Post: #2 Title: Re: برمة ناصر: إساءة الاحزاب الثلاث للجيش من ا Author: محمد البشرى الخضر Date: 11-26-2021, 02:10 PM Parent: #1
يعني يا برمة دا تبريرك للانقلاب! لنفترض جدلا انو حصلت اساءة في التراشق الحصل بعد انقلاب المدرعات هل الرد على البرهان يعتبر اساءة للجيش! طيب رايك شنو في كلام عروة الصادق - ولدكم - في لفيديو دا:
Post: #3 Title: Re: برمة ناصر: إساءة الاحزاب الثلاث للجيش من ا Author: محمد البشرى الخضر Date: 11-26-2021, 02:14 PM Parent: #2
ورايك شنو في تسجيلات صلاح مناع - حزب امة ولدكم برضو - الاتهم فيها البرهان و نائبه بكل مثالب الدنيا الممكنة! و الاهم من دا هل نفهم انه انتو - حزب الامة - ما مبتعدين وغازين عودكم في الحكومة الانقلابية! طيب موقفك شنو كرئيس مكلف لحزب تخرج بياناته تدين ما تفعله و ما تبرر به و حزبك قيادي في تحالف برضو يدين ما جرى و يجري ونتج عن ما قدته من مبادرات! شنو لعب التلات ورقات دا! ما بنوري الحزي يعمل وما يعمل شنو لكن دا وضع غريب و معيب, رحم الله السيد الامام و غفر له, لم يحسن اختيار لا نائب لا أمين عام
كيف ود البشرى الزول ده لواء ، يعني جيش ف لو اتحسس مفروض نعرف في فرق في طرق التفكير ، الجيش ده دلعنا شديد
Post: #5 Title: Re: برمة ناصر: إساءة الاحزاب الثلاث للجيش من ا Author: عبدالعظيم عثمان Date: 11-26-2021, 02:50 PM Parent: #4
برمة ناصر يورط حزب الامة ويضع الحزب العريق في مكان ما بيشبه تاريخ نضال الاحباب
وبيفسر السؤال عن لماذا لم تعتقل سلطة الانقلاب كوادر حزب الامة ؟ بل لماذا لم يقوم البرهان بإعفاء كوادر الحزب من الخدمة المدنية وتحديداً المدراء كما فعل مع كوادر التجمع الاتحادي الذي ظل البرهان يطارد فيهم حتى قام بفصل مدير التامين الصحي بولاية الخرطوم
برمة ناصر غايتو درعها درعة بعين قوية
Post: #6 Title: Re: برمة ناصر: إساءة الاحزاب الثلاث للجيش من ا Author: Salah Zubeir Date: 11-26-2021, 03:09 PM Parent: #5
Quote: وتحديداً المدراء كما فعل مع كوادر التجمع الاتحادي الذي ظل البرهان يطارد فيهم حتى قام بفصل مدير التامين الصحي بولاية الخرطوم
هههههههههه ... تقول لي التمكين صناعة شيوعية وممارسة كيزانية فقط ... زي ما قاعد أقول .. الحكم والسلطة في السودان (غنيمة) ... من يمتلكها فعليه بنفسه وعشيرته فقط ... عكس ما يحصل في كل بلاد الدنيا ...