البرتو فرنانديز يفضح انقاذية المرشح لرئاسة وزراء الانقلاب

09:40 PM November, 11 2021

سودانيز اون لاين
Elhadi-
مكتبتى
رابط مختصر

لا حول وسنة 1992 كمان ؟؟

في أوج حملات التطهير والتمكين

وقبل سنوات طويلة المفاصلة بين كيزان الأمن " السلطة التنفيذية " ودراويش الترابي

وقبل التحاق الانتهازيين والمتسلقين والمتردية والنطيحة وما أكل السبع بنظام الإنقاذ بعد نيفاشا

الوقت داك يا كدوف ولا اسمك منو لو ما كنت كوز الكيزان ديل بالشارع ساي ما بخلوك تجي ماشي ناهيك عن إنو يرشحك البشير لقيادة وفد السودان لقمة الأرض كما ذكر زميلك عوض إبراهيم عوض الشهير بـ ( عوض لوتري )

لا غرابة إذن في إنو ناس حسين ملاسي شغالين شغل دعاية وإعلان للانقلاب المتهور والأرعن ده

الناس البتفتكر كدوف ده أكاديمي ساي

حقو تراجع حساباتها

1992 يا مفتري ؟؟

دحين ده مو زمن بيوت الأشباح و الاعدامات وساحات الفداء والعوارات دي ؟؟

ياخ ده قبل ميلاد المؤتمر الوطني زاتو

ركنوك زمن طويل لكن يا كدوف ـ 30 سنة ومهاراتك حبيسة مقاعد الاحتياطي

ياخ معتز موسى جاء باللوري وبقى رئيس وزراء

يا الهادي كدوف كوز وليهو ضل كمان

ورغم أنه كوزنته معروفة من زمان
ورغم أنه عميل عسكر من زمان
إلا إنه المبدأي في الموضوع
إنه إذا إشترك في هذه المهزلة غير الدستورية
فيكون ساقط في القانون الذي يدعي معرفته وتدريسه كمان
وتانيا يكون شارك في جريمة ضد الشعب السوداني
برضو تطعن في معرفته القانونية

ما اول قانوني يشرعن للانقلابات
من بابكر عوض الله للترابي

ما أظن البروف هنود أبيا كدوف كوز ولا أفتكر إنو أصلاً عندو إهتمام بالسياسة ولا أظن عندو تجربة او خبرة سياسية.
الرجل أكاديمي وكل إهتمامه منحصر في مجال تخصصه.

تقبله للمنصب او حتى عدم رده الحاسم برفض المنصب يدل تماماً على عدم نضج وعيه السياسي.
لو تم له أن يصبح رئيس الوزراء فسيكون أفشل رئيس وزراء وأفشل تنفيذي يمر على السودان.

طبعاً تعينه في المنصب من قبل الإنقلابيين مرفوض تماماً لعدم شرعية الجهة التي عينته،
وذلك بغض النظر عن كفاءته ومناسبته للمنصب.

البروفسير هنود ابيا كدوف لا علاقة له بالكيزان وبالمؤتمر الوطني المنحل، وبعدين الرجل رفض منصب الانقلابيين مسبقا..

Quote: البروفسير هنود ابيا كدوف لا علاقة له بالكيزان وبالمؤتمر الوطني المنحل، وبعدين الرجل رفض منصب الانقلابيين مسبقا..

صحيح بروف هنود شارك فى الترويج للانقاذ فى ايامها الاولى ولكنه عندما تيقن من انهم كيزان ترك السودان وهاجر لماليزيا حيث صار من اميز الاجانب فى الدوله واول عميد لكليه قانون اجنبى
البروف هنود اسمه كان مطروح لرئاسه الوزراء مع حمدوك واخرين بعد توقيع الوثيقه الدستوريه
اتمنى صادقا ان لا يقبل المشاركه وهو فى خريف عمره

دودى

Quote: صحيح بروف هنود شارك فى الترويج للانقاذ فى ايامها الاولى

يبدو أن هذه هي الفترة التي يتحدث عنها السيد البرتو فرنانديز 1992 هي فترة مبكرة من عمر النظام وأشد فتراته قمعاً وسوءاً وتنكيلاً

في الوقت اللي كانت فيه الناس ترسل إلى الإعدامات وبيوت الأشباح كان البروف كدوف يرسل لتمثيل وقيادة وفد السودن لريو دي جانيرو بتوجيه مباشر من رأس النظام البشير كما ذكر عوض لوتري

بعدين زول مسئول رفيع في السفارة الامريكية بالخرطوم وقتها

قطع شك بيكون متاح ليهو وسائل الحصول على المعلومة بصورة قد تكون أوسع وأكثر دقة من المواطن العادي لطبيعة عمله في المجال السياسي

يعني إذا كان عوض لوتري عارف

بروف هنود ايبا كدوف لقناة الجزيرة اعتذرت عن ترشيحي لمنصب رئيس الوزراء