حتى نتعلم اصول الشفافية. وحتى يترسخ مفهوم ان حجم ثروات من يتصدى للعمل الدستورى والسياسي ، هو حق للعامة. لان تغريدة السيد "حسين نابرى" ، اوردت فيديو مسرب عن حساب السيدة " مريم المنصورة" فى بنك HSBC فرع دبى. وذكر السيد "نابرى" ان حساب وزيرة الخارجية السودانية السابقة بلغ ١٨ مليون دولار. المحاكم هى الفيصل. يجب ان نعرف ، فهذا ليس شأن خاص ، هذا شأن عام ، من اين وكيف؟ .. ومن الذى قام من داخل البنك بتسريب الفيديو ، ولماذا ؟. و "نابرى" يتحدى فى التغريدة انه سيقوم بنشر اى رد رسمى يأتى اليه من "المنصورة". الن يهتز بنك HSBC بهذا التسريب ؟. نرجو من "المنصورة" ، اتخاذ كافة الخطوات القانونية لحماية سمعتها ان كان كل هذا كذب ، او مقاضاة فرع البنك ان كان التسريب صحيح ، والتوضيح فى حالة انه صحيح ، لماذا ؟ ومن اين جاء هذا المبلغ.
Post: #2 Title: Re: على السيدة مريم المهدى ، رفع دعوى ضد السيد Author: shaheen shaheen Date: 12-06-2021, 10:07 AM Parent: #1
هذا هو رابط التغريدة ، فى حال قررت السيدة "مريم المنصورة" اتخاذ الخطوات القانونية اللازمة.
Post: #3 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-06-2021, 10:53 AM Parent: #2
ما شايف أثر (واضح) لي فبركة في الفيديو بت الإمام في فتيل
Post: #4 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-06-2021, 11:32 AM Parent: #3
Quote: بت الإمام في فتيل
إحتمال هناك من يتآمرون ضدها، وضعوا الملايين في حسابها و سربوا الفيديو عمداً.
Post: #5 Title: Re: على السيدة مريم المهدى ، رفع دعوى ضد السيد Author: Salah Zubeir Date: 12-06-2021, 12:10 PM Parent: #4
سيظل الحكم في السودان غنيمة ... ياهو دا فهم سياسيينا وعسكريينا ... البلم فيهو .. يهبر بس ...
Post: #6 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-06-2021, 12:27 PM
Quote: سيظل الحكم في السودان غنيمة ... ياهو دا فهم سياسيينا وعسكريينا ... البلم فيهو .. يهبر بس ..
يا صلاح الزبير صحيح كلامك ينطبق 100٪ على المخلوع و الكيزان و القتلة برهان و حميدتي و جماعة إعتصام و إنقلاب الموز و آخرين، لكن في حالة مريم الصادق حتى الآن هي بريئة حتى يثبت العكس.
Post: #7 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-06-2021, 12:30 PM Parent: #6
معقولة لكن يا نعمات زول تنزل في حسابه ملايين الدولارات ورسالة في تلفونه ساي ما تجيه؟!!!
Post: #8 Title: Re: على السيدة مريم المهدى ، رفع دعوى ضد السيد Author: اخلاص عبدالرحمن المشرف Date: 12-06-2021, 12:40 PM Parent: #7
ومن وسائل نشر الكذب ترديده
الله اكبر ولله الحمد
Post: #9 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-06-2021, 12:42 PM Parent: #7
يا أحمد الما معقول أن أتهمها قبل أن أسمع ردها و كمان أصدق ما يرشح عن المحور المتآمر على الثورة و الموانئ. شوف أ. شاهين بحصافة دعاها لرفع دعوى.
Post: #10 Title: Re: على السيدة مريم المهدى ، رفع دعوى ضد السيد Author: اخلاص عبدالرحمن المشرف Date: 12-06-2021, 12:52 PM Parent: #9
يا احمد عمر القروش قالو كاتبين للدعم الاعلامي ، يعني اما تسحب قروش قاعد تكتب لغرض ؟!!!
Post: #11 Title: Re: على السيدة مريم المهدى ، رفع دعوى ضد السيد Author: اخلاص عبدالرحمن المشرف Date: 12-06-2021, 12:55 PM Parent: #10
اسع مع غلاء التنباك لو داير اتاجر في اكتب لشراء الوهم ولهذا ظل بشه 30 عاماً
Post: #13 Title: Re: على السيدة مريم المهدى ، رفع دعوى ضد السيد Author: اخلاص عبدالرحمن المشرف Date: 12-06-2021, 01:02 PM Parent: #11
المنصورة من شدة ما ربي اكرمها لما فبركو كتبو سبب السحب غرض نبيل
وكانوا معاك بسيف العشر وسيوف من حبر وامطرت حق ما بنكسر
وكيبورد واخري ( تعلمونها حيداً)
Post: #14 Title: Re: على السيدة مريم المهدى ، رفع دعوى ضد السيد Author: Salah Zubeir Date: 12-06-2021, 01:12 PM Parent: #11
بالنسبة لي يا دوك كل من يسعى للحكم بدون ما يجيبو صندوق الإنتخابات ويتفانى في الوصول لكراسي الحكم لفترة مؤقتة متجاهلا هو وحزبه مواقيت شرعية الإنتخابات .. ويجعل حكمه المؤقت حق مستحق له سلب منه ... فهو بالتأكيد يحمل أجندة أقلاها الحساب الدولاري ...
Post: #12 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-06-2021, 12:59 PM Parent: #10
حسين نابري يا شاهين مجرد مونساتي ساي زيو زي العشرات في الفيس وفي سودانيز وفي مختلف الوسائط لقى فيديو لافي عايز يكتر بيه الشير و اللايك و ياخد اللقطة، مقاضاته ما منها فائدة، المنصورة تقاضي البنك مباشرة، ان بقا دا فعلا حسابها ودي قروشها التعويض بدبلهن ليها اقل شي، وان طلعت مفبركة عليها بتنال تبرئة رسمية تخرس بها السنة المعارصجية و ناس معاهم معاهم عليهم عليهم وعز ولو طارت، اما الفائدة الحقيقية ففي الحالتين - وربما حتى دون ان تقاضي البنك- هناك موظفة في ال HSBC فرع دبي قطرها صفر او على وشك، وستسجن ما لا يقل عن عشر سنوات - قياسا على قضية شبيهة تخص حسابات طه عثمان
Post: #15 Title: Re: على السيدة مريم المهدى ، رفع دعوى ضد السيد Author: كمال عباس Date: 12-06-2021, 01:21 PM Parent: #12
الناس كانت تتحدث عن نثريات السفريات والتي تمنح وفق لوائح الوزارة ـ وطبعامحصلتها ـ كلها ـ إن جمعت لاتتعدي جزء عشري من المليون دولار ـ المبلغ السرب فلكي ولايمكن لوزير خارجية ـ لايعمل في وزارة إقتصادية أو بحوزته مفاتيح موارد البلد ـ أن يتحصل في فترة عمل لم تتجاوزالعام ونصف ـ إذا هل تمت عملية إقرار ذمة توضح حجم ممتلكاته وثروته قبل تقلد الوزارة؟ فمثلا لو أعلن إبراهيم الشيخ مجمل ثروته في إقرار الذمة ثم كشف أحد أن للرجل حساب في دبي10مليون دولارلكان الوضع عاديا ولو أعلن التعائشي أن يملك بيت بسيط ومايعادل100الف دولار ثم أكتشفنا أن له حساب بنكي بمبلغن صف ملييون دولا لأندهشنا
ـ الخلاصة أشك في دقة المعلومة
Post: #16 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-06-2021, 01:26 PM Parent: #12
Quote: بالنسبة لي يا دوك كل من يسعى للحكم بدون ما يجيبو صندوق الإنتخابات ويتفانى في الوصول لكراسي الحكم لفترة مؤقتة متجاهلا هو وحزبه مواقيت شرعية الإنتخابات .. ويجعل حكمه المؤقت حق مستحق له سلب منه ... فهو بالتأكيد يحمل أجندة أقلاها الحساب الدولاري .
رأيك أكيد ينطبق على القتلة برهان و حميدتي و كرور الموز. لكن لو مقتنع أن البرئ متهم حتى تثبت براءته، أعمل حسابك ما يتهموك حتى تثبت براءتك لأن what goes around comes around.
Post: #17 Title: Re: على السيدة مريم المهدى ، رفع دعوى ضد السيد Author: Mahjob Abdalla Date: 12-06-2021, 01:33 PM Parent: #16
موظف البنك البطلع معلومات العملاء و بنشرها, ياهو مشكلتو اكبر من مشكلة مريم. ممكن يكونو هاكرز قدرو يسطو علي البنك و في هذه الحالة, البنك في فتيل. عموما, موضوع تسريب معلومات العملاء هو الموضوع الاساسى الان.
Post: #18 Title: Re: على السيدة مريم المهدى ، رفع دعوى ضد السيد Author: صديق مهدى على Date: 12-06-2021, 01:53 PM Parent: #17
سلام أحباب ماذا يستفيد البنك من تسريب معلومة كهذه لكن فى رايى هذا المبلغ لو صاح يعتبر بسيط شديد على ما اعتقد ان السيدة الدكتور حسابها كان قبل ذلك 300 مليون دولار فى هذا البنك ودا قبل ما تكون وزيرة والبلد بلدها وهى ستو ههه
Post: #19 Title: Re: على السيدة مريم المهدى ، رفع دعوى ضد السيد Author: اخلاص عبدالرحمن المشرف Date: 12-06-2021, 01:55 PM Parent: #17
احيك يا محجوبنا حسابات العملاء وسرية البنوك بس كمان السؤال لماذا مريم تحديداً برضو موضوع الدولة العميقة وامن البشير .
اكتب من الايفون و كثيراً ما يخطئ يا محجوبنا الحكيم، سندي هو علمك بمعزتي لك
Post: #20 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-06-2021, 02:07 PM Parent: #19
غرض نبيل في حسابها الشخصي؟ تبقى مريم اردول كدة :)
عموماً المايك معاها .. إذا ما قدرت تبرئ ذمتها خلال يومين معناها الموضوع فيه إنّ
Post: #21 Title: Re: على السيدة مريم المهدى ، رفع دعوى ضد السيد Author: Bashasha Date: 12-06-2021, 04:01 PM Parent: #20
ياشعبا، مصيبتك، مثاليتك! أو عشان كده، للاسف مالاقي مراداك، والفي نيتك، بحكم طبيعة عالم اليوم، اللي الهو المعبود هو الدولار، للاسف!! مرة اخري: كناخبين، ياسودانيين، اي شبهة أو اتهام لاي مخلوق/مخلوقة تعمل بالسياسة، يظل صحيح الي إن يثبت العكس!!! الصاح كده، ياسودانيين، بطلو مثالية قاتلة!!! هل صدفة انو مستعمرينا كانو بنمطونا ك"دراويش"؟ وهذه حقيقة اعترف، تاريخيا! كشعب متصوف من حيث الخلفية في عالم كهذا، فعلا لا قول، إحنا دراويش!! قال ديمقراطية قال! ديمقراطية شنو، وين، اذا هذه طريقة تفكيرنا! نعم طايفية شاطحة، أو ديماغوغية عقايدية ناطحة، وكنتيجة لاوجود اطلاقا لي مجرد مفهوم "ناخب" في واقعنا!! وكنتيجة ندور في حلقة مفرغة من نظام السيدين والي نظام السيد الواحد العسكري الديكتاوري! ولهذا وكنتيجة طبيعية لغياب مفهوم ناخب، دعك من "ناخب"، السودان الان تحول الي مملكة جنجويد خاصة بال دقلو! مريم دي مفروض فورا تطلع بيان، والي حينه، مايشاع يظل حقيقة! لاحظو الكل من ساستنا الامارات هي مركز دائرة وجودو، والبدفعو تمن ده كلو هم الابرياء اعلاه، بي ارواحم! شئ يمغس يقطع انياط القلب! امشو اقرو عن السوتو لجنة التفكيك مع أخو "المنصورة"، عبدالرحمن!
حولا ولاقوة، ياخي!
Post: #23 Title: Re: على السيدة مريم المهدى ، رفع دعوى ضد السيد Author: Salah Zubeir Date: 12-06-2021, 04:39 PM Parent: #21
Quote: رأيك أكيد ينطبق على القتلة برهان و حميدتي و كرور الموز.
نعم صحيح ... وبرضو كل من يفكر في كرسي الحكم بدون شرعية انتخابية من الشعب السوداني ... حتي لو كانت بإسم المدنية المفترى عليها ... المدنية لا تعني تحكم هبتلي ساي ...
Quote: لكن لو مقتنع أن البرئ متهم حتى تثبت براءته، أعمل حسابك ما يتهموك حتى تثبت براءتك لأن what goes around comes around
الشي ال personal دا خليهو لأقدار الله ... كلامي في المداخلتين لم أذكر مريم ولا غيرها ...
Post: #22 Title: Re: على السيدة مريم المهدى ، رفع دعوى ضد السيد Author: علاء سيداحمد Date: 12-06-2021, 04:10 PM Parent: #20
اسم نابري ماغريب عليّ هنا فى سودانيز وربما كان عضو هنا فى البورد وعلى العموم نابري فى فتيل اكثر من البنك لان المحكمة ستطلب منه فى حال التقاضي مصدر المعلومة لو المصدر موظف فى البنك سيحاكم حساب عسير ولو اجنبى سيتم ابعاده من الدولة بعد المحاسبة والمحاكمة . وايضاً نابري سينال عقوبة اينما كان فى امريكا فى السودان فى الامارات فى اية دولة بالانتربول سيتم احضاره الى الامارات وسيحاكم . هذه المحاكمات فى حال ان كان الرصيد المسرب صحيحاً وفى العدم لن يلتفت احد من المسئولين فى البنك الى الرصيد المسرب .
وفى اثناء المحاكمات المنصورة من حقها ان تطلب تعويض معتبر من البنك . لان هذا من حقها وانا اعتقد حتى ولو كان الرصيد صحيحاً المنصورة تكون حازت عليها بطرق قانونية وشرعية .
Post: #24 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-06-2021, 05:29 PM Parent: #22
لم أسمع أو أقرأ عن سابقة فساد لمريم الصادق ، عليه ما يهمني هو أنه من ناحية دينية و قانونية و أخلاقية لا إتهام بدون دليل. أما إذا ثبت أرتكابها جرم فسأشهد لبشاشا و أحمد و صلاح أنهم على حق . مافي مثالية ،بل أ ب ت ث الدين الذي أتبعه.
Post: #26 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-06-2021, 05:42 PM Parent: #24
المطلوب من مريم توضيح لتبرئ ذمتها من شبهة الفساد. إذا لم تستجب مريم بإصدار بيان توضيحي لتبرئة ذمتها فهي إما فعلاً فاسدة او مستهترة بتهمة الفساد. وفي الحالتين هي ساقطة سياسياً ما لم تبرئ نفسها من الشبهة.
Post: #25 Title: Re: على السيدة مريم المهدى ، رفع دعوى ضد السيد Author: بسمات الشيخ Date: 12-06-2021, 05:36 PM Parent: #22
اولا السيدة مريم الصادق المهدي بريئة من هذه التهمة حتى نسمع ردها.. ثانيا اذا افترضنا ان الخبر صحيح وانها عندها ١٨ مليون دولار في حسابها ..فما هو وجه الغرابة هنا ...لانها ليست في حاجة ان تسرق مال الحكومة لان بيت واحد من بيوت اسرتها ممكن يساوي ١٠٠ مليون دولار ..خليك من ١٨ مليون دولار.. ونحن بنسمع شباب صغار بيعملوا تجارة بين دول الخليج وبيلقوا معاهم ملايين الدولارات ... واظن ان هذه الاشاعات غرضها فقط تشويه سمعة السيدة مريم المهدي ....فهي لبست في حاجة ان تسرق مال الحكومة... انتو شايفين الفيل وتطعنوا في ضله..... الناس بتسرق مال الشعب جهارا نهارا وبيهربوا الذهب وثروات الوطن جهارا نهارا وما زول قادر يقول بغم.....
Post: #27 Title: Re: على السيدة مريم المهدى ، رفع دعوى ضد السيد Author: shaheen shaheen Date: 12-06-2021, 07:30 PM Parent: #25
هذا هو صاحب التغريدة :-
11 ابريل 2019 , عقب الاطاحة بالبشير.
Post: #28 Title: Re: على السيدة مريم المهدى ، رفع دعوى ضد السيد Author: shaheen shaheen Date: 12-06-2021, 07:58 PM Parent: #27
هذا هو صاحب التغريدة :-
16 مايو 2019
Post: #29 Title: Re: على السيدة مريم المهدى ، رفع دعوى ضد السيد Author: shaheen shaheen Date: 12-06-2021, 08:13 PM Parent: #28
صاحب التغريدة :- هو عضو معنا هنا فى سودانيز اون لاين. تاريخ التسجيل 18 مارس 2014
Post: #30 Title: Re: على السيدة مريم المهدى ، رفع دعوى ضد السيد Author: shaheen shaheen Date: 12-06-2021, 08:44 PM Parent: #29
صاحب التغريدة :- * دكتوراه في الاقتصاد الدولي والشؤون المالية الدولية من احدي اهم وأعرق الجامعات في عالم اليوم...جامعة السوربون في العاصمة الفرنسية باريس. * حاصل أيضا علي دبلومات عليا في اقتصاديات التنمية , وفي العلاقات الاقتصادية الدولية وفي علوم المصارف الحديثة. *علي صعيد التجارب المهنية تبوأ نشاطات متنوعة في منظمات دولية ، من بينها عمله كمستشار اقتصادي لبرنامج النشاطات المصرفية الدولية والاستثمار بمركز التنمية التابع لمنظمة التعاون والتنمية الاقتصادية (OECD) في باريس.
Post: #31 Title: Re: على السيدة مريم المهدى ، رفع دعوى ضد السيد Author: بسمات الشيخ Date: 12-06-2021, 08:47 PM Parent: #30
وليه ما سلموهو وزارة المالية وهو عنده الكفاءات دي كلها....
Post: #32 Title: Re: على السيدة مريم المهدى ، رفع دعوى ضد السيد Author: Bashasha Date: 12-06-2021, 09:14 PM Parent: #31
مرة اخري: اي سياسي تعامل معه كناخب، كمتهم متي اثيرت حولو شبهة الي ان يثبت العكس!!!
كده بتكون عندك حبة اعتبار لاوجود له اطلاقا في سودان الطائفية والديماغوية العقائدية، وكنتيجة افرغت ماتسمي ديمقراطية من محتواها ولهذا العساكر ملو الفراغ النجم!!
ماممكن، مريم تنزل الطرحة بتاعتا في ابا، لتفوذ الطرحة بالانتخابات، من منطلق طائفي صرف!!!
ماممكن العميل سليل العملاء الميرغني يتشرشح قدر ده في عذبة البية السيسي، كسفرجي من دون ما "اتحادي" يقول بغم!!!
لامعني لي مفهوم ديمقراطية في مجتمع كهذا!!!
هذا مزاح!!
مفروض الكل يقدم رصد كامل لي ممتلكاتو قبل ما يتسلم موقعو كحد ادني، واي ملينة حمرة يعملا بعد استلم موقعو مفروض تكون مكان رصد، من الناخبين. كفاية عفن ولاء طائفي، قبلي، جهوي، دوغمائي، عقائدي!!
عايزين جمهورية الناخبين مش دويلة القيادات القبلية، الجهوية، الطائفية، العقدية!!!
كفــــــــــاية!!!
Post: #33 Title: Re: على السيدة مريم المهدى ، رفع دعوى ضد السيد Author: اخلاص عبدالرحمن المشرف Date: 12-06-2021, 09:44 PM Parent: #32
لا تضيف شهادته شئياً زول سحب قروش ( ان كان صحيحاً)
هو غير الكفوات الجاي اجل البلد شنو، الترابي نافع ، الجاز وكثيرين. بما انه عضو معانا يظهر ويورينا معترض علي شنو
Post: #34 Title: Re: على السيدة مريم المهدى ، رفع دعوى ضد السيد Author: ABDALLAH ABDALLAH Date: 12-07-2021, 02:04 AM Parent: #33
عملت فى بنك السودان 23 عاماً وكنت رئيس قسم مراجعة عمليات النقد الأجنبى لحظة مغادرتى الوطن لحياة المنافى وأعلم أن تسريب وكشف حساب أو تعاملات أى عميل لدى البنك يعتبر عمل غير أخلاقى وربما تجاوز يؤدى إلى المساءله القانونيه .
Post: #35 Title: Re: على السيدة مريم المهدى ، رفع دعوى ضد السيد Author: أبوبكر عباس Date: 12-07-2021, 03:22 AM Parent: #34
المدعو نابري دا موش لو عندو دكتوراة بالسوربون، لو هو وزير المالية الأمريكي، الفيديو دا مفبرك والزول دا زول وهمي* قال الفريق ابنعوف مطلوب لمحكمة الجنايات الدولية في الفيديو الأول دا زول وهمي في السياسة أي زول ينشر ليهو حاجة زي دي لاشانة السمعة دون أن تكون عنده مستندات حقيقية ١٠٠٪ دا زول مقياس العدل عندو ضعيف
* لقب وهمي ووهمية بقيت أطلقه على كثير من هردبيس الأسافير
Post: #36 Title: Re: على السيدة مريم المهدى ، رفع دعوى ضد السيد Author: أبوبكر عباس Date: 12-07-2021, 03:36 AM Parent: #35
ثم مشتاقون يا شاهين يا زميلي في الأدب
Post: #37 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-07-2021, 05:12 AM Parent: #36
في 2018 قا م مجموعة من السودانيين في باريس بمهاجمة حسين نابري ظنا منهم انه سفير النظام, و اذكر انو الناس تضامنت معه وادانت الاعتداء المؤسس على معلومة كاذبة قال هو نفسه انه قام بدسها عليه احد اعدائه او ما شابه مفروض ان يكون أكثر الناس حساسية تجاه ترويج اي معلومة فيها شك تجاه الآخرين خاصة في اطار الصراع السياسي
Post: #38 Title: Re: على السيدة مريم المهدى ، رفع دعوى ضد السيد Author: Ahmed Yassin Date: 12-07-2021, 06:03 AM Parent: #37
Quote: كاذبة قال هو نفسه انه قام بدسها عليه احد اعدائه او ما شابه
يا عزيزي محمدالبشرى دا اسمه الكذب الدفاعي بديهي واكيد انه حيقول الكلام.. هو في كلام غير دا يتقال!! هل ذكر اسم العدو او ماشابه؟
Post: #39 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-07-2021, 06:20 AM Parent: #37
حسب القانون من المفترض أن يكون الوزراء قد قدموا إقرارات ذمة مالية عن أنفسهم وأفراد اسرهم قبل تسلمهم لمناصبهم كما أنه من المفترض أن يقدموا إقرارات ذمة مماثلة عند نهاية فترة عملهم. إقرارات الذمة مهمة من أجل تحقيق الشفافية ومن أجل مكافحة الفساد والحيلولة دون استخدام الوظيفة العامة لتحقيق مكاسب شخصية للوزير ولأفراد أسرته. الحساب في الفيديو تحولت إليه مبالغ مجموعها أكثر من 18 مليون دولار خلال الفترة بين 2 اكتوبر إلى 7 اكتوبر 2021. فهل كانت هذه الأموال متضمنة في إقرارالذمة الذي قدمته الوزيرة صاحبة الحساب في بداية عملها وهل كانت متضمنة في إقرار الذمة الذي قدمته مع إستقالتها؟
إذا لم يكن وزراء قحت قد قدموا إقرارات ذمة عند تسلمهم لممناصبهم ومرة أخرى مع تقديم إستقالتهم فذلك يعني أننا لم نبارح فساد الإنقاذ قيد أنملة.
إبراء الذمة من أي شبهات هي مسؤلية الوزير والدفاع عنه أمام الشبهات هو تشجيع للفساد ومشاركة فيه.
Post: #40 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-07-2021, 06:50 AM Parent: #39
تسريب معلومات عن حساب بنكي يتم بإحدى طريقتين كلاهما مخالف للقوانين. الطريقة الأولى الوصول للمعلومات بواسطة شخص مسموح له بدخول النظام المصرفي، وفي هذه الحالة المسؤول عن محاسبة من إرتكب المخالفة هو البنك الذي فيه الحساب المسرب. الطريقة الثانية هي إختراق نظام المعلومات المصرفي من شخص غير مصرح له وهذه جريمة معلوماتية. إعادة نشر المعلومات عن الحساب المسرب يدخل ضمن حرية الصحافة ولا يعد جريمة طالما أن المصدر معلوم.
تناول ناشطي قحت وما جاورها لموضوع حساب الوزيرة المسرب وتركيز الحديث عن مخالفة التسريب والناشر للقانون يذكرني بوزير مالية حكومة الإنقاذ السابق للأسبق علي محمود. الصحفي أبو القاسم إبراهيم واجه وزير المالية علي محمود بمستندات تثبت فساد الوزير، فما كان من الوزير إلا أن إعتقله بسبب أن الصحفي تحصل على المستندات بطريقة غير مشروعة. المفارقة في أن الطليعة المثقفة كانت في ذلك الوقت ترى أن التحقيق في فساد الوزير اولوية مقدمة على عدم مشروعية حصول الصحفي على المستندات.
Post: #41 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-07-2021, 07:23 AM Parent: #40
Quote: الفيديو دا مفبرك
في حيثيات معينة استندت عليها في الفتوى دي ولا جدعنة منك ساي؟
Post: #42 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-07-2021, 07:38 AM Parent: #41
سلام ياريت من معرفة بتقنية Deep fake لتزوير الفيديوهات و التي تستعملها المافيات و الإستخبارات ضد خصومها، أن يشرح كيف يمكن معرفة الفبركة. هنا شرح لكشف التزوير: https://youtu.be/jb5OwKH-kHghttps://youtu.be/jb5OwKH-kHg
Post: #43 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-07-2021, 08:48 AM Parent: #42
هي التفتح خشمها في الأول تقول مفبرك بعد داك الباقي هين
Post: #44 Title: Re: على السيدة مريم المهدى ، رفع دعوى ضد السيد Author: أبوبكر عباس Date: 12-07-2021, 08:52 AM Parent: #42
عملت سكرين شوت وواضح الاضافات بعد تسجيل الفيديو لاحظ كيف مسح Emp # بالأسود اسم مريم المنصورة الصادق المهدي واضح مضاف بعد مسح اسم العميل صاحب الحساب فهو يظهر أعلى شوية من الخط مريم في جوازها تكتب الصادق والصديق بالG وليس Q
Post: #45 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-07-2021, 09:39 AM Parent: #44
حسين نابري حذف التغريدة
Post: #46 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-07-2021, 09:47 AM Parent: #45
Post: #47 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-07-2021, 09:54 AM Parent: #42
Quote: دا اسمه الكذب الدفاعي بديهي واكيد انه حيقول الكلام.. هو في كلام غير دا يتقال!!
صلي ع النبي يا احمد, الادعاء الكاذب عليه انه هو سفير السودان في فرنسا, الكلام دا حصل اثناء وقفة احتجاجية قدام السفارة هو جا طالع منها فا أحد الواقفين اشر انه دا السفير و بعد داك عينك ما تشوف الا النور
Post: #48 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-07-2021, 11:10 AM Parent: #47
Quote: مريم في جوازها تكتب الصادق والصديق بالG وليس Q
عليك الله يا مستنير شوفت جوازها ول بتفرك وبتنجر من راسك الكبير دا؟ وهسه إنت زاتو لو دايرين نحلفك قسم نجيب ليك كتاب شنو؟
Post: #49 Title: Re: على السيدة مريم المهدى ، رفع دعوى ضد السيد Author: منتصر عبد الباسط Date: 12-07-2021, 11:42 AM Parent: #47
Quote: اولا السيدة مريم الصادق المهدي بريئة من هذه التهمة حتى نسمع ردها.. ثانيا اذا افترضنا ان الخبر صحيح وانها عندها ١٨ مليون دولار في حسابها ..فما هو وجه الغرابة هنا ..
كلامك هذا يكون صحيحا لمن لم يتصدى للعمل العام ولم يشغل منصبا عاما المتهم بريء حتى تثبت إدانته وإثبات التهمة عليه، هذا يقال في حق المواطن العادي غير الناشط في العمل العام أما الناشط في العمل العام فهو مدان أو مشتبه به إلى أن يبريء ساحته ونفسه من التهمة
Post: #50 Title: Re: على السيدة مريم المهدى ، رفع دعوى ضد السيد Author: منتصر عبد الباسط Date: 12-07-2021, 12:09 PM Parent: #49
الكلام الكتبتو في المشاركة السابقة هذه عاما وليس خاصا بالمسألة دي تحديدا ثم يجب ملاحقة أي كذاب وأفاك ثبت كذبه بلا رحمة فليس هناك مهلكا للسودان ومعطلا لتنميته ونهضته أحدا ولا شيئا غير الكذابين والأفاكين فملاحقتهم وذمهم والإغلاظ عليهم واجب وطني ما ثبت كذبهم وافكهم ليس دفاعا عن الأشخاص ولكن تنظيفا وتطهيرا لميدان السياسة السوداني يفعله كل غيورا على الوطن وشعبه
Post: #51 Title: Re: على السيدة مريم المهدى ، رفع دعوى ضد السيد Author: منتصر عبد الباسط Date: 12-07-2021, 12:09 PM Parent: #49
مكرر
Post: #52 Title: Re: على السيدة مريم المهدى ، رفع دعوى ضد السيد Author: منتصر عبد الباسط Date: 12-07-2021, 12:09 PM Parent: #49
مكرر تعدد ظهور عبارة تعديل والتكرار في عدد المشاركات في السابقة ناتج من مشكلة في جهازي أو ضعف الشبكة وتكرار ضغط الذر
Post: #53 Title: Re: على السيدة مريم المهدى ، رفع دعوى ضد السيد Author: منتصر عبد الباسط Date: 12-07-2021, 12:09 PM Parent: #49
مكرر
Post: #54 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-07-2021, 12:14 PM Parent: #49
Quote: كلامك هذا يكون صحيحا لمن لم يتصدى للعمل العام ولم يشغل منصبا عاما المتهم بريء حتى تثبت إدانته وإثبات التهمة عليه، هذا يقال في حق المواطن العادي غير الناشط في العمل العام أما الناشط في العمل العام فهو مدان أو مشتبه به إلى أن يبريء ساحته ونفسه من التهمة
اول مرة يا فكي منتصر تقول كلام صاح. نتمنى إنها تكون فاتحة خير عليك وتشوف باقي الحاجات بمنظار صاح.
طبعاً المحاكمة القضائية مختلفة من المحاكمة السياسية صحي ما حنقول اسجنوا الوزير بناءً على الشبهات. لكن كمان نبقى إما أغبياء او غير آبهين بالحق والوطن إذا إخترنا نولي المسئولية لمشتبه بينما هنالك أربعيم مليون سوداني غيره ومؤكد فيهم من هو فوق الشبهات.
Post: #55 Title: Re: على السيدة مريم المهدى ، رفع دعوى ضد السيد Author: Omer Abdalla Omer Date: 12-07-2021, 02:32 PM Parent: #54
البوست دا بالنسبة لمريم catch 22 الله يجازي محنك يا أستاذ شاهين
Post: #56 Title: Re: على السيدة مريم المهدى ، رفع دعوى ضد السيد Author: اخلاص عبدالرحمن المشرف Date: 12-07-2021, 03:00 PM Parent: #55
لو تابعتو ده ح تلقو نفسكم مقبقبين من اول سياسي لاخر سوداني عادي في ال ادوه قطعة ارض وفي الادوه بيت حسب الميديا وفي الادوه عربية ، وفي حق التذكرة وح نصل لحق السعوت ، بعد التحدي الزول سحب البوست ، مريومة تشتكي بس اي الله.
قاصدين حزبها تعالو عديل قاصدين الامام برضو تعالو عديل ، شغل الكيزان ما حبابو
Post: #57 Title: Re: على السيدة مريم المهدى ، رفع دعوى ضد السيد Author: Omer Abdalla Omer Date: 12-07-2021, 03:06 PM Parent: #56
أعتقد شغل مخابرات مصرية الكشف عن الحساب المذكور
Post: #58 Title: Re: على السيدة مريم المهدى ، رفع دعوى ضد السيد Author: أبوبكر عباس Date: 12-07-2021, 03:10 PM Parent: #56
لو لازم تحلفوني؛ بقبل بمصحف القصر الجمهوري
Post: #59 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-07-2021, 03:56 PM Parent: #58
Quote: حسين نابري حذف التغريدة
ليه؟ هل البنك بلغ السلطات عنه؟ هل مريم الصادق بلغت عنه؟ هل أكتشف إن الفيديو مفبرك؟ أساساً من أين حصل على الفيديو؟
زميلنا بالمنبر الدكتور نابري، الشلاقة مشكلة!
Post: #60 Title: Re: على السيدة مريم المهدى ، رفع دعوى ضد السيد Author: Bashasha Date: 12-07-2021, 05:01 PM Parent: #59
ياسبحانه!!!
كما توقعتا، وبحكم طريقة تفكيرنا، التركيز كلو من باب تبراة مريم، وهذا عجيب، يدور هنا علي ادانة المصدر، والاسلوب الاتبع الي اخره من شكليات ترهات يفترض لاتخصنا كناخبين!!!!!!!!!!!!!!!!!!!
لاحظو حزب الامة ممثل في زعيمو برمة، سليل المراحيل، وانطلاقا من وعي قبلي جهوي كبقاري، ايد انقلاب مملكة ال دقلو مع الاحتفاظ بي موقعو رغم انف رفض الاغلبية لهكذا خيانة او تامر!!!!
اغلبية؟
معليش، غلطانين، فهذا مجاز!!!!!
باختصار شديد، لو كنتا ناخب حر، مستقل، في موضوع زي ده، مابتضيع زمنك تلف او تدور او من منطلق عاطفي، وقبلها ولاء طائفي من البعض، او تختذل الموضوع في الاسلوب، المصدر، جريمة، تعدي، صحيح ام مزور ومااليه من انصراف!!!
انا كناخب هذا لايخصني في شئ اطلاقا!!
دي مسؤولية السياسي، الاستلم موقع رسمي بي اسمي كناخب، عشان يخدمني، انا مخدومو.
عشان كده في الشغل لما تثار حولك شبهات، طوالي بوقفوك اولا من الشغل، او بعد داك تثبت انت، وليس رئيسك في الشغل انو ده مفبرك، ومااليه، او مش "البوس" بتاعك اي رئيسك في الشغل هو البقوم بالدور ده!!
نعم مريم اولا مفروض تصدر بيان، او بعد داك تثبت لي كناخب عن طريق القضاء، انها بريئة!!!
لحدي ماتثبت لي انا الناخب مخدما، انها برئية، فهي تظل مذنبة عديل كده مش فقط متهمة!!!
باختصار، البينة علي وزيرة الخارجية، بالنسبة لي كناخب مش الجاب الكلام ده!
نعم كل من تبوا موقع عام رسمي بي اسمي كناخب، متي ما اثيرت شبهة او شبهات حول اداؤو، فهذا المسؤول تلقائيا، اليا، ومكينيكيا، في نظري طوالي مـــــــــــدان، او مش متهم، الي ان يثبت هو، العكس!!
معركتو مع من اثارو الشبهات، انا كناخب لاتخصني في شئ، اطلاقا!!!
لو كنا بنفكر كده، اطلاقا ده ما كان بكون حالنا، لي درجة مجرم فاسد، قبلي، جهوي، حرامي، زي حمرتي الان انفرد بالسودان كلو!!!
كرور، عفن، خبوب، تراش الوعي القبلي، الجهوي، الطائفي، الديماغوغي، هو المسؤول من ده كلو!!
عشان كده حمرتي عايز يقلع الكاكي او يجيكم بي نفس الباب الوصل امثال مريم بالوراثة للسلطة:
نعم منظومة هرار الوعي القبلي، اللي مولعا البلد الان واللحظة في كردفان، في دارفور، وقريبا شرق السودان!!
نعم تجار الطرق الصوفية، ولهذا مناوي ساكي شيخ الببسي داك!!
اذن باختصار البدافعو عن مريم هنا، للاسف دي هي الخلفية الجايين منها، في اللاوعي في اللاشعور، وكنتيجة لاوجود لمجرد مفهوم ناخب في السودان!!!!
الطريف جدا، نفس البدافعو عن مريم هم البهاجمو في الانقلابيين، شغل اب سنينة يهاجم في اب سنينتين!!!
لانو لاوجود اصلا لهكذا مفهوم/صيغة/تصور في وعيهم، لو طائفي او قبلي!!!
حسبي امون!!!
Post: #61 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-07-2021, 05:28 PM Parent: #60
يا بشاشا إنا لا أدافع عن مريم بل أدافع عن حقي في التأكد من صحة الفيديو قبل كل شئ. ثم هي مريم الصادق تهمتها شنو بالضبط؟ أما الوعي القبلي و الطائفي دا لا ينطبق علي بأي حال من الأحوال. ثقافة الناخبين و قوانين الإنتخابات دي نجاحها من نجاح الثورة. الآن لو عاوز تطبق القانون على مريم من أين تبدأ بعد أن تدينها؟ أذا لاذت هي بالصمت، فمن يبلغ النيابة؟ و هل سيتم الكشف عن الحقيقة؟ هل القضاء نزيه؟ هل الإعلام مستقل؟ أم أن الموضوع كله موجود داخل البوست فقط ولا وجود له في الواقع؟
Post: #62 Title: Re: على السيدة مريم المهدى ، رفع دعوى ضد السيد Author: Bashasha Date: 12-07-2021, 06:11 PM Parent: #61
الاخت العزيزة دكتورة نعمات، كلامي هنا، عام أو ما موجه لي فرد بعينه وهذا مقصود من اجل الموضوعية.
بالنسبة لي كناخب، التاكد من صحة المعلومات ده، شغل خادمتنا مريم نحن مخدميها اي الناخبين.
واضح الاختلاف في النقطة دي بينا.
بالنسبة لي كناخب أي كلام زي ده عن واحد من الموظين بتاعني، طوالي مثبت، الي إن يثبت الموظف بتاعي العكس!
دي مسؤوليتو هو، مش انا!
الاختلاف بيني أو بينك هنا!!
كده، الموظف بتاعي بديني حقي من الاعتبار.
السؤال مريم كطايفية تبوات موقعا ده بالوراثة، فقط لانها بت "سيدي" هل في وعيها مفاهيم كهذه؟
قطعا لا!!
لهذا يااختاه انتي بتعيدي انتاج طريقة تفكير مريم كطايفية اقطاعية بي زي موقفك ده، الحتفسرو هي كدعم لها!!!
يبقي عشان تساعدي مريم تستوعب مفهوم ناخب وناخبين زينا اعتبريها مدانة الي إن تثبت هي العكس، مش انتي!!
كده حتديكي اعتبار بدل السواقة بالاشارة الفتحت عليها، وكنتيجة شغل استعلاء معتاد هي بصقت في وجه الاتهام ده شغل تكبر معتاد من طايفية، والمصيبة هنا!!!
هكذا افرغ مفهوم ديمقراطية من معناه، وكنتيجة ملو الفراغ العسكر!!
أما تهمتا شنو، فالتهمة هنا، هو الفساد!!
بالذات انوهذا متصل بالامارات الحاكم الفعلي والمحرك لي قطع الشطرنج الحاكمة في السودان!
أهو قدامنا اليوم والتاني الطيارات الخاصة بتعتل عملاء مخابرات مستعبدينا الاعراب للامارات لاستلام كاش عمالتم وهذا موثق!
عايزين نعرف كناخبين من اين لها هكذا ملايين في الامارات؟
ده من حقي كناخب مخدم لامثال مريم!
واجبا كخادمة لامثالي ان توضح مصدر اي ملينة وصلتا أو هي في موقع رسمي!
Post: #66 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-07-2021, 07:03 PM Parent: #62
المحترم أستاذ بشاشا صحيح متفقون في أن العدو الآن هم القتلة الإنقلابيون و من يؤيدونهم. أتمنى أن تتفق الأحزاب و أن لا تهزم نفسها بمحاربة بعضها لأن المستفيد من إضعاف الأحزاب هم القتلة الإنقلابيون. الخلاصة هي: التحول المدني الديمقراطي و الإنتخابات النزيهة ستتم بعد نجاح الثورة، و حينها يستحق الشباب الثوار أن يستلموا قيادة البلد. أما إذا استمر القتلة في الحكم، فأي إنتخابات تحت اشرافهم ستكون مزورة و ستأتي بالعسكر و الطائفية و الكيزان و بعض الإنتهازيين.
Post: #63 Title: Re: على السيدة مريم المهدى ، رفع دعوى ضد السيد Author: علاء سيداحمد Date: 12-07-2021, 06:22 PM Parent: #61
Quote: أعتقد شغل مخابرات مصرية الكشف عن الحساب المذكور
الاتفاق الذى تم بين البرهان وحمدوك اتفاق تمت كتابته بواسطة المخابرات المصرية ( كما ورد فى جريدة العربي القطرية من القاهرة فى لقاءات مع بعض المسئولين المصرين والذين صرحوا بذلك ) حيث كان هناك فى الخرطوم فى تلك الايام عدد من ضباط المخابرات المصرية للانتهاء من تلك المسألة
برمة ناصر من حزب الامة هو الذى سهل للمخابرات المصرية المهمة الشاقة ولولاه ( والله وبالله حتى يومنا هذا لما استطاع البرهان ان يصمد فى وجه الاعاصير ولكن دائماً وابداً حزب الامة يخزل الشعب السوداني فى مثل هذه المواقف الوطنية .
المخابرات المصرية مبسوطة من حزب الامة وليست فى حاجة الى كشف حساب مريم .
Post: #64 Title: Re: على السيدة مريم المهدى ، رفع دعوى ضد السيد Author: Bashasha Date: 12-07-2021, 06:57 PM Parent: #63
اعلاه، تاملو الشرشحة، الاريحية، فيما بين عملاء، خامنهم بي طيارة خاصة، لمخدميهم، عشان يستلمو ثمن عمالتم!!! هل لاقاكم عضو او كادر واحد من كوادر هؤلاء في المنبر ده، قال بغم ولما لا؟ نعم هذا ضد قسم الولاء القبلي!!! لايمكن واحد من كوادر مشروع مملكة الزغاوة في المنبر ده، يفتح خشمو بي حرف واحد ضد زعيمو القبلي جبريل كمثال!! هذا مانعني بي كارثة ايبولا الوعي القبلي ثم الطائفي الافرغ مايسمي ديمقراطية زورا في السودان من معناه!!
Post: #65 Title: Re: على السيدة مريم المهدى ، رفع دعوى ضد السيد Author: Bashasha Date: 12-07-2021, 07:03 PM Parent: #64
اذا ده اهو قدامكم بالدليل حاصل، فكيف عايزين تمررو الملايين المنسوبة لي مريم اللي كما غيرا جرت للامارات لاستلام حصتا، بمثل هكذا حجج واحتجاجات؟
هذه مسؤوليتا هي، مش انتم!!!
ولكن اهو قدامكم فتحت للموضوع بكل استعلاء وتوظيف لي عقلية خادم الفكي المتحكمة في لاوعينا كمقابل لي مفهوم/دور ناخب!!
Post: #68 Title: Re: على السيدة مريم المهدى ، رفع دعوى ضد السيد Author: Omer Abdalla Omer Date: 12-07-2021, 08:54 PM Parent: #65
Quote: المخابرات المصرية مبسوطة من حزب الامة وليست فى حاجة الى كشف حساب مريم .
و لكنها ليست مبسوطة من مريم
Post: #67 Title: Re: على السيدة مريم المهدى ، رفع دعوى ضد السيد Author: عزالدين عبدالرحمن Date: 12-07-2021, 08:54 PM Parent: #1
Quote: عملت سكرين شوت وواضح الاضافات بعد تسجيل الفيديو لاحظ كيف مسح Emp # بالأسود اسم مريم المنصورة الصادق المهدي واضح مضاف بعد مسح اسم العميل صاحب الحساب فهو يظهر أعلى شوية من الخط مريم في جوازها تكتب الصادق والصديق بالG وليس Q
سلام للجميع
بعيدا عن ساس يسوس وحرب البسوس
# نعم استاذ/ شاهين على الضحية السيدة مريم المهدى رفع دعوى قضائية علي السيد/ حسين نابرى وايضا علي ادارة البنك (هنالك سابقة قضائية ود المامون وشركائه).
# صحيح استاذ/ ابوبكر عباس ده شغل جداد الكتروني واضح وهو عبارة عن فيديو حقيقي من داخل بنك بالامارات تمت فبركته الشاشة الاولي توضح حساب جاري لاحدي عملاء البنك تم دمج مقطع من شاشة اخري فيه اسم مريم والمبلغ وعنوان لفرع وبيانات بنك اخر بقطر (ارجع البصر كرتين وركزوا علي المكتوب باللون الازرق).
# وللاسف كالعادة نجحت خطة الجداد الالكتروني (وساقوا الناس بالخلا / او قيادة القطيع).
# اتوقع في الفترة القادمة ان تتم فبركة ونشر فيديوهات جديد مماثلة عن وزراء قحت او اعضاء لجنة ازالة التمكين وغيرهم (وربنا يكضب الشينة).
Post: #69 Title: Re: على السيدة مريم المهدى ، رفع دعوى ضد السيد Author: Bashasha Date: 12-08-2021, 01:24 AM Parent: #67
ياعذالدين عبدالرحمن: هو شنو شغل جداد الكتروني؟
اها والصورة اعلاه، للساقوهم الامارات، برضو شغل جداد؟
يعني بي كده عايز تدفن الموضوع؟
لو كده الجداد الالكتروني اضحي رخصة، دمغة، ختم، اي فاسد ممكن يستخدمولتبرير، تمرير، فسادو، تامرو، عمالتو!!!!
كده؟
لو كده، ليه مريم ماترد في الاول من باب الاعتبار للناخبين او بعد داك تثبت بالقانون انو ده كان شغل جداد؟
ما المانع؟
ولا لانها بت "سيدي" او كده؟
معروف للكل دور الامارات في الدمار الحاصل لي بلدنا او ثورتنا، او مريم كما رفاقا اعلاه، مشت الامارات او قبضت!!!
اليس كل هذا كافي لتظل اقلاه متهمة الي ان تثبت هي العكس؟
ماعشان كده قنا، لامعني اطلاقا لي مفهوم/صيغة ديمقراطية في السودان الحالي، لانو امثال مريم وبحكم طريقة تفكيرا طبيعة المنظومة، العقلية السائدة، ماعندها الشغلة بي ناخبيها، ولاوجود لهكذا فهم في وعيها، لانها تعودت تحرك كل شئ، بي رمشة عين او بالغت بالاشارة، ولهذا حتي لو غلطانة تظل صاح، ولو اجرمت تظل برئية وهكذا!!!
Post: #70 Title: Re: على السيدة مريم المهدى ، رفع دعوى ضد السيد Author: أبوبكر عباس Date: 12-08-2021, 02:34 AM Parent: #69
طبعاً يا أخوانا، أنا كنت مفتكر ناس حزب الأمة بسرعة طق طرق طق بثبتوا انو دا كلام فارغ، عشان كدا قلت أسبقهم أدافع عن مريم "جدعنة" عشان بعدين لقدام يختوها لي في ميزان حسناتي السياسية ويمكن نطلع معاهم بحاجة لو فازوا في الانتخابات.
الآن تأخروا في الرد وموقفي بقى حرج جداً
Post: #71 Title: Re: على السيدة مريم المهدى ، رفع دعوى ضد السيد Author: Biraima M Adam Date: 12-08-2021, 02:37 AM Parent: #69
Quote: المحترم أستاذ بشاشا
يا المحترم بشاشا !! .. أنت شنو حكاية ناخب .. الفالقنا بها دي؟ .. ما الذي عرفك بالديمقراطية من الاساس؟ .. المنصورة لديها قائدة أنتخابية شعبية .. لو تنزل طرحتها أو شبشبها بقولوا أمين .. ما ياها الديمقراطية ذاتها .. أم الديمقراطية إلا تكون ديمقراطية وست منستر كما يقولوا مطبول الراس عادل أمين ..!
الديمقراطيقة سيستم يمكن تنزيله علي حسب واقع الناس .. بالطريقة التى يرتضونها بينهم .. وهى في نهايتها شخص واحد صوت واحد .. أنت لو لميت ناس 9-طويلة .. و4-طويلة .. وغيرهما من الطويلات .. برضو صوت كل لص منهم يعادل صوت ناخب نضيف مثل صوت المنصورة نفسها ..
نحن القبائل الرعوية في الهامش .. لدينا 5 مليون ناخب .. أها لو حميدتي لم ينزل أنتخابات الرئاسة كل الأصوات سوف تذهب لبت سيدي الأمام .. وعينكم ما تشوف إلا النور .. وهذه ديمقراطية نظيفة .. يرضي من يرضي ويأبي من يأبي .. ونحن سوف نحمي أصواتنا ..
هناك شيئ أخر .. حكاية أتلموا قادة الزغاوة .. أو أتلموا قادة الجنجويد .. يوماً لم أراك حينما يتلم أبو القاسم برطم والجاكومي وغيرهم .. ما شفتكم قلتم أتلموا قادة الدناقلة ..؟!! بالنسبة لي دنقلا لو أخرجت لينا .. حمار يحمل أسفارة .. ح أقول هذا الحمار يمثل دنقلا .. إلا أن ترفضة دنقلا ولكن ليس أنا أو أنت ..
بالله روق المنقة ..
بريمة
Post: #72 Title: Re: على السيدة مريم المهدى ، رفع دعوى ضد السيد Author: أبوبكر عباس Date: 12-08-2021, 02:45 AM Parent: #71
بعدين لمان شفت مولانا عبد الله عبد الله بتاع حزب الأمة رفع البوست؛ جيت جاري قلت بكون أدى ليك الجماعة القاضية ألقى ليك المداخلة زي مداخلات بروفسور حافظ عديمات الشغلة؛ الفعل دا يخالف المادة ٧٣ من قانون الردع البنكي ويعتبر مرتكبه شنو كدا ما عارف
حسيت انو موقفي الدفاعي في خطر
Post: #73 Title: Re: على السيدة مريم المهدى ، رفع دعوى ضد السيد Author: يحي قباني Date: 12-08-2021, 03:29 AM Parent: #72
الشي الغريب انه الشعب السوداني الشاغل نفسه بموضوع اثبات ال ١٨ مليون و انه مريم بريئة حتى تثبت التهمة و بعضهم يقول متهمه حتى تثبت براءتها
وهو نفس الشعب الاتهم مريم( طيارة ) دي زاتها في احدي سفراتها المريبة للامارات و في وقت حرج و البعض اتهمها انها قبضت ٢ مليون
حتى الصحافة كانت تكتب عن سفراتها للامارات و دي واحده من زياراتها في ابريل ٢١ ( مريبة لا تعني قبضت قروش) و قد تكون !!
" أثارت زيارة وزير الخارجية مريم الصادق لدولة الإمارات أمس الأول، جدلاً واسعاً في الأوساط السياسية والإعلامية… مريم التي أعلنت اجراءها مباحثات وصفتها بالمثمرة، تلبية لدعوة رسمية من نظيرها وزير الخارجية الاماراتي، ناقشت خلالها القضايا ذات الاهتمام المشترك وتعزيز العلاقات الثنائية بين البلدين، سرعان ما أعلنت لاحقاً بحثها مع مدير عام صندوق ابو ظبي للتنمية معالجة ديون الصناديق العربية على السودان وتمويل مشروعات تنموية جديدة. أرادت وزير الخارجية إضفاء الطابع الاقتصادي على الزيارة الرسمية، لكن ما هو الجانب (غير المعلن) منها؟ لماذا تغيب كل من وزيري المالية والاستثمار عن الزيارة التي حملت الصبغة الاقتصادية؟ وما الذي حملته مريم في جعبتها لنظيرها وارادت تغليفه بما بذلته في العلن؟"
رغم قناعاتي الراسخة بعدم لزوم الاحزاب الرجعية و على راسها حزب الكاذب الضليل و اسرته
لكن ضياع الوقت فوق كم ؟
الناس النهبت المليارات بعضهم حايم ياكل و يشرب و يمشي في الاسواق
مافي أسوأ من عدم الموضوع الا عدم الشغله .. مع احترامي لكل صاحب كيبورد 😏
Post: #74 Title: Re: على السيدة مريم المهدى ، رفع دعوى ضد السيد Author: Mohamed Doudi Date: 12-08-2021, 04:32 AM Parent: #73
Quote: و لكنها ليست مبسوطة من مريم
ماذا جرى لك يا صديقى العزيز عمر عبدالله عمر ان تصر اصرارا على تغيب عقلك؟؟؟؟ ليه؟ نفسى اعرف السبب؟ عشان كده انا قلت فى بوست افترعه الهادى بان تبنى بعضنا مثل هكذا قرف وكلام فاضى لتدمير الاخر وقتل شخصيته ارضاءا لحقد وحسد فى دواخل بعضنا هو واحد من اهم اسباب انحطاطنا كامه سودانيه ونخبه بتعرف تقرا وتكتب
دودى
Post: #75 Title: Re: على السيدة مريم المهدى ، رفع دعوى ضد السيد Author: ABDALLAH ABDALLAH Date: 12-08-2021, 04:33 AM Parent: #72
Quote: بعدين لمان شفت مولانا عبد الله عبد الله بتاع حزب الأمة رفع البوست؛ جيت جاري قلت بكون أدى ليك الجماعة القاضية ألقى ليك المداخلة زي مداخلات بروفسور حافظ عديمات الشغلة؛ الفعل دا يخالف المادة ٧٣ من قانون الردع البنكي ويعتبر مرتكبه شنو كدا ما عارف
حسيت انو موقفي الدفاعي في خطر
الله يديك العافيه حبيبنا المستنير الأستاذ أبوبكر عباس بالتأكيد القاضيه موجهةٌ للبنك لآن كشف حسابات وتعاملات عملائه جريمه يحاسب عليها القانون . أما المنصوره فيشهد لها موقفها البطولى عند إنقلاب ناقض العهود الما مُبِر بقسمه البرهان . موقف المنصوره أشاد به السفير على بن إبى طالب وذكر بأنه كان مرجعيتهم فى موقفهم البطولى ضد إنقلاب البرهان . حبيبنا المستنير, بما أنك زول حقانى ليس بمستغرب وقوفك ضد إشاعة الكذب الضار وإشانة السمعه . ما يسرنا أن المنصوره ما زالت مواصِلةً نهج خط سيرها الثورى والمناهض لإنقلاب المخادع السفاح البرهان .
Post: #76 Title: Re: على السيدة مريم المهدى ، رفع دعوى ضد السيد Author: Haytham Ghaly Date: 12-08-2021, 05:38 AM Parent: #75
غايتو ناس درق سيدو البدافعو دفاع اعمى سااااي كدا بلا منطق وبلا وازع وطني ولا ديني ولا حتى اخلاقي موقفهم اسوأ من سعادة الوزيرة المتهمة التي ما قدرت تقول بغم في وجه هذه التهمة بالفساد
عدم ردها يوضح تماماً صحة المعلومة والا لماذا سكتت عن الكلام المباح!!
Post: #77 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-08-2021, 08:40 AM Parent: #76
Quote: عدم ردها يوضح تماماً صحة المعلومة والا لماذا سكتت عن الكلام المباح!!
غض النظر عن المنطق - او عدم المنطق - دا يا غالي عرفت كيف انها ما ردت؟ وترد وين في البوست دا ولا بوست الهادي ولا وين بالضبط؟
Post: #78 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-08-2021, 08:48 AM Parent: #77
Quote: ما يسرنا أن المنصوره ما زالت مواصِلةً نهج خط سيرها الثورى والمناهض لإنقلاب المخادع السفاح البرهان
يا مولانا عبد الله, الموضوع الاهم من هرجلة الحساب دي هي حديث رئيس الحزب المكلف عن معرفتها بالخطوات التي كان يقودها للوصول لاتفاق البرهان حمدوك ! الذي انتقدته و لازالت تفعل بل و لامت حمدوك بشكل مباشر على توقيعه دون الاتصال و الحديث مع وزرائه! دي ليست مجرد ادعاء وسائط و فيديو مفبرك لو بارته الموكب بفوتها! دا طعن في نزاهتها و ثوريتها ومن شخصية مسؤولة ويس مجرد بوست او تغريدة! عليها بل وعلى الحزب كله ان يأخذ موقفا واضحا من تصريحات رئيسه! او خلاص نعتبر الحزب موفق وداعم لخطوات الرئيس و دا يكون الموقف الرسمي للحزب! لا يمكن ركوب سرج الثورة و الدولة المدنية الحقيقية و سرج دعم الانقلاب و أخذ نصيب من كيكة الحاضنة الجديدة الي يتم تخميرها الآن لخبزها بعد يوم الخميس في نفس الوقت
Post: #79 Title: Re: على السيدة مريم المهدى ، رفع دعوى ضد السيد Author: عزالدين عبدالرحمن Date: 12-08-2021, 10:32 AM Parent: #69
سلام بشاشا
Quote: بعيدا عن ساس يسوس وحرب البسوس
المقدمة اعلاه كانت واضحة
Quote: ياعذالدين عبدالرحمن: هو شنو شغل جداد الكتروني؟ اها والصورة اعلاه، للساقوهم الامارات، برضو شغل جداد؟
انا قلت كلمة حق و راي فني فقط لا اكثر وليس لي في هذا ولا ذاك منذ 19 ديسمبر1955 وحتي الان البيع شغال بالجملة والقطاعي وقدر ظروفك كمان وانت باخرة مليان ماتشوف طيارة تشوف
Quote: يعني بي كده عايز تدفن الموضوع؟ لو كده الجداد الالكتروني اضحي رخصة، دمغة، ختم، اي فاسد ممكن يستخدمولتبرير، تمرير، فسادو، تامرو، عمالتو!!!!
ادفن الموضوع كيف وانا اكدت علي فتح بلاغ وكلامي واضح في الاول
Quote: # نعم استاذ/ شاهين على الضحية السيدة مريم المهدى رفع دعوى قضائية علي السيد/ حسين نابرى
وانت ذاتك شيل الفيديو وامشي افتح بلاغ في مريم او ايا كانت وقول ليها من اين لك/ لكم هذا؟
Quote: ولا لانها بت "سيدي" او كده؟
سيدك انت ياعمك انا ماعندي سيد غير الله يا بشاشا انت من 2003 في هذا البورد نسمع لك دوما جعجعةً ولا نرى لك طحيناً كنت اتمنا انك تفتح بوست منفصل عن بيع وشراء ذمم الساسة السودانيين منذ عهدالخديوي حتي اليوم بدلا عن حرف مسار البوست ولكن هيهات معزرة استاذ بشاشا ليس لدي وقت للعودة والرد مرة اخري شكرا
Post: #80 Title: Re: على السيدة مريم المهدى ، رفع دعوى ضد السيد Author: Mohamed Doudi Date: 12-08-2021, 02:36 PM Parent: #79
Quote: غض النظر عن المنطق - او عدم المنطق - دا يا غالي عرفت كيف انها ما ردت؟ وترد وين في البوست دا ولا بوست الهادي ولا وين بالضبط؟
يا محمد البشرى هيثم غالى ده موهوم لا يملك سوى الشتم والكلام الفارغ ( قال درق سيدو قال) يرددون سفاهه الكيزان كما الببغاوات للمعلوميه اى زول مشترك معاها مجموعه فى الواتس بكون قرا ردها دى اولا ثانيا لو الكلام الفارغ ده فيه 1% فقط صاح كان الصحف اليوميه نشرته والبافى تمته مويه ثالثا معلوم للجميع البنك قفل حساب اى سودانى منذ فتره طويله خوفا من العقوبات الامريكيه رابعا يعنى 18مليون فقط للحمله الاعلاميه لاسقاط البرهان وناس شاهين وهيثم بالعين الطعم وعاملين فيها اذكياء والله ده قرف يقتل ...معقوله الناس تشتغل للكيزان والانقلابيين ؟؟؟؟
دودى
Post: #81 Title: Re: على السيدة مريم المهدى ، رفع دعوى ضد السيد Author: Omer Abdalla Omer Date: 12-08-2021, 03:03 PM Parent: #80
Quote: اذا جرى لك يا صديقى العزيز عمر عبدالله عمر ان تصر اصرارا على تغيب عقلك؟؟؟؟ ليه؟ نفسى اعرف السبب؟
ههه.. لماذا كل هذه الغضبة يا حبيبنا الدودي؟ وين تغييب العقل هنا؟ إنا قلت يكون فضح مريم عمل مخابرات مصرية.. قال أحدهم مصر مبسوطة من موقف حزب الأمة لانه داعم للبرها! كلامه صاح لكن قلت له ليست- أي المخابرات المصرية_ راضية عن مريم! و السبب في إن المخابرات المصرية غير راضية عن مريم لانها كانت تنتقد مصر علنا في موقفها من إنقلاب البرهان و عدم تحمسها لمريم.. هكذا كانت تقول مريم.. و لكن ثبت إن كل ذلك كان في إطار تغبيش الراي العام و تضليله من موقفها الأصلي و الذ فضحه برمة ناصر بأنه هو من ساهم في التوسط بين البرهان و حمدوك بموافقة مريم! و بعدين إغتيال شخصية شنو؟ الأخبار اليوم بفلوس و بكرة مجان! أما مواقف مريم فاقل ما يقال عنها إنها منافقة! تقف في العلن موقف و في الباطن أخر كما فضحها عمك برمة ناصر! قبل أن يصرح ناصر بأن مريم موافقة و متابعة لكل الوساطة و ما زالت عشمانة، كنا نقول للناس إن أي خطوة يقوم بها برمة ناصر او البرير لايمكن أن تتم من غير موافقة مريم.. بل كنت أقول إن برمة ناصر لا يقطع الجمار من غير إذن مريم! إنت أحضر نفي مأذون منها إذا إنت صادق في إنها نفت هذا الامر.. بكلماتها هي في أي مكان نشرته. أحضره هنا أنت بإسمك و رسمك. وقول مريم في المكان الفلاني نفت هذا الامر بما نصه "كذا كذا كذا". تقدر؟ إيه رايك؟
Post: #82 Title: Re: على السيدة مريم المهدى ، رفع دعوى ضد السيد Author: Mohamed Doudi Date: 12-08-2021, 03:58 PM Parent: #81
Quote: ههه.. لماذا كل هذه الغضبة يا حبيبنا الدودي؟ وين تغييب العقل هنا؟ إنا قلت يكون فضح مريم عمل مخابرات مصرية.. قال أحدهم مصر مبسوطة من موقف حزب الأمة لانه داعم للبرها! كلامه صاح لكن قلت له ليست- أي المخابرات المصرية_ راضية عن مريم! و السبب في إن المخابرات المصرية غير راضية عن مريم لانها كانت تنتقد مصر علنا في موقفها من إنقلاب البرهان و عدم تحمسها لمريم.. هكذا كانت تقول مريم.. و لكن ثبت إن كل ذلك كان في إطار تغبيش الراي العام و تضليله من موقفها الأصلي و الذ فضحه برمة ناصر بأنه هو من ساهم في التوسط بين البرهان و حمدوك بموافقة مريم! و بعدين إغتيال شخصية شنو؟ الأخبار اليوم بفلوس و بكرة مجان! أما مواقف مريم فاقل ما يقال عنها إنها منافقة! تقف في العلن موقف و في الباطن أخر كما فضحها عمك برمة ناصر! قبل أن يصرح ناصر بأن مريم موافقة و متابعة لكل الوساطة و ما زالت عشمانة، كنا نقول للناس إن أي خطوة يقوم بها برمة ناصر او البرير لايمكن أن تتم من غير موافقة مريم.. بل كنت أقول إن برمة ناصر لا يقطع الجمار من غير إذن مريم! إنت أحضر نفي مأذون منها إذا إنت صادق في إنها نفت هذا الامر.. بكلماتها هي في أي مكان نشرته. أحضره هنا أنت بإسمك و رسمك. وقول مريم في المكان الفلاني نفت هذا الامر بما نصه "كذا كذا كذا". تقدر؟ إيه رايك؟
يا عمر تغييب العقل هو تصديق مثل هكذا خرافه وكلام فارغ؟ سحبت 18 مليون لدعم الحمله الاعلاميه ضد الانقلاب طبعا؟ يعنى هسه مش عيب تنقلوا فى كلام فارغ ذى ده؟ يعنى حتى لو الكلام صاح فى زول معارض للكيزان يضع قروشو فى قطر؟؟؟ يا عمر شغل عقلك ياخ؟ لو انت موجود فى الواتساب بتكون قرات احد ردود مريم فى المجموعات المتواجده فيها
Post: #83 Title: Re: على السيدة مريم المهدى ، رفع دعوى ضد السيد Author: علاء سيداحمد Date: 12-08-2021, 04:28 PM Parent: #82
Quote: قال أحدهم مصر مبسوطة من موقف حزب الأمة لانه داعم للبرها!
ياخ احدهم عندو اسم بيكتب بيهو هنا فى البورد . ثم ثانياً : خلال فترة ترؤس مريم لوزارة الخارجية ملف سد النهضة كان فى يد المخابرات السودانية بايعاز من مصر ( لان ملف السد ايضاً فى مصر كان فى يد المخابرات المصرية . ) ولذلك كلام حمدوك و مسئول ملف سد النهضة فى الحكومة كان فى وادي وكلام مريم الصادق كان فى وادي اخر الى ان تم اكتشاف ان الملف فى يد المخابرات السودانية . حيث تماهت مريم مع الموقف المصري فى مسألة سد النهضة حتى خُيّل للبعض فى تصريحاتها انها مصرية وليست سودانية ولا ننسى الهاشتاق الكبير الذى يطالب باقالتها من الخارجية واعادة ملف سد النهضة الى مجلس الوزراء ووزارة الخارجية .
مريم قدمت دعم كبير للمصريين فى مسألة سد النهضة ولذلك المخابرات المصرية ليست فى حاجة الى كشف حسابها . انا حينما ذكرت ان مصر مبسوطة من حزب الامة الامة ذكرت ايضاً ( ان المخابرات المصرية ليست فى حاجة الى كشف حسابها ) لماذا نسيت او تناسيت هذا !؟
Post: #84 Title: Re: على السيدة مريم المهدى ، رفع دعوى ضد السيد Author: ABDALLAH ABDALLAH Date: 12-08-2021, 07:21 PM Parent: #83
Quote: غايتو ناس درق سيدو البدافعو دفاع اعمى سااااي كدا بلا منطق وبلا وازع وطني ولا ديني ولا حتى اخلاقي موقفهم اسوأ من سعادة الوزيرة المتهمة التي ما قدرت تقول بغم في وجه هذه التهمة بالفساد
يا حبيبنا هيثم غالى لماذا هذه الغضبه المضريه ؟ على العموم من ناحيتى لا لوم عليك ما دُمْتَ منتهجاً مسلك حسين خوجلى وصحيفة ألوان والتنابذ بالألقاب . من ناحيةٍ أخرى هل تعتبر سعادة السفير على بن أبى طالب هو من ضمن مجموعة درق سيدو .
Post: #85 Title: Re: على السيدة مريم المهدى ، رفع دعوى ضد السيد Author: ABDALLAH ABDALLAH Date: 12-08-2021, 09:16 PM Parent: #84
Quote: الموضوع الاهم من هرجلة الحساب دي هي حديث رئيس الحزب المكلف عن معرفتها بالخطوات التي كان يقودها للوصول لاتفاق البرهان حمدوك ! الذي انتقدته ولا زالت تفعل بل و لامت حمدوك بشكل مباشر على توقيعه دون الاتصال و الحديث مع وزرائه!دي ليست مجرد ادعاء وسائط و فيديو مفبرك لو بارته الموكب بفوتها! دا طعن في نزاهتها و ثوريتها ومن شخصية مسؤولة ويس مجرد بوست او تغريدة!عليها بل وعلى الحزب كله ان يأخذ موقفا واضحا من تصريحات رئيسه!
الله يديك العافيه أخى العزيز ود البشرى موقف حزب الأمه كونه ضد إنقلاب البرهان واضح وهو ما أجبر رئيس الحزب المكلفب الإنسحاب لحظة توقيع البرهان وحمدوك على إتفاقهم والذى نعتبره معيباً . مواصلة حزب الأمه مقاومته لإنقلاب البرهان بدليل إستمرارمواكب ومسيرات شباب وكنداكات حزب الأمه وكيان الأنصار من مسجد السيد عبدالرحمن فى ود نوباوى . عموما لا أعتقد أن قيادة حزب الأمه يمكنها مواصلة عمل فى اىٍّ من التوجهات والتى تتعارض مع أهداف ثورة شعب السودان العظيمه والتى أبهرت العالم .
Post: #86 Title: Re: على السيدة مريم المهدى ، رفع دعوى ضد السيد Author: Omer Abdalla Omer Date: 12-09-2021, 03:52 AM Parent: #85
Quote:
ياخ احدهم عندو اسم بيكتب بيهو هنا فى البورد .
والله العظيم آسف يا علاء و لا أقصد أي تقليل ولا أي شئ والله.. لكن عندما بدأت الرد على الدودي ما عرفت كيف ارجع اشوف الدودي نقل الرد من فين.. أخوك كيشة في معرفة الشغل في البورد رغم إني فيهو من 15 سنة. أسف يا علاء و لك العتبى حتى ترضى.. الباقي هين.. الدواس في محلو
Post: #87 Title: Re: على السيدة مريم المهدى ، رفع دعوى ضد السيد Author: ABDALLAH ABDALLAH Date: 12-10-2021, 03:57 AM Parent: #86
Quote: لكن عندما بدأت الرد على الدودي ما عرفت كيف ارجع اشوف الدودي نقل الرد من فين..
الله يديك العافيه حبيبنا الغالى الدكتور عمر عبدالله , ليك تحياتى وأشواقى , وليتك أخى الحبوب ترجع لقوله تعالى فى سورة يوسف( ....بعد أن نزغ الشيطان بينى وبين إخوتى إن ربى لطيف لما يشاء إنه هو العليم الحكيم ) يا حبيب مكانك ما زال شاغراً .
Post: #88 Title: Re: على السيدة مريم المهدى ، رفع دعوى ضد السيد Author: Omer Abdalla Omer Date: 12-10-2021, 04:20 AM Parent: #87
Quote: لله يديك العافيه حبيبنا الغالى الدكتور عمر عبدالله
يا أحب الناس عبدالله مولانا! السلام عليكم.. والله مشتاق لكم و ارجو من الله أن يسهل لنا زيارة قريبة و نلقاكم مع بقية الأحباب.. يا حبيب والله لكم في القلب منازل, تبدلت القناعات و لكن الود و الأخاء في محله. أنت أنت بالذات يا مولانا تدري إننا نشير إليك ككلمنجارو.. و أنت كذلك.. لك الود يا حبيب.
Post: #89 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-10-2021, 05:53 AM Parent: #88
Quote: ياخ احدهم عندو اسم بيكتب بيهو هنا فى البورد .
أنا عارف ! وهو ذاتو اللقب دة حايم ساي كدة ما عندو سيد هسة أنا بقيت أفتش في مشاركاتي اشوف هببت شنو :)
Post: #90 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-10-2021, 05:54 AM Parent: #89
بالنسبة للناس المنتظرين يسمعوا من المنصورة حتى يحكموا ...... لسة راجين الحلو؟
Post: #91 Title: Re: على السيدة مريم المهدى ، رفع دعوى ضد السيد Author: Mohamed Doudi Date: 12-10-2021, 01:45 PM Parent: #90
السودانيين و الخفة و اللفة فى تدوال الشائعات مافى زول يلحقنا و لا يفوتنا و الله صحي ما حقيقة الفيديو المتداول حول كشف الحساب البنكي لمريم الصادق في أحد بنوك الإمارات العربية المتحدة؟ مفبرك لقراءة التقرير كاملاً: https://bit.ly/31MoruChttps://bit.ly/31MoruC #Sudan #Factcheck #BeamReports #السودان #مرصد_بيم تداولت العديد من الصفحات والحسابات الشخصية على موقعي (فيسبوك) و(تويتر) مقطع فيديو يظهر فيه شخص يبدو أنه أحد موظفي بنك (HSBC) وهو يستعرض كشف حسابات شهر أكتوبر لحساب بإسم (مريم المنصورة الصادق الصديق المهدي). وادعت الحسابات والصفحات التي نشرت المقطع وتداولته، بأن البنك يقع في مدينة دبي بالإمارات العربية المتحدة، وأن الحساب الذي يكشفه موظف البنك هو حساب السيدة مريم الصادق المهدي، وزيرة الخارجية السابقة بالحكومة الانتقالية في السودان. واضيفت على الفيديو – في أحدى المشاركات- عبارة (تسريب كشف حساب مريم الصادق). حصد المقطع آلاف المشاهدات على صفحات شهيرة بموقع (فيسبوك) مثل صفحة البعشوم التي يتابعها أكثر من 30 ألف متابع، وصفحة الجالية السودانية التي يتابعها أكثر من 60 ألف متابع. بالإضافة إلى حسابات شخصية على موقع تويتر حيث حصد المقطع أيضا آلاف المشاهدات هناك. فحص فريق (بيم ريبورتس) مقطع الفيديو المتداول، واتضح أن البنك الذي جرت فيه عملية تصوير الفيديو يقع في العاصمة القطرية، الدوحة، بمنطقة الوعب، وليس بدولة الإمارات العربية المتحدة. ويتبين ذلك في كشف الحساب بالرغم من محاولة إخفاء إسم فرع البنك من قِبل الشخص الذي صور الفيديو. صورة -1- من المقطع توضح عنوان البنك بمنطقة الوعب عنوان البنك على خرائط قوقل: https://goo.gl/maps/VSwje3P5wGrw1SzF7https://goo.gl/maps/VSwje3P5wGrw1SzF7 صورة -2- توضح رقم الحساب الدولي (IBAN) و يظهر أن الحساب يتبع لأحد البنوك داخل دولة قطر حيث يبدأ برمزها (QA). إلى هذا الحد، توصلنا إلى أن الحساب بدولة قطر، وليس بدولة الإمارات. ولكن تساءلنا: هل للوزيرة السابقة حساب في بنك (HSBC) الدوحة أم لا؟ حاول فريق (بيم ريبورتس) التواصل مع السيدة مريم الصادق، لكن لم نتلق استجابة. استخدم الفريق عدداً من وسائل الفحص، لمعرفة ما إذا كانت السيدة مريم المهدي تمتلك حساباً بالبنك المذكور، وما إذا كان الحساب حقيقياً بالأساس. تفحصنا بعض التفاصيل بكشف الحساب لتوضح هذه الحقيقة. الصورة أدناه توضح أحد بنود كشف الحساب، حيث يتضح أن أحد المعاملات المظللة باللون الأزرق (DOC COLL) هي معاملة جمع وثائق أو ما يعرف باللغة الإنجليزية في المعاملات البنكية ب(Documentary Collection). صورة 😚 وهذه المعاملة – حسبما أفادنا الخبير الإقتصادي محمد المصباح – بأنها لا تتم إلا بين مؤسستين أو شركتين في عمليات الاستيراد والتصدير. و هذه الإفادة تدحض الإدعاء بأن هذا الحساب مملوكاً لفرد، سواء كانت مريم الصادق أو غيرها. للتأكد أكثر، تقصى فريق البحث وراء رقم الحساب البنكي الدولي المعروف ب(الآيبان) (IBAN) الذي لاحظنا ظهوره في مقطع الفيديو. وجد الفريق أن رمز الآيبان كالتالي كما هو موضح في الصورة أدناه و الصورة رقم (2): QA31BBME000000000001168103001 الحرفان الأولان (QA) في الرمز يشيران إلى الدولة مكان الحساب، وهي دولة قطر، كما أوضحنا. فحص الفريق رمز الآيبان عن طريق أداة التحقق من الآيبان وتوصلنا عبر هذه الأداة إلى أن هذا الرمز غير صحيح. لمزيد من التأكد، استخدمنا أداة إضافية، وهي أداة توليد الآيبان في الموقع الإلكتروني لبنك (HSBC) قطر، أدخلنا رقم الحساب العادي (A/C) (001168103001) – الظاهر في الفيديو- في أداة توليد الآيبان فعرض لنا أن رمز الآيبان الخاص بهذا الحساب كالتالي بالصورة رقم (5): QA59BBME000000000001168103001 صورة -4- صورة -5- بناء على نتائج التحقق والفحص الموضحة أعلاه، نسطيع أن نؤكد أنه لا يوجد حساب بهذه الصفات في بنك HSBC سواء كان بالإمارات كما يدعي متداولو مقطع الفيديو، أو بدولة قطر. الخلاصة: ما حقيقة الفيديو المتداول حول كشف الحساب البنكي لمريم الصادق في أحد بنوك الإمارات العربية المتحدة؟ مفبرك BEAMREPORTS.COM www.beamreports.com
Post: #92 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-10-2021, 01:50 PM Parent: #91
لا يا دودي ما كفاية, لازم حسب رأي الزملاء هنا تجي مريم وتكتب النفي ومعاه صورة حديثة ليها يدها اليمين على المصحف و تنزلها في البوست دا أو بوست الهادي غير كدا ما بنقبل.
و بالمرة يا دودي رسينا على بر, الحزب مع الاتفاق ولا مع برمة؟
Post: #93 Title: Re: على السيدة مريم المهدى ، رفع دعوى ضد السيد Author: Mohamed Doudi Date: 12-10-2021, 02:04 PM Parent: #92
الحبيب ود اليشرى حزب الامه رفض اتفاق البرهان حمدوك وطلع اكثر من بيان المكتب السياسى هو صاحب الحق الوحيد فى الاتفاقيات وسياسات الحزب وسبق ان رفض المكتب السياسى قرار رئيس الحزب بالمشاركه فى انتخابات 2010 وايضا رفض اتفاق الفجر الجديد الذى وقعه مناع نيابه عن الحزب .... الحزب الان عاكف على طرح مبادره وميثاق جديد
Post: #94 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-10-2021, 02:30 PM Parent: #93
طيب السيد برمة دا بصرح و القنوات ذات الغرض تتلقف تصريحاته و تنسبها للحزب الكلام دا كيف! لا يليق بحزب عريق و كبير زي حزب الامة! شوف الفيديو دا
Post: #95 Title: Re: على السيدة مريم المهدى ، رفع دعوى ضد السيد Author: Mohamed Doudi Date: 12-10-2021, 02:52 PM Parent: #94
كلام الحدث الفوق ده تحليل معقول اللواء فضل الله ما عاوز يقول رفضنا الاتفاق ولكنه قال نريد تطويره اما الحزب فقال بوضوح ان الاتفاق كما هو مرفوض ...ده قرار الحزب والكل ملتزم به نعم هنالك بعض ايجابيات فى اتفاق حمدوك البرهان وسوف نبنى عليها فى مبادرتنا للقوى السياسيه
Post: #96 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-10-2021, 03:06 PM Parent: #95
تحليل شنو يا دودي ديل عديل كدا قالوا بالنص: الحزب يحسم موقفه من الاتفاق و يعلن تأييده! بالمخالفة لما تمخض عنه اجتماع المكتب السياسي! من لا يتابع ياخذ بكلامهم زي ما قالوه و يخطئ في فهم موقف الحزب! ولا تقدر تلومهم طالما دا كلام الرئيس! ما عارف لماذا للرئيس سلطة تجعله يتجاهل مقررات المكتب السياسي, وحالته أسمه ما فضل الله برمة المهدي!
Post: #97 Title: Re: على السيدة مريم المهدى ، رفع دعوى ضد السيد Author: shaheen shaheen Date: 12-10-2021, 03:33 PM Parent: #93
Quote: لا يا دودي ما كفاية, لازم حسب رأي الزملاء هنا تجي مريم وتكتب النفي ومعاه صورة حديثة ليها يدها اليمين على المصحف و تنزلها في البوست دا أو بوست الهادي غير كدا ما بنقبل.
* نحكى لكم حكاية مذيعة قناة الجزيرة , جتى نتعلم كيف يكون الدفاع عن النفس وعن السمعة بالطرق القانونية وليس بالصمت والطناش , والثقة فى ثقة الاخرين بك. *
1
حكاية غادة عويس
من على صفحات الـ”واشنطن بوست” , كتبت الاعلامية اللبنانية “غادة عويس” ، الأربعاء، مقالا، تحت عنوان : “الهجمات الإلكترونية لن تسكتني”. وقالت عويس في المقال :- "كان من المفترض أن تكون أمسية خاصة لي ولزوجي. كنا نحتفل بعيد ميلاده بعشاء هادئ في المنزل ، الشهر الماضي، عندما تلقيت رسالة عاجلة من صديق تنبهني إلى هجوم على تويتر. على الرغم من أنني عملت كصحافية في الشرق الأوسط لمدة 20 عاما وتعلمت كيفية التعامل مع تحديات كونك امرأة في المجال، لم أر شيئا كهذا من قبل. ما قرأته جعلني غاضبة ومصدومة وخائفة". "سرقت صوري الخاصة بملابس السباحة من هاتفي ونشرت على تويتر بادعاءات مهينة وكاذبة بأن الصور تم التقاطها في مقر الإقامة الخاص لرئيس شبكة الجزيرة الإعلامية القطرية الشيخ حمد بن ثامر آل ثاني. شاهدت مذعورة ازدياد عدد مشاركة التغريدات بالمئات كل دقيقة. في غضون ساعات قليلة. تم نشر صور لي في حوض استحمام ساخن لجعل الناس يعتقدون، بشكل غير صحيح ، أنني عارية. تم تغريدها أكثر من 40 ألف مرة. لم تكن هذه المرة الأولى التي تعرضت فيها للمضايقة والتنمر عبر الإنترنت أو لحملة منسقة ضدي على وسائل التواصل الاجتماعي. ولكن هذه المرة، يبدو أن المهاجمين اخترقوا هاتفي , إلى جانب اللغة الفاحشة المليئة بالكراهية والواردة من حسابات تم التحقق منها على تويتر، هزني هذا الهجوم في صميم قلبي".
أشارت عويس إلى ان :- "التغريدات الفظة على تويتر، حيث كتب أحدهم ويدعى سعود بن عبد العزيز الغريبي “أخبرينا عن ليلتك. كيف كانت الدعارة؟ هل كنت في حالة سكر بينما كنت عارية؟. لا عجب أنها عارية. إنها مسيحية رخيصة. إنها عجوز وقبيحة. وتابعت عويس :- "على الرغم من أنني كنت الهدف من هذا الاعتداء الأخير- لا شك لأنني أقدم بانتظام تقارير انتقادية عن السعودية والإمارات- إلا أن الرسالة إلى الصحافيين في جميع أنحاء الشرق الأوسط واضحة للغاية: لا تنتقدوا ولي العهد”. وأضافت موضحة :- “رسم كاريكاتوري يصورني على مكتب رئيس الجزيرة مع عبارة “أريد علاوة” تمت إعادة نشرها بكثافة. بالنسبة لهؤلاء الناس، بدا من غير المفهوم أن المرأة يمكن أن تكون ناجحة على أساس الجدارة أو العمل الشاق”.
* ما الذى فعلته اذاً "بنت عويس" فى مُواجهة من تعتقد انهم اخترقوا هاتفها ونشروا صورها الخاصة جداً , هل اكتفت قثط بالتوضيح ؟. ابداً. للحكاية بقية. ** مصدر المقال والصور. https://altajadud.com/https://altajadud.com/
Post: #98 Title: Re: على السيدة مريم المهدى ، رفع دعوى ضد السيد Author: علاء سيداحمد Date: 12-10-2021, 04:46 PM Parent: #97
Quote: والله العظيم آسف يا علاء و لا أقصد أي تقليل ولا أي شئ والله.. لكن عندما بدأت الرد على الدودي ما عرفت كيف ارجع اشوف الدودي نقل الرد من فين.. أخوك كيشة في معرفة الشغل في البورد رغم إني فيهو من 15 سنة. أسف يا علاء و لك العتبى حتى ترضى.. الباقي هين.. الدواس في محلو
لا عليك يا حبيب ::: Take it easy
Post: #99 Title: Re: على السيدة مريم المهدى ، رفع دعوى ضد السيد Author: Osman Musa Date: 12-10-2021, 04:52 PM Parent: #97
غايتو من حوالي عشرة شهور كدي . في سيدة أفريقية ضربت اليانصيب الأمريكي وكانت الجائزة حوالي 19 مليون دولار . وامتنعت عن نشر اسمها . وتبرعت منها للأطفال المشردين في أمريكا بمبلغ نص مليون دولار . ... بالجمبة . في السودان صعب تحكها مع زول وتثبت عليه حاجة . الدهب يدخل عبر المطار النهار . والتمباك . تمباك الرياضة . ..
Post: #100 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-10-2021, 09:43 PM Parent: #99
أهااااا دة كدة نفي يعني؟ تقرير من ريم ريبورت ومحمد المصباح وفريق بي ان سبورت !!
ما عاوزين أي مصحف يا البشرى .. عاوزين تويتة، منشور فيسبوك، تصريح صحفي .. كتابة في أي موقع رسمي يا تبرر فيها المبالغ يا تقول الفيديو مفبرك .. وبس ما أكتر من كدة لكن ما ممكن تجيب لي اجتهادات ناس شغالين يضربوا في الارقام ويبحثوا في الانترنت عن البنوك وتقوم تعتبره خلاص تصريح من مريم وتقول أكتر من كدة إلا تحلف ليكم هو وينه الـ (كدة) دة في الأول عشان نفتش للأكتر منه! زولتك يا محمد ما قالت بغم لحدي الآن .. وما ظنيتها تقول
Post: #101 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-10-2021, 09:51 PM Parent: #100
Quote: زولتك يا محمد ما قالت بغم لحدي الآن
وين ما قالت بغم؟ هنا في سودانيز؟ عايز كلام رسمي, رايك شنو طيب تقنع احدى الصحف الورقية او القنوات الفضائية المعلوم عنوان و اسم الشخص المسؤول عنها و تسهل مقاضاته لينشر الفيديو!
Post: #102 Title: Re: على السيدة مريم المهدى ، رفع دعوى ضد السيد Author: أبوبكر عباس Date: 12-10-2021, 10:22 PM Parent: #100
رقم الحساب دا يا دودي لو نزلتو في generate IBAN بتاع البنك بديك رقم IBAN إماراتي
فشلت في الفيديو ألقى رقم الأي بان الببدأ ب QA دا
Post: #103 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-11-2021, 05:22 AM Parent: #102
الفيديو انتشر خلاص دي مرحلة انتهت معقولة نتناسى المعضلة الأساسية واللي هي حسابات مليونية داخلة حسابات وزيرة اثناء تسلمها منصب الخارجية ونقعد نتكلم في منو النشر وكان راجل الينشر! دي هسة مشكلتنا إنه مافي زول بقدر ينشر؟!! ما أصلو مافي زول بقدر ينشر بيانات حسابات بنكية ولا صحية ولا حتى نتيجة سنة اولى ابتدائي لي شخص تاني! دي حاجات بديهية إنها بتضعك تحت طائلة القانون لكن دة أصلو ما كان محور النقاش محور النقاش واااااضح إنه مريم متهمة في ذمتها عندها كلام بتقوله في الاتهام دة ولا بتسردب وتسيب ناس ريم المفتاح يدونا حصة رياضيات وفي النهاية يقولوا لينا بما إنه ميسي غادر برشلونة إذن مريم الصادق ما عندها حساب في الامارات
Post: #104 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-11-2021, 05:41 AM Parent: #103
Quote: معقولة نتناسى المعضلة الأساسية واللي هي حسابات مليونية داخلة حسابات وزيرة اثناء تسلمها منصب الخارجية
هي لكن انت متأكد انه الكلام دا حاصل فعلا و صحيح عشان يبقى معضلة وكمان اساسية! حجتك انو هي ما نفت او ما قالت بغم, سألتك وين عايزها تقول بغم؟ لو في البوست دا قول! لو عايزها بشكل رسمي بي بيان او مقاضاة لمن جهة بتتمل المسؤولية و يمكن مقاضاتها تنشره في الحالة دي ممكن تسال ليه سكتت طالما القصة واتساب ساي فمنو القال ليك انها ما نفت برضو في الواتساب الساي دا! ليه افترضت انها ما فعلت!
Quote: محور النقاش واااااضح إنه مريم متهمة في ذمتها
بالنسبة لي دا ما اتهام يحتاج ان يرد عليه اي أحد! ولا يقوم على اي اساس او فيه اي من اركان الاتهام السليمة هسي كان شلت الفيديو دا لاي عرض حالجي ساي تفتكر بقدر يطلع ليك منو عريضة اتهامّ ناهيك عن ان تأخذه لوكيل نيابة ليوجه بمقتضاه اتهام رسمي
Post: #105 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-11-2021, 05:45 AM Parent: #102
...
Post: #106 Title: Re: على السيدة مريم المهدى ، رفع دعوى ضد السيد Author: أبوبكر عباس Date: 12-11-2021, 05:59 AM Parent: #105
شكراً بشرى
Post: #107 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-11-2021, 06:37 AM Parent: #106
منو البتكلم عن عريضة هنا؟ دي محكمة الرأي العام .. ممكن يحركها تسريب مكالمة في اليوتيوب ولا وثيقة في ويكليكس ودة ما كلام واتساب .. دة فيديو مصور من جوة بنك جيب لي فيديو مصور لي مريم بتقول فيه دة ما حسابي، إن شاء الله من قروب محبي الملوخية بالرز في واتساب وبقبله
Quote: طالما القصة واتساب ساي فمنو القال ليك انها ما نفت برضو في الواتساب الساي دا! ليه افترضت انها ما فعلت!
علي الحلال انت كسرت رقبة المنطق ومعاهو كرعينه هوادة إذا اتكلمت جيبو ردها .. صعبة دي ! البوست دة مليان أعضاء حزب أمة وأنصار غير اعضاء زي واحد كدة بعرفه بعرف زول بسألوهو من اثبات كلام، لكن زول يسألوهو من اثبات عدم الكلام دي جديدة :)
أثبت إني ما سبيت دين لي مريم في القروب العاملينو أنا واصحابي الاتنين نتونس فيه يوم الجمعة
_________ الموضوع كالآتي ظهر فيديو فيه حسابات مليونية تخص مريم الصادق الشخصي أثناء تسلمها مهام الخارجية هل مريم مهتمة بإثبات نزاهتها للشعب لأنها سياسية بتتعامل مع ناخبين؟ ولا ما شغالة بالموضوع وسايبة أعضاء حزب الأمة والأنصار الساي يجيبوا لينا في تقارير ريل الصباح عشان يقولوا لينا هو أساساً البنك ذاتو مافي الإمارات :) قال ليه جاركم المهندس دق ولدك (مشوها كدة :) قال ليه دة كضاب ساي هو ذاته لا مهندس ولا حاجة
Post: #108 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-11-2021, 06:54 AM Parent: #107
Quote: هل مريم مهتمة بإثبات نزاهتها للشعب لأنها سياسية بتتعامل مع ناخبين؟
يمكن دي هي المشكلة هنا انت مفتكر سودانيزاونلاين هي الشعب الناخب المفروض اي سياسي يهتم بالرد على اي اتهام - مشيها اتهام دي - حتى لو الموكب يفوتو.
تاني بعيد ليك اذا انت ناخب مهتم شديد بنزاهة السياسيين اخد الموضوع دا لمستوى اعلى أكثر جدية يجبر حتى العايز يطنش انه يهتم مستوى اعلى زي شنو مثلا, صحيفة ورقية, قناة فضائية حاجة زي دي كدا, وما تنسى توريني ردهم عليك شنو لامن تطالبهم بالنشر :)
Post: #109 Title: Re: على السيدة مريم المهدى ، رفع دعوى ضد السيد Author: أبوبكر عباس Date: 12-11-2021, 06:56 AM Parent: #107
يا شبح، لو الIBAN دا بادي بQA الفيديو دا مفبرك ما تعمل لينا زنّة في راسنا ساي.
Post: #110 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-11-2021, 07:06 AM Parent: #109
Quote: عايز كلام رسمي, رايك شنو طيب تقنع احدى الصحف الورقية او القنوات الفضائية المعلوم عنوان و اسم الشخص المسؤول عنها و تسهل مقاضاته لينشر الفيديو!
مقاضاة شنو؟
يُحكى في قديم الزماان أن صحيفة الديلي ميل نشرت صورة لديفيد كاميرون فاعد في مكتبه وبتكلم بالتلفون مع اوباما. بالجنبة كدا من الصورة بتظهر ماكينة لعمل القهوة. الناس شالوا الصورة من الديلي ميل ومشوا الفيسبوك سلخوا ديفيد كاميرون سلخ جد في إنو كيف يشتري ماكينة غالية من أموال الشعب. وماكينة غالية دي مقصود بيها 160 جنيه استرليني. بعد ما الصورة انتشرت وفي نفس البوم مكتب ديفيد كاميرون نشر الفاتورة البتثبت إنو سعر المكنة إتدفع من قروش ديفيد كاميرون الخاصة وما من اموال الدولة. ديفيد كاميرون لا قاضى زول ولا زعل من زول. ولا قال دي اوهامات فيسبوك وشائعات مغرضة ما برد عليها.
محتاجين مسؤلين يرفعوا درجة حساسيتنا تجاه الفساد ويعززوا حق المواطن في الإطمئنان على نزاهتهم.
Post: #111 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-11-2021, 07:15 AM Parent: #110
Quote: انت مفتكر سودانيزاونلاين هي الشعب الناخب المفروض اي سياسي يهتم بالرد على اي اتهام
الشعب دة قاعد وين؟ في فيسبوك؟ في تويتر؟ في مواكب الثورة البتطلع كل اسبوع؟ خت الشعب في أي مكان بعجبك وجيب لي أي رد من أي مكان وانا بقبله
Post: #112 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-11-2021, 07:38 AM Parent: #111
يا مولانا لو الصورة كان فيها فبركة و اضافة لماكينة القهوة او اي نوع من التحرير ما كانت الصحيفة نشرته من الاساس ولو فعلت لكانت تدفع الآن في غرامات لا جنا الجنا!
يا أحدهم قصرا للحجة زي ما قلت ليك انقل الاتهام دا لمستوى جاد يجبر اي مسؤول على الرد دي واحدة و التانية بالنسبة ليك انت هل اي كلام تقراه او تسمعه طوالي بتنبني عليه تهم وتطالب المعني بالدفاع عن نفسه! ما في اي نوع من الحس السليم بخليك تعمل اسسمنت للحاجة الاتعرضت عليك و توزنها!
Post: #113 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-11-2021, 08:23 AM Parent: #112
محاولاتك يا ود البشرى في تخريب البوست ما خافية علينا🙃
عليك الله صغر الصورة بتاعة الحساب.
Post: #114 Title: Re: على السيدة مريم المهدى ، رفع دعوى ضد السيد Author: أبوبكر عباس Date: 12-11-2021, 08:41 AM Parent: #113
التلاتة دا أليق من دا الفاتحة يا شاهين على روح البوست وعلى مريم المسكينة
Post: #116 Title: Re: على السيدة مريم المهدى ، رفع دعوى ضد السيد Author: shaheen shaheen Date: 12-11-2021, 09:10 AM Parent: #114
Quote: التلاتة دا أليق من دا الفاتحة يا شاهين على روح البوست وعلى مريم المسكينة
لا والله يا دكتور .. انا مُستمتع جداً بالنقاش من الكافة .. و اتعلم من الملاحظات والاراء المختلفة (بدون ادعاء تواضع). الاهم :- لكل من يتصدى للعمل العام فى اى مجال من المجالات حتى لو كان ادارة نادى صغير فى منطقة نائية .. ح نطلع دينك (حرفياً) فى اى خبر يتعلق بسلوك مالى (لاخلاقى الجنسى دى بتاعت ربنا يوم القيامة , طبعاً فى غير التحرش والاغتصاب والرشوة الجنسية). وعلى من يتصدى للعمل العام , ان يعرف , ان لا قداسة ولا شيك على بياض .. اى تغريدة حامية من اى صلعوك , اى فيديو مفبرك من اى مسطول لازم يتناقش ويتم الفحص والتمحيص .. ولازم المعنى يرد , لانو خدام عندى وليس سيد كما اوضح استاذ بشاشا. اتباع المتصدين للعمل العام , مفروض انتو تكونوا اول المُبادرين بنشر اى امر او شأن يقدح فى ذمة رئيسك فى حزب او فى زميلك العضو معك , او فى نقابة او جمعة تعاونية الخ , والتفنيد. احترمونا شوية , نحن لسنا اجراء فى مزرعتكم الخاصة. ودماء الشباب السودانى من وراء القصد.
Post: #115 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-11-2021, 08:43 AM Parent: #113
سحبتها خالص يا مولانا ادت غرضها. اها ارتحت ان شا الله
قال ديلي ميل قال
Post: #117 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-11-2021, 09:10 AM Parent: #115
الاتهام تم تداوله في منصات التواصل الاجتماعي القامت على اكتافها الثورة والبعمل النظام القمعي على قفلها كل ما تحصل زنقة ثانياً أنا عندي فيديو واااااضح لا أجد فيه أي دليل تقني على استخدام تقنيات تعديل الفيديو حسب خبرتي البسيطة في الكمبيوتر إذا في زول قال بي خشمه إنه مريم بتلعب بملايين في حسابها الشخصي أثناء استوزارها بقول ليه عندك دليل ولا كلام ساي لكن زول جايب لي فيديو من جوة البنك، يعني ما صورة عشان نقول قام بتركيبها ودبلجتها ونقول ليه ورينا الفيديو الأصلي وما تسوقنا بالخلا لا لا دة جاب الفيديو توووووش من جوة البنك .. هنا الموضوع ما محتاج ليم ملاح بتاعتكم دي تجي تنظر لينا في الأرقام وشغل الحسابات محتاج بس زول يقول أفادت السيدة مريم الصادق بأن ما تم تداوله على اعتبار إنه حسابها عاري من الصحة .. وبس لاحظ أنا ما بطالب بإنها تقاضي البنك أو حتى الموظفة ولا الناشطين اللي تداولوه .. بس تقول دي ما أنا!! كتيرة منها؟ ولا نحن شوية؟ ولا هي في مكان مقدس ما مفروض تطالها اتهامات ذمة حتى لو مصورة فيديو !!! ودودي النقل لينا هترشات عالمة الرياضيات هديل عبد الفتاح دي كان ممكن ينقل لينا ما قالته مريم في قروبات الواتساب المشاركة فيها بحسب إشارته في مداخلة سابقة دة طبعاً لو كان موقفها قوي أو هو مهتم بالدفاع عنها بطريقة عملية بدل إفادات فريق ام بي ايه واشنطون ولا شنو هو القالو داك!
مافي حاجة في العمل العام اسمها قاضيني في المحكمة حتين ارد عليك!!! وإلا ما كان في زول نشر فساد الكيزان واردول وغيرهم المسؤول إذا امتنع عن الرد في حاجة بتقدح في مهنيته وبتسوق الناس لتخوين بفساد مالي وعمالة راسها عديل تاني يرد في شنو؟ رده مخليه لليوم الأسود!!
Post: #118 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-11-2021, 09:38 AM Parent: #117
Quote: ثانياً أنا عندي فيديو واااااضح لا أجد فيه أي دليل تقني على استخدام تقنيات تعديل الفيديو حسب خبرتي البسيطة في الكمبيوتر
ياهو الفيديو الجبتو دا ولا واحد تاني؟ بالنسبة للارقام واجتهاد المجموعة دي ما مشكلة ما تشتغل بيه و اعمل الهوم ويرك بتاعك براك, اديك تيب: من الفيديو الواااااضح العندك تاخد رقم الحساب الظاهر, وبرضو من الفيديو الواضح أخد رقم الآيبان الظاهر خش موقع البنك في قطر و امشي ل Money transfer ومنها لـ generate my IBAN و دخل رقم الحساب الاخدته من الفيديو الوااااضح الما لقيت حسب خبرتك اي دليل على استخدام تقنيات تعديل الفيديو و شوف هل ح يطلع نفس رقم اللآيبان الظهر في الفيديو! ما اطمأنيت وقلبك اكلك زيادة اعمل نفس العملية في موقع البنك في الامارات
الشي التاني بالنسبة لقواعد الاثبات البسيطة البتعاملوا بيها الناس عدم العلم بالشيء لايعني عدم وقوعه, يعني لما تقول حسب خبرتي ما لقيت دليل على التلاعب بالفيديو ما معناها انه ما حصل تلاعب, مش ممكن يوكون حصل تلاعب لكن بطريقة تقاصرت خبرتك عن ادراكها! بنفس المنطق دا عدم علمك - أو اطلاعك - على نفي لا يعني عدم حدوثه! تاني - أو رابع ولا خامس ما عارف - ولقصر الحجة, بدل تطالب بنفي كلام واتساب ليه ما ترفع الموضوع دا لمستوى لايمكن للوزيرة السابقة تجاهله او ان لا تكون حريصة ان ينتشر نفيها على اوسع نطاق! عارف طبعا الطريقة ولا اعيدها :)
Post: #119 Title: Re: على السيدة مريم المهدى ، رفع دعوى ضد السيد Author: أبوبكر عباس Date: 12-11-2021, 09:45 AM Parent: #118
يا سلاااام "تقاصرت خبرتك عن إدراكها" !!! شغل!!
الجملة أحسن من كل شعر الخواض
Post: #120 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-11-2021, 09:55 AM Parent: #119
ههههههههه خبرتي أنا براي سميتها بسيطة يا مستنير عليك دينك شفت تواضع قدر دة :)
Post: #121 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-11-2021, 10:12 AM Parent: #120
يا محمد أنا ما قلت ليك ما حصل تلاعب، قلت ليك بحسب خبرتي البسيطة ما شايف تلاعب ممكن واحد خبرته أكتر أو حتى أقل مني يلقى التلاعب دة ثانياً الحاجات القلتها دي كلها ما بعرفها، ولا عندي قروش قدر دة عشان افهم في الحسابات البنكية انت بتفهم تعال اكتب دفوعاتك باسكرينات وكلام واضح ثالثاً ما برفع الموضوع لأي مستوى، حدي البوست دة بكورك جوة البوست هنا ولو ما اتنقل لي الرد هنا حأفضل أكورك قبلي لأني مجرد زول ساي، لا ناشط لا محامي ولا بفهم في القانون، أملاكي في العالم باسويرد بكري، دي حدود قدرتي
Quote: بنفس المنطق دا عدم علمك - أو اطلاعك - على نفي لا يعني عدم حدوثه!
انت عندك علم؟ المستنير عندو علم؟ في أي زول لقى أي رد حايم في أي موقع رسمي؟ جيبوهو لينا هنا وتوتة توتة خلصت الحدوتة لكن ما ممكن تقول لي يمكن حصل رد بدون ما تجيب لي الرد دة وتعتبره منطق !!!
ولسة بقول لكل الناس الداقين والداقات جرس في بداية البوست البوست عن إننا مفروض نسمع من الأميرة مريم ارجو الحلو
Post: #122 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-11-2021, 10:19 AM Parent: #121
Quote: ثانياً الحاجات القلتها دي كلها ما بعرفها، ولا عندي قروش قدر دة عشان افهم في الحسابات البنكية
طيب انا وريتك ببساطة تعملها كيف وما دايرة يكون عندك قروش ودا بفضح ليك التلاعب التم في الفيديو! يبقى انت حتى (فتبينوا) البسيطة دي الما حا تاخد منك ثواني و عدة نقرات ماوس ما عايز تعملها لكن عايز تحاكم الناس بالنبأ الجابو الفاسق! لا ومش كدا كمان بل و عاكس المبدأ القانوني و الانساني المعروف ان على المدعي البينة قبل ان تطالب المدعى عليه باليمين! شفت دا ياهو زاتو الكسل و استسهال تخوين وتشويه سمعة الناس, اضف ليه الحجة الغريبة التي تجعل عرض وسمعة الشخصية العامة مستباحة بحجة انها شخصية عامة بالنسبة للكواريك في البوست دا او غيره, فهذا منبر حر لا احد يحجر عليك او على غيرك حق الكواريك اينما و وقتما تحب لكن ستظل مجرد كواريك الى ان تصل مسامع المعنية, رايك شنو توصلها لمسامعها بطريقة زي ما قلت ليك تضطرها للرد :)
Post: #123 Title: Re: على السيدة مريم المهدى ، رفع دعوى ضد السيد Author: أبوبكر عباس Date: 12-11-2021, 10:20 AM Parent: #121
عندي زول صاحبي حزب أمة اسمو الصادق علي زول حقاني برسل ليهو بقول ليهو معانا شبح بسودانيز منجضنا في موضوع ملايين مريم وأسألو ليك لو مريم ردت في أي مكان نفت صلتها بالحساب دا وبجيب ليك الرد ح أقول ليهو لو ما جبت لينا رد على لسان مريم، الزول دا ما بخلينا نحن دايرين نفتك منو
ممكن تصبر لينا ساعتين لحدي ما ناس أمريكا يصحوا؟
Post: #124 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-11-2021, 10:30 AM Parent: #123
هوي ها ارجعوا لكلام محمد دودي في الصفحة الفاتت بتلقوا الموضوع فات أضانها وردت في قروباتهم المغلقة
قال يصلها قال !!
Post: #125 Title: Re: على السيدة مريم المهدى ، رفع دعوى ضد السيد Author: عزالدين عبدالرحمن Date: 12-12-2021, 10:41 AM Parent: #124
للمزيد من الاكشن والاثارة وعلي مسؤولية (مسئولية) المصدر المرفق: https://www.facebook.com/amira.t.ahmed.9https://www.facebook.com/amira.t.ahmed.9https://www.facebook.com/amira.t.ahmed.9https://www.facebook.com/amira.t.ahmed.9https://www.facebook.com/amira.t.ahmed.9https://www.facebook.com/amira.t.ahmed.9https://www.facebook.com/amira.t.ahmed.9https://www.facebook.com/amira.t.ahmed.9
مع تحياتنا لصاحب البوست وضيوفه الكرام
Post: #126 Title: Re: على السيدة مريم المهدى ، رفع دعوى ضد السيد Author: اخلاص عبدالرحمن المشرف Date: 12-12-2021, 11:04 AM Parent: #125
الاصرار علي الذنب مع اطلاق زخات من ( الرصاص ) في ابلغ تجلياته
( لكل من يتصدى للعمل العام فى اى مجال من المجالات حتى لو كان ادارة نادى صغير فى منطقة نائية .. ح نطلع دينك (حرفياً) فى اى خبر يتعلق بسلوك مالى (لاخلاقى الجنسى دى بتاعت ربنا يوم القيامة , طبعاً فى غير التحرش والاغتصاب والرشوة الجنسية). وعلى من يتصدى للعمل العام , ان يعرف , ان لا قداسة ولا شيك على بياض .. اى تغريدة حامية من اى صلعوك , اى فيديو مفبرك من اى مسطول لازم يتناقش ويتم الفحص والتمحيص .. ولازم المعنى يرد , لانو خدام عندى وليس سيد كما اوضح استاذ بشاشا. اتباع المتصدين للعمل العام , مفروض انتو تكونوا اول المُبادرين بنشر اى امر او شأن يقدح فى ذمة رئيسك فى حزب او فى زميلك العضو معك , او فى نقابة او جمعة تعاونية الخ , والتفنيد. احترمونا شوية , نحن لسنا اجراء فى مزرعتكم الخاصة. ودماء الشباب السودانى من وراء القصد.)
Post: #127 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-12-2021, 11:11 AM Parent: #125
مشكلتك يا ود البشرى قاعد تعاين بس للجوانب القانونية من القصة. كلامك صاح مريم كمواطن من حقها عدم التصريح بأي شي طالما لم يوجه إليها إتهام من جهة مختصة. ومن حقها تضرب طناش عن أي منشور سواء كان في صحيفة رسمية او متداول في مواقع التواصل الإجتماعي كما من حقها مقاضاة الجهة الناشرة حسب إختيارها.
لكن كمان مريم ما مواطنة عادية. مريم مسؤلة في حكومة جاءت بعد ثورة ذات أهداف وغايات نبيلة لإنقاذ البلاد من الفساد المالي والإداري الموروث من عهد النظام البائد. ثورة بذل فيها الشعب السوداني الغالي والنفيس من أجل إقامة دولة ذات حكم رشيد.
عدم رد مريم وإستهانتها بالتهمة المتداولة فيه إجهاض لأحلام وآمال الثورة في دولة يحترم فيها المسؤول حق الشعب كجماعة وكأفراد معرفة ما يدور داخل دواوينها. عدم إهتمام مريم بتبرئة ذمتها والإقرار لا يخدم أبداً بناء الثقة المفقودة بين مسؤلي الحكومات وبين الشعب.
قد يكون الفيديو مفبرك وقد لا تكون مريم فاسدة او مجرمة وعدم فسادها كافي لجعلها مواطنة صالحة. ولكنه ليس كافٍ لجعلها قائدة تستحق أن تكون ضمن قيادة هذه الثورة. فهي بسكوتها وعدم الإستجابة للمتداول عنها تكون أراحت نفسها من عناء الرد من باب "العارف عزو مستريح" ولكنها لم تقدم راحتها الفردية في سبيل خط ممارسة جديدة تتسم بالشفافية.
Post: #128 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-12-2021, 11:56 AM Parent: #127
يا مولانا بس للدقة وكدا أنا لم اقل ان مريم من حقها عدم الرد في كلامي دا كله, حديثي عن أين مطلوب هذا الرد؟ هل في هذا البوست في هذا البورد أم في مكان آخر من هذا الفضاء! و اضفت نقطة أخرى بعد ما ظهر تقرير جماعة بيم ريبورت لم يتح لنا ان نقرا ردها على التهمة لكن اتيح لنا ان نتأكد من حدوث تحرير في الفيديو و اثبات التلاعب في الارقام, الا يكفي هذا شك في صحة الفيديو! من باب فتبينوا مثلا
Post: #129 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-12-2021, 12:29 PM Parent: #128
سلام هناك كرة ثلج متدحرجة و يزداد حجمها، لذلك رجاءاً يا دكتورة مريم الصادق و بمعاونة المكتب القانوني للحزب أحسمي المشكلة قبل استفحالها، سواء كان هناك إستهداف أو لبس أو غيره. و شكراً.
Post: #130 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-12-2021, 12:37 PM Parent: #129
أرجي الحلو
Post: #131 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-12-2021, 12:54 PM Parent: #130
Quote: أرجي الحلو
يا سيد هي بروسيس، أثناء حدوثها أو تعطلها يتغير الرأي العام.
Post: #132 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-12-2021, 01:05 PM Parent: #131
Quote: لم يتح لنا ان نقرا ردها على التهمة لكن اتيح لنا ان نتأكد من حدوث تحرير في الفيديو و اثبات التلاعب في الارقام, الا يكفي هذا شك في صحة الفيديو! من باب فتبينوا مثلا
أنا الفيديو اول مرة شوفتو في الفيسبوك، وبعدها عرفت إنو مالي الأسافير. مريم ما بتغلبها الحيلة في إنها توصل ردها لكل المتابعين وخصوصاً هي تتمتع بكمية من الحيران والتابعين والمريدين.
أكتر حاجة واجعني إنو مريم ما كلفت نفسها تفتح خشمها لأنها عارفة إنو الناس ال ما عندهم شغلة مكتيرين وما بقصروا. حقرتكم حقارة شديدة وما إحترمتكم يا عواطلية.
Post: #133 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-12-2021, 01:16 PM Parent: #132
Quote: ما كلفت نفسها تفتح خشمها
متأكد؟
Post: #134 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-12-2021, 01:17 PM Parent: #132
مولانا حافظ في ناس زيي كدا تهمهم الحقيقة فقط، سواء ردت مريم أم لم ترد فهذا سينعكس سلباً أو إيحاباً على الرأي العام حولها. أختلاف المنظور و (ترتيب الأولويات بطريقة مختلفة) لا يعطيك الحق في إتهام الآخرين بالتبعية.
Post: #135 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-12-2021, 01:44 PM Parent: #134
سلام يا دكتورة ما عاش ال بيتهمك بالتبعية وأكيد ما عندي الحق بإتهام أي زول بأي شيء لكن هي طافية مفصلة لزول واحد وهو زاتو جلاها وعمل رايح منها، فعليك الله مشيها.
Quote: سواء ردت مريم أم لم ترد فهذا سينعكس سلباً أو إيحاباً على الرأي العام حولها
أختلف معاك ولكني أحترم رأييك. وما لم نتلقى منك الإذن ببعض التهاتر المعلن والمقصود في ذاته فمؤكد لن نصرف لك من طواقينا شيئاً.
Post: #136 Title: Re: على السيدة مريم المهدى ، رفع دعوى ضد السيد Author: نعمات عماد Date: 12-12-2021, 02:02 PM Parent: #135
Quote: أختلف معاك ولكني أحترم رأييك
شكراً يا مولانا، و الطاقية ما بتكتل... بكتل سكات الزول 😁 القصد في مداخلتي السابقة هو ربما الناس يريدون التأكد من حسن إدارة مريم للأزمة.. و ربما يفضل البعض أن تفشل.
Post: #137 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-12-2021, 02:09 PM Parent: #136
Quote: متأكد؟
عاجباني حركة المنطق المعلقينو من كرعينه دة مقلوب قلبة العدو
بوست مليااااان حيران وانصار ما فيه ولا إفادة حوامتنا في الفيسبوك والتويتر دي كلها ما لاقانا فيها تصريح إن شاء الله تلميح ساي الشايفينو إنها سردبت أكررها تاني هل في أي زول شاف ليها أي تصريح في أي مكان؟ طبعاً لو في زول قال ليك متأكد إنها ما صرحت ممكن تقول ليه وريني الصحف الورقية والالكترونية العالمية والمحلية ومواقع تويتر وفيسبوك وانستغرام وتيك توك الشيكت عليها من تاريخ الفيديو وحتى هذه الثانية وأثبت لي إنه نسبة مطالعتك كانت 100% بس ياها النكتة الزمان ديك لما القاضي قال ليه أنا عندي اتنين شهود شافوك وانت بتسرق قال ليه انا عندي مية نفر ما شافوني بسرق :)
Post: #138 Title: Re: على السيدة مريم المهدى ، رفع دعوى ضد السيد Author: اخلاص عبدالرحمن المشرف Date: 12-12-2021, 02:57 PM Parent: #137
الغرض مرض والاستهداف ومحاولة اغتيال شخصية و الامر ما جديد
Post: #139 Title: Re: على السيدة مريم المهدى ، رفع دعوى ضد السيد Author: علاء سيداحمد Date: 12-12-2021, 03:06 PM Parent: #138
Quote: أكتر حاجة واجعني إنو مريم ما كلفت نفسها تفتح خشمها لأنها عارفة إنو الناس ال ما عندهم شغلة مكتيرين وما بقصروا. حقرتكم حقارة شديدة وما إحترمتكم يا عواطلية.
Post: #140 Title: Re: على السيدة مريم المهدى ، رفع دعوى ضد السيد Author: Nasser Amin Date: 12-12-2021, 03:56 PM Parent: #139
اولا البنك في قطر , وناس قطر ممكن يفتونا عنوان البنك
HSBC Salwa Road Branch Building B, Al Waab City (next to Volkswagen showroom, Salwa Rd, Doha, Qatar
الحاجة التانية دي تفاصيل حساب مؤسسة او شركة لانو ما ممكن حساب شخصي يكون فيهو حركة قدر دي. وفي مستندات داخلة على الحساب يوم 2 اكتوبر و 7 اكتوبر في سحب كاش مبلغ 5000 يوم 18 اكتوبر.
لاحظوا كمية الحركة الفي الحساب في شهر اكتوبر
الغرض الاساسي من التسريب انو الحساب في الامارات و دلالة على (العمالة).
الموضوع طرشق لانو طلع في قطر , ركزوا في الدقيقة 1 و الثانية 8 بتلقوا عنوان البنك و (VW ( Volkswagen showroom
Post: #141 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-12-2021, 05:04 PM Parent: #140
هووي يا تاصر, عايز تعمل فيها انصاري و حزب امة ولاّ عايز تقول انو عندك مخ!
Post: #142 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-12-2021, 05:04 PM Parent: #141
و بتستخدمه
Post: #143 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-12-2021, 05:10 PM Parent: #142
نقول مريم طلعت بريئة من الحساب في الفيديو براءة رجحون من دم إبن يعقوب. وفي هذه الحالة نقول مبروك لمريم البراءة وهي الآن في نفائها وبراءتها وقدرتها على القيادة مثلها مثل جارنا مهدي الانصاري ذلك الرجل الطيب العفيف النظيف البارع في قيادة الكارو.
هل يا ترى تسطيع حكومة قحت القادمة بناء نظام شفاف يعيد ثقة المواطن في حكومته؟ وهل ستأتي قحت بمسؤلين حريصين على إثبات نزاهتهم للمواطن؟ أم هل سيظل المواطن يتحمل عبء إثبات نزاهة المسؤلين؟ وهل سيظل المواطن دائماً يتسول الشفيع ورجاغين واولاد الباوقات لطمئنته على نزاهة المسؤلين؟
Post: #144 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-12-2021, 05:34 PM Parent: #143
Quote: واولاد الباوقات
عوقو يا حكم
Post: #145 Title: Re: على السيدة مريم المهدى ، رفع دعوى ضد السيد Author: Nasser Amin Date: 12-12-2021, 07:13 PM Parent: #144
Quote: هووي يا ناصر, عايز تعمل فيها انصاري و حزب امة ولاّ عايز تقول انو عندك مخ!
ههههههههه من وين القى المخ، و الله و بالله لو الموضوع دا ضد حميدتي و لا البرهان هيمسلف دا ح يكون رأي، و التلفيق واضح. هل يعقل مريم الصادق لو عندها قروش تختها في قطر؟
Post: #146 Title: Re: على السيدة مريم المهدى ، رفع دعوى ضد السيد Author: Nasser Amin Date: 12-12-2021, 07:19 PM Parent: #145
Quote: واولاد الباوقات
عوقو يا حكم 😹😹😹 يا احمد مولانا قاصد منو؟
Post: #147 Title: Re: على السيدة مريم المهدى ، رفع دعوى ضد السيد Author: Nasser Amin Date: 12-12-2021, 07:36 PM Parent: #146
في حاجة خطرت لي هسي مثلا انا مسؤول سوداني أو أي فاسد هل من الامان ان احتفظ بقروش في بنوك عربية؟ طبعا ح اكون عرضة للكشف و الابتزاز.
في مناطق و بنوك فيها سرية كاملة و ضرائب منخفضة و متخصصين في الاموال الفاسدة و الغسيل مثلا جزر "كايمان" و غيرها. انتو ما قاعدين تحضروا افلام؟ فاشلين حتى في الاجرام😆
Post: #148 Title: Re: على السيدة مريم المهدى ، رفع دعوى ضد السيد Author: Nasser Amin Date: 12-12-2021, 09:16 PM Parent: #147
Quote: هل يا ترى تسطيع حكومة قحت القادمة بناء نظام شفاف يعيد ثقة المواطن في حكومته؟ وهل ستأتي قحت بمسؤلين حريصين على إثبات نزاهتهم للمواطن؟ أم هل سيظل المواطن يتحمل عبء إثبات نزاهة المسؤلين؟ وهل سيظل المواطن دائماً يتسول الشفيع ورجاغين واولاد الباوقات لطمئنته على نزاهة المسؤلين؟
يا مولانا ناس قحت اطيح بهم في 25 اكتوبر. خلينا نقرع و نلجم الحرامية و اللصوص و همباتة السلطة جماعة الميثاق و اعتصام الموز. و احتمال مرجح جدا هذا الفيديو تسريب و تركيب حساب مريم الصادق ، أنه من هذه المجموعة و التي تركع للعسكر و معاهم برمة ناصر و الواثق البرير "عبدة العسكر و جماعة الهبوط الناعم". و كلو وارد بس الفيديو بتاع حساب مريم اخراج سيئ زي انقلاب 25 اكتوبر، سوء في الاخراج و التنفيذ
Post: #149 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-12-2021, 09:41 PM Parent: #148
Quote: يا احمد مولانا قاصد منو؟
عليك الله يا ناصر ما تلبس وكل شي ولا لبس طواقي الناس لأنو طاقيتك قااااعدة تسمع في كلامك دا بس ما في إذن صرف في البوست دا لأنك ما أبليت فيه بلاءً حسنا.
Post: #150 Title: Re: على السيدة مريم المهدى ، رفع دعوى ضد السيد Author: Nasser Amin Date: 12-12-2021, 09:55 PM Parent: #149
Quote: لأنو طاقيتك قااااعدة تسمع في كلامك دا بس ما في إذن صرف في البوست دا لأنك ما أبليت فيه بلاءً حسنا.
ههههههههه بالمناسبة قبل دقايق جايبين (صاحبة الحساب) في فرانس 24 بجيب ليك المقابلة.
Post: #151 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-12-2021, 10:16 PM Parent: #150
Quote: بجيب ليك المقابلة.
جيب المقابلة لكن برضو ما بنحسبها ليك بلاءً حسنا
Post: #152 Title: Re: على السيدة مريم المهدى ، رفع دعوى ضد السيد Author: Mohamed Doudi Date: 12-13-2021, 02:35 AM Parent: #151
Quote: عندي زول صاحبي حزب أمة اسمو الصادق علي زول حقاني برسل ليهو بقول ليهو معانا شبح بسودانيز منجضنا في موضوع ملايين مريم وأسألو ليك لو مريم ردت في أي مكان نفت صلتها بالحساب دا وبجيب ليك الرد ح أقول ليهو لو ما جبت لينا رد على لسان مريم، الزول دا ما بخلينا نحن دايرين نفتك منو
ممكن تصبر لينا ساعتين لحدي ما ناس أمريكا يصحوا؟
يا مستنبر واحمد محمد عمر مريم ردت فى مجموعه وهى مديرتها تضم معظم قاده العمل الوطنى والمعارضه وكتاب ( قيادات سودانيه) ونفت علاقتها بالحساب وقالت ده استهداف وتشتيت للكره من اعداء الثوره ومناصرى الانقلاب (فيما معناهو)
دودى
Post: #153 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-13-2021, 04:58 AM Parent: #152
Quote: مريم ردت فى مجموعه وهى مديرتها تضم معظم قاده العمل الوطنى والمعارضه وكتاب ( قيادات سودانيه)
ههههههههههه يعني صفوة وردت للصفوة ونحن وناس قريعتي راحت لينا الله وعيشة السوق وكمان جدلية المركز والهامش فوق البيعة.
Post: #154 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-13-2021, 05:33 AM Parent: #153
مولانا!! جنّيتي! اول مرة اشوفك تتهافت كدا! الله يسألني كل مداخلة اقراها ليك برجع واعاين للبروفايل أتأكد دا مولانا ولا واحد من قروب الموسرنجية!
Post: #155 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-13-2021, 06:14 AM Parent: #154
الموسرنجية بيكونوا لفحوا الفيديو وصدفوا محتوياته بدون تحري. أنا ما بصدق وما بطلق أحكام بدون تحري واستيثاق من المحتوى. موضوعي هنا إني رافض التحرى نيابة عن سيد الشي ذاتو. ما ممكن أنفي نيابة عن زول/زولة وأدفع عنه، حتى ولو كان برئ في نظري، طالما هو مترفع عن النفي والدفاع عن نفسه وشايف الموضوع ما بيستاهل او شايف إنو الناس المهتمين ما بيستاهلوا.
يمكن طموحاتي وآمالي وتصوراتي لسودان ما بعد الثورة مختلف فيما يتعلق بعلاقة الحاكم والشعب ويمكن تفسيري مختلف لمبدأ سيادة الشعب وحاكميته للدولة. لو ثورتكم بس ياهو حدها مدنيااااااو، أنا بعمل ثورتي براي وحدي الحكم المدني الرشيد.
Post: #156 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-13-2021, 06:43 AM Parent: #155
Quote: مريم ردت فى مجموعه وهى مديرتها تضم معظم قاده العمل الوطنى والمعارضه وكتاب ( قيادات سودانيه) ونفت علاقتها بالحساب وقالت ده استهداف وتشتيت للكره من اعداء الثوره ومناصرى الانقلاب (فيما معناهو)
دودى
رغم إني كنت بتمناها ترد في حسابها على فيسبوك لكن لو أذنت ليكم بالنشر دة كافي بالنسبة لي عشان كدة أصلو ما اجتهدت في رقم الحساب والحاجات البعملوا فيها العواطلية ناصر والبشرى دي من بداية البوست بقول بس تقول الحساب ما حقي وخلاص موضوع الحساب في قطر ولا أم صفقاً عراض أصلو ما فارق، ودة تشتيت ساي يعني أي سوداني عندو حساب في الإمارات معناها عميل اماراتي! الفكرة إنه في ملايين دخلت حساب وزير أثناء تنصبه الخارجية، مهما كانت الملايين دي الواجب عليه يا إما ينفيها يا إما يبررها حقيقة الواحد كان بتمنى الوزيرة الشفناها صنديدة أيام الانقلاب وحايمة في القنوات كلها يكون عندها شوية تقدير للناس وترد بتويتة مقتضبة زي تم تداول فيديو يدعي صاحبه أنه حسابي، أفيدكم بأن الفيديو مفبرك ولا علاقة لي بالحساب الظاهر في الفيديو ما بقول ليك تقاضي النشروهو ولا تعمل شنو بخصوصه، دي قراراتها الشخصية وآل المهدي عموماً مشهورين بالتسامح والترفع عن التهاتر ورد الإساءات. لكن كنت بتمنى هي أو ناس الحزب لما يشوفوا الموضوع منتشر يطلعوا لينا بتصريح واضح زي تصريحك الفوق دة من البداية بدل يسيبوهو لنوع البشرى الكرمبو على أي زول إلا آل المهدي :) يقول ليك أثبت إنها ما صرحت! تخيل :) طبعاً دي سابقة لم يأتِ بها عضو في الاونلاين من قبل
المهم شكراً على تصريحك يا دودي ولو كنت قلته بالوضوح دة من الأول كان حقنت حبر كتير خلاص سال هنا
Post: #157 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-13-2021, 07:03 AM Parent: #156
Quote: طالما هو مترفع عن النفي
امال التهافت وين يا مولانا! مادا السؤال البح كي بوردي وانا اساله؟ عايزنها تنفي وين؟ هنا في البوست دا؟ في سودانيز دي! طالما ما قريت نفي هنا - للدقة : طالما ما قريت نفي مطلقا - هل معناها ما نفت؟ دا منطق وين دا! كونك تحصر الفضاءات في فقط دائرتك الضيقة و ما تراه أو تقرؤه او تعلمه فقط هو ما حدث وما لم تدركه لم يحدث نهائي فدا عين التهافت البشبه الموسرنجية!
Quote: لمهم شكراً على تصريحك يا دودي ولو كنت قلته بالوضوح دة من الأول كان حقنت حبر كتير خلاص سال هنا
بالله يا أحدهم خت لي روحك هنا ايقونة عباسية واضيف ليها (يا كبيييير) من عندي ياهوا داكلام دودي زااااته القاله في الصفحة الفاتت من يوم 8 عامل فيها قريته الليلة يا دوووب!
بالنسبة لي دي
Quote: إلا على آل المهدي
عايز تضاير خجلتك! طيب خت لنفسك ايقونة جـ...ـك إن وجدت! انت بالذات عارف أنني في سعيي و تقديري للحقيقة المجردة لا اهتم فيه بغيرها, ياخي قسوم و الطار قبل كدا جاب ليه صورة مفبركة لواحد كدا لا احترمه جبت ليه الفيديو الاصلي و نفّستها ليه! في البوست دا زاته شوف كم مرة سالت و بسال عن حقيقة موقف الحزب من الاتفاق وتصريحات رئيسه! مريم زاتها في غير مكان انتقدت و انتقد سكوتها على حديث الرئيس عن معرفتها بخطوات الاعداد للاتفاق بل و الموافقة عليه! لدرجة اني ارى اذا صح حديث برمة فهي لا تستحق تصنيفها في قائمة الخمس وعشرين إمرأة الأكثر تأثيرا في العالم باعتبار ان مواقفها التي أهلتها لهذا التصنيف بها خداع للشعب و العالم اصلكم وقت دايرين ملكة فيها كان تساؤلوها عن صمتها على حديث الرئيس المكلف ما تمسكو في هراء زي دا!
Post: #158 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-13-2021, 07:35 AM Parent: #157
هاك دة كلام دودي في الصفحة الفاتت
Quote: اى زول مشترك معاها مجموعه فى الواتس بكون قرا ردها
شايف ليك فيه نفي؟ كلام عايم ساي، يمكن ردت قالت حق الحزب لكن مسجل بي اسمي!
Post: #159 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-13-2021, 08:28 AM Parent: #158
Quote: عايزنها تنفي وين؟ هنا في البوست دا؟ في سودانيز دي! طالما ما قريت نفي هنا - للدقة : طالما ما قريت نفي مطلقا - هل معناها ما نفت؟ دا منطق وين دا!
لمن دودي قالت ردت صدقناهو لكن قلنا نحن لينا الله وعيشة السوق وإعتبرنا روحنا هامش طالما صوت مريم ما بيصلنا لأنها بترد للصفوة. أما إذا إنت قايل نحن حدنا سودانيزاونلاين فيا إما إنك كاسر تلجة لبكري ابوبكر او مستحقر مصادرنا وإطلاعنا شديد
Post: #160 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-13-2021, 08:38 AM Parent: #159
Quote: شايف ليك فيه نفي؟
كويس مشينا خطوة لقدام, من مجرد الرد لي لأ لازم نفي هههه أقول ليك حاجة: شيل ليك ايقونة "قول جلا" كمان :)
يا
Quote: لمن دودي قالت ردت صدقناهو
ما قالها من يوم 8 ديسمبر, وكمان قبل ما يجيب تقرير ناس بيم ريبورتس! باقي الكلام تهافت ساي, انت خلي بالك استحليت القصة دي يا مولانا
Post: #161 Title: Re: على السيدة مريم المهدى ، رفع دعوى ضد السيد Author: Hafiz Bashir Date: 12-13-2021, 08:45 AM Parent: #160
يا ود البشرى قول بسم اللاي ياخي ردها في قروبات الصفوة دا ما بيعنيني أنا. مريم تمتلك أدوات تواصل مع العامة من مثلي ومثلك يا مهمش فكونها تختار ترد على الصفوة وتطنشنا نحن فدا بخلينا نحن ذاتو نطنش ردها ولا نعتبر وجوده.
Post: #162 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-13-2021, 08:48 AM Parent: #161
بسم الله
Post: #163 Title: Re: على السيدة مريم المهدى ، رفع دعوى ضد السيد Author: أحمد محمد عمر Date: 12-13-2021, 10:00 AM Parent: #162
Quote: كويس مشينا خطوة لقدام, من مجرد الرد لي لأ لازم نفي هههه
وحاة الله ماك كويس كلام دودي الأول ما فيه أي إفادة بي أي حاجة ولا حتى رد للعامة زول قال شوفوها في القروب قالت شنو اعتبره كيف رد؟ هو وينو الرد ذاتو؟ قال امشوا شوفوها .. أها نحن كرعينا ما بوصلن محل القروبات دي نشوفها كيفن! كلام دودي الأول ما فيه أي رد من أي نوع لا بالنفي ولا بالقبول مجرد زول قال ردت لفئة معينة، وحتى وما ورانا ردت بشنو! كلام دودي التاني واضح إنه مريم نفت صلتها بالحساب ودي الحاجة الأنا كنت منتظرها من السنة الفاتت وما عاوز غيرها التكذيب هو المحتاج دليل لكن أي كلام بفترض فيه الصدق طالما المصدر ما عليه شبهة لاحظ إني أضفت عبارة مادام أذنت بالنشر لأني متأكد إنه دودي لا يمكن يسرب محادثات شخصية غير مأذون له بنشرها في العام بالتالي التصريح الأخير بعتبره إفادة من مريم .. نعم كان العشم في أكتر من كدة لكن مافي سبب بخليني أرفضه أعرف إنه محمد دودي منظم في الحزب، وما جربت عليه الكذب من قبل، بالتالي يصبح التصريح إفادة مؤكدة من مريم الصادق ما لم تنفها
يا زول هوي أنا لمن وزعوا المكابرة كنت غايب .. والله صحي :)
Post: #164 Title: Re: على السيدة مريم المهدى ، رفع دعوى ضد السيد Author: Haytham Ghaly Date: 12-13-2021, 10:46 AM Parent: #163
غايتو من متابعتي للبوست دا اتضح الاتي
ود البشرى خايف ينصدم في بت المهدي لانو مستبعد انها ممكن تكون فاسدة مالياً يوم من الايام لذلك اذا سبت فسادها حا تكون دي بمثابة صدمة بالنسبة ليهو
احمد محمد عمر ومولانا حافظ ما هاميهم فسادها من عدمه لانو كلو واحد عندهم لكن الهاميهم اكتر هو احترام المسؤول لعامة الشعب بالذات في وضع بت المهدي ووضع البلد المقبلة على انتخابات
المستنير مستمتع بالجدل والغلاط لانو اصلاً زول دايماً غلباوي وغالات وبرضو ما بهمو اذا كانت فاسدة وللا ما فاسدة لانو الامر عندو سيان في النهاية هي تحمل ذات جينات المسؤولين السودانيين التي تمتاز باللتاخة والتكبر البلا سبب
دكتورة اخلاص طبعاً درق ستها .. دفاع مستميت سواء على حق او على باطل المهم بت سيدنا الامام فوق كل الشبهات والبقول غير كدا كافر يستحق العقاب وسنحشره يوم القيامة اعمى
رايي الشخصي: مريم الصادق مفترض ترد رد رسمي في كل مواقع التواصل يا ود البشرى عشان ما تجي تقول وين وما تخصص قروبات الصفوة الثورة الجابتها وزيرة خارجية ما قادوها الصفوة قادوها شباب عامة الشعب وبواسطة وسائط التواصل الاجتماعي الانتشر فيها الفيديو محل النقة دا
في الفترة الفاتت كل الاحزاب والكيانات بترد ببيان رسمي على كل الشائعات التي يتم تداولها في وسائط التواصل الاجتماعي وبياناتهم دايماً بتبدأ بعبارة : طالعنا في وسائط التواصل الاجتماعي كذا وكذا .. اشمعنى دي بالذات ما ردوا عليها بصورة رسمية تنفي صحة هذا الفيديو المتداول؟
ولكن لن تتواضع السيدة مريم بت الصادق ود المهدي الكان منتظر فهي رضعت العنجهية والتكبر ثدي عن ثدي وتظن انها فوق كل الشبهات وان آل المهدي خلقوا لكي يحكموا فقط ولا ياتيهم الباطل لا بين يديهم ولا من خلفهم فهم اصحاب الحضرة حضرة الرسول ذات الاوامر الدينية العارفنها كلكم
غايتو السودان يحلو الحلا بلة
Post: #165 Title: Re: على السيدة مريم المهدى ، رفع دعوى ضد السيد Author: محمد البشرى الخضر Date: 12-13-2021, 11:24 AM Parent: #164
اضيف دي يا غالي هيثم غالي قارش ملحة الامام رحمه الله و ذريته كالعادة و عايو تلوثهم بأي طريقة بالحق او بالباطل :)
Post: #166 Title: Re: على السيدة مريم المهدى ، رفع دعوى ضد السيد Author: كمال عباس Date: 12-13-2021, 01:18 PM Parent: #165
بالمناسبة برهان لم يكن أقدم ضابط في الجيش حينما تولي منصب القائد العام ورئاسة المجلس العسكري هناك من كان أقدم منه وهو. ... الفريق أول ركن هاشم عبد المطلب أحمد رئيس الأركان المشتركة السابق الذي تم تخطيه لصالح برهان
