Post: #1
Title: ما هو سر العداء المستحكم بين المكون العسكري ضد لجنة ازالة التمكين
Author: Nasser Amin
Date: 11-11-2021, 10:00 PM
09:00 PM November, 11 2021 سودانيز اون لاين
Nasser Amin-
مكتبتى
رابط مختصر
اللجنة الامنية لنظام البشير لم يفقدوا الامل في استعادة حكمهم
منذ 30 يونيو 2019.
هم لا يريدون ان تواصل لجنة ازالة التمكين في عملها و هم لا يهمهم
الاموال المصادرة بل يهمهم تآكل عضويتهم داخل اجهزة الحكم و التي
هي الرصيد الذي يعولون عليه في استبباب الامر لانقلابهم.
اللجنة ازالت التمكين من النظام الاسلاموي في اجهزة الدولة و تمكينهم في اجهزة الدولة.
عشان كدا الاستعجال و الحنق و الغضب ضد منسوبي هذه اللجنة.
الانقلاب لقطع الطريق امام اللجنة.
في دول عبيطة في محيطنا عند ما تعرف نوايا الانقلابيين فيما بعد ح تكتشف مدى سذاجتها.
من هسي ما عايزين سفارة لروسيا و الصين في السودان أو اي تمثيل
في اي مستوى كان.
|
Post: #2
Title: Re: ما هو سر العداء المستحكم بين المكون العسك�
Author: Bashasha
Date: 11-11-2021, 10:52 PM
Parent: #1
شلوووم،
زيك كده كنتا مسطح أو مستغرب!!
الان اتضح لجنة التمكين هي السبب المباشر للانقلاب، لوبتصدق!!
نعم اللجنة ختت يدها علي فايلات النهب القايمة بيهو لجنة امن البشير، بالذات شركات الجيش!!!!
البرهان بي نفسو كان بمرر طايرات بي حالا بالمطار!
|
Post: #3
Title: Re: ما هو سر العداء المستحكم بين المكون العسك�
Author: Nasser Amin
Date: 11-11-2021, 11:10 PM
Parent: #2
Quote:
شلوووم،
زيك كده كنتا مسطح أو مستغرب!!
الان اتضح لجنة التمكين هي السبب المباشر للانقلاب، لوبتصدق!!
نعم اللجنة ختت يدها علي فايلات النهب القايمة بيهو لجنة امن البشير، بالذات شركات الجيش!!!!
البرهان بي نفسو كان بمرر طايرات بي حالا بالمطار!
|
سلامات بشاشا
هل تصدق دي كان ح تكون المداخلة التالية لي في البوست
شركات الجيش و الدعم السريع و التهريب
و التجنيب و الامبراطوريات لكبار الضباط ودا
خط احمر و تهديد لمصالحهم و مصالح دول
تأتيها المواد الخام و تصدرها مصنعة باسمها
و ذهب و و غيره.
عشان كدا حمدوك غير مرغوب فيه من اليوم الاول
للانقلاب ، حصل في سوداني شاف حمدوك شال
القرعة و حام بيها بين الاعراب؟
ح تشوف الانتاج الزراعي للسنة دي كيف...انتاج حكومة
حمدوك.
و ح تشوف التغبيش و التعميش
|
Post: #4
Title: Re: ما هو سر العداء المستحكم بين المكون العسك�
Author: Nasser Amin
Date: 11-12-2021, 00:04 AM
Parent: #3
عسكر اللجنة الأمنية وضعوا كل العراقيل
امام الحكومة التنفيذية من يومها الاول
واصلوا التهريب و التجنيب و تراخوا في
مكافحة التهريب...اخفوا السلع و احتكروها
و تم التضييق على المواطنين حتى انهم اخفوا
اوراق الجوازات.
اختلقوا الازمات المعيشية و اطلقوا عصابات
بما يعرف 9 طويلة لكي لا يحس المواطنين
بالامان و كفوا القوات الامنية عن حماية المواطنين
و توجوا كل ذلك بالايعاز لناظر الهدندوة بقغل الميناء
و الطريق القومي.
هل هؤلاء ممكن يكونوا سودانيين؟
وهل رضعوا من امهات سودانيات كما قال الطيب الصالح!!
هؤلاء نبت شيطاني و يجب اقتلاعهم
قتلوا في الاعتصام و سحلوا و رموا الثوار
في النيل بعد ربطهم بالحجارة و الآن وبعد
أن كشروا عن انيابهم اعتقلوا بدء من (رئيس
وزرائنا الموقر) ووزرائه و المسئولين و لجان
المقاومة و كل الشرفاء.
ح يسقطوا بطريقة بسيطة جدا....
و الداء الذي كان ،هو الدواء
|
|