هل تجدى هذه المليونيات من غير اى قرار سياسى

11:35 PM November, 15 2021

سودانيز اون لاين
زينب محمد عبدالله-
مكتبتى
رابط مختصر

اتفق مع د. عزيز سليمان
ما ممكن تكون هنالك مليونيات متقطعة وفى كل مرة يقتلوا خمسة او سبعة من الشباب والاطفال
والناس ترجع البيوت وبعد اسبوع نعيد نفس الموال .. الانقلابين ما حيسلموا السلطة بس عشان الناس طلعت مليونيات
المؤامرة كبيرة جدا والسودان يكون اولا يكون

المسألة يا استاذة زينب بقت إنو إنت شايل سلاح ، تحكم وتقتل وتسحل
حملة السلاح حسع هم جيش الكيزان ومرتزقة الحركات المسلحة،
يبقى في خيار واحد بس، لابد من المواجهة بأدواتهم ، والجيل الجديد ده كلو بيعرف
يستعمل سلاح ، ما بقى لينا إلا الخيار ده ، قصة مجتمع دولي وحقوق الانسان
القصة دي ما بتخارج ، وما أُخذ بالقوة لا يسترد إلا بالقوة ، في الوقت داك
الشرفاء من قوات الشعب المسلحة حيظهروا في الخط، وفيران الكيزان والحركات الرخيصة
حترجع لي جحورها ، قصة سلمية بقت ما بتقسّم ، طلقة بطلقة والرهيفة تنقد.

Quote: المسألة يا استاذة زينب بقت إنو إنت شايل سلاح ، تحكم وتقتل وتسحل حملة السلاح حسع هم جيش الكيزان ومرتزقة الحركات المسلحة، يبقى في خيار واحد بس، لابد من المواجهة بأدواتهم ، والجيل الجديد ده كلو بيعرف يستعمل سلاح ، ما بقى لينا إلا الخيار ده ، قصة مجتمع دولي وحقوق الانسان القصة دي ما بتخارج ، وما أُخذ بالقوة لا يسترد إلا بالقوة ، في الوقت داك الشرفاء من قوات الشعب المسلحة حيظهروا في الخط، وفيران الكيزان والحركات الرخيصة حترجع لي جحورها ، قصة سلمية بقت ما بتقسّم ، طلقة بطلقة والرهيفة تنقد.

تحية طيبة الاخ تهراقا
اتفق معك .. الظروف الحالية التى يمر بها السودان غير كل الظروف الماضية وعندما يقارن البعض منا بأن هذه السلمية هى التى اطاحت بى حكومة البشير السابقة
نقول لهم هذه المره الامر مختلف .. السودان يمر بى مؤامرة ودعم اقليمى وايضا توجد به جيوش الحركات المسلحة داخل العاصمة والوضع خطير لابد من مواجة هذا الوضع بالحسم السريع
ولا يوجد اى عيب فى الدفاع عن النفس والمال والعرض فى الداخل وعلى السودانيين فى الحارج تكوين حكومة وتعين ناطق رسمى بأسم رئيس الوزاء حمدوك ووضع الدول امام الامر الواقع

يا احمد يا حبيبنا .. دكتور عزيز بيهدف
للعب الضاغط ارضين وفضاءات ، الفعل
الثورى محتاج غطاء سياسى ، وتحركات
فى دوائر صنع القرار .. حمدوك رمز ورقم لا
يمكن تجاوزه فى معادلاتنا السياسية ولا ح نفكر
لبديل.. لكن ندعموا بمن تسهل حركته وينقل صوت
الشارع البمثل صوت حمدوك المحبوس..
الوجع كبيير يا ابوحميد .. بس الامل فى الصنديدات
والصنديدين وافر..
تحياتى استاذه زينب ، وشكرا على الفيديو زالبوست المهم فى توقيته..

Quote: قصة سلمية بقت ما بتقسّم ، طلقة بطلقة والرهيفة تنقد.

لا حول ولا قوة الا بالله

Quote: لا حول ولا قوة الا بالله

مالك يا ود البشرى، كل زول شايل بندقية خرطوش حيقعد يتمريس علينا وعلا شنو؟

لا أظن المواجهات التي يقوم بها شعب أعزل (مهما كان تسليحه) ستجدي أمام حركات مسلحة رضعت القتل و الثأر و الانتقام و الاقتحام.

التأخير في تكوين حكومة بديلة .. حكومة ثوار .. نفس خطأ الجلوس مع لجنة البشير الأمنية .


تحياتي اختنا زينب

Quote: مالك يا ود البشرى، كل زول شايل بندقية خرطوش حيقعد يتمريس علينا وعلا شنو؟

انت مقيم وين يا تهراقا؟ في السودان ولا برة

سلام زينب وضيوفك الكرام

اتفق مع دكتور عزيز فى ضرورة تكوين حكومة وهناك مشاورات

فى هذا الشأن باختيار نور الدين ساتى نائباً لرئيس الوزراء المعتقل حمدوك

وممثلا له فى الخارج

تحياتى

Quote: لا حول ولا قوة الا بالله

نفس الكلام ..........

تحية طيبة لكل الاخوة والاخوات
تقديرى لى كل الأراء فى هذا المنعطف الخطير الذى تمر به بلادنا
اتفهم وجه النظر التى تقول بالمواجه وايضا اتفهم وجه النظر الاخرى التى تدعوا الى عدم المواجه وكل له اسباب موضوعية
ايضا اذا استثنينا الكيزان والمليشيات فأن الشعب السودانى بطبعة شعب مسالم ولا يحب القتل والدماء .. يصبح السؤال : ما هو العمل او ماهى الخطة
لى وقف القتل وحفظ الدماء .. وماذا نفعل ازاء مداهمة البيوت والضرب والذل والاعتقالات .. الوضع خطير ربنا يسلم الجميع

سلمات الاخت زينب محمد عبدالله

نعم المليونيات تجدى نفعاً لفضح الانقلاب وان الشعب ضده وهذه المليونيات تعطى دفعة للخارج للوقوف معه .
ونعلم تماماً انّ القاتل القاتل البرهان ورقة ضغط امريكية ضد محور الشر فى اليمن وليبيا
وحقوق الانسان فى مصر ( امريكا تتنازل عن مواقفها الصلبة فى اليمن وليبيا وحقوق الانسان فى مصر )
وكل ذلك فى سبيل اعادة الحكومة المدنية فى الخرطوم ( وامريكا تنظر الى ان مصالحها كبيرة فى السودان وعبر السودان الى افريقيا
وتريد ابعاد روسيا من السودان بكل السبل والطرق )
وتمسك امريكا بالحكومة المدنية نابع من : عدم الثقة فى العسكر و نقل مثال الحكومة المدنية فى السودان الى دول اخرى .


وطبعاً لابد من تنويع اساليب الرفض ( مليونيات - مواكب ليلية - العصيان المدني العام حتى التتويج بالاعتصام )
مواصلة المليونيات صدقونى ح تفكفك الجهات الداعمة للانقلاب داخلياً وخارجياً .

تحياتي الأخت زينب وضيوفك الأعزاء

فعلا سؤال مهم...

المليونيات عبأت الشارع و عبرت عن وجهة نظرها..ولكن...

الشارع لا أظنه يمكن أن يستمر فيما لا نهاية في المليونيات....على الأقل كان في إحساس أن المليونيات السابقة ستأتي بنتيجة
هذا كان احساس الجميع و كذلك العصيان...ولكن رغم أن العالم تابع و يعرف تفاصيل ما حدث يبدو أن الانقلاب يراهن على طول نفسه هو
ويراهن على قصر نفس الشارع و حكومات العالم ..خاصة أنه كثير من الانقلابات استمرت وبقيت رغم أنف الجميع من خلال استخدام البطش و العنف و الإرهاب من ناحية و
استمالة الدول ذات المصالح الخاصة..
أعتقد أنه تجربة البشير رغم اختلاف ظروفها لكنها توضح ضعف التأثير الدولي..و كذلك نظام السيسي.

وشارعنا ماشاء الله يذخر بالشباب الثوار الأبطال ذوي النقاء و الطهر الثوري.. ولكنه كذلك يذخر بالنفعيين و أصحاب المصالح الضيقة و المستعجلين و محبي المعارضة
و شق الصفوف و النرجسيين..
ولا ننسى متلازمة المواطن السوداني: سرعة الملل،قصر النفس، تفويض الغير والاكتفاء بالفرجة...الخ.

أعتقد أنه التنويع في المواجهة مطلوب أولاً للتغلب على السلبيات التي ذكرتها و ثانيا لإنهاك العسكر..

نسيت أن أقول أن من نقاط قوة الانقلاب هو قدرته على عمل تحالفات من أبناء الهامش المتعطشين للسلطة و هذا هو مكمن الخطر..
والله أعلم