إحذروا: هذا الخطاب الذي سوف يشق صف الثوار..

08:11 PM November, 17 2021

سودانيز اون لاين
اسماعيل عبد الله محمد-الإمارات - دبي
مكتبتى
رابط مختصر

إحذروا الخطاب الذي يقول أن هذا غزو تشادي.


نفس خطاب الدكتاتور.

اللهم إنّي قد بلغت
اللهم فاشهد.

اسماعيل ازييك
ولو في ادلة؟

Quote: اسماعيل ازييك ولو في ادلة؟

البينة لمن ادّعي واليمين على من انكر

الذين ادّعوا أن هنالك غزو تشادي عليهم إثبات ذلك.

التشاديون الأحرار يقفون مع رغبة الشعب السوداني في التحرر والانعتاق من ربقة العسكر..

الحذر كل الحذر من الوقوع في فخ صبغ الثورة بالصبغة الجهوية لمجرد حماقات ارتكبها أشخاص لا يمثلون إلا أنفسهم.

اتفق معك ياسمعة.
التشاديين اهلنا.
هذا للاسف تنميط وعي جلابي اعترف!

Quote: اتفق معك ياسمعة. التشاديين اهلنا. هذا للاسف تنميط وعي جلابي اعترف!

نعم يا الامير الكوشي
المرحلة حرجة وضعاف النفوس يصطادون في المياه العكرة.

اكثر شعبين يحبان السودان هما الارتري والتشادي

حسب ما علّمتنا الغربة.

اتفق معك يا سمعة
الناس ديل عايزين يسوقوا
الشعب لمعارك متوهمة و انصرافية
و الشعب واعي.

تشاد و شعبها حبيابنا و قرايبنا
و افريقيا الوسطى
و جنوب السودان
اثيوبيا و ارتريا
و كل الجيران ...ما عدا مصر
حكومة و ليس الشعب المصري.

قبل كم يوم في واحد كتب بوست بعنوان "التشادى منى اركو عاد الي وطنه تشاد".
لم يعبر البوست احد, ظننت ربما الادانة بالصمت افضل وسيلة.

Quote: قبل كم يوم في واحد كتب بوست بعنوان "التشادى منى اركو عاد الي وطنه تشاد". لم يعبر البوست احد, ظننت ربما الادانة بالصمت افضل وسيل.

صااااح يا محجوب نحن ما نقبل
زول يلعب في اعدادات مكونات الشعب
ببعضها.
عايزك تلاحظ حاجة حتى بعد الانقلاب و في مكون
من شرق السودان لعب دور في الانقلاب دا.
بس مافي زول جاب سيرة للموضوع حتى الآن.

لانو نحن عايزين نحمل المكون الاساسي مسئولية
الانقلاب.

كلهم تجمعهم الكوزنة
الاسلاميون لا يؤمنون بالحدود فقط
الاسلام الا انهم لا دين لهم يمنعهم من الظلم
اكيد فيهم غير سودانيين بس هم كعبين ما عشان
جنسياتهم عشان معتقدهم

Quote: كلهم تجمعهم الكوزنة الاسلاميون لا يؤمنون بالحدود فقط الاسلام الا انهم لا دين لهم يمنعهم من الظلم اكيد فيهم غير سودانيين بس هم كعبين ما عشان جنسياتهم عشان معتقدهم

كلهم تجمعهم الجريمة.

Quote: قبل كم يوم في واحد كتب بوست بعنوان "التشادى منى اركو عاد الي وطنه تشاد". لم يعبر البوست احد, ظننت ربما الادانة بالصمت افضل وسيلة.

نعم اهمال الموضوع يعد واحد من وسائل الحل، لكن، الموضوع شايفو ماخد رواج وتوسع هذه الايام مما يحتم الوقوف ضده.

Quote: اتفق معك يا سمعة الناس ديل عايزين يسوقوا الشعب لمعارك متوهمة و انصرافية و الشعب واعي. تشاد و شعبها حبيابنا و قرايبنا و افريقيا الوسطى و جنوب السودان اثيوبيا و ارتريا و كل الجيران ...ما عدا مصر حكومة و ليس الشعب المصري

نعم يا ناصر الشأن شأن سوداني صرف ولا داعي للانجرار وراء سيمفونية الدكتاتور المشروخة.

قبل كم يوم في واحد كتب بوست بعنوان "التشادى منى اركو عاد الي وطنه تشاد".
لم يعبر البوست احد, ظننت ربما الادانة بالصمت افضل وسيلة.
------------------------------------------------------------------------
يا محجوب مهما فعلت انت او غيرك لن تستطيعوا نفى العلاقة المثيرة للجدل التى تربط بطلكم الارزقى مناوى بتشاد او تربط حميدتى بتشاد

تحياتي يا سمعة

تاني مافي سواقة للناس باسم الدين او الجهوية خلاص الكروت دي عرف السودانيين انها سبب كل الشرور

الثوار ديل واعين جدا وعارفين هدفهم شنو....مدنياااااااا

Quote: تحياتي يا سمعة تاني مافي سواقة للناس باسم الدين او الجهوية خلاص الكروت دي عرف السودانيين انها سبب كل الشرور الثوار ديل واعين جدا وعارفين هدفهم شنو....مدنياااااااا

نعم يا حاتم اليوم الذي سقط فيه هُبل سقطت فيه هذه الفزّاعة، لأنها مرتبطة الى حد كبير بهذا العنصري المغرور.

Quote: يا محجوب مهما فعلت انت او غيرك لن تستطيعوا نفى العلاقة المثيرة للجدل التى تربط بطلكم الارزقى مناوى بتشاد او تربط حميدتى بتشاد

العلاقات بين الشعوب والأواصر الرحمية لا تقدح في انتماء الانسان لوطنه وهذا النوع من التداخل المجتمعي موجود بين الشمال النوبي السوداني والجنوب النوبي المصري
ونفس الحال بالنسبة لأرتريا واثيوبيا وجنوب السودان وافريقيا الوسطى.

Rassd Tchad is with Anwar Mahamat Saleh and
11 others
.
10 November at 00:49 ·
‏‎‎ 🔴لامرحبا في تشاد للعميل المتسلق المرتزق للنظام الدكتاتوري مني اركو مناوي المجرم حاكم اقليم دارفور
وصل أنجمينا في زيارة مفاجئة بعد التطورات السياسية في السودان.
🔴Pas de bienvenue au Tchad pour l'agent grimpeur mercenaire du régime dictatorial, de ma part Arko Minawi le criminel Gouverneur de la région du Darfour

https://www.facebook.com/groups/chadvoix/permalink/4778877235512308/https://www.facebook.com/groups/chadvoix/permalink/4778877235512308/

اسماعيل سلام

ما أظن وصف هذا أو ذاك بأنه تشادي والا غيره بيؤثر في الوضع شيئا. ...

وما أعتقد النعت بتشادي فيه تحقير...ولا أظن من قال ذلك يقصد التقليل..إنما القصد أنه أجنبي..

السودان وتشاد معروف بينهم تداخل قبلي وثقافي وتاريخي واسع وعميق...

وعادي ممكن في السودان يكون التشادي سوداني و العكس برضه صحيح.

ومن ناحية أخرى ما أظن وصف هذا أو ذاك بأنه تشادي والا غيره بتأثر ...

وفي كل الأحوال نحن ندين العنف مهما كان انتماء الزول..ده مربط الفرس..

سلامات محمد عبد الله

Quote: ما أظن وصف هذا أو ذاك بأنه تشادي والا غيره بيؤثر في الوضع شيئا. ...

النميري في حملته الاعلامية ضد دخول قوات محمد نور سعد - الجبهة الوطنية - استخدم ذات الطريقة لشحن الناس ضد الجبهة الوطنية على اساس أن الغزو اجنبي
العنصري المغرور بعد دخول قوات خليل كذلك استخدم ذات الفزّاعة لشحذ الهمم وشق الصف ليخرج هو سالماً غانماً

Quote: وما أعتقد النعت بتشادي فيه تحقير...

ابداً لم أقل أن به تحقير.

Quote: .إنما القصد أنه أجنبي..

نعم هذا قصدته بالضبط
لأنك بعد أن تثبت اجنبية الشخص بالتالي يصبح مبرراً أن تدوسه وتحرقه وترجعه الى فورتلامي أو أسمرا أو القاهرة.

Quote: وفي كل الأحوال نحن ندين العنف مهما كان انتماء الزول..ده مربط الفرس..

هذا ما وددت الاشارة إليه، ادانة العنف ومقاومته دون الانتقاص من حق الانسان في الانتماء لوطنه ودون تجريده من هويته.

ما قاله موسى هلال مسؤول عنه موسى هلال وهو ليس قولاً قرآنياً
يؤخذ ويرد مثله مثل حديثنا هنا بهذا المنبر

وما أعتقد النعت بتشادي فيه تحقير...ولا أظن من قال ذلك يقصد التقليل..إنما القصد أنه أجنبي
-----------------------------------------------------------------------------------------------
لم نقصد تحقيرا لشعب تشاد يا اسماعيل انما هدفنا كان فضح سلوك الارزقى مناووى المشكوك فى انتمائه واخلاصه للسودان الذى يدعو (لتحريره)...اول ماانزنق هرب لاهله فى تشاد

Quote: تربط بطلكم الارزقى مناوى بتشاد او تربط حميدتى بتشاد

Quote: هدفنا كان فضح سلوك الارزقى مناووى المشكوك فى انتمائه واخلاصه للسودان الذى يدعو (لتحريره)...اول ماانزنق هرب لاهله فى تشاد

استاذ حسن فرح,
يبدو انك انت برضو اول ما اتزنقت رجعت لتبرير كلامك.
نعم ممكن تشكك في اخلاص اى سودانى تجاه وطنه و لكن ابتعد بقدر الامكان عن محاولة التشكيك في حنسيات الناس. مثلا القاتل البرهان قبل الانقلاب بيوم سافر سرا الي مصر لاخذ التمام و بعدها رجع و اعلن انقلابو.
هل يمكن ان نشكك في سودانيته؟ و لكن ممكن نشكك في اخلاصو للسودان.

________
بعدين شنو حكاية (بطلكم) دى؟

Quote: لم نقصد تحقيرا لشعب تشاد يا اسماعيل

لم يرد في مداخلاتي ما يشير الى ذلك.

قبل شوية كنت في غرفة بالكلوب هاوس الحضور قتل الموضوع بحثاً
ما شاء الله شباب مستنير
اكتر المعصلجين هم من كبار السن والعواجيز من الجنسين

Quote: ابتعد بقدر الامكان عن محاولة التشكيك في حنسيات الناس.

نِعم النصح.

التشا\يين والسودانيين ثقافتهم مشتركة وإثنيتهم مشتركة مع غالبية إثنيات السودانيين.. لذلك لو فكرنا فى أسوأ الإحتمالات worst case scenario بغزو تشادى للسودان، فإنه أهون من الغزو المصرى. وفى الحقيقة
الذين يروجون للغزو التشادى هم عملاء المخابرات المصرية ويريدون ذر الرماد فى العيون لتحويل الأنظار عن الغزو المصرى الجارى منذ وقت طويل بخطط ومنهجية محددة. التشاديون ومنذ مئات السنين يدخلون
السودان، ولا يحتاجون الى يوم واحد للإندماج فى المجتمع السودانى، لأن الثقافة والدين والعرق والأعراف والتقاليد واحدة. لذلك لن يكونوا جسما غريبا. ثم أنهم يندمجون ليس فقط إجتماعيا بل إقتصاديا ويكون إقتصادهم
جزء من الإقتصاد السودانى ومعظم أموالهم إن لم تكن كلها، تدور داخل السودان.
أحذروا الغزاة الحقيقيين.

Quote: اكتر المعصلجين هم من كبار السن والعواجيز من الجنسين

ول أبا،
نحن الجلاكين مسكنا خشومنا .. نسمع لكم جعير ولم نر لكم طعناً ..!
فقدان القيادة السياسية أفقدتكم البوصلة رغم حماس الشباب ..
قحت 1 من قولة كش ملك .. كل واحد منهم لملم جداده وأحتمي بترسانته الحزبية .. ولم يعد هناك من يوجه الشباب .. فهم يموتون وح يموتون بدم بارد.

الساسة لمّا هم لم يكونوا قدر التحدي نفيخ الشدوق في كم؟

وجيع ما بعده وجيع

الله المستعان ..

بريمة

المهم فى الأمر الرؤس القتلة مثال القاتل برهان والقاتل حميدتى وأخوه ( منفذ كل أعمال القتل والإرهاب والقاتل جبريل والقاتل مناوى وغيرهم من كيزان قتلة ولوردات حرب -لو ما سودانين مصيبة ولو سودانيين مصائب.
أما الحايمين ينفذوا فى الأوامر مأجورين ومجمعين من كل الأنحاء كان السودان كان غيره من البلاد التى تتحدث اللغة الفرنسية أو حاجة ما مفهومة.
المرتزقة ديل كانوا ياهم يودوهم فى اليمن وجابوهم من ليبيا للسودان ويزيدوا عليهم ، ولوردات الحرب ما داسين قالوا عديل لما رجعوا بعد مهزلة جوبا إنه جيوشهم فى ليبيا.
أما الجنجويد فهم درجات - النظيفين (مظهر بعد سرقات خيرات السودان) من آل البيت وفى النهاية كلهم واحد.

فهمت إحتقار الشعب الليبى للسودانين - بإعتبار كل المرتزقة لوردات حربهم سودانين

Quote: المهم فى الأمر الرؤس القتلة مثال القاتل برهان والقاتل حميدتى وأخوه ( منفذ كل أعمال القتل والإرهاب والقاتل جبريل والقاتل مناوى وغيرهم من كيزان قتلة ولوردات حرب -لو ما سودانين مصيبة ولو سودانيين مصائب. أما الحايمين ينفذوا فى الأوامر مأجورين ومجمعين من كل الأنحاء كان السودان كان غيره من البلاد التى تتحدث اللغة الفرنسية أو حاجة ما مفهومة. المرتزقة ديل كانوا ياهم يودوهم فى اليمن وجابوهم من ليبيا للسودان ويزيدوا عليهم ، ولوردات الحرب ما داسين قالوا عديل لما رجعوا بعد مهزلة جوبا إنه جيوشهم فى ليبيا. أما الجنجويد فهم درجات - النظيفين (مظهر بعد سرقات خيرات السودان) من آل البيت وفى النهاية كلهم واحد. فهمت إحتقار الشعب الليبى للسودانين - بإعتبار كل المرتزقة لوردات حربهم سودانين

هزيمة هؤلاء القتلة لا تتم بصرف صكوك الانتماء للوطن لهذا ونزع الهوية الوطنية من ذاك.

Quote: قحت 1 من قولة كش ملك .. كل واحد منهم لملم جداده وأحتمي بترسانته الحزبية .. ولم يعد هناك من يوجه الشباب .. فهم يموتون وح يموتون بدم بارد.

يا ولدبوك اطمئن
الشباب حيسحبوا البساط من تحت كدارين قحت الأولى والثانية وحيفرزوا قيادتهم من بين صفوفهم.

Quote: التشا\يين والسودانيين ثقافتهم مشتركة وإثنيتهم مشتركة مع غالبية إثنيات السودانيين.. لذلك لو فكرنا فى أسوأ الإحتمالات worst case scenario بغزو تشادى للسودان، فإنه أهون من الغزو المصرى. وفى الحقيقة الذين يروجون للغزو التشادى هم عملاء المخابرات المصرية ويريدون ذر الرماد فى العيون لتحويل الأنظار عن الغزو المصرى الجارى منذ وقت طويل بخطط ومنهجية محددة. التشاديون ومنذ مئات السنين يدخلون السودان، ولا يحتاجون الى يوم واحد للإندماج فى المجتمع السودانى، لأن الثقافة والدين والعرق والأعراف والتقاليد واحدة. لذلك لن يكونوا جسما غريبا. ثم أنهم يندمجون ليس فقط إجتماعيا بل إقتصاديا ويكون إقتصادهم جزء من الإقتصاد السودانى ومعظم أموالهم إن لم تكن كلها، تدور داخل السودان. أحذروا الغزاة الحقيقيين.

احسنت يا ابا الريش.

نعم ممكن تشكك في اخلاص اى سودانى تجاه وطنه و لكن ابتعد بقدر الامكان عن محاولة التشكيك في حنسيات الناس. مثلا القاتل القاتل البرهان قبل الانقلاب بيوم سافر سرا الي مصر لاخذ التمام و بعدها رجع و اعلن انقلابو.
هل يمكن ان نشكك في سودانيته؟ و لكن ممكن نشكك في اخلاصو للسودان.
============================================
محجوب تقصد شنو بالتشكيك فى جنسية شخص كمناووى؟ وماهو سر هبتكم هذه وحماسكم فى الدفاع عنه؟ ايعجبكم سلوكه وممارساته الانتهازية هذه؟ قولوها عديل بلا لف ودوران
مناووى حتى لو كان من مواطنى جزيرة توتى ابا عن جد فذلك لن يغير فى تقييمنا لشخصيته بناءا على ممارساته السياسية شيئا
وكذلك الامر بالنسبة للقاتل القاتل البرهان الجعلى فهو خائن لوطنه عميل للمصريين وغيرهم وقد قلناها منذ زيارته الاولى لمصر وادائه التحية العسكرية للسيسى
انا تقييمى للشخص الذى يعمل فى المجال السياسى اسسه على ما يقدمه ذلك الشخص من برنامج و اسلوبه فى العمل لتحقيق ذلك البرتامج لا انظر ابدا لاصله القبلى او انتمائه المناطقى
للاسف لا زال الكثيرون يقدمون الولاءات القبلية والمناطقية فىتقييمهم للسياسيين يؤيدون زولهم حتى لو كان يبيع الوطن فى سوق ام سويقا ويقتل المواطنين الابرياء من اجل المال

Quote: محجوب تقصد شنو بالتشكيك فى جنسية شخص كمناووى؟ وماهو سر هبتكم هذه وحماسكم فى الدفاع عنه؟ ايعجبكم سلوكه وممارساته الانتهازية هذه؟ قولوها عديل بلا لف ودوران مناووى حتى لو كان من مواطنى جزيرة توتى ابا عن جد فذلك لن يغير فى تقييمنا لشخصيته بناءا على ممارساته السياسية شيئا وكذلك الامر بالنسبة للقاتل القاتل القاتل البرهان الجعلى فهو خائن لوطنه عميل للمصريين وغيرهم وقد قلناها منذ زيارته الاولى لمصر وادائه التحية العسكرية للسيسى انا تقييمى للشخص الذى يعمل فى المجال السياسى اسسه على ما يقدمه ذلك الشخص من برنامج و اسلوبه فى العمل لتحقيق ذلك البرتامج لا انظر ابدا لاصله القبلى او انتمائه المناطقى للاسف لا زال الكثيرون يقدمون الولاءات القبلية والمناطقية فىتقييمهم للسياسيين يؤيدون زولهم حتى لو كان يبيع الوطن فى سوق ام سويقا ويقتل المواطنين الابرياء من اجل المال

يا حسن راجع نفسك
الخطاب بتاع فلان تشادي وفلان ارتري ودا سوداني والآخر حبشي لايخدم خط الثورة.

مع التأكيد على أن مناوي شريك أصيل في جريمة الانقلاب وما ترتب عليه من جرائم كغيره من شركاء الدم.

Quote: وفلان ارتري

وطيب الإعترفوا بلسانهم(صوت وصورة ) إنهم إريتريين..
ووضعوا في منبر جوبا البند الغريب ( حقهم في الهوية الإريترية والجواز السوداني)..

أها ديل كيف ندافع عن سودانتيتهم؟!

يا سودانيين بطلوا غشامة وحسن نية..
أنا برضه كنت غشيمة وحنينة مثلكم..
لغاية ما هؤلاء المجنسين صنعوا لهم مسارا بإسم الشرق في منبر جوبا..
بصفقة مصممة إماراتيا..لأنه ديل ما عندهم قشة مرة والبلد ما بلدهم..وممكن يبيعوا موانئ الوطن عااادي..
وصفقتهم مع شركة موانئ دبي معروفة .

_____

مهزلة كبيرة إذا لم تكونوا شاهدتم ندواتهم أول ما حضروا من جوبا وطالبوا بكل بجاحة بحقهم في الهوية الإريترية والجواز السوداني..!!
راجعوا ندوة كسلا للأمنجية عبد الوهاب جميل والأمين داويد.

وكذلك إعترافهم في تسجيلاتهم أنهم جهاد إريتري.
تسجيل المدعو يونس همد الإنصاري ..على سبيل المثال.

ولايفات المدعو الأمين داويد الذي يتفاخر فيها أنهم هزموا فيها هيلا سيلاسي.

#الكرور بتاع مسارات منبر جوبا دا ياما حذرناكم منهم .

رجاء بطلوا رومانسية سياسية..قواعد التجنس معروفة..ومستندات التجنس يشترط فيها
ذكر بلد المتجنس الأصلي ومكان وتاريخ الميلاد.

ولكن التجنس غير الشرعي ومنح الجنسية السودانية لكل من هب ودب ..هو سبب أساسي في كوارث الوطن .


لابد أن يكون مطلب مراجعة مستندات الهوية في عهد الإنقاذ مطلب ثوري وأساسي.

نحن كسودانيين هل يسمح لنا بالذهاب إلى دول الجوار تسللا عبر الحدود ..أو الإقامة بصورة غير شرعية يوما واحدا ؟!
هذا ناهيك عن أن نقوم بقتل وسحل المواطنين في تلك الدول سواء كانت مجاورة أو غيرها؟!

أمريكا صنفتنا كسودانيين إرهابيين في عهد ترمب..لأن بلدنا يجنس الإرهابيين من كل من هب ودب ..

لذلك :
#مراجعة_أوراق_الهوية_قضية_أمن_قومي

Quote: وطيب الإعترفوا بلسانهم(صوت وصورة ) إنهم إريتريين.. ووضعوا في منبر جوبا البند الغريب ( حقهم في الهوية الإريترية والجواز السوداني).. أها ديل كيف ندافع عن سودانتيتهم؟!

عليكم كفاعلين في الحقل الشرقاوي تجاوز هذا الخطاب مهما كلفكم من ثمن لأن الذين توصمونهم بأنهم ارترتريين قد مكثوا في الأرض الشرقاوية اقتصادياً واجتماعياً واصبح من المستحيل غربلة الارتري من الشرقاوي، واذا استمريتم في هذا الاتجاه اخشى أن تصبحوا (بدون) في شرق البلاد.

Quote: يا سودانيين بطلوا غشامة وحسن نية.. أنا برضه كنت غشيمة وحنينة مثلكم.. لغاية ما هؤلاء المجنسين صنعوا لهم مسارا بإسم الشرق في منبر جوبا.. بصفقة مصممة إماراتيا..لأنه ديل ما عندهم قشة مرة والبلد ما بلدهم..وممكن يبيعوا موانئ الوطن عااادي.. وصفقتهم مع شركة موانئ دبي معروفة .

ما عندكم حل غير الانسجام معهم والتوافق والعيش معهم بحب ووئام لأن من ولد بأرض وترعرع فيها ودرس في مدارسها ودخل جامعاتها من المستحيل أن تقوم باستئصاله بين يوم وليلة، وموضوع ياسر عمار ليس بعيد عن الاذهان.

Quote: مهزلة كبيرة إذا لم تكونوا شاهدتم ندواتهم أول ما حضروا من جوبا وطالبوا بكل بجاحة بحقهم في الهوية الإريترية والجواز السوداني..!! راجعوا ندوة كسلا للأمنجية عبد الوهاب جميل والأمين داويد.

الجنسية المزدوجة حق وليست بدعة.

Quote: رجاء بطلوا رومانسية سياسية..قواعد التجنس معروفة..ومستندات التجنس يشترط فيها ذكر بلد المتجنس الأصلي ومكان وتاريخ الميلاد. ولكن التجنس غير الشرعي ومنح الجنسية السودانية لكل من هب ودب ..هو سبب أساسي في كوارث الوطن .

الواقعية تقول أن الوضع الآن لا يمكن معه مراجعة قانون ولا وضع دستور وهو وضع اللادولة.
من الرومانسي ومن الواقعي؟

الحصة ثورة
بعد الانجاز ضعوا القوانين المنظمة لاصدار الجنسية والجواز عبر مجالس نيابية منتخبة.

Quote: #مراجعة_أوراق_الهوية_قضية_أمن_قومي

بعد الوصول لحكومة منتخبة بها هياكل الحكم الديمقراطي الذي يوفر الاختيار الحر.

يا حسن راجع نفسك
الخطاب بتاع فلان تشادي وفلان ارتري ودا سوداني والآخر حبشي لايخدم خط الثورة.
-----------------------------------------------------------------------------------------------
وعليك انت يا اسماعيل ان تراجع نفسك فى كل ما اوردته فى بوستات كثيرة من دفاع عن القاتل حميدتى وتصددى لكل من يشير الى جرائمه فقط لانه ابن قبيلتك

Quote: وعليك انت يا اسماعيل ان تراجع نفسك فى كل ما اوردته فى بوستات كثيرة من دفاع عن القاتل حميدتى وتصددى لكل من يشير الى جرائمه فقط لانه ابن قبيلتك

عندما رفع الثوار صورة ول حمدان بميدان الاعتصام وقالوا ول حمدان الضكران الخوف الكيزان وقفنا معه.
وبعد أن قام ول حمدان ببل ترسانة الحركة الاسلامية - هيئة العلميات - في وضح النهار وقفنا معه.

وعندما حاد عن الطريق حدنا عنه.
لا يوجد كبير على ارادة الشعب السوداني.

وعندما حاد عن الطريق حدنا عنه.
-----------------------------------------------
يا اسماعيل انت حتى 9 يونيو2021 وبعده تدافع عن ابطال آخر الزمان اولاد حمدان
أولاد حمدان – أولاد برهان
اسماعيل عبد الله
9 يونيو 2021
الساحة السياسية ضجّت باخبار تداولها الناشطون حول دمج قوات (قُدس) في مؤسسة الجيش، هذه القدس التي شغلت الرأي العام منذ تأسيسها في عهد المخلوع وحتى اليوم، فلم يسلم قائدها الذي شهدت له الناس بوقفته الجريئة والشجاعة مع الخط الثوري المسقط للنظام، بل ذهبت الاقلام الناقدة والأفواه النابذة لأبعد من ذلك بأن جرّدت زعيم قدس من انتمائه للوطن فنسبته لجنسية دولة جارة عزيزة علينا، حملات منظمة قادها كتاب وصحفيون ومسرحيون ورسّامو كاراكاتير ومؤلفو النكتة العنصرية الموجّهة، فالمتأمل لتلك الأعاصير الهوجاء والرياح العاتية يرى من بين تياراتها الثقافية والفكرية والسياسية ملامح نزعات جهوية واضحة تجاه شخصية رجل السلام الأول الذي شغل دنيا الحياة العامة السودانية، من المعلوم أنه في خواتيم تسعينيات القرن الماضي اندلعت صراعات ومعارك محمومة فيما بين مناصري الحزب الحاكم آنذاك، كان أساسها الاستقطاب الجهوي والعرقي والقبلي بعد وفاة النائب الأول للرئيس – المرحوم اللواء الزبير محمد صالح، وجيء بالدكتور علي الحاج محمد نائباً أولاً للرئيس مختاراً عبر آلية المجلس الأربعيني للحزب، فثارت ثائرة النخبة النيلية داخل ذلك الكيان الاسلاموي وشقّت صفي الحزب والحكومة معاً، وناب علي عثمان محمد طه النيلي الهوى والهويّة رئيس الجمهورية سليل ضفتي نهر النيل، في رسالة واضحة بأن إرث حكم دويلة كتشنر لا يجب أن يخرج من قبضة أفراد أسرة هذا البيت الواحد.
احداث التاريخ تتكرر بذات الطريقة التي هوجم فيها خليفة المهدي بعد أن آل إليه السلطان ديمقراطياً، حين نكصت الجماعة النيلية بالعهد ورفضت خلافة (الفلاتي) القادم من غرب افريقيا بحسب زعمها، وهي ذات المبررات التي يسوقها احفاد ذات الجماعة اليوم تجاه قائد قدس (التشادي)، من أجل ابعاده من المشهد السلطوي، بنفس السيناريو الذي رسموه في نهاية القرن التاسع عشر بحق عبد الله ولد تورشين، فلمّا لم يستطيعوا هزيمة خليفة المهدي دعائياً وتلفيقياً وتزويرياً استنجدوا بكتشنر وقالوها دون حياء (الخواجة الألقف خير لنا من هذا الفلاتي المشعوذ القادم الينا من دول غرب افريقيا)، مشكلة النخبة النيليلة أنها لا تروق لها نخبة الغرب ولا صفوتي الشرق والجنوب في حال اصبحت هذه النُخب قاب قوسين او أدنى من قمة الهرم، حارب النيليون قرنق وفصلوا الجنوب ومايزالون على أهبة الاستعداد لكي يفصلوا دارفور، حتى لا يجلس على رأسهم واحد من المنبوذين، وقد قالها من قبل المرحوم خليل ابراهيم (هؤلاء سيكتفون بحكم جزيرة توتي بشرط أن لا يشاركهم في السلطة أحد) أو كما قال، يفزعهم التفكيك الحقيقي لسلطانهم الحصري الموروث، ومن اجل الحفاظ عليه يستعينون بالمستوطن الاجنبي في تفكيك ممسكات الهويّات الداخلية المكوّنة للشعوب السودانية، لا يتورعون، يستبيحون الدماء من أجل تمكين الغرباء، يحدث هذا منذ حملات الزبير باشا الخادم المطيع لأسرة محمد علي باشا.

تعليقات :
حموري:
9 يونيو، 2021 الساعة 10:06 م
والله احنا مع مثلث حمدي تعبنا من الناس العندها انفصام شخصية او مركب نقص الزي الكاتب دا ، نشوف عيشهم بعد انفصال دارفور هل حيتعايشوا مع الشعوب الاخرى،

سيف العزل:
10 يونيو، 2021 الساعة 1:30 ص
بعد كل هذا الردحي، عن ظلم أهل الشريط النيلي للدارفوريين بدءا من التعايشي إلى علي الحاج والقاتل حميدتي كنت أتوقع منك المطالبه بدولة دارفور المستقله..
اوضحت لنا في مقالك كمية الحقد الذي يعشعش في دواخل الدارفوريين ضد أهل الشريط النيلي،، وقد وضح لنا ذلك جليا في مجزرة القياده واستباحة العاصمه ومدن السودان الأخرى بعد المجزرة من قبل عصابات الجنجويد الريزيقاتيه..
يا أستاذ إسماعيل لماذا لا تطالب انت ومثقفي وساسة دارفور بإقامة دولة دارفور المستقله؟؟
لماذا الاصرار على البقاء ضمن دولة الجلابه العنصريين والقبول بالتهميش كما يدعي الدارفوريين ،مل شعبنا نغمة المركز والهامش والتي انتقلت عدواها من مثقفي دارفور الي العامه وخاصة قيادات وأفراد حركات دارفور المسلحه..
دارفور في حجم فرنسا وبها ثروات طبيعيه هائلة وبها عدد لايستهان به من المتعلمين وأصحاب الخبرات العاليه في كل المجالات التنميه الحوكمة،، والمجالات العلميه.وعدد لا يستهان به من السياسيين ..
.
وتمتلك دارفور عدد لا يستهان به من الجيوش ضاقت بهم دارفور بما رحبت،، فانتشروا في ميادين العاصمه والمدن الأخرى واحتلت عصابات الجنجويد مرافق القوات المسلحة واصبحت لها قواعد عسكريه في ديار الجلابه..
يا هداك الله يا اسماعيل لماذا لا تتبنى الدعوه لقيام دولة دارفور المستقله، على أن يتم ذلك تحت إشراف الأمم المتحده ومنظمة الوحده الافريقيه والاتحاد الأوروبي..
ونؤكد لكم اننا سوف نكون خير معين لكم في جمهورية دارفور او سلطنة دارفور اذا طلبتم منا ذلك..
اتمنى ان يجتهد الدارفوريين في إقامة دولتهم المستقلة عاجلا وليس اجلا واليوم وليس غدا..
عليكم يسهل وعلينا يمهل ويا دار ما دخلك شر وكفى الله المؤمنين شر القتال..

هامش الهامش:
10 يونيو، 2021 الساعة 3:51 ص
(بل ذهبت الاقلام الناقدة والأفواه النابذة لأبعد من ذلك بأن جرّدت زعيم قدس من انتمائه للوطن فنسبته لجنسية دولة جارة عزيزة علينا، حملات منظمة قادها كتاب وصحفيون)
الكلام ده قالو سيدك موسى هلال وقالو شيخ عشيرة في تشاد في تسجيل مصور، تاني الهرجي في شنو
والفتي البدوي ده مش براهو قدم خدماتو للبشير عشان يكتل الناس البشبهوك قبل تعديل الفوتوشوب؟ ده خطك من زمان يا اسماعيل لما الناس كانت بتحارب الإنقاذ كت ات في خطك العنصري المناصر ليها بتأجيج الصراعات العنصرية ويوم ما ادنت سلوك الجنجويد في المذابح العملوها في دارفور

الرشيد حمزه:
10 يونيو، 2021 الساعة 9:50 ص
للحق اقول انك تتمتع بقدرات كبيرة على البيان والافصاح ولكنى اقول ايضا ودون تردد انك تفوق بلا حدود كل اولئك الذين تصفهم بتلك النعرات التى تتحدث عنها بل ان غالب كتاباتك تنضح بكل ما هو عنصرى وجهوى والا فما بالك تنصرف بعيدا عن ما يتحدث به الناس عن حميدتى سواء كان فى شخصه وما اذا كان مستحقا لحمل رتبة فريق تدين له بالولاء والطاعة ميليشيات قبلية/جهوية على رأسها اهل بيته لتكون صنوا للقوات المسلحة السودانية بعقيداتها القومية وتراتيبيتها المحكومة بمعايير كل جيوش العالم ؟ ماذا يا ترى سيحدث لو أن كل قبيلة أو جهة سودانية نالت هذا الحق وشكلت ميليشيات بذات الطريقة ؟ الم يكن لميليشيات حميدتى القدح المعلى فى فض اعتصام القيادة العامة للقوات المسلحة ؟ لماذا يرفض حميدتى دمج ميليشياته فى القوات المسلحة السودانية ؟
هذا ما يتحدث به الناس ويتساءلون . أين يا ترى تكمن العنصرية والجهوية فى هذا الحديث الا ان تكون فى خيال ومخيلة من يريدون لها تكون بهذا الطابع .

https://www.alrakoba.net/31573408/%D8%A3%D9%88%D9%84%D8%A7%D8%AF-%D8%AD%D9%85%D8%AF%D8%A7%D9%86-%D8%A3%D9%88%D9%84%D8%A7%D8%AF-%D8%A8%D8%B1%D9%87%D8%A7%D9%86/https://www.alrakoba.net/31573408/%D8%A3%D9%88%D9%84%D8%A7%D8%AF-%D8%AD%D9%85%D8%AF%D8%A7%D9%86-%D8%A3%D9%88%D9%84%D8%A7%D8%AF-%D8%A8%D8%B1%D9%87%D8%A7%D9%86/

Quote: ا اسماعيل انت حتى 9 يونيو2021 وبعده تدافع عن ابطال آخر الزمان اولاد حمدان أولاد حمدان – أولاد برهان

عشان اريحك يا حسن
لحدي فبركة انقلاب بكراوي كنت اطن في ول حمدان خير
لكن بعد أن وضع يده في يد برهان بفبركة الانقلاب المزعوم وحاد عن الطريق حدت.
وهذه خياراتي الشخصية.

بالمناسبة متن المقال المنقول يصب في نفس اتجاه البوست - محاربة الخطاب المجرّد للناس من سودانيتهم.

الخطاب دا يا حسن يجب أن يقف.

Quote: واذا استمريتم في هذا الاتجاه اخشى أن تصبحوا (بدون) في شرق البلاد

البدون في شرق السودان حاليا هو من ليس له أرض قبلية أو أصول سودانية.
ونحن من نحدد من هو البدون من غيره ..

Quote: لبدون في شرق السودان حاليا هو من ليس له أرض قبلية أو أصول سودانية. ونحن من نحدد من هو البدون من غيره

لن تستطيعوا بتصعيدكم لخطاب الكراهية والتجريد من الانتماء للوطن لأناس لهم وجود اجتماعي واقتصادي وسياسي فاعل.

نفس الاستحالة التي واجهت الذين ارادوا استئصال أهل قبيل والدتك العزيزة بدارفور. وخاب فألهم.

Quote: نفس الاستحالة التي واجهت الذين ارادوا استئصال أهل قبيل والدتك العزيزة بدارفور. وخاب فألهم.

قبيلة والدتي أكبر قبيلة سودانية بعد الدينكا.
ولها حواكير تاريخية ونظارة وشيوخ من زمن حفروا البحر .

بالضبط مثل البجا ..الذين لهم نظارات وعموديات أكثر من أن تحصى ..وأرض تاريخية شاسعة لكل قبيلة .

هذا ..عكس ناس المسار الأجانب الذين لا يمتلكون أرض نظارات ولا أرض عموديات.

فمقر نظاراتهم في إريتريا.

Quote: قبيلة والدتي أكبر قبيلة سودانية بعد الدينكا.

الحقي نفسك با بت أبّا وتابعي البوست و البوستات المجاورة من الأول وبي رواقة.
ستجدين أنه قد تم الحاق قبيل الوالدة العزيزة بفورتلامي.

Quote: الحقي نفسك با بت أبّا وتابعي البوست و البوستات المجاورة من الأول وبي رواقة. ستجدين أنه قد تم الحاق قبيل الوالدة العزيزة بفورتلامي.

ما عندي أي مشكلة مع الموضوع دا ..

لابد من مراجعة الجنسية والرقم الوطني
أيام الإنقاذ.

كلنا عارفين في ناس تم تجنيسهم في الغرب ..

Quote: ما عندي أي مشكلة مع الموضوع دا .. لابد من مراجعة الجنسية والرقم الوطني أيام الإنقاذ. كلنا عارفين في ناس تم تجنيسهم في الغرب ..

لابد من وضع قانون للجنسية والإقامة و الهجرة والتجارة والاستثمار.

لكن ليس الآن.

بعد تشكيل الحكومة المنتخبة ديموقراطياً.

الآن علينا التركيز في هزيمة هذا الانقلاب العسكري.

Quote: التشا\يين والسودانيين ثقافتهم مشتركة وإثنيتهم مشتركة مع غالبية إثنيات السودانيين.

ما في أي ثقافة مشتركة، وكل مشاكل السودان من دول الجوار وأسوأهم تشاد ، وسبب كتير
من مشاكل السودان التشاديين والاصول المنحدرة من تشاد وأفريقيا الوسطى كما واضح للعيان اليومين دييل،
قالوا لقوا عقيد في الدعم السريع ، طلع وزير الدفاع الأسبق لأفريقيا الوسطى، طبعا كان فريق هناك ، لكن شهادة
عربية ، فتم فرملته إلى عقيد في مليشيا الجنجويد،

شنو يا أستاذ اسماعيل ما سكنا أحذروا وما تحذروا - المأجورين القتلة ديل كان سودانين ولا ما سودانين ما مهم مجرمين قتلة هم والجابوهم أكثر إجراما وقتلة متمرسين

وربنا موجود.

أسمع الكلام :

Quote: شنو يا أستاذ اسماعيل ما سكنا أحذروا وما تحذروا - المأجورين القتلة ديل كان سودانين ولا ما سودانين ما مهم مجرمين قتلة هم والجابوهم أكثر إجراما وقتلة متمرسين

يا هدى قرّضي علي : قتلة و مأجورين و مرتزقة وسافكي دماء.

ابعدوا من كلمات مثل: ديل تشاديين وديل أرتريين.

Quote: ما في أي ثقافة مشتركة، وكل مشاكل السودان من دول الجوار وأسوأهم تشاد ، وسبب كتير من مشاكل السودان التشاديين والاصول المنحدرة من تشاد وأفريقيا الوسطى كما واضح للعيان اليومين دييل، قالوا لقوا عقيد في الدعم السريع ، طلع وزير الدفاع الأسبق لأفريقيا الوسطى، طبعا كان فريق هناك ، لكن شهادة عربية ، فتم فرملته إلى عقيد في مليشيا الجنجويد،

المشتركات الثقافية والاجتماعية توجد بين غرب السودان الكبير (كردفان+دارفور) وتشاد.
المشتركات الثقافية بين النوبة جنوب مصر وشمال السودان.
المشتركات الثقافية والاجتماعية بين شرق السودان وأثيوبيا وأرتريا.

الفيديو الفضيحة...من هو حميدتي و ما علاقته مع حكومة الخرطوم سابقا و حاليا و لق�...ه مع البشيرالفيديو الفضيحة...من هو حميدتي و ما علاقته مع حكومة الخرطوم سابقا و حاليا و لق�...ه مع البشير

يا رب تحرقهم ترسلهم الجحيم - كل القتلة ومن ساندهم ومن دافع عنهم زى ما حرقوا قلوب الأمهات- حاقدين مجرمين

من أقوال القاتل حميدتى منعدم الإنسانية - عليه اللعنة والقاتل أخيه وكل شركائهم:
(العمارات الشايفنها ناس الخرطوم غالية دي بيبقوا فيها زي الكدايس لو تكررت الأحداث التي وقعت خلال الأيام الثلاثة من فض الاعتصام)

الله يهديك يا هدى

أنا هنا لست بصدد الدفاع عن منواي وحميدتي وجبريل.
فقط اردت التحذير من خطاب صرف صكوك الوطنية للناس وتجريدهم ووصمهم بالاجانب في ظل ثورة شعبية كبيرة وقف معنا فيها الجار الصدوق قبل الجار الكذوب.

دعونا ننبذ الناس بناءً على ما ارتكبوه من جرم وسفك لدماء العزل الأبرياء.

هذا الخطاب سيستغلونه دعاة دولة النهر والبحر وانصار فصل دارفور.
اذا كانت هذه اجندتك قولي لي نعم عشان أقدر اقيم موقفك.

معليش يا أستاذ إسماعيل أنا مغبونة شديد وخيطك دا ما كان عنده داعى فى نص القتل الحاصل من مجرمين ما مهم لو مأجورين من السودان أو النيجر أو تشاد أو أفريقيا الوسطى أو مصر لأنهم يوم يكون فى إرتزاق فى بلد تانى بيمشوا عليه.

مثال لأقوالهم - سودانى دا وكتب كلامه الإرهابى دا فى الموقع دا بعد فض الإعتصام الحار داك:
“ فليذق أهل الخرطوم طعم الحنظل .. الذين أذاقونا له عقوداً .. تشريداً .. وتقتيلاً .. وتخريباً. ولا يظن أحداً إننا أحقد علي قبائلنا التى تسكن الخرطوم .. ولا إلي أهلها الطيبن الذين لا شأن لهم بعذابات أهل .. هناك من قال أن الخرطوم بها 70% من أبناء هوامش السودان .. فليكن.
كما جاء في حديث أم المؤمنين ..
(حديث أم المؤمنين أم عبد الله عائشة -رضي الله عنها- قالت: قال رسول الله ﷺ: يغزو جيش الكعبة، فإذا كانوا ببيداء من الأرض يُخسف بأولهم، وآخرهم، قالت: قلت يا رسول الله، كيف يخسف بأولهم وآخرهم وفيهم أسواقهم ومن ليس منهم؟ قال: يخسف بأولهم وآخرهم، ثم يبعثون على نياتهم[1]. متفق عليه، وهذا لفظ البخاري.)
هذا الحديث .. أشكل علي أم المؤمنين عائشة .. وكانت تسأل رسول الله .. أن هذا الجيش فيه أناس ربما لم يأتوا بنية غزو مكة .. وفيه أناس جاءوا بغرض زيارة مكة ذات نفسها .. وليس لهم نية بتخريبها .. وقد أجاب عليها المصطفي ص .. أن يخسف بأولهم وأخرههم ثم يبعثون علي نياتهم ..
اللهم أخسف بأهل الخرطوم الأرض .. ثم أبعثهم علي نياتهم .أبقوا عشرة يا عيال أبا .. يربطكم حبل .. وتقطعكم سبيبة" مثل بقاري ..”

Quote: مثال لأقوالهم - سودانى دا وكتب كلامه الإرهابى دا فى الموقع دا بعد فض الإعتصام الحار داك: “ فليذق أهل الخرطوم طعم الحنظل .. الذين أذاقونا له عقوداً .. تشريداً .. وتقتيلاً .. وتخريباً. ولا يظن أحداً إننا أحقد علي قبائلنا التى تسكن الخرطوم .. ولا إلي أهلها الطيبن الذين لا شأن لهم بعذابات أهل .. هناك من قال أن الخرطوم بها 70% من أبناء هوامش السودان .. فليكن. كما جاء في حديث أم المؤمنين .. (حديث أم المؤمنين أم عبد الله عائشة -رضي الله عنها- قالت: قال رسول الله ﷺ: يغزو جيش الكعبة، فإذا كانوا ببيداء من الأرض يُخسف بأولهم، وآخرهم، قالت: قلت يا رسول الله، كيف يخسف بأولهم وآخرهم وفيهم أسواقهم ومن ليس منهم؟ قال: يخسف بأولهم وآخرهم، ثم يبعثون على نياتهم[1]. متفق عليه، وهذا لفظ البخاري.) هذا الحديث .. أشكل علي أم المؤمنين عائشة .. وكانت تسأل رسول الله .. أن هذا الجيش فيه أناس ربما لم يأتوا بنية غزو مكة .. وفيه أناس جاءوا بغرض زيارة مكة ذات نفسها .. وليس لهم نية بتخريبها .. وقد أجاب عليها المصطفي ص .. أن يخسف بأولهم وأخرههم ثم يبعثون علي نياتهم .. اللهم أخسف بأهل الخرطوم الأرض .. ثم أبعثهم علي نياتهم .أبقوا عشرة يا عيال أبا .. يربطكم حبل .. وتقطعكم سبيبة" مثل بقاري ..”

يا بت ميرغني ترفعي عن هذا.
إذا اتينا بخيط آخر لآخرين مناوئين بذات التطرف سنكون في ميدان مباراة الهلال و المريخ.

الحصة ثورة.

الثورة ثورة سودانية ١٠٠٪
و أعداؤها سودانيون ١٠٠٪ (عملاء داخل المؤسسات الأمنية ومليشيات مرتزقة تدربت داخل معسكرات هذه المؤسسات الأمنية السودانية)

اذا تماهينا مع هذا الخطاب المشكك ستنهزم ثورتنا.

اللهم اني قد بلّغت
اللهم فاشهد.