Post: #1 Title: أحد ضباط الجيش الشرفاء تنبأ قبل اكثر من 20 سنة بان الإنتماء للجيش سيكون عار على صاحبه Author: محمد علي البصير Date: 11-29-2021, 08:34 AM
أحمد عثمان كان ضابط برتبة عميد بالجيش السوداني ـ الدفعة 25 ـ وأول الدفعة ـ
قبل أكثر من 20 سنة تنبأ العميد أحمد عثمان (رحمه الله) بأن الإنتماء للجيش سيكون عار على صاحبه يوماً ما
حديث العميد أحمد عثمان عن مستقبل الجيش أتى في سياق حواره مع ابن أخيه الطالب ياسر طوكر المتطلع للإلتحاق بالكلية الحربية والذي حكى تفاصيله في السرد التالي :
Quote: لرحمه والمغفره لشهداء الثوره في الصوره المرحوم العميد احمد عثمان عمي شقيق الوالد الخلاني انزل الصوره دي حاجه حصلت لي معاهو سنة ٢٠٠٠ قبل وفاته بسنتين وانا شاب ممتحن شهاده سودانيه وكنت ارى في عمي احمد الشخصيه والهيبه والراي السديد( هو اكبر اعمامي ويصغر الوالد مباشرة ) فكنت متاثر بيهو وكان عندي رغبه قويه في دخول الكليه الحربيه المهم ونحن بنفطر في منزل جدنا في الفتيحاب عمتي قالت ليهو سمعت ياسر قال عايز يخش الكليه الحربيه اتلفت لي قال لي وبلهجته الحاسمه يا ياسر شيل الفكره دي من راسك هنا اتدخلت حبوبتي الهي والدته قالت ليهو ليه الجيش حاجه محترمه وهيبه ما متذكر يا احمد لمن انت اتخرجت ضابط قاليها داك كان زمنا لكن الشي الماشي عليهو الجيش حيجي يوم وما حيكون في هيبه ولا شي ، الناس ديل خربوا الجيش وانا خايف ليك يا ياسر يوم تمشي وتكون مدنقر راسك من الناس المهم لاحقا اصريت وقدر هو والوالده يثنوني عن القرار ده الله يرحمو ويغفر ليهو كان شايف مستقبل الجيش وانو حيكون الانتساب ليهو عار
رحم الله العميد أحمد عثمان ـ تلاشي أمثاله من الجيش هو ما أوصلنا لما نعانيه اليوم من كوارث البرهان وحميدتي و ما حولهم من الخونة والعملاء غير المبالين ببيع الوطن للطامعين والأعداء
Post: #2 Title: Re: أحد ضباط الجيش الشرفاء تنبأ قبل اكثر من 20 � Author: محمد علي البصير Date: 11-29-2021, 08:37 AM Parent: #1
ويواصل ياسر السرد :
اللهم امين يارب حتى ملابسات وفاته لم تكن طبيعيه تم ابعاده من الخرطوم ومن ثم ابعدوهو لسوريا وماقعد فيها ولا يومين اليوم الثالث من وصوله اصيب بجلطه دخل بها العنايه وعاد محمولا على نعش
Post: #3 Title: Re: أحد ضباط الجيش الشرفاء تنبأ قبل اكثر من 20 � Author: محمد علي البصير Date: 12-06-2021, 09:38 AM Parent: #2
Quote: داك كان زمنا لكن الشي الماشي عليهو الجيش حيجي يوم وما حيكون في هيبه ولا شي ، الناس ديل خربوا الجيش وانا خايف ليك يا ياسر يوم تمشي وتكون مدنقر راسك من الناس
Post: #4 Title: Re: أحد ضباط الجيش الشرفاء تنبأ قبل اكثر من 20 � Author: محمد حمزة الحسين Date: 12-06-2021, 05:10 PM Parent: #3
الجيش مؤسسه محترمه وما زال بخير يكافح في ظروف تنكر من بني جلدته وزغب فراخه...
Post: #5 Title: Re: أحد ضباط الجيش الشرفاء تنبأ قبل اكثر من 20 � Author: محمد حمزة الحسين Date: 12-06-2021, 05:13 PM Parent: #4
Post: #6 Title: Re: أحد ضباط الجيش الشرفاء تنبأ قبل اكثر من 20 � Author: محمد حمزة الحسين Date: 12-06-2021, 05:14 PM Parent: #5
Post: #7 Title: Re: أحد ضباط الجيش الشرفاء تنبأ قبل اكثر من 20 � Author: صديق مهدى على Date: 12-06-2021, 06:06 PM Parent: #6
محمد حمزة الحسين كما قال دينق اختشى ياخ انتوا خليتوا جيش ما كله عملتوه ملشيات انشاء الله تنشل اياديكم امين
Post: #8 Title: Re: أحد ضباط الجيش الشرفاء تنبأ قبل اكثر من 20 � Author: Asim Ali Date: 12-06-2021, 07:02 PM Parent: #7
سلام عليكم الكلام داذكرنى قصه حكاها لى قريبنا لحديث ليهو مع خالى (بنفس الموضوعحول دخول الكليه الحربيه) خالى كان ضابط بالجيش من الضباط الفنيين(دخل بشهاة الجامعه فى اوائل السبعينات مع ضباط جامعيين اخرين لتاسيس المؤسسه التعاونيه للجيش لخدمه منسوبى الجيش ). لجاءليهو قريبنا بعد نيل الشهاده السودانيه وشهادتو كويسه خالنا نظر لشهادتو -ونسبتو- وقال ليهو تمشى تقدم المعهد الفنى تقرا هندسه وبعد ماتخلص وتاخد شهادتك لوداير تدخل الجيش انا بساعدك بالممكن عشان تدخل. قريبنا (فى الحسبه خالى) قالى دخلت هندسه مدنيه وكملت قرايه وطار من راسى موضوع الجيش وكان وقتها مهندس بالرى . وحسب فهمى لخالنا معايشتى ليهو عن قرب انو يرى انو العسكريه الحقيقيه لام تكون مسلح فيها بالوعى والعلم
Post: #9 Title: Re: أحد ضباط الجيش الشرفاء تنبأ قبل اكثر من 20 � Author: منتصر عبد الباسط Date: 12-06-2021, 11:20 PM Parent: #8
تقصد يعني مافي داعي للجيش ونصبح دولة بدون جيش قومي؟!!! ول يحولو الجيش لغفراء لحراسة كوادر حزب البعث والشيوعي والناصري والمؤتمر السوداني والاتحادي المعارض وهكذا عشان يرضو على الجيش غايتو وجنس غايتو!
Post: #10 Title: Re: أحد ضباط الجيش الشرفاء تنبأ قبل اكثر من 20 � Author: محمد علي البصير Date: 12-07-2021, 12:07 PM Parent: #9
Quote: الجيش مؤسسه محترمه وما زال بخير يكافح في ظروف تنكر من بني جلدته وزغب فراخه.
نحن نفخر جداً بجيش كان يشرفه أمثال صديق الزئبق والشلالي ومحمد عثمان كرار وحتى جيل ناس محمد صديق وحامد
أما جيشكم من 89 ـ الذي افضى لمحموعة العملاء والخونة الذين يتحكمون في مصير البلد اليوم و وبيعها للموساد والروس وغيرهم جيشكم الذي يخضع بالولاء التام لفريق خلا لا يملك أدنى مؤهل عسكري وتؤدى له التحية العسكرية من الفرقاء واللوات والعمداء !!! جيش يتواطى مع العميل ترك ويترك على الحبل على الغارب اكثر من شهر وتغلق مؤانئ البلد تحت بصره ولا يحرك ساكناً !!!
جيش قتل أمام بواباته مئات من خيرة شباب الوطن وأغتصبت الفتيات وهو يوصد أبوابه حتى يتيح لهم فرصة النجاة
عن أي جيش تتحدث يا كوز ؟
نحن نفخر بجيشنا ونحترمه ولكن أمثال البرهان وحميدتي وكباشي هؤلاء مجموعة كيزان تسللت على غفلة داخل المؤسسة العسكرية لن يجدوا منا إحترام
Post: #11 Title: Re: أحد ضباط الجيش الشرفاء تنبأ قبل اكثر من 20 � Author: محمد علي البصير Date: 12-07-2021, 12:09 PM Parent: #10
Quote: تقصد يعني مافي داعي للجيش ونصبح دولة بدون جيش قومي؟!!! ول يحولو الجيش لغفراء لحراسة كوادر حزب البعث والشيوعي والناصري والمؤتمر السوداني والاتحادي المعارض وهكذا عشان يرضو على الجيش غايتو وجنس غايتو!
أنطم يا كوز
مثلك لا يناقش
Post: #12 Title: Re: أحد ضباط الجيش الشرفاء تنبأ قبل اكثر من 20 � Author: منتصر عبد الباسط Date: 12-07-2021, 01:38 PM Parent: #11
Quote: أنطم يا كوز
مثلك لا يناقش
شكلك من النوع البرمي كلامو في البور وبغادر دون قراءة كتابات ومواقف الأعضاء الآخرين وإلا لعلمت أنه لم يكتب أحد ما كتبت أنا منذ انضمامي لهذا المنبر في نبذ والتشنيع بنهج الكيزان أو أنك تستخدم كلمة كوز فقط لتقذف بها على كل من خالفك الرأي!! ثم أبشر ،الكيزان داعمين مسعاكم دا بقوة لهدم الجيش القومي.
Post: #13 Title: Re: أحد ضباط الجيش الشرفاء تنبأ قبل اكثر من 20 � Author: محمد علي البصير Date: 12-08-2021, 09:30 AM Parent: #12
Quote: شكلك من النوع البرمي كلامو في البور وبغادر
يومياً أتواجد بالبورد وارد على كل متداخل وطني متجرد و واتجاهل أي كوز مغرض
Post: #14 Title: Re: أحد ضباط الجيش الشرفاء تنبأ قبل اكثر من 20 � Author: محمد علي البصير Date: 12-08-2021, 09:37 AM Parent: #13
Quote: أو أنك تستخدم كلمة كوز فقط لتقذف بها على كل من خالفك الرأي!!
هو الكوز دا الا يعملوا ليه حفل تنصيب؟
أو يعلنوه في الجريدة الرسمية ؟
الكوز ياهو نوع كتاباتك المشاترة دي ↓
Quote: ثم أبشر ،الكيزان داعمين مسعاكم دا بقوة لهدم الجيش القومي.
تقصد يعني مافي داعي للجيش ونصبح دولة بدون جيش قومي؟!!!
Post: #15 Title: Re: أحد ضباط الجيش الشرفاء تنبأ قبل اكثر من 20 � Author: محمد علي البصير Date: 12-08-2021, 10:36 AM Parent: #13
Quote: أو أنك تستخدم كلمة كوز فقط لتقذف بها على كل من خالفك الرأي!!
هو الكوز دا الا يعملوا ليه حفل تنصيب؟
أو يعلنوه في الجريدة الرسمية ؟
الكوز ياهو نوع كتاباتك المشاترة دي ↓
Quote: ثم أبشر ،الكيزان داعمين مسعاكم دا بقوة لهدم الجيش القومي.
تقصد يعني مافي داعي للجيش ونصبح دولة بدون جيش قومي؟!!!
