الكنداكــة دى منو؟ (فيديو نار مولعــة)

06:58 PM November, 25 2021

سودانيز اون لاين
Abureesh-
مكتبتى
رابط مختصر

الله يحفظها ويعمى عنها عين المجرمين

الكنداكة شاهيناز جمال

شاهيناز اثبتت انها كنداكة ١٠٠ في ١٠٠
....اثبتت ان السودان بخير وعافية ...
والمجد والعزة والكرامة للوطن ...

بالمناسبه وين ايقونه الثوره (المصنوعه) الاء صلاح ؟

وليييه تصفها بانها مصنوعة يا عاصم ..
فقد كانت كنداكة حقيقية ....ووقفت وقفة ابطال خلال الثورة ...
والناس حسدوها ساكت لان الاعلام العالمي اهتم بها ....
والتحيات النواضر لها حيثما كانت ...

Quote: وليييه تصفها بانها مصنوعة يا عاصم

موقف يعرفه زملائها فى الجامعه ايام الاعتصامات عن العمل والدراسه
فى خطاب الامم المتحدهه عباره انها (كانت ترى معاناه الشعب من نفذه سيارتها فى الطريق الى الجامعه)
المشهد اللى قدمها كايقونه جات جاهزه لجلسه تصوير (زي اى موديل لماركه تجاريه)
وين هى الان فى خضم الحراك بعد كل التلميع الاعلامى
مفروض تكون ايونه الان برضو
الايقونه الحقيقيه هى مثال امانى وشهيده الوطن ست النفور ورفقه(رغم انو فى كلام عن موقف غريب عن الشارع ) لكن دى نماذج كنداكات من رحم الشارع كايقونات للثوره
وياهو دا شفنا جنس حمدوك من العدم دردقو لينا الكيزان بالترشيح فى حكومه ايلا ورفض وعاطفيه الشعب قدمتو عشان يجى يخذل الشعب

أخ عاصـم والله مستغرب من كلامك الفوق دا..
آلاء صلاح فى جلسة تصوير؟!! ياخ حرام. جلسة تصوير فوق سيارة وبارزة لكل القناصة الذين كانوا يطلقون الرصاص على كل من يشتبه لقيادته للحراك؟ نحن شفناها فى موقف وحد وهى تضرم نار الثورة
وتشحد همم الثوار فى الميدان.. وتتصدرهم معرضة نفسها لكل أنواع المخاطر. أما رأى زملائها فى الجامعة وماذا قالوا عنها فلا يهمنا.. ليس من راى كمن سمع. ولو صارت أيقونة ومشهورة عالمياً فيجب أن نفخر
بأن إمرأة سودانية ثائرة يعترف بها العالم مثلما نتفاخر بأول أمرأة برلمانية فى الشرق الأوسط.. قارن هذا بالمرأة فى الشرق الأوسط التى لا حقوق سياسية أو حتى إجتماعية لها حتى اليوم.

اوتاني، او للمرة الالف:

هل ده صدفة؟

كيف امكن هذا؟

نعم، ناقصة العقل والدين، "الحرمة"، "المرا" تكون هي محرك، ملهم، قائدة هكذا حراك؟

اها تاني خلي واحد ذكوري يجي او يساوي "رجالة"، "ضكرنة"، "فحل" وما اليه من مفردات ادبيات، وعي الاسترقاق الذكوري!!

قنا ليكم لن ينصلح حال السودان، مالم تتولي امرو الســـــــــودانية، ام السودان، والحياة المنظمة علي سطح هذا الكوكب!!!

يا ابوالريش، كجمهوري، رسالة اخر رسل امون، م،م، طه، الغير مرسلة المتصلة بتقديم السودانية، وصلتك؟

بشاشا
السلام عليكم ورحمة آمون وبركاته
أقرأ مداخلتى الأخير اللى فوق مداخلتك مباشــرةً

الاستاذ ابو الريش
قلت فكفيت وافيت ولا نزيد ....
فعلا كانت فوق سيارة ومكشوفة للقناصة ولم تخف والهبت مشاعر الثوار ...
والتحيات النواضر لها حيثما كانت...

Quote: قلت فكفيت وافيت ولا نزيد .... فعلا كانت فوق سيارة ومكشوفة للقناصة ولم تخف والهبت مشاعر الثوار ... والتحيات النواضر لها حيثما كانت...

هل عندك معرفه بعطائها الثورى -مقارنه يالثاثرات من رحم الشارع- خلاف لحظه التلميع الاعلامى لليتم تجاوز الكنداكات بشخصيه مختاره كوجه دولى وليه ؟؟؟ !!

Quote: قلت فكفيت وافيت ولا نزيد .... فعلا كانت فوق سيارة ومكشوفة للقناصة ولم تخف والهبت مشاعر الثوار ... والتحيات النواضر لها حيثما كانت...

اضافه تساؤل
هل انتى شايفه انو الكنداكات الاتعرضو للضرب واتصابو وجاتهم اعاقه من مواجهات الثوره وعرفتهم المعتقلات وبطولاتهم موثقه ايام الثوره وسط البمبان والضرب مش فى لحظات اتضاح الامور وحدوث تهدئه ماقبل ذهاب البشير- اقل من يكونو واجهه دوليه وهى الاحق منهم

اخ ابوريش
انت اخدت جزئيات من كلامى
-راى زملائها لموقفها من التصعيد ايام العصيان والاضراب عن الدراسه
-موضوع خطاب الامم المتحده يعبر عن انها كانت بعيده عن حقيقه نبض الشارع ولاعلاقه لها بالنضال الا ن كان حفظ وترديد القصائد نضال
-قناصه شنو ؟ وتحفيز شنو دى جات بعدد ما اتضحت الصوره -ارجع لتاريخ اطهورها - وهدئت الامور جايه بزينه دهب كامله عشان حلسه التصوير اما القنص والموت شافوه الناس مع الفجر -3ص- امش يوم 10 ابريل العصر !!
ظهرت من العدم لتستخدم اعلاميا على حساب الكنداكات الحقيقيات
والسؤال الاهم اين هى الان من مايحدث حتى لو لايف ؟؟؟
والاهم حتى الان لايعرف الناس عنها -رغم تلمعيعهم لها -- غير صورتها من هى وما عطائها قبل الثوره هل شمت بمبان خلى نقول اعتقلت او اتعرضت لضربمن الكجر
انا ضد انو الاعلام يفرض علينا نماذج كانهم الههلايجب ان نحاكم ماضيهم او متقبلهم ضمن مساحه القضايا اللى ظهروا

يا سيد عاصم علي ألاء صلاح
حينما وقفت تخاطب الإعتصام فعلت مافعله المئيات رجالا ونساء ولم تقصد
أو تعني أتت بشي متفرد لم تسبق عليه
لقطة الكاميرا ووضع المشهد ـ كان وضع مثالي إلتقطه الإعلام الخارجي والتقفه وروج له إعجابا
ـ وهذا ليس ذنب ألاء صلاح ـ
موقف ألاء من الثورة وأثناء كان جيدا ـ سبقه عليه الالاف وتلاها عليه الالاف
فهذه الثورة ليس لها رمز مقدس أو إيقونة واحدة ـ
فإن كان لابد من الأيقنة والتمجيد ـ فعليه أن نضفيه علي الشهداء والجرحي
........... ولكن هذا يجب أن ألا ينسينا حقيقة الدور الريادي والصدامي للمراة السودانية في الثورة السودانية

Quote: فهذه الثورة ليس لها رمز مقدس أو إيقونة واحدة

سلام عليكم
مشكلتنا اننا شعب يهوى صنع الهته بيده ولايهتم بالمبادىء والبرامج عاطفى وليس عقلانى
اى زول يجى يقول (ولا الضالين)يقول وراهم ( امين )
الاعلام اداه خطره صنعت فعلت مافعلت من قبل على التاريخ
لذلك انا ضد النظرللافراد (ربما تييد فى مواقف بعينها)لكن ليس على الاطلاق يكون عندى فلان او علان نجم عالى لايمس
والناس على العكس
ماعايز اختلفكتير مع الناس حول موضوع الاء صلاح
كل مايهمنى ويؤلمنى ان تسرق نضالات المراه السودانيه وعطائها الثورى ليختزل فى شخصيه الاء لتكون واجهه امام العالم
وغيرها من كنداكات النضال الحقيقيات احق منها كاريزما وحضور وعطاء ثورى .......الخ
تحياتى

Quote: -موضوع خطاب الامم المتحده يعبر عن انها كانت بعيده عن حقيقه نبض الشارع ولاعلاقه لها بالنضال الا ن كان حفظ وترديد القصائد نضال

يا عاصم أسألك بالله.. شاهد واستمع لكل قصائد الثورة وشعاراتها التى يرددها الثوار حتى يومنا هذا، اليست هى قصائد محفوظة يرددونها بلحن وإيقاع محفوظ مسبقاً؟ كثير من الكنداكات يقرأنها من الموبايل، يعنى
حتى ما حافظينها.. بعدين تظلمها لما تقول هى بس لبست وإتمكيجت وجات تأدى الدور التلفزيونى دا.. وأنا أهدى ليك الفيديو أدناه وحتشوف أنها كانت فى أكتر من مظاهرة.. وكلها كانت على الأرض مع الثوار وليست
على ظهر سيارة.. ظهر السيارة كانت الوحيدة المشهورة فقط. بعدين البنات اللى تعرضن للضرب وغيره هى كان ممكن جدا تكون واحدة منهن.. هل تعرضن للضرب بإرادتهم أم عرضوا أنفسهم للخطر مثلما عرضت؟
ولا تستطيع القول انها فقط ظهرت فى اليوم داك بعد الأمور هدأت.. أنت تتحدث عن حادثة واحدة ولكنك لا تعلم المرات الأخريات التى تظاهرت فيها.. شوف الفيديو أدناه عشان تعرف انها كانت فى أماكن كتيرة وبملابس
مختلفة.. وسترى انها كانت تسير فى الشارع وحدها حاملة علم السودان وتهتف. ثم أن الأيقونة دائما شخص واحد يا عاصم، يظهر بدون تخطيط.. ويفرض نفسه بأن يضرب المثل فى التضحية.. ممكن يكون كتار غيره طبعا وهى نفسها
فى الفيديو أدناه قالت ليست أيقونة.. ظروف الصورة ومئات الذين هتفوا خلفها وضعوها فى هذا الموضع.. أم انت تريد تكوين لجنة لتحديد أيقونة الثورة وتكون موضوع محاصصة !! بعدين هى بنت صغيرة ما عندها خبرة
ولم تدعى الخبرة فى الفيديو أدناه. وكلامها فى الأمم المتحدة وفى باريس كان يحتوى على شجاعة أدبية وثقة فى النفس يجب أن نشجعها لتكون كل السودانيات بذات المستوى. ما ممكن الغرب والشرق الذى كان يستهزئ
بتخلف السودانيين (خلى السودانيات) ما ممكن يقف مبهورا ومعجبا ومتواضعا بموقف المرأة السودانية ونحن السودانيين نقص أجنحتها.. حرام. تخيل لو كانت مصرية، هسى المصريين كان عينوها مندوبتهم فى الأمم المتحدة
بسنها الصغير دا.. عشان دا عندهم أكبر إستثمار فى قائدة كفؤ فى المستقبل وممكن بعد 10 أو 20 سنة يرشحوها لسكرتارية الأمم المتحدة لأن العالم كله عارفها.

السودانيون شعب حاسد ! لا يبرز أى شخص إلا يقوموا بحمل المعاول لتكسيره.

شكرا ابو الريش لهذا الفيديو الممتاز ....
والتحيات النواضر للكنداكة المناضلة الثورية الاء صلاح...
فهي حتى اذا انكرت انها ايقونة ثورة ديسمبر المجيدة فلا شك
انها احدى ايقونات الثورة ...وهي ساهمت وشاركت في الثورة
بكل جهدها ....
وربنا يديها الصحة والعافية ...

بالنسبة للعزيزة الاء صلاح لها التحية، اتعجب كما غيري من هكذا هجوم او تعدي سافر عليها، وهذا عجيب بحق.

الفايت علي ناسنا في السودان انو الصحافة العالمية، سر اهتماما بالمشهد القدمتو الاء، يتلخص في علاقة المشهد ده بي تاريخ كوش!!!

مؤلم انو عالم اليوم لديه المام اكبر بتاريخ السودان القديم وباكثر من السودانيين، وهذا مؤلم يحدث عن الكثير المثير!!!

السبب في ده، انو سادة عالم اليوم كوشو علي ارثنا الحضاري الهامل، شغل المهمول يحرض علي السرقة، ردحا من الزمن، او سوو حقهم هم لاكثر من 200 سنة!!!!

لهذا المشهد بتاع الاء بعث في ذاكرة العالم تاريخنا القديم، اللي سوو تاريخم هم لي فترة طويلة!!

كلامي ده انطباع اخدتو من نقاش دار بيني او بين مسؤول او صحفي كبير في امريكا، حول "حلقان" بتنا الاء، او وريتو العلاقة مابين "حلقان بتنا الاء، او حبوبتا الملكة التاية "الاسرة 18" الاشتهرت بالحلقان دي قبل اكثر من 3,000 سنة!!

من جانب اخر علاقة صورة بتنا الاء بي تمثال الحرية في امريكا، برضو لعب دوروهكذا!

شئ يحير يشطب الراس، مثل هكذا عفن، من البعض تجاه بتنا الاء، اللي واضح، يبدو انو اثر فيها، للاسف، ولهذا انزوت!!!

شئ، يموخل بحق، مثل هكذا تبخيس!!!

ذنبها شنو، لو الهي قامت بيهو صادف وانتشر حول العالم؟

هل هذه جريمة؟

التحية ليكي يا سليلة اعرق نساء الكون، يا الاء.

.
كان على آلاء صلاح التنازل عن لقب ايقونة الثورة بعد ظهور صور فض الاعتصام ..
مش تظهر في الفضائيات ويتعمل معاه مئة لقاء ..
اللقب كان بتستحقو و بجدارة البت الماسكها العسكري وبقول ليها مدنية ولا عسكرية ؟
لا روج ولا ميك اب ولا في زول سأل منها حتى الآن ..
لكن وزي ما قاعد يقول سمعة عن الجلابة انهم شعب الله المستهبل ..
..
.

الشجرة المثمرة دائما بجدعوها بالحجار،،،

دى المشكله انقياد قطيعى للاعلام الاتحول من اعلام محترف واصبح مفتوح كل جهه تنفذ وتصنع وتقود الراى العام باساليبها
ونحنا شعب كلمه الحق وجرس الانذار يتحول لحساده و
لا
لانو حتى حمدوك شعب كامل وقف وراهو ليه ؟؟
عشان تم تصديرو بخدعه اعلاميه من الكيزان بترشيحو فى وزارة ايلا
والشعب بعاطفيه وقف ورا صعودو كرئيس وزراء
واختلق ليهو عبارات صنع الصنم (المؤسس) و(شكرا حمدوك) ....
وحتى الان بعض المخدوعين بيحاولو محاولات (الواحد يشفق عليهم فى محاولاتهم) يبررو اتعذب واتخدر ووربما (راقد ليهو فوق راى) .....الخ
وتانى مااى اعلام يصدر اى شىء انا اقبلو عميانى بناء على العاطفه والانبهار ولو واجهت العالم كلو.لا بد من فهم حقيقى لدور الاعلا فى الوقت الحاضر فالقضيه مش الاء صلاح وبس ولا حمدوك الاتفرض علينا من الكيزان ولا حتى ابسطالاشياء اعلام الكيزان والانقلاب من بعد اللى بيخلى الناسمايكون حتى عندها عباراتها الخاصه لتوصيف الامور منو الاطلق ما قبل الثوره مصطلح (قطط سمان) لصرف الانتباه عن فساد تنظيم-متمكن فى دوله- ببالقول بفساد افراد وحتى الان البرهان قالتشاكس بالله الكلمه مسكت فى لسان اى زول حتى المتحدثين فى الفضائيات من مؤيدى الثوره
انقياد للاعلام حتى فى اللغه من دون حتى تمسك بلغه خاصه لاتتاثر بلغه الخصم اللى ربما تكون ملغومه
نعم ملغومه
لما الناس طلعت دايره البشر (بشه) يرحل ونست ان تسمى الامور بمسمياتها -تنظيم كجسمواحد اسمو الكيزان لافرق بين بشه او معتمد محليه - طلععليكم ابن عوف وقال ليكم خلاص قلعنا راس النظام (ابردو) وواصل البرهان الخدعه
الوعى بخطوره الاعلام الجديد والاهتمام بالبرامج والمبادىء ولخروج من نفق التقديس (للاسف الاعمى عمى) بناء على العاطفه ودائره العلاقات العامه الضيقه والانتاءات الضيقه

صباح الخيرات يا عاصـم

هون عليك يا رجل.. وزى ما يقولوا ناس قناة الجزيرة الفكرة وصلت.. لك كامل الحرية فى إبداء رأيك فى أى موضوع.
واحدة من مشاكلنا نحن السودانيين، اننا لا نكتفى بإبداء الرأى ولكن نريد أن نفرض رأينا على الجميع، ولو لقينا سلاح ممكن بالسلاح. وهذا هو السبب فى الإنقلابات، وهذا هو السبب فى إنقسامات الأحزاب مثل البكتيريا..
الحزب يجتمع ولما واحد يرفضوا رأيه يطلع من الإجتماع ويعمل حزب جديد، بدل يقول رأيه بس. أنت هسى قلت رأيك ولما الناس ما قبلته بدأت بوصفهم بأوصواف لا تليق، وكل زول ممكن يؤلف من الأوصاف ما يريد
وهذه لا تحتاج منطق ولا ذكاء. إنقياد قطيعى وعاطفة وإنبهار.. الخ. هذا لا يليق يا سيدى الفاضل. ياخ قل رأيك الذى عندك كامل الحق فيه دون الإساءة لمحاوريك ومخالفيك الرأى. قول انا أعتقد انها لا تستحق
هذا اللقب للأسباب التالية.. 1و 2و 3.. ثم قف دون ذلك. وزى ما شايف الناس هنا قالوا حاسد وحاقد وعدو النجاح..
لماذا لا نختلف فى ارائنا ثم نحترم الإتخلاف ونحترم اراء الاخرين المختلفين معنا..؟ فى غالبية متابعة النقاش، فلماذا لا نحترم عقولهم ونتركهم يقومون كلامنا وكلام الطرف الاخر؟ احترام المستمعين يفرض
علينا ان نقول رأينا ونقعد فراجة.. طبعا من حق أى واحد أن يضيف او يشرح زيادة رأيه.. ولكن لا يتعداه للسخرية وربما الإساءة والإستخفاف برأى الأخرين.