلهم. # يسقط ، يسقط حزب الامة. وبالمرة كمان ، هل هناك قرصة حدثت ، اننا كما سربنا فيديو (مفبرك) ، قادرين على تسريب فيديوهات حقيقية لو لم تنبطحوا لرجل محورنا ، ام لا علاقة لهذا بذاك. ** وبهذه المناسبة ، ايضا # يسقط الحزب الاتحادى الاصل (الانتهازى الاصل) ، فالشيء بالشيء يذكر ، والشعب لا يتقهقر. #حيدر الزين _ يمثلنى.
Post: #5 Title: Re: تسقط مريم المهدي ويسقط حزب الامة و خطبة ال Author: اخلاص عبدالرحمن المشرف Date: 12-14-2021, 08:07 AM Parent: #4
حيضر تطور بعد فتح بوست ب اسم 2010 الان بدأ الاتجاه نحو الهدف 🎯
روق بتجيك برواقة🌹
Post: #6 Title: Re: تسقط مريم المهدي ويسقط حزب الامة و خطبة ال Author: muntasir Date: 12-14-2021, 08:23 AM Parent: #5
إخلاص قبل ما يجيك إتأكدوا هل سالت الدماء بغذارة ولا قذارة 😂، حيدرا ده بكون قاصد صلاة الجمعة
Post: #7 Title: Re: تسقط مريم المهدي ويسقط حزب الامة و خطبة ال Author: muntasir Date: 12-14-2021, 08:25 AM Parent: #6
إنتو كرومبو ده حزب أمة ولا أنصاري ولا جناح أم جكو
Post: #8 Title: Re: تسقط مريم المهدي ويسقط حزب الامة و خطبة ال Author: shaheen shaheen Date: 12-14-2021, 08:32 AM Parent: #5
نعالى فوق اصحاب المعالى قالوا اعتذر نعالى فوق اصحاب المعالى صرخوا اعتذر فاعتذرت الى نعالى. * اولياء الدم هم اصحاب القرار ، لجان المقاومة هى من تحدد العفو او القصاص. لن تتكرر وساخات انتقالية ٢١ أكتوبر ٦٤ ، ووساخات مارس/ ابريل ٨٥ للشارع الان سادة جدد ، تربعوا على سدة سلطانه بدفع الدم والاغتصاب والاعاقات المستديمة. رصيدهم جاء ليس من امتيازات ممنوحة من مستعمر انجليزى ، او اهداء سيف جدهم لمن قتل جدهم. جاء من حب الناس وثقة الناس ، فى تمام الساعة الثورية نلبى نداء مليونياتهم. # يسقط العفن البتلب فوقنا من شرف الفنادق.
Post: #9 Title: Re: تسقط مريم المهدي ويسقط حزب الامة و خطبة ال Author: muntasir Date: 12-14-2021, 08:40 AM Parent: #8
الحبيب كرومبو النظرية البرازيلية دي في ليها ڤيديوهات
Post: #10 Title: Re: تسقط مريم المهدي ويسقط حزب الامة و خطبة ال Author: Ali Alkanzi Date: 12-14-2021, 09:22 AM Parent: #9
ويسقط قادة الجيش في السلطة ومن ولاهم ويسقط كل مدني تولى منصبا في حكومة الثورة فليتقدم الشباب لحكمنا بمساعدة مجالس استشارية لان من يحكموننا الان ومن يتطلع لحكمنا لا خير يرجى منهم فقد خبرناهم في تجربتهم الفاشلة وفي سابق ايامهم
Post: #11 Title: Re: تسقط مريم المهدي ويسقط حزب الامة و خطبة ال Author: محمد البشرى الخضر Date: 12-14-2021, 09:38 AM Parent: #10
يا تو نظرية يا منص؟ و بالمناسبة كمّلت الفيديو للآخر ولاّ معاهم معاهم عليهم عليهم :)
Post: #12 Title: Re: تسقط مريم المهدي ويسقط حزب الامة و خطبة ال Author: muntasir Date: 12-14-2021, 09:46 AM Parent: #11
يا ودو شكلك انت الما كملته ولا كان سمعت التجربة البرازيلية 😂 ياخ انا سمعتها لحدي ميري كريسماس ياخ معقولة بت أبوها تقول أمدرمانية الهوى وما نكمل الڤيديو ، أعد ياخ 😂
Post: #14 Title: Re: تسقط مريم المهدي ويسقط حزب الامة و خطبة ال Author: محمد البشرى الخضر Date: 12-14-2021, 10:01 AM Parent: #12
ممتاز وقت كمّلت الفيديو, كدا تركب الكركابة عن بيّنة
و بالمرة لخ معاك دا:
Post: #13 Title: Re: تسقط مريم المهدي ويسقط حزب الامة و خطبة ال Author: Hafiz Bashir Date: 12-14-2021, 09:52 AM Parent: #11
جاملت يا كرومبو وحضرت 27:09 دقيقة. قصرت معاك؟ قالت شيك على بياض قالت
Post: #15 Title: Re: تسقط مريم المهدي ويسقط حزب الامة و خطبة ال Author: محمد البشرى الخضر Date: 12-14-2021, 10:02 AM Parent: #13
ممتاز برضو تركب الكركابة فوق عديلك :)
Post: #16 Title: Re: تسقط مريم المهدي ويسقط حزب الامة و خطبة ال Author: HAIDER ALZAIN Date: 12-14-2021, 10:41 AM Parent: #15
ود البشرى سلامات .. فتحت البوست دا بناء على مشاهدتي وسماعي للفيديو مسجل .. بل واخدت اشاهده مدة اكتر من زمنه مرة ونص وانا ماسك الريموت كنترول اعيد واكرر فيهو قبل اصل مرحلة قرف كتابة البوست..
المقدمة والنقاط المحددة في كلامي االخلني انفعل معاهن ديل بناء على اقوالها وتصريحاتها وردودها على الاسئلة الموجودة بالفيديو المرفق منك
هل بترى فيهن شئ انا سمعته غير سمعتك او فهمته بغير ماهو مطروح منها ياريت تنورني ومنك سأستفيد اكيد .. وانزل من الكركابة :)
تحياتي
Post: #17 Title: Re: تسقط مريم المهدي ويسقط حزب الامة و خطبة ال Author: محمد البشرى الخضر Date: 12-14-2021, 10:44 AM Parent: #16
انت يا ود الزين اكيد حضرت الفيديو والا طيب فتحت البوست على شنو؟ انا جبتو للعودونا على اللخ بناء على وجهة نظر صاحب البوست و قرايته سواء قراها بالطريقة المعتادة او بأذنيه ما بتفرق معاهم! عسى ولعل المرة دي البلخ يلخ بفهمو هو!
Post: #18 Title: Re: تسقط مريم المهدي ويسقط حزب الامة و خطبة ال Author: عبدالمنعم الطيب حسن Date: 12-14-2021, 12:54 PM Parent: #17
#حيدرالزين_يمثلني #شاهين_شاهين_يمثلني #مريومة_لاتمثل_الثورة الثوار لن يقبلوا بمريم ولا شراكة ولا برهان ولا الحبيب حمدتي، الثوار في الشارع قرروا وانتهى الامر لا شراكة لا مساومة لا تفاوض ...
Post: #19 Title: Re: تسقط مريم المهدي ويسقط حزب الامة و خطبة ال Author: Hafiz Bashir Date: 12-14-2021, 12:59 PM Parent: #17
Quote: ممتاز برضو تركب الكركابة فوق عديلك :)
أنا سياسي وبركب وأنزل على كيفي، إنت سياسي معانا؟ هسه نفرض إنك إتفقت معاي، أكون أنا السياسي الضليع إتفقت مع واحد ما سياسي؟ ونشكر الشعب والشعب ما قصر.
Post: #20 Title: Re: تسقط مريم المهدي ويسقط حزب الامة و خطبة ال Author: Mahjob Abdalla Date: 12-14-2021, 02:48 PM Parent: #19
Quote: هذا هو مستوى الزعامة ، يكرهون العامة ويعشقون الغرف المغلقة ، غرف النخبة الفاشلة
هذه مشكلة سياسىى السودان الحقيقية و قد تجاوزهم الشعب
Post: #21 Title: Re: تسقط مريم المهدي ويسقط حزب الامة و خطبة ال Author: اخلاص عبدالرحمن المشرف Date: 12-14-2021, 03:03 PM Parent: #20
حيدر وشاهين شاهين تحاملو
مولانا دكتور Hafiz قال الشيك وده صحيح لو كان حزب الامة هو من دعى للمليونيات كان مريومة كلامها صحيح لكن الدعوة جاءت من مكون نعم به شباب الحزب وكمان انصار بس هم جزء. الباقي تحامل
Post: #22 Title: Re: تسقط مريم المهدي ويسقط حزب الامة و خطبة ال Author: اخلاص عبدالرحمن المشرف Date: 12-14-2021, 03:21 PM Parent: #21
اولياء الدم هم اصحاب الحق وحصريا. والمراقب للتطورات في السودان يجد ان قدرة السودان علي المسامحة استغلت ابشع استغلال من قتله فجرة لا يراعون الاً ولا ذمة في دماء الشعب بالتالي المصارحة والمصالحة قد لا تكون انموذجاً لنا فقد كنا متصارحين ومتسامحين من قبل وكانت النتيجة تمادي الجلد برهان وحميدتي ومن اتانا من وراء الحدود واستخفوا بدماء السودانيين.
في تطور الدول هناك محطات ومن اهمها ما حصل للسودان دولة والسودانيين ك افراد مما انتج شباب مصادم واعي شعاره يا انت يا وطنك شيل معاك كفنك ، وهذا التصميم الان ان السماح والعفو قيم نبذلها لمن يحترمها اما المستخفين بكل القيم ، ال والغين في دماء الشباب المعتصمين الصائمين قبايل العيد ف لا تسامح.
حزب الامة في الطريق الصحيح ومريومة كذلك
Post: #23 Title: Re: تسقط مريم المهدي ويسقط حزب الامة و خطبة ال Author: صديق مهدى على Date: 12-15-2021, 00:32 AM Parent: #22
اتوا الناس دى كانت وين عندما كانت دكتورة مريم فى السجون ووالدها الامام الله يرحمه انضرب بمبان فى يوم جمعة داخل مسجد ودنوباوى الناس دى كانت وين عندما رفض المرحوم الامام التطبيع مع اسرائيل لذا حمل على طائرة اماراتية واتجهت به الى ابى ظبى وهناك حدث ما حدث والكل رأى وسمع الناس دى كانت وين عندما قتل الشباب وهتكت اعراض الناس دى كانت وين عندما قتل الشباب فى المليونيات الناس دى كانت وين عندما لعب البرهان باعصاب الشعب السودانى لذا على هؤلاء الصمت لانهم لم يفعلوا شيئا فظلوا كما عهدناهم فى هذا المنبر بتاعين ونسة وبس لذا عليهم الصمت لانهم اشباه رجال
Post: #25 Title: Re: تسقط مريم المهدي ويسقط حزب الامة و خطبة ال Author: HAIDER ALZAIN Date: 12-15-2021, 10:55 AM Parent: #22
بت المشرف سلامات ..
Quote: حيدر وشاهين شاهين تحاملو
والله يا الحبيبة ما متحامل عليها لا شئ ظهور بت السيد الصادق المهدي وزيرة الداخلية المرفودة او خلينا نقول مفصولة تعسفياً كان بيمثل كل الانتهازية والطفيلية البتمثل هي قيادتها كزولة متسلقة بحمولة جماهير حزب طائفي لتعلى على اكتاف ثورة شباب وجموع الشارع الطالعين اساساً ضد العفن الخلفته تجربتها هي واشباهها.. جاية لافحة توبها تتغزل في قناة الجزيرة باسم التنوير واللي عمرها ما كانت حا تتلفت لصوت الشباب الهادر في الشوارع من 2013 لو ما كانت تعارض ومعارضة وتقاطع مصالح مع الامارات والحاضنة الإنقلابية.. قالت جاية تبشر بالهبوط الناعم الثالث لشلة الشفيع خضر وبقية جوقة الدهنسة والارتزاق من كفاح الشباب.. باسم التواضع لخدمة الشعب أي لما هم مسخرين وتم اصطفاءهم له او كما عبر اخوها ذاكـ..
عمره حزب الامة ما حايكون في الطريق الصحيح طالما هؤلاء وبرمة ناصر من يسرقون جهود شباب الحزب ويجدفون عكس تيارهم العام.
Post: #26 Title: Re: تسقط مريم المهدي ويسقط حزب الامة و خطبة ال Author: HAIDER ALZAIN Date: 12-15-2021, 11:40 AM Parent: #10
سلامات حبيبنا علي الكنزي..
شكلك جايي مسخن المرة :)
Quote: ويسقط قادة الجيش في السلطة ومن ولاهم ويسقط كل مدني تولى منصبا في حكومة الثورة فليتقدم الشباب لحكمنا بمساعدة مجالس استشارية لان من يحكموننا الان ومن يتطلع لحكمنا لا خير يرجى منهم فقد خبرناهم في تجربتهم الفاشلة وفي سابق ايامهم
تحياتي
Post: #24 Title: Re: تسقط مريم المهدي ويسقط حزب الامة و خطبة ال Author: HAIDER ALZAIN Date: 12-15-2021, 06:45 AM Parent: #4
العزيز شاهين سلامات
يسقط الاتحادي الاصل وتسقط الطائفية وكل العسكر والمرتزقة وكل النخبة والحكم المركزي ويسقط عبود 😊..
بعدين يا حاج شاهين مش من حق المواطن يعبر عن رأيه ويعارض الما متفق مع رغبته في البرامج والنقة السياسية المعروضة عليه ويدعو لسقوط من يمثلها من احزاب ونخب وقيادات سياسية والا والمسألة اتغيرت والا هو بقى الوضع كيف؟
الناس بقت تتحسس في إطار الخندقة والتحزب الملعون وكانه الرأي لابد ان يكون مدفوع كاش او بغرض .
ناسية انه الثورة هي في تفاصيلها انفعال.. حالة انفعالية ..فردية ..اولاً تجاه واقع عام محبط .. قطرة تتكامل بالانفعالات لتشكل سيول من امواج القرفانيين المحبطين..عسى ولعل تروق ويصفى هذا الهدير والغليان على غيث و شِرعة صافية يورد فيها الشباب واصحاب الحق في المستقبل .. تجد يركض في وسطه قطيع.. قطيع معيز تركض خلف تيوسها .. وبعض تيوسهم لا قيم ولا أمانة لا فهم ولا خلق لهم .. تيوس تتبول على روؤسهم وحق الاجيال ليل ونهار .. وبعد كدة تلقى وحا تلقى وستلقى لابد الآبدين سخيلات زي صديق مهدي علي التحت دا - واصلو تحت - في ثغاء وعفيط ونفيط ..
المهم ما علينا # يسقط العفن البتلب فوقنا من شرف الفنادق. #شاهين_شاهين_يمثلني #مريومة_لاتمثل_الثورة
؛)
ــــــــــــــــــــــــــ.. المداخلة دي كتبتها امس ولقيتها لسه بالمتصفح ما مشت قمت اضفت ليها الجزء الخاص بالمعزة صديق مهدي علي :)
Post: #27 Title: Re: تسقط مريم المهدي ويسقط حزب الامة و خطبة ال Author: اخلاص عبدالرحمن المشرف Date: 12-15-2021, 11:52 AM Parent: #24
ويل للزملاء من زملائهم ويل للرفاق من الرفاق بس ما تبقى منشفيك وتمشي فيك . يا ريت يا حيدرة الاسد كانت الامور بهذا الوضوح ، في قمة الحراك زار بعض ( قادة الجيل الجديد سفارات المحاور) وسقط بعض الطليعة ، الشئ تفاعلي عشان كده يا حيدر الصراع متواصل والان تحالف عريض رغم الضيق قد و اقول قد يوصلنا لنقطة بداية
Post: #28 Title: Re: تسقط مريم المهدي ويسقط حزب الامة و خطبة ال Author: HAIDER ALZAIN Date: 12-15-2021, 01:11 PM Parent: #27
تدعوكم قوى الحرية والتغيير لحضور ندوة سياسية بعنوان :
تجربة الإنتقال وهزيمة الإنقلاب العسكري
وذلك يوم الجمعه الموافق ١٧ ديسمبر والتي يخاطبها قيادات الحرية والتغيير
الزمان : الساعه السادسة مساءاً المكان : ميدان الرابطه شمبات
اللجنة الاعلامية الأربعاء ١٥ ديسمبر ٢٠٢١
Post: #29 Title: Re: تسقط مريم المهدي ويسقط حزب الامة و خطبة ال Author: اخلاص عبدالرحمن المشرف Date: 12-15-2021, 03:04 PM Parent: #28
تشكر يا زول يا زين ندوة تضم الجميع لبناء وطن يسع الجميع ومن يريد ان يشارك حتي ولو قيادي ام يدعي ف فرصة يخاطب الاخرين
Post: #30 Title: Re: تسقط مريم المهدي ويسقط حزب الامة و خطبة ال Author: علاء سيداحمد Date: 12-15-2021, 04:44 PM Parent: #29
سلمات الحبيب حيدرالزين
تعرف يا حيدروف فى لقائها مع الجزيرة المنصورة قالت اتخذنا قرار جماعي فى المكتب السياسي للحزب ورفضنا اتفاق البرهان - حمدوك وقالت هناك اتفاق جديد يتم صياغته بواسطة الاحزاب - وفى نفس اليوم طالعتنا الصحف السودانية بعنوان مثير :
قانونيين من العسكر ومجلس الوزراء يقومون بصياغة اتفاق سياسي جديد .
الظاهر ناس حزب الامة عايزين يسوقو الناس بالخلا : والواضح انّ الاتفاق السياسي الجديد والذى يتم صياغته بواسطة قانونيين من العسكر والمدنيين هو ذات الاتفاق الجديد التى تحدثت عنه المنصورة .
على العموم الاتفاق ميت قبل ان يولد . اي اتفاق يكون فيه البرهان وحميدتي موجودين مرفوض رفض قاطع من الثوار والشارع .
Post: #31 Title: Re: تسقط مريم المهدي ويسقط حزب الامة و خطبة ال Author: علاء سيداحمد Date: 12-15-2021, 04:48 PM Parent: #30
والاتفاق السياسي والذى يتحدث عنه حزب الامة اول حزب خرج واعلن رأيه بكل وضوح فيه هو : عمر الدقير من المؤتمر السوداني وقال : هذا الاتفاق المعلن عنه القائمين به غير معروف ونحن من جانبنا لا علم لنا به ولا يمثلنا .
Post: #32 Title: Re: تسقط مريم المهدي ويسقط حزب الامة و خطبة ال Author: HAIDER ALZAIN Date: 12-15-2021, 06:58 PM Parent: #31
وعليكم السلام الحبيب علاء
لا داك اتفاق تاني بتاع خلاء براهو دا حق ناس تومهجو وبقية التوابع واللي طقطق فيهو الجاكومي وبأنداك كوميشين اليوم عبارة عن بيعة رخيصة لمواطني الشمالية تتمثل في ٣٠٪ من موارد الإقليم ليهم و70٪ للخرطوم ومواطن الإقليم يدفع بس..
ودا اللي الدقير ومريم الاتنين بيتفقوا على رفضه عشان ما ليهم فيه كرسي.. لكن بيكون حاشرين فيهو زول تاني برمة او اي كهنة من الهكرات الباقية
Post: #33 Title: Re: تسقط مريم المهدي ويسقط حزب الامة و خطبة ال Author: اخلاص عبدالرحمن المشرف Date: 12-17-2021, 06:42 PM Parent: #32
المصدر الحدث اشتباك بالايدي في ندوة قوي الحرية والتغيير
Post: #34 Title: Re: تسقط مريم المهدي ويسقط حزب الامة و خطبة ال Author: HAIDER ALZAIN Date: 12-17-2021, 07:01 PM Parent: #33
سلامات بت المشرف ..
من وقت الاعلان عن الندوة وفي مجموعات كتيرة عارفة دا حايحصل او حذرت منه امر التحذير نفسه ما كان متعلق بغاز او بمبان الشرطة ولكن رفض من تروس مقاومة في بحري للخطوة دي..
المهم ننتظر نشوف اخرها..
Post: #35 Title: Re: تسقط مريم المهدي ويسقط حزب الامة و خطبة ال Author: اخلاص عبدالرحمن المشرف Date: 12-17-2021, 07:04 PM Parent: #33
اطلاق بمبان كثيف صيغة الحدث لم تورد البنيان ( اعتذاري للحدث فما اوردته صحيح تماماً كما اوضح العزيز حيدر الدين ) بمبان معناها قوات الامن تواجدت الندوات امر مفهوم في الديمقراطية شعار الثورة حرية ومن ضمنها حرية التعبير سلام وعدالة من المتسبب في هذا ولماذا يضيق صدرهم من الكلمة، عليهم باقامة الندوات وتبيين وجهة نظرهم وحشد انصارهم واستقطاب اخرين بخطاب متوازن و جاذب .
Post: #36 Title: Re: تسقط مريم المهدي ويسقط حزب الامة و خطبة ال Author: اخلاص عبدالرحمن المشرف Date: 12-17-2021, 07:30 PM Parent: #35
شكراً للتوضيح يا Haider واعتذر للحدث ف خبرها صحيح تماماً
Post: #37 Title: Re: تسقط مريم المهدي ويسقط حزب الامة و خطبة ال Author: علي عبدالوهاب عثمان Date: 12-17-2021, 08:58 PM Parent: #36
الحبيب حيدر تحياتي خبر في القروبات عن انسحاب الاميرة مريم من احتفال السفارة القطرية طبعا أنا ما متأكد ومصداقة الواتساب والقروبات مشكوك فيها الخبر كالتالي : السفير القطري في خطابه ترحم على الامام الصادق المهدي رحمه الله وشكر عائلة المهدي ومشاركتهم في احتفالات السفارة ( باليوم وطني القطري) ثم في نهاية الخطاب قدم ممثل حكومة السودان لالقاء خطابه وهنا ووسط دهشة الحضور انسحبت الاميرة مريم خرجت من القاعة وسبب احراج للسفير القطري
الحبيب حيدر تحياتي .. طبعاً ما بين مؤيد ومعارض لأن السفير لا يستطيع إلا أن يقدم مندوب الحكومة للتعبير عن الدولة
ما زلت في شك من صحة الخبر
Post: #38 Title: Re: تسقط مريم المهدي ويسقط حزب الامة و خطبة ال Author: اخلاص عبدالرحمن المشرف Date: 12-17-2021, 09:42 PM Parent: #37
ندوة ق حت انتو البمبان ده بقي بتباع في الدكاكين ولا شنو؟!!!!!
