(adsbygoogle = window.adsbygoogle || []).push({}) ; زعم. صحاف السودان الصوارمي ان هناك قانون عالمي. يسمح للجيوش بالانقلابات وتقويض الدساتير والديموقراطيةوزعم انه كان يدرس القانون في الكلية الحربية!وأضاف مرددا بان الرئيس بايدن هو القايد العام. للجيش الامريكي والسؤال الصوارمي يقول. ان بايدن هو القائدالعام للجيش الامريكي وطبعا دا غلط بايدن هو الفائد الاعلي للجيش الامريكي وقال كذبا ان قانون عالمي يسمح. للجيش للانقلاب. علي السلطةوين القانون دا -؟ اين صدر وماهي الدول الموقعة عليه ؟ولماذا. لم يستند اليه الضباط الانقلابين في السودان وغيره في محاكماتهم واتخاذ وسيلة لتبرئة انفسهم وشرعنة انقلاباتهم ؟ الان تاكدت تماما من سر انهيار. الجيش السوداني بعد مشاهدتي للمسوخ التي تطلق علي أنفسها لفظ خبراء عسكريين !وبعد مشاهدتي لأستاذ القانون وخبيره ألذي. يدرس صغار الضباط أسس القانون -الصوارمي وهو يفتري ويكذب زاعما وجود قانون عالمي يشرعن الانقلابات وخبير وعالم. قانوني. لايفرق بين القايد العامً والقائد الاعلي للجيوش !هذا العبث والمسخرة هي التي سمحت لجاهل مثل برهان. ان يقود. برهان. ويأمر وينهي في الجيش السوداني !
الصوارمي يا كمال قضحنا وبشتن حالنا في العالم تخيل لغاية وقت قريب كان في طلاب عسكريين من دول عربية وافريقية بيجوا يتدربوا في الكلية الحربية في السودان. الصوارمي كشف حال الجيش السوداني وكشف مستوى كليتنا الحربية.
Post: #4 Title: Re: الصحاف الصوارمي جاب ضقلها بكركب !:قانون ع Author: أحمد محمد عمر Date: 11-21-2021, 04:55 AM Parent: #3
دخلنا الجيش في الخدمة الإلزامية وشفنا كمية السواقة بالخلا البمارسوها الضباط والتعلمجية مثلاً يجيب ليك كباية ويقول ليك دة برميل ولازم تكورك دة برميل لأنه القائد قال برميل وإلا حتمشي الكركون حقيقة ما قدرت أبرر لكمية الغباء البزرعوها فيك نهائي، يعني إذا كان الموضوع سماع تعليمات القائد يبقى خليني أنفذها بدون تبرير يعني قول لي دردق الكباية بكراعك في الواطة عشان القائد قال كدة لكن ما تقنعني بإنها برميل شكلو العقلية دي هي النشأ عليها الناطق الرسمي بإسم القوات المسلحة بدوهو كلام من شاكلة إنه في قانون عالمي متعارف عليه يبيح للعسكر استلام السلطة في أي وقت. وهو يستلم المعلومة الشفاهية دي من قائده ويبدأ يدرسها بنفس الطريقة دون أن يكلف نفسه بقراءة نص القانون المتعارف عليه دة! استاذ قانون دستوري بدرس قوانين ما قراها ولا شافها بي عينه !!!!!! الدفاع بالنظر والقانون بالسمع .. ما محتاجين نصوص دة متعارف عليه ياخ
ما هي المشكلة يا الهادي في إنو واحد بكمية الجهل الشايلة دي يطلع في فضائية ويقول إنو هو بيُدرِس القانون في الكلية الحربية. وهي في الغالب يكون فعلاً كان بيُدرِس القانون في الكلية الحربية زي ما كان الناطق الرسمي بإسم القوات المسلحة.
ياخي والله شعرت بإنو نحن التافهين الخلينا ناس بالجهل دا كلو يبقوا جزؤ من تاريخنا.
Post: #7 Title: Re: الصحاف الصوارمي جاب ضقلها بكركب !:قانون ع Author: أمير محمد أحمد أبيض Date: 11-21-2021, 06:26 AM Parent: #6
مقدم البرنامج في قناة الجزيرة جيهو كويس وزنقو زنقة شديدة
Post: #8 Title: Re: الصحاف الصوارمي جاب ضقلها بكركب !:قانون ع Author: Ahmed Yassin Date: 11-21-2021, 06:51 AM Parent: #7
حقيقة تفاجأنا مثل ما تفاجأ العالم اجمع ... نحن والعالم كنا نعتقد ان السودان من اكثر الشعوب ثقافة _ على الاقل اقليميا _ ولكن كشف الانقلاب ما كان خافيا من كمية الجهل والكذب والغباءالذي يتمتع به عساكرنا وخبراؤنا الاستراتيجيون...... وقادة الحركات الثورية والمنافقون غير اولى الإربة من الرجال
Post: #10 Title: Re: الصحاف الصوارمي جاب ضقلها بكركب !:قانون ع Author: أحمد محمد عمر Date: 11-21-2021, 07:32 AM
Quote: مقدم البرنامج في قناة الجزيرة جيهو كويس
جيهنا نحن ديل وحاة الله كمية العاهات الفضحها أحمد طه في التلاتة اسابيع الفاتو ديل تخليك تحتقر نفسك ذاتو معقولة الحمير ديل كانوا حاكميننا 30 سنة وهسة برضو حاكميننا؟!!!! أيام البشير بطلعوا لينا واحد ولا اتنين زي بتاع بلادي حقول وبنقول دي نماذج شاذة من المجتمع لكن كمية الخبراء الاستراتيجيين الاتكشحت بالطن هسة دي تخليك تشك في روحك إنك انت الشاذ
Post: #12 Title: Re: الصحاف الصوارمي جاب ضقلها بكركب !:قانون ع Author: أحمد محمد عمر Date: 11-21-2021, 07:35 AM Parent: #10
انتو قادرين تستوعبوا يا ناس إنه استاذ القانون الدولي دة خرج كم دفعة بي جنس جهله دة؟!!!! قادرين تستوعبوا إنه من دة أفضلهم عشان كدة عينوهو الناطق الرسمي بإسم القوات المسلحة سنين وسنين !!!
قد يكون كثير من السودانيين سمعوا عن الكورسات التي كان النظام البائد ينظمها لمنسوبيه فيتخرج الواحد منهم في غضون سنتين ببكالريوس من الجامعة، منهم الآن أساتذة جامعات و مهن أخرى مرموقة. هؤلاء الأساتذة لا يستطيعون شرح المادة للطلاب لأنهم لم يفهموها. الأمثلة كثيرة، أعرف شخص راسب شهادة ثانوية الآن معه دكتوراه. كذلك زوجة المخلوع وداد بابكر لم تكمل الثانوي و لكن عندها دكتوراه، مع أنها لم تظهر في مدرجات أي جامعة.
يا أحمد المخلوع كان الأفضلية عنده للأخبث و الأكثر إتقاناً للكذب و صاحب الرتبة الأعلى داخل تنظيم الأخوان.
الوطنيون الأكفاء من أصحاب المبادئ و الإلتزام الأخلاقي، خاصة الزميلات و الزملاء في المنبر، واجبهم إن يتقدموا كمعلقين و محللين للقنوات العالمية حتى يعكسوا صورة إيجابية و حقيقية عن ما يحدث في السودان.
الصوارمي بيكون حمد ربنا إنو أحمد طه قال ليهو انتهي الزمن المخصص للمقابلة. ..
Post: #15 Title: Re: الصحاف الصوارمي جاب ضقلها بكركب !:قانون ع Author: عمر أبوعاقلة Date: 11-21-2021, 09:55 AM Parent: #14
ياخوانا وضع طبيعي ، طبيعي جدا والله في بلد زي بلدنا دي انو الصوارمي ومن شاكله يدرس القانون للضباط في الكلية الحربية أومال الانقلابات دي البقودها منو منذ الاستقلال في السودان؟؟ ياهم القادة الذين كانوا يوماً ما طلبة ويدرسون القانون الدولي في الكلية !!
Post: #16 Title: Re: الصحاف الصوارمي جاب ضقلها بكركب !:قانون ع Author: محمد حمزة الحسين Date: 11-21-2021, 11:42 AM Parent: #15
الصوارمي يتحدث في الدقيقة 5 و55 ثانيه عن :-
Quote: يوجد قانون عالمي متفق عليه علي إن القوات المسلحة في آي دولة هي المسؤلة عن حفظ الآمنوالإستقرار ، وفي حالة إنهيار الدولة فعليها أن تعيد الأمور الي توازنها...
فقاطعه احمد طه بحادثة الولايات المتحدة وهل إستنجد ترامب بالجيش في الولايات المتحدة ... في حين كانت الولايات المتحدة ترفل في كامل عافيتها الديمقراطيه أما في السودان فقد ... 1/ فقد الناس أمنهم وحكومتهم - تسعة طويله واربعة طويله وكمان جابت لها دواعش 2/ فقد الناس الخبز فبلغ سعر الخبزة حجم اللقمة ثلاثون جنيهاً وبلغت الصفوف شأواً عظيماً ... (حتي قاندهشت جارتنا عندما دخلت علينا وشافت الخبز ابو ثلاثين جنيهاً علي الطوالة فقالت هي عندكم حلاوة عيش) 3/ الشرق أتخنق والشمال يطالب بالإندماج مع مصر ... 4/ حمدوك صوته بحاً فإنحاز الجيش للأغلبيه ... وقبل الختام نفي الصوارمي ان تكون الولايات المتحدة مثل السودان ... بطلوا السواقه بالخلاء وأمشوا أجهزوا للإنتاخبات في يوليو 2023م
يا محمد حمزة الحسين ياخي إمام حرياتك دا كان زول كعب لكن ما كان جاهل ولا بليد فعليك الله إنت ما تعلق لينا صورة إمام حرياتك ويبقى الصوارمي غدوتك في الجهل والبلادة
كلامك دا رد عليهو احمد طه في نهاية الفيديو. "قول السودان عندو خصوصية بدلاً عن أن تقول هنالك قوانين عالمية لأن هذا شئ وهذا شئ آخر"
Post: #18 Title: Re: الصحاف الصوارمي جاب ضقلها بكركب !:قانون ع Author: كمال عباس Date: 11-21-2021, 01:48 PM Parent: #17
محمد حمزة حسين نموذج لكوز مع الحريات والديموقراطية ومع الإنقلاب وتقويض الدساتير ثانيا حزب الترابي الذي تضع صورته في بروفايلك وقف ضد الإنقلاب الحالي ثالثا السؤال ماهو نص القانون العالمي الذي إستند إليه الصوارمي ؟ متي وأوين صدر؟ رابعا متي كان بايدن قائد عام للجيش الأمريكي؟ رؤساء الدول هم بمثابة القائد الأعلي للجيش وليس القائد العام خامسا مهمة الجيش هي صيانة التراب الوطني وجيش برهان لم يصونه وفرط في حلايب والفشقة وحول القوات السودانوية لمرتزقة تقاتل من أجل أجندة الغير في اليمن سادسا ماأراه هو فوضي عسكرية وتعدد جيوش وسيطرة مليشيا حميدتي علي الأوضاع سابعا أين كان برهان وجيشه والشعب يقتل علي مدي خمسة ساعات في حرم القيادة العامة ثامنا بسبب تقليشات والنيران الصديقة وعجزوإفلاس الفلول وعجزهم ـمحمح حمزة نموذجا طالب أخونا حافظ بشير بضرورة بقاء هولاء ليمثلو الرأي الآخر وطبعا هو كان عاوز خصم قوي ـ لكن أهي دي بضاعتهم
