فيديو مسرب لحساب بنكي في دبي لسياسية سودانية بارزة تمتلك أكثر من 18 مليون دولار !!

05:06 AM December, 06 2021

سودانيز اون لاين
Elhadi-
مكتبتى
رابط مختصر

ما صحة الفيديو المنسوب لحساب يظهر في الفيديو أنه لسياسية سودانية بارزة شغلت منصباً مهماً في حكومة قحت التي أطيح بها في انقلاب 25 أكتوبر

هل التسريب صحيح ؟؟

ولو صحيح

هل الفيديو هو محاولة للابتزاز للسياسية المعنية والتي اتخذت (على الأقل في العلن) موقفاً يبدو حتى الآن مغايراً لموقف قيادات في حزبها من اتفاق البرهان حمدوك ؟؟

الفيديو وين والسياسية اسمها شنو يا الهادى. دا زمن الشفافية وقـد الرهيفة.. والشباب صدورهم عارية للرصاص.. وماتو.
تعرف الجرايــة؟ هى القراصـة الما ناضجة تماماً.. يدوها للمساجين يقوموا يولعوا ليها نار تانى ويتجضوها.

Closing Balance

$18.349.998.00


هذا ما يظهر في نهاية مقطع الفيديو الصغير ، والذي لا أدري من الذي سربه ولا صحة الوارد فيه

على العموم و اضح انو ده شغل ضرب تحت الحزام

أول أسمك ميم وآخر أسمك ميم
لا بجيبوا الفقرا لا بعالجو حكيم

بجيك المفتش قرمبع
الأيام دي أخلاقو ضيقة
عادي ممكن يقول ليكم
خلوا العبط دا

العندو الفيديو وعنده إعتبارات مسؤولية وحاجات بالشكل دا يرمى لى سطر فى المسنجر وارسل ليه الواتساب.. لو رسل لى الفيديو انا انشره وأتحمل مسؤوليته.

شكرا يا الهادى لكن ما عندى حساب فعال على الفيسبوك أو تويتر.. واتساب فقط والمنبر دا.. كل ما عندى فى وسائل التواصل الإجتماعى.

قبل كده احد السودانيين ، سرب معلومات من بنك اماراتي تخص مسئول سوداني

تم سجن السوداني 25 سنه و فصل و سجن من له علاقة من موظفي البنك

الامارات لا تتلاعب في الجرائم المعلوماتية

اشك في صحة الفيديو انه من أحد البنوك الاماراتية

الامارات شرسه جدا في حماية المعلومات البنكية

سلام

الفيديو يبدو أنو فيهو شخصين يتحدثان همساً مع بعضهما البعض

ويبدأ بتصوير البنك من الخارج وصولاً لمكتب الموظف الجالس على الكمبيوتر

لا أعتقد أو لا أرجح أن هذا مجرد تسريب فردي من مجرد موظف فقط ـ للكلام الذكرتو فوق ده ـ ولأنو الموظف الشغال في البنك على الأرجح يعلم عواقب هذا الأمر

هذا الفيديو على الأرجح غرضه الابتزاز

أرجح أن السلطات الاماراتية نفسها تقف وراء هذا الأمر ـ ولكن طبعاً سيجعلوا الكل يعتقد أن التسريب قام به مجرد موظف في البنك لغرض شخصي وخلاص

ما في زول فرد بيكون عاوز يجيب لي نفسو الهواء بالطريقة الفاضحة دي خصوصاً في دولة زي الامارات

ده رأي الشخصي غايتو وتحليلي ـ احتمال أكون غلطان

لكن أنا شايف في الفيديو أكثر من كونه تسريب فردي من موظف ـ

خصوصاً مع توقيت التسريب كمان والظروف والتداعيات السياسية الحالية في السودان والضالعة فيها الامارات بصورة مباشرة وسافرة

ولا أجزم بصحة الفيديو أو المحتوى بالقطع ودقة البيانات المأخوذة من الحساب والواضحة في الفيديو ـ لكن حتى لو كانت مفبركة فده بالقطع ما شغل زول فرد ساكت

منو عندو قروش زي دي عشان يودعها في حساب بنكي عشان فقط يصوره ـ أو يتلاعب بحساب مصرفي لفرع بنك مثل HSBC

Quote: HSBC Holdings plc is a British multinational investment bank and financial services holding company. It is the second largest bank in Europe behind BNP Paribas, with total equity of US$204.995 billion and assets of US$2.984 trillion as of December 2020.

أعتقد على البنك فتح تحقيق في الحادثة والرد بشفافية على ما ظهر أنه حساب لوزيرة الخارجية السودانية والسياسية البارزة مريم الصادق المهدي

الفيديو على الأرجح غرضه (الابتزاز)

والقصة دي ما أظن بعيدة عن التداعيات السياسية الحاصلة في السودان والموقف (المعلن) للسيدة مريم الصادق المهدي منها

هكذا أرى الأمر من وجهة نظري الشخصية المتواضعة

الان ما فهمت المشكلة شنو
زول عندو قروش في البنك وسحبها
الغلط وين ؟ انو عندو قروش ولا سحب القروش
ارض سجمانة في شارع سجمان بكذا مليون دولار
وشقة علبة كبريت برضو .
الا لوسارقها اما لو ادوها ليها هم متورطين
يعني يبتزوا روحهم ، نحن رشيناكم واسمعوا الكلام
هي دي قروش لي تريليناتهم.
وال بستلم مرة ممكن تاني

الواحد بيزعل اما الناس تفتكر الشعب اهبل

امن البشير ال رجعوا برهان البليد
او في فائدة كان البشير قاااعد.
ده جهاز فاشل والذي أنشأه يقبع
في السجن.

عودة الجهاز هي الكارثة
لازينفع الحل والتسريح بدليل الان رجعوا
لا يحل الجهاز ولكن يراجع المفسدين وعقيدة
الجهاز وان استدعي الامر محاسبة اكثر
من 70 % منهم

محاكمة الجهاز وطلب الهاربين بالبوليس
الدولي واجب الساعة.
من اعادهم هو الانقلابي برهان وحميدتي

HSBC
العند العروب ديل م عنده علاقة بي البنك التاني البريطاني
عن تجربة في التعوسية.
عندهم علاقة بي البنك الاسيوي لكن م اعتقد نفس النظام
البريطاني ولا نفس القوانين. شركة مالية تتبع لHSBC فرع اسياء.

فلذلك اللعب والحقد وحركات العروب كلها ممكن تحصل فيه.
بعدين
موش هي سليلة ال المهدي؟ لو فرضنا انو دي قروشها من السهل انها
نثبت اصولها .
العروب حقدهم علي السودان عاوزينه يتفكك حتة حتة وهم يلقطو البقع منو .
الله يخرب بيت ترمب وابو اهله الاداهم تفويض علي بياض للسودان
اسي هم مفتكرينه حقهم . والله يحرق ابو اهل عمر البشير والترابي وال دقلو اجمعين.

Quote: قام البنك السعودي البريطاني (بنك سـاب) و (إتش إس بي سي آسيا هولدنج بي في) بإنشاء أول بنك استثماري متخصص في المملكة يقدم كافة الخدمات ومرخص بموجب نظام السوق المالية. شركة إتش إس بي سي العربية السعودية هي شركة سعودية مساهمة مقفلة ومقرها الرئيسي في مدينة الرياض. تاريخ الترخيص:1426/10/17 الموافق 2005/11/19 تاريخ مزاولة الأعمال: 1428/10/15 الموافق 2007/10/27 رأس المال المدفوع: ٥٠٠،٠٠٠،٠٠٠ ريال سعودي السجل التجاري رقم: ١٠١٠٢٢١٥٥٥ تاريخ 1427/06/27 الموافق: 2006/07/23 معلومات الشركاء: - شركة إتش إس بي سي آسيا هولدنج بي في - البنك السعودي البريطاني

الاقتباس من صفحة من نحن ل HSBC العربي

أنا ما عارف زاتو زول عندو قروش قدر دي ( أياً كان الزول) كيف يثق في الأنظمة المصرفية في البلدان المحكومة بأنظمة شمولية وديكتاتورية وعشائرية ؟؟

يعني لو فرضنا صحة امتلاك مريم الصادق لهذا الحساب ـ بارتياح كان يمكنها وضع المبالغ المهولة دي في البنوك البريطانية في بريطانيا الأم ذات نفسها

دبي شنو وسجم شنو

ده يعني بافتراض انو أصل القروش مشروع أساساً فكان يمكن بسهولة جداً اللجوء لأنظمة مصرفية أكثر أماناً وأكثر شفافية ومصداقية

أعتقد في جملة كتيرة من الأسئلة المهمة بيطرحها الفيديو المسرب فيما لو صح أو لم يصح

إذا صح الفيديو فأنا بشوف فيهو سذاجة منقطعة النظير

في زول يخت قروش قدر دي في بنك في دبي ؟؟ وهو عندو الإمكانية (باعتبار المكانة المرموقة اجتماعياً وسياسياً لصاحبة الحساب) لوضعها في نظام مصرفي أكثر مصداقية ـ أكثر شفافية ـ وأكثر وثوقية ؟؟

إذا لم يصح فده يبقى موضوع آخر ومبحث آخر

يعني بس هبل بس ما قادر اشوف تعريف تاني

نسسيت برضو اذكر النقطة دي وانت ذكرتها ..
ايوة ال المهدي عندهم حسابات في اوروبا واملاك كمان .

هي اسرة غنية وكل ممتلكاتهم بترجع بي اصولها يعني ساهل جدا تتعقبها

الصادق المهدي رغم مسكنته السياسية بس كان واعتقد اولادة الا الطيرة الضابط داك
كلهم محترمين وغير حرامية . ممكن يكون سياستهم تعبانة لكن ما سرقو.
حتى تعويضات ال المهدي ف زمن الديمقراطية اعتقد انها كانت حقوق مستردة بالقانون.

الحرامية معروفين ف السودان بس السودانيين (طيبين اوي اوي )

اسهل التعامل والسحب من دبي
السفر ساعتين ، يعني مشوار الطريق .
بنك ساب في التعامل حسب التجربة
سئ ومرة حصلت لي معاه مشكلة اشتكيت
ما لقيت حق ، حتي الشكوي ما اهتموا وقالوا
اراجع فرع في دولة اخري وراجعت وضيعت
وقت وفلوس ، هم زفت بس الواحد احياناً
يكون مجبور

قايتو جنس هباله وعباطه؟
يعنى تكون سرقت القروش دى من وزاره الخارجيه؟ طبعا ده مستحيل لانها وزاره مافيها قروش ...احتمال كبير تكون سرقت القروش دى مع جبريل وزير الماليه بعد الانقلاب لو تتذكروا القروش التى تم تحويلها من بنك السودان

المهم
عشان كده نحن لن نتقدم ولا شبر نتيجه للحقد والحسد ونشر اى معلومه حتى ولوالفرد منا تاكد من كذبها ميه فى الميه ما دام حتجرج خصومنا الوهمييين

التحويلات هذه كلها فى الشهر الفات أو القبله.. يعنى أمريكا عارفاها لأن أى دولار يتحول من حساب لحساب لازم يمر عبر مقاصـة نيويورك. مافى طريقة.. شخصيا أقول الله يزيدها