Post: #2
Title: Re: مباشر مع .. خالد عمر يوسف وزير شؤون مجلس ال
Author: Yasir Elsharif
Date: 12-02-2021, 12:27 PM
Parent: #1
الحمد لله على سلامة خروج السيد خالد عمر يوسف..
لقاء ممتاز وفكر واضح ومواقف أكثر وضوحا
تحياتي حسن وشكرا لك
|
Post: #3
Title: Re: مباشر مع .. خالد عمر يوسف وزير شؤون مجلس ال
Author: هدى ميرغنى
Date: 12-02-2021, 01:19 PM
سلام وتحايا ~
كتبت التعليق دا فى بوست مجاور
خالد يوسف (حمدا لله على خروجه سالما من معتقلات القتلة) ، واضح إنه لسه ما استوعب مسألة إنه الشارع إتجاوزهم ..
بعدين قصة "طبقة السياسين" القالها دى عجيبة شديد ومزعجة كمان .
|
Post: #4
Title: Re: مباشر مع .. خالد عمر يوسف وزير شؤون مجلس ال
Author: Yasir Elsharif
Date: 12-02-2021, 09:58 PM
Parent: #3
تحياتي هدى ميرغني
نعم، الشارع متقدم جدا على القادة السياسيين في السودان عموما، ولكني أظن أن خالد يوسف ، بهذا اللقاء تحديدا، أثبت أنه من السياسيين الجديرين بالتقدير.
في تقديري ، استخدام خالد عمر لعبارة "طبقة السياسيين" لا أظنه يقصد بها المعنى الحرفي لطبقة، وإنما يقصد بها مجموعة من الشعب وإليه.
|
Post: #5
Title: Re: مباشر مع .. خالد عمر يوسف وزير شؤون مجلس ال
Author: هدى ميرغنى
Date: 12-03-2021, 01:10 PM
Parent: #4
سلام للجميع~
دكتور ياسر كتبت الرد دا فى البوست الآخر:
"تحياتى وكثير التقدير دكتور ياسر~
قبل ما أقول رأى حول موقف خالد عمر يوسف وغيره..
لازم أطرح قناعتي الثابتة هنا إنه الإنقلاب والاستيلاء على السلطة مجهز وماشى من أبريل 2019| وكل كلام القتلة البيرددوا فيه عن مجموعة استولت على السلطة وخلافه مواصلة لسلسلة نفاقهم والشعب السودانى عارف كل الحقائق .
بعد كدا عايزة أقول
حقيقة خالد سلك إتكلم كثير لدرجة صاحب البرنامج طلب منه كم مرة إنه يختصر|، وحاول يلتف كثير على بعض الإجابات لدرجة أنه ما قدر يشرح أو قصد ما يوضح إنه عايز من حمدوك شنو!
إضافة لأنه ما نفى فكرة إنه لو حمدوك طلب منه يرجع حيمشي معاه| كنت متوقعة إجابة واضحة وكنت كمان آمل فى رد قريب من "لا يمكن أن أكون وزيرا فى هذا النظام".
شايفة أيضا إبراهيم الشيخ كما جاء فى ملخص بالراكوبة إنه قال فى ما معناه عايز الوضع يرجع لما قبل 25 أكتوبر.
أنا قصدت أخ ياسر بانه الشارع إتجاوزهم - مش تقدم الشارع وبس . إتجاوزهم بمعنى إنهم ما قدموا أى شئ مفيد للشعب السودانى وإنهم صمتوا على تجاوزات القتلة وممارساتهم حتى آخر الأيام، فشنو رحمة بالشعب السودانى عايزين أفراد من قلب الشارع السودانى* ، آفراد ينزلوا ويتفاهموا مع الناس من غير تعالى وإنه يوم ما ينسوا إنه دورهم خدمة الشعب السودانى مش إخفاء المعلومات والبعد عنه.
* الشهيد السبعينى له الخلود فى دفاتر التاريخ مع الأبطال (منطقة شمبات) كان زائرا من عطبرة ، خرج مشاركا ومدافعا عن الثوار ولحظة استشهاده كان بيوزع فى الموية على الثوار. نحن عايزين وزراء لا يقل إنتماءهم للشعب عن هذا الشهيد."
|
|