Post: #1 Title: ملك مملكة دقلو يرفع علم مملكته بالقصر الجمهوري لدولة السودان Author: بكرى ابوبكر Date: 12-09-2021, 11:22 PM Parent: #0
يا عارنا وين جيشنا وين منظماتنا...وين احزابنا..... وين شعبنا وين...وين وين الشعب السوداني الفضل وين محمد حمدان دقلو حميتي خريج رابعة ابتدائي و صاحب اكبر مليشيا عسكرية في العالم ..ايو اكبر من مليشيا حزب الله في لبنان بتاعة حسن نصر الله و اكبر من مليشيا تاجر المخدرات بابلو إسكوبار....انها مليشيا الجنجويد و التي سماها البشير باسم الدلع قوات الدعم السريع ..قائدها حميتي و نائبه اخوه عبد الرحيم و الجنود و الضباط معظمهم من ابناء عمومتهم.... مليشيا الجنجويد التي قتلت اهلنا في دارفور و اقامت المذابح و المجازر في معظم انحاء السودان ...وكان اخرها مجزرة فض الاعتصام و مجزرة ١٧ نوفمبر ٢٠٢١ اليوم ترفع علمها في قصر غردون الذي قتله ثوار المهدية ... ...
اخيرا ما في مليشيا بتحكم دولة
انظر الصورة ادناه
Post: #2 Title: Re: ملك مملكة دقلو يعلن رفع علم مملكته بالقصر Author: ترهاقا Date: 12-09-2021, 11:59 PM Parent: #1
بعد شوية حيجدع علم السودان وعلم الدعم السريع حيكون الوحيد، الزول ده شغال شغل شديد لتحويل السودان إلى مملكة آل دقلو وبدعم كبير من دويلة الامارات، لانهم عايزين زول زي ده يمدهم بالعبيد والذهب وعساكرنا طالما حيلقوا كجمة من الدولارات ، مستعدين يبيعوا البلد، السودان يمر الآن بأسوأ المراحل للأسف
Post: #3 Title: Re: ملك مملكة دقلو يعلن رفع علم مملكته بالقصر Author: هدى ميرغنى Date: 12-10-2021, 03:09 AM Parent: #2
القاتل حميدتى نفذ عمليا مقولة "يسرق بلد"
كتابة الأستاذ شوقى بدرى فى بوست دكتور ياسرالشريف صورت الواقع تماما حميدتي البروسة الغرزت غريق حميدتي البروسة الغرزت غريق
Post: #4 Title: Re: ملك مملكة دقلو يعلن رفع علم مملكته بالقصر Author: Bashasha Date: 12-10-2021, 04:02 AM Parent: #3
يا لهوانا بحق!!!! شئ يقطع انياط القلب! من شوية شفت شريط فظيع جدا جدا، لي عدد هائل من اهنا الغبش في دارفور جارين جري، اطفال، نساء رجال، ولا ادري ما الحاصل!!!
كلام المعارضة التشادية الادان مافعله رئيس تشاد، زعيم مملكة الزغاوة، بارسالو لي جيش تشادي لي داخل دارفور، شئ يحير!!
يا اخوانا الحاصل شنو بالضبط؟
شئ جد مرعب!!!
Post: #5 Title: Re: ملك مملكة دقلو يعلن رفع علم مملكته بالقصر Author: adil amin Date: 12-10-2021, 04:19 AM Parent: #1
والله علم فيه ملامح من علم الاستقلال الصحراء الاصفر الذهب وطريق الحرير والسودان المداري من بورتسودان الي داكار https://top4top.io/ احسن من علم مايو اتولد وقالو القرود زادت عدد مفروض اول حاجة ندين علم مايو الوسخ ده الانتهك هوية السودان والسودانيين من 1969 ونرجع لي علم الاستقلال الاصلي بعد داك نكون اتحرررنا من اصر جامعة الدول العربية والشركة القابضة المصرية والمخابرات المصرية وادواتها الرخيصة والمفضوحة في السودان
ليه يطلعو الشباب يموتو بي علم انقلاب مايو 1969 ؟؟؟؟ مشكلة السودان فعلا نفسية وهل الشعب السوداني الطلع الانجليز بالانتخابات وهو امي حينتخب عميل امارات وتاجر ذهب او شخص طاريء زي حميدتي اجدعو علم مايو ده اول حاجة علم الاستعباد الايدولجي المصري بعدين رفسو الجنجويد علم مايو علم ما دستوري التحول الديمقراطي في السودان يحتاج الي وعي حقيقي سوداني يبد باطلاق المحكمة الدستورية اولا وتحديد 9قضاة فورا لتقوم بالمساعدة علي الانتقال المدني وتوجد 4 برنامج وطنية سودانية مغيبة من الشعب السوداني من الاستقلال والي اليوم اتحررو من عقلية داحس والغبراء وابصرو الطريق الواضح
الخرطة المبتورة نفس شعار قحت1 المعقدين الما دايرين جنوب السودان هم الجابو المقاطيع ديل القصر الجمهوري انا بدين المركز قبل ادين حميدتي المصنوع صناعة غربية وخليجية فاقعة
Post: #6 Title: Re: ملك مملكة دقلو يعلن رفع علم مملكته بالقصر Author: ترهاقا Date: 12-10-2021, 04:58 AM Parent: #5
Quote: من شوية شفت شريط فظيع جدا جدا، لي عدد هائل من اهنا الغبش في دارفور جارين جري، اطفال، نساء رجال، ولا ادري ما الحاصل!!!
وإنت شفتا حاجة ، ناس دقلو وجبريل ومناوي عندهم عداء لا يوصف مع أهلنا السلميين الفور وعايزين يغيروا التركيبة ، وبعد داك حميرتي حيقبل على الزغاوة الما ناقشين حميرتي عايز شنو. حميرتي انتهى من حركات مناوي وجبريل قبل الثورة ما تقوم ، وبعد الثورة جابهم مدنقريقن يلحسو كرعينو ، عليكم الله دييل سودانيين؟
Post: #7 Title: Re: ملك مملكة دقلو يعلن رفع علم مملكته بالقصر Author: نصرالدين ادم فضل Date: 12-10-2021, 05:18 AM Parent: #6
يا زول خليك في مناوي وجبريل وعزارايل ديل قول العاوز تقولوا مافي زول بيقول ليك بغم هم قاده لحركاتهم وليهم ناسم لكن ان تتطاول علي الزغاوه وتقول أنهم ما ناقشين وانت وغيرك الناقشين الخلو حميرتي يكون الكل في الكل كلام مع بيدخل مخيخ واحد اتخرج من الروضه ملاحظ إنك بقيت وزير داخلية تطلع واحدين سودانيين وواحدين أجانب حميرتي دا ملفوا ما مر بيك لحدما رافع علموا وعلم اخوا في قصر كتشنر
Post: #10 Title: Re: ملك مملكة دقلو يعلن رفع علم مملكته بالقصر Author: Asim Ali Date: 12-10-2021, 08:19 AM Parent: #6
للاسف الان حتى الجيش اللى كان زمان اسمو قوات الشعب المسلحه (ق ش م) تحول الان واصبح المسمى القوات المسلحه (ق م) مجرد التغييرفى المسمى يعطى دلالات سالبه ومقلقه
Post: #8 Title: Re: ملك مملكة دقلو يعلن رفع علم مملكته بالقصر Author: نصرالدين ادم فضل Date: 12-10-2021, 05:28 AM Parent: #1
كل مافي الأمر سيد الحوش أنو البرهان قال ليه ابوه أنو حيكون ريس السودان حميرتي أول من صدق كلامه وأمن به أصبح خليفته الأول أو قل نايبهه البرهان في الستينات من عمره وحميرتي في الأربعينات سوف يخلفه في منصبه أما ال الرايه في قصر كتشنر هو رايه اخوه عبدالرحيم أو قل يعقوب في القرن التاسع عشر الدوله المهدية أو قل الحمرتيه في القرن الواحد والعشرين
Post: #9 Title: Re: ملك مملكة دقلو يعلن رفع علم مملكته بالقصر Author: Bashasha Date: 12-10-2021, 06:01 AM Parent: #8
شلوم ترهاقا، واضح للكل انو الموت البلوشي ده للابرياء بواسطة زعيم الجنجويد أو نسيبو الاهبل مناوي، نايب زعيم مشروع مملكة الزغاوة، ملعوب علي اعلي مستوي بغرض تغيير التركيبة السكانية من جانب، أو تفتيت الشارع من الجانب الاخر، لنزع سلاح السلمية أو تصفير عداد المليونيات، وهذا خطير للغاية! المسؤول من ده كلو هو مناوي، حليف ال دقلو ، الفرض روحو كحاكم لدارفور المجرم الفاسد القبلي الغبي، عبر ترتبيات انقلاب جوبا!! دولة تشاد ترسل جيش ليمارس الابادة داخل جمهورية السودان، أو حاكم دارفور مابقول بغم؟ معقولة، مثل هكذا لعب بالمكشُوف من اجل مشروع مملكة الزغاوة؟ لاحظ حاكم دارفور ماقادر يمشي دارفور، ولكن عادي من تشاد يمرقا لي دويلة الامارات، العميل!!
Post: #11 Title: Re: ملك مملكة دقلو يعلن رفع علم مملكته بالقصر Author: بدر الدين الأمير Date: 12-10-2021, 09:06 AM Parent: #9
انهم التتار اقبلو من جديد ففى المدى رعاف ٠٠٠٠ اوكما قال السياب
Post: #12 Title: Re: ملك مملكة دقلو يعلن رفع علم مملكته بالقصر Author: GAAFER ALI Date: 12-10-2021, 10:19 AM Parent: #11
كيف وصلنا الي ما نحن فيه؟؟؟؟
Post: #13 Title: Re: ملك مملكة دقلو يعلن رفع علم مملكته بالقصر Author: بكرى ابوبكر Date: 12-10-2021, 02:25 PM Parent: #12
Quote: لانهم عايزين زول زي ده يمدهم بالعبيد والذهب
كلامك اعلاه دي الحقيقة المرة ملوك العرب وجدوا في حميتي ضالتهم فهم في حوجة لعبيد اقصد جنود لحرسة ممالكهم المعرضة للانهيار وذهب لتغطية خزائنهم الفارغة من حروبهم العبثية
يا ناس التاريخ هل ممكن نقول حميتي اليوم هو الزبير باشا زمان......سؤال من زول ضعيف في التاريخ
وتم إعلان إحتلال السودان وتم رفع علم آل دقلو داخل صراية غردون .
Post: #18 Title: Re: لانهم عايزين زول زي ده يمدهم بالعبيد والذ� Author: Bashasha Date: 12-12-2021, 05:44 AM Parent: #17
ياعبدالله شلوم، ماذا عن زعيمكم سليل المراحيل، القبلي الجهوي، برمة، حاضن انقلاب الجنجويد، الدردق حمدوق او سلمو لال دقلو؟
برمة ده هو المسؤول الاول من نجاح انقلاب الجنجويد ده، ولو لا درديقو لي حمدوق لما نجح هذا الانقلاب، لانو الكرة الارضية كلها كانت ضدو، او وجود حمدوك هو اللخبط الامم المتحدة ضد الجنجويد، والمسؤول من ده، كسياسي هو برمة تحديدا، اللي لحدي الان مشرشح في حزب "الغمة"، يا لسخرية الاقدار!!
برمة هذا مفروض يتحاكم!
Post: #19 Title: Re: لانهم عايزين زول زي ده يمدهم بالعبيد والذ� Author: مهيرة Date: 12-12-2021, 10:53 AM Parent: #18
(. يا ناس التاريخ هل ممكن نقول حميتي اليوم هو الزبير باشا زمان..
....سؤال من زول ضعيف في التاريخ)
بحسب معلوماتي التاريخية ياريس
حميدتى هو الخليفة عبدالله التعايشي
الذى ساند المهدى فى فكرته المهدوية الآيدولوجية
والتى أوصلته لحكم بلاد السودان بعد فترة القمع
والبطش المستعمرين فى عهد محمدعلى باشا
والتى تماثل حقبة حكم عمر البشير المستمرة
حتى اليوم بتسلط لجنة البشير الأمنية على البلاد
تحياتى
Post: #20 Title: Re: لانهم عايزين زول زي ده يمدهم بالعبيد والذ� Author: على احمد النعيم Date: 12-12-2021, 11:46 AM Parent: #19
فعلاً يا للعار والله لم يبق فى العيش غير البؤس والنكد * فاهرب الى الموت من هم ومن نكد ملأت يا دهر عيني عن مكارهها * يا دهر ....حسبك قد أسرفت .. فاقتصد
ولله در من قال:من يهن يسهل الهوان عليه * ما لجرح بميت إيلام
Quote: برمة ده هو المسؤول الاول من نجاح انقلاب الجنجويد ده، ولو لا درديقو لي حمدوق لما نجح هذا الانقلاب، لانو الكرة الارضية كلها كانت ضدو، او وجود حمدوك هو اللخبط الامم المتحدة ضد الجنجويد، والمسؤول من ده، كسياسي هو برمة تحديدا، اللي لحدي الان مشرشح في حزب "الغمة"، يا لسخرية الاقدار!!
برمة هذا مفروض يتحاكم!
الله يخليك حبيبنا بشاشا وأشكر لك تعقيبك على مداخلتى . أليس من الإنصاف من ناحيةٍ أخرى أخى بشاشا تسليط الضوء على الروح الثوريه وردة الفعل لدى كندكات وشباب حزب الأمه ؟
