Post: #1
Title: يا ناس السودان, بالله احكو عن حلاوة الحياة قبل الانترنت
Author: Mahjob Abdalla
Date: 11-18-2021, 05:25 PM
04:25 PM November, 18 2021 سودانيز اون لاين
Mahjob Abdalla-
مكتبتى
رابط مختصر
مرات قاعد اباصرها من ليلة الجمعة الي صباح الاحد.
|
Post: #2
Title: Re: يا ناس السودان, بالله احكو عن حلاوة الحياة
Author: Mahjob Abdalla
Date: 11-18-2021, 05:28 PM
Parent: #1
افتكر الخطوة الجاية, اى واحد ياخد بريك من الرغيف.
كسرة بام رقيقة
كسرة بالبلدى
عصيدة بالدودرى
عصيدة بالشمشومة
________
ليس بالخبر وحده يحيا الانسان.
|
Post: #3
Title: Re: يا ناس السودان, بالله احكو عن حلاوة الحياة
Author: Salah Zubeir
Date: 11-18-2021, 07:40 PM
Parent: #2
تحياتي الهبيب محجوب ...
ياخي هي جنس حلا ... مباااااالغه ...
الزمن ... جودة ما تفعل ... حرية الحركة ...
ما في كلابيش ... ضربو لي ١٠ بالليل ودعوة
لصيد السمك ٣ صباحا ... وتمت الموافقة بدون
تعتعه وعنعنه ... الموسم الشتوي تبدأ الزراعة
في الأول من نوفمبر ... طززز في أسبوع تمت
زراعة العديد جدا من الأفدنه ... الأكل والنوم
بي إتقان وتفاني ... الونسه بي مهله ... المكاجرة
مع الناس الوهم الحقيقيين ... الشلة فلول تعمل
فيها ثورجي تطالب بالمدنية إسكتو بدون إنتخابات
يعني صديق يوسف رئيس جمهورية وخالد سلك
رئيس وزراء والحبيبه رئيسة برلمان المافي شنو ...
الشلة طلعت ثورجيه تقعد تمزز بيهم وتجيب وثيقة
ساطع وبت السنهوري وتلاويهم في الشراكة وحكومة
التكنوقراط للصباح ...
بالجد يا محجوب الشعب السوداني رايح ليهو الدرب
في الرمله السفايه ديك ... عندو مشكلة في تعريف
الكتير من الكلمات المتدوله بكثرة هذه الأيام ... نديك
منهم مثال ... الحكم عند الشعب والسياسيين من كل
الأنواع يعني ((الغنيمه)) فقط ولا يعني خدمة المواطن
بأي حال من الأحوال ... كذلك المدنية لا تعني
رئيس وبرلمان منتخب ... بل تعني كراهية العسكر
وطبيعي تعني كراهية الدولة ...
يا الهبيب ... شكلك كدا همست للبرهان بما كتبته
هنا في ضرورة أن يرى كل سوداني نفسه في مجلس
السيادة ومجلس الوزراء والمجلس التشريعي ...
تبسمت حينما ذكر ذلك ...
|
Post: #4
Title: Re: يا ناس السودان, بالله احكو عن حلاوة الحياة
Author: علي عبدالوهاب عثمان
Date: 11-18-2021, 07:54 PM
Parent: #3
حبيبنا محجوب تحياتي
جميل هذا البوست
ودالزبير
أبوسن
عاصم
د. نعمات
اتركوا لهم الفضاء لنعرف الحقائق منهم
في انتظار المزيد
شكرا محجوب للبوست
يا ريت يحكوا يومياتهم خلال الفترة الماضية
|
Post: #5
Title: Re: يا ناس السودان, بالله احكو عن حلاوة الحياة
Author: نعمات عماد
Date: 11-18-2021, 08:15 PM
Parent: #4
يا للحزن الكبير على الشباب الغض ...
القتلة سفحوا الدم الطاهر على الإسفلت
الحزن يغمر كل من يملك ضميراً ،و البقية
يكذبون و يكذبون كأنهم أمنوا عقاب الله .
|
Post: #6
Title: Re: يا ناس السودان, بالله احكو عن حلاوة الحياة
Author: اخلاص عبدالرحمن المشرف
Date: 11-18-2021, 09:06 PM
Parent: #5
السلام عليكم
الحبيبة دكتورة نعمات كيفك
هو حزن سااااي حزن وناس ممغوسة
كرهناهم
كرهناهم
وزي ال ادونا ضربه في نص الراس ، شعور
الصدمة ، وده عند كثيرين تلقيهم بضحكوا
وتكلموا و كان ما حصل حلم ، الواحد خائف
يكون حقيقة ، غايتو وجع لكل السودان وشعور
انو يا برهان و ناس الامن نحن لا دايرين اعتذار
لا حنية لا تبرير ، نحن عارفين انتو عملتو شنو
والموضوع ح نحلو معاكم ، كيف هو الحل ؟ ح تشوفوا
|
Post: #7
Title: Re: يا ناس السودان, بالله احكو عن حلاوة الحياة
Author: نعمات عماد
Date: 11-18-2021, 09:47 PM
Parent: #6
الحبيبة د.اخلاص و الزملاء
المجد للشهداء و حار العزاء لذويهم.
البركة فيكم و في كل السودان.
الناس لديهم إحساس بالغبن و الظلم و كراهية
شديدة للقاتل كرهان و المرتزقة القاتل حميرتي
و المرتزقة مياوي و المرتزقة جرديل و كل الحثالة.
توجد عبارة شائعة : الله يقتل الكذاب برهان ابن .....
لعنة الله عليه و على كل الكاذبين.
القمع مستمر في الشوارع حتى اللحظة.
|
Post: #8
Title: Re: يا ناس السودان, بالله احكو عن حلاوة الحياة
Author: Mahjob Abdalla
Date: 11-18-2021, 11:09 PM
Parent: #5
Quote: يا للحزن الكبير على الشباب الغض ...
القتلة سفحوا الدم الطاهر على الإسفلت
الحزن يغمر كل من يملك ضميراً ،و البقية
يكذبون و يكذبون كأنهم أمنوا عقاب الله . |
و عليكم السلام دكتورة نعمات
حمدا لله علي السلامة.
تعازينا لكل شعب السودان فى شابات و شباب هم مستقبل السودان الواعد لولا ايادى الغدر التى امتدت و اخذتهم.
هؤلاء الشباب الذين ولدو في ظل الحكم الديكتاتورى و هم تواقين للحرية و منتصرين بأذن الله.
|
Post: #9
Title: Re: يا ناس السودان, بالله احكو عن حلاوة الحياة
Author: Mahjob Abdalla
Date: 11-18-2021, 11:20 PM
Parent: #8
Quote: يا الهبيب ... شكلك كدا همست للبرهان بما كتبته
هنا في ضرورة أن يرى كل سوداني نفسه في مجلس
السيادة ومجلس الوزراء والمجلس التشريعي ...
تبسمت حينما ذكر ذلك ... |
سلام صلاح الزبير
و حمدا لله علي السلامة.
من شدة خيبة الامل لم استمع و لم ارى قائمة الذين تم تعيينهم في مجلس غير الشخصية المشهورة بأسم برطم صاحب البيت الابيض.
و يا لسوء الحظ ان يكون القاتل البرهان قد اخذ بكلامى و لو ان ما قلته كان في سياق المحاصصة التى انتجت 5 + لمجلس السيادة. حينها قلت ان كان لابد من محاصصة فكان يجب ان يكون علي اساس اقاليم السودان.
فشل اخوة الوطن في بلورة فكرة طويلة الامد و جاء هذا الانقلاب في ذات الافكار التى كانت يجب ان تتم في زمن الديمقراطية.
المهم ما زال في امل ان تكون هناك فرصة رابعة لشعوب السودان و بالمرة ندخل موسوعة غينيس في اسقاط الديكتاتوريات و كذلك نتمنى ان يظل السودان بلد مكتمل الاركان.
|
Post: #10
Title: Re: يا ناس السودان, بالله احكو عن حلاوة الحياة
Author: Mahjob Abdalla
Date: 11-18-2021, 11:32 PM
Parent: #9
Quote: في انتظار المزيد
شكرا محجوب للبوست
يا ريت يحكوا يومياتهم خلال الفترة الماضية |
سلام علي
تعرف في اغسطس من العام 2003 حدث انقطاع للكهرباء لمدة 3 ايام تقريبا في كل الساحل الشرقى لـ كندا و الولايات المتحدة.
كنا بنطلع بالامسيات نجلس في الحديقة امام المبنى السكنى و بحكم اننا صحراويين كان النظر الي النجوم في الليل اكثر ما لفت انتباهى. شاهدت فيها الابراج الصيفية مثل الثريا و العقرب و القوس و اشياء كاد الواحد ان ينساها في حياة المدينة.
الحياة تتغير و دون ان ننتبه نجد انفسنا مع الانبهارات الانية و ننسى اشياء كانت جميلة و هكذا تضيع حضارات و الامثال الشعبية و اشياء قيمة.
رغم ان انقطاع النت جاء لسبب الاخر و لكن زى بقولو لما ننظر لـ silver line اعتقد انها كانت فرصة للبعض لاستغلالها في الجانب و اخذ العبر منها.
تصور حتى وقت قريب او قبل اقل من 15 سنة كان ما في سمارت فون و قبل 20 سنة كان الموبايل زاتو عند البعض فقط. الان لا نتصور الحياة بدون الموبايل و الـ سمارت موبايل.
|
Post: #11
Title: Re: يا ناس السودان, بالله احكو عن حلاوة الحياة
Author: Mahjob Abdalla
Date: 11-18-2021, 11:37 PM
Parent: #10
| Quote: وزي ال ادونا ضربه في نص الراس ، شعور الصدمة |
سلام دكتورة اخلاص
هى فعلا ضربة في نص الراس و لابد ان نستوعبه جيدا حتى نتمكن من عبور الفشل الذى لازم السودان منذ قيامه.
فى شئ غلط كبير في بنية السودان و ما ممكن كل مرة نكرر نفس الخطأ نرجع ننسى.
|
Post: #12
Title: Re: يا ناس السودان, بالله احكو عن حلاوة الحياة
Author: هدى ميرغنى
Date: 11-19-2021, 03:16 AM
Parent: #11
تحياتى وسلامى أخ محجوب
حلاوة" دى ما قدرت أبلعها كله كله مع عدم الإتصالات والعزلة الإجبارية ولسه حاصلة - عملتها لينا زى رفاهية كدا وإنه الواحد يبعد من الأخبار والاسترس.
زى حركت الزول يقول عامل لاطفاله رجيم ما يأكلوا رغيف - بدل يقول الرغيف غالى ومافى.
|
Post: #13
Title: Re: يا ناس السودان, بالله احكو عن حلاوة الحياة
Author: Mahjob Abdalla
Date: 11-19-2021, 11:46 AM
Parent: #12
| Quote: حلاوة" دى ما قدرت أبلعها كله كله مع عدم الإتصالات والعزلة الإجبارية ولسه حاصلة - عملتها لينا زى رفاهية كدا وإنه الواحد يبعد من الأخبار والاسترس |
و عليكم السلام استاذة هدى,
طبعا الجيل الجديد الذى نشأ مع الانترنت, لا يمكن ان يتصور كيف كانت الحياة قبل دخول الانترنت و هل كانت حلوة و فيها حاجات مسلية.
اها زى الدفعة صلاح الزبير
Quote: ضربو لي ١٠ بالليل ودعوة
لصيد السمك ٣ صباحا |
اخذ الفرصة و راح الشاطىء بس الحمدلله ما كان في تمساح عشارى بهناك.
لولا هذه الفرصة لكان قاعد يتصفح الفيس البوك و نظارات قعر كباية.
|
Post: #14
Title: Re: يا ناس السودان, بالله احكو عن حلاوة الحياة
Author: هدى ميرغنى
Date: 11-19-2021, 12:20 PM
Parent: #13
الأخ المحترم محجوب ،
القصة تفرق ، شوف كلام دكتورة نعمات .
لكن حقيقة قطع الانترنت ما أوقف النضال والتواصل بين الثوار . ويمكن نقول نِعم مقدرات الإنسان صنع الإنترنت وممكن يتواصل من غيرها.
|
Post: #15
Title: Re: يا ناس السودان, بالله احكو عن حلاوة الحياة
Author: الصادق يحيى عبدالله
Date: 11-20-2021, 08:22 PM
Parent: #14
العزيز محجوب والجميع
السلام عليكم ورحمة الله وبركاته
اكتشت أن الانترنت سرقتنا من الكتابة والقراءة. بحثت في مجلداتي ووجدت الكتب الآتية:
1. Tough Love by Susan Rice
2. A Promised Land by Barack Obama
3. Hasan al-Turabi by Berridge
4. Talking Donald Trump by by Sclafani
5. رباعية شذرات الدكتور منصور خالد
لله الحمد تقدمت كثيراً في القراءة وعازم على انجاز المهمة.
|
Post: #16
Title: Re: يا ناس السودان, بالله احكو عن حلاوة الحياة
Author: Mahjob Abdalla
Date: 11-20-2021, 10:08 PM
Parent: #15
Quote: اكتشت أن الانترنت سرقتنا من الكتابة والقراءة. بحثت في مجلداتي ووجدت الكتب الآتية:
1. Tough Love by Susan Rice
2. A Promised Land by Barack Obama
3. Hasan al-Turabi by Berridge
4. Talking Donald Trump by by Sclafani
5. رباعية شذرات الدكتور منصور خالد
لله الحمد تقدمت كثيراً في القراءة وعازم على انجاز المهمة. |
سلام دكتور الصادق
حمد لله علي سلامة العودة.
و شكرا للمساهمة.
هذا بالضبط ما قصدته بهذا البوست. مع الفراغ الذى احدثة انقطاع الانترنت, كيف تعامل الناس مع وقتهم!
|
Post: #17
Title: Re: يا ناس السودان, بالله احكو عن حلاوة الحياة
Author: Arif Nashed
Date: 11-20-2021, 11:33 PM
Parent: #16
اعتقد بأن التواصل الاجتماعي قد عاد مرة اخري علي المستوي الاسري
وداخل الأحياء وتبادل الزيارات والونسات واظن جلسات اللستك اخذت النصيب الاكبر
بين الشباب.
بورداب السودان يظهر بانهم مثلنا كانوا يتابعون الجزيرة مباشر 😁😁
|
|