عضوية الكيزان والفلول في الكلوب هاوس ينادوها تكرارا بدكتورة تراجي ولا تصححهم

تراجي تتحدث الآن في منبر اسمه المنبر الحر في الكلوب هاوس تابع للفلول
وهمم فرحانين بإعلان مجلس السيادة الجديد وقالت دا المجلس الكنا عاوزنه
وبالعدد أكثر من أربعة مرات نادوها وتداخلوا معهابلفظ يا دكتورة
لكنها لم تشأ أن تصححهم مما يشيع ويثبت عند الناس أنها دكتورة
وهذا يقدح في إما فهمها أو إحترامها للأمانة العلمية
وقعدت تشكر في المجلس الجديد على أنه لأول مرة يمثل كل السودان
لأنه مثل النوبة لأول مرة في شخص برطم ومثل كل الهامش لأول مرة
وهللت لإقالة الفكي وتاور
وقالت لجهلها أن مجلس السيادة الجديد ضم ابنة المقرئ عبدالجبار المبارك
مما يعني أنها هي لا تعرف هل كان عبدالجبار مقرئ أم زعيم صوفي
وخرمجة شديدة
بهتت تراجي كما هي عادتها حمدوك وقالت إشترى بقروش مال التمكين بيوت بملايين الدولارات
في جوهانسبرج ولندن وشمبات وأدعت إنه 40% من مال التمكين كان بمشي لحمدوك
وقالت مافي حاجة اسمها ثورة بل ثورات والاصيلة منها هي ثورة الهامش
ما ثورة المركز عشان كدا الشعب لازم يدعمها
إدعت كذباً أن الحزب الشيوعي يتبنى اليوم بإنتهازية برنامج صندوق النقد الدولي ويدعو ليه
عشان تاني ما يهوسنا بشعاراتهم الكضابة القديمة >كضبة أخرى)
وقالت يجب أن تترك للشيوعيين وزارة التربية والتعليم التي يسعى لها الحزب
لأن الحزب الشيوعي هدفه يغير المناهج ويدمر الأخلاق
وقالت عاوزين يعملوا في الوزارة دي زي ما عمل القراي
الكتلوا ليه زول واحد وهاوسنا بيه على طول الخط



________________________________________________________________
يا أستاذة تراجي الأستاذ الشهيدمحمود محمد طه ما بيقولوا كتلوه
بل هو شهيد إستشهد على أياديهم الغادرة وهو ما زول واحد
هو رجل بأمة لكن الفي بطنو حرقص براو برقص

مرّة في واحد قال هنا لبروفسور حافظ بشير؛
انت يا حافظ أكتر زول عديم شغلة
هسّ يا عبد الغني باستماعك لتراجي تكون تفوقت على بروف حافظ في عدم الشغلة

مرة في واحد قال للمهندس صلاح غريبة انت أجهل من يدعي المعرفة في البورد
لكن نبهتهم لما قد يكونوا نسوه بأن الجهلول الحقيقي ذلك المسمنه هزلاً المستنير






______________________________________________________________________________

الكلوب هاوس يا جهلول دا أحدث المواقع في الصوشال ميديا يستقطب النقاشات الحية
وتراجي تتاح لها الفرصة ضمن مئات المتحدثين المختلفي الآراء أي هي مجرد مشارك فقط
وهنالك العديد من المنابر ولو أن المنبر الحر منبر كيزاني تحدثت فيه هي وغيرها وهناك من رد عليهم
فالمشاركين بالتداخل أو مجرد الإستماع فيهم العديد من البورداب وهو ليس ندوة أو محاضرة أو كيت كات

كان كدا أنا آسف

الغريبة أنا كنت قائل مداخلتي الفاتت ح تلاقي عندك احتفاء فهي حسب جهلي حسبتها تصب في صالح فكرة البوست،

تاني ما تتقاطع معاي

عجبني ليك يا بك عشان تاني ما تجي تهاظر من طرف 😂

ما كنت بهاظر معاهو يا منّة؛
ردمت معاهو تراجي،
لكن تقول شنو؟
الحسنة تجقلب في الشرا والخيل تاكل القندول

دي آخر مداخلة لي في البوست ولن أقر تاني أ ما حييت للمدعو عبد الغني
أنا أجهل من غريبة؟!!

عبدالغني وشريكيه بكور ومنتصر
تحياتي
كان معانا في السكن عمك راجل كبير عنده طاقة ممكن يتكلم اليوم
كله دون توقف..كان بصحى بدري مع صلاة الفجر .عنده بابور صغير
بعمل بيهو قهوة..اعمامك الكبار بجوا يقعدوا معاه.اها عمك بفتح ..
تاني ما بسكت الا الساعة ١٢ بالليل...بدي القاعدين فسحة وقت الصلاة
بس..لمن ما يلقى زول كان بنادي .. اذا جيت قعدت جنبه .. معناتة اقنع من يومك..الناس بقت تزوغ
منه الا واحد ....كنا نشفق عليهو. من جلسات الاستماع الطويلة ..سموهو
(عبدالصبور)....
انت يا عبدالغني رجل(صبور) كونك قدرت تصبر على كلام (دكتورة فلانة)دي.

Quote: انت يا عبدالغني رجل(صبور) كونك قدرت تصبر على كلام (دكتورة فلانة)دي.

دة ياهو نفس الكلام القالوا ليك المستنير فوق لكن شكلك كنت جيعان عشان كدة لخيتو لخ اللقيمات :)

Quote: دة ياهو نفس الكلام القالوا ليك المستنير فوق لكن شكلك كنت جيعان عشان كدة لخيتو لخ اللقيمات :)

اهههههههههههههههه
مع اني ما عارف الكلام لى عبده ..ولا. لي انا .. لالله ضحكت حتى بانت
لقيماتي

لا يا احمد القصة عند عبد الغني ما متعلقة بانت كتبت - الآن - شنو عشان يقرر يلخك ام لا, المسألة متعلقة بانت كتبت - زمااااان - شنو في الشكلة مع حاتم

Quote: شكلك كنت جيعان

Quote: المسألة متعلقة بانت كتبت - زمااااان - شنو في الشكلة مع حاتم

لا هذا ولا ذاك
ودي تفسيرات ناجمة عن محدودية التفكير.
كل القصة المستنير جاب سيرتي وأنا تبينت فيهو بلخة عبدالغني ليهو.

بركاتك يا مولانا

ود الخضر ..وآخرين .. اخير من نقول و(شركاه)

Quote: لا يا احمد القصة عند عبد الغني ما متعلقة بانت كتبت - الآن - شنو عشان يقرر يلخك ام لا, المسألة متعلقة بانت كتبت - زمااااان - شنو في الشكلة مع حاتم

اذا كان (احمد) انا...والله ما متذكر الشكلة بالتفاصيل وكتبت شنو؟ ياخ انا قبل كدة صدفة في الشارع لقيت واحد
اسمه طه..سلمت عليهو بالاحضان ..ووينك والاهل و امورك .. قال كنت في السودان .. تاني حضنتو..بعد مافات
بى مسافة يمكن بعد ساعتين اتذكرت انه انا زعلان من الزول دا..وكنت مقاطعه.
لكن انا بثق في كتابتك. يا ود الخضر...

هي لكن اجهل من غريبة يا مولانا! جاب سيرتك وين اصلو!

عفوا اي احمد ياسين كنت اقصد أحمد عمر - و الاسم سالم :)

اسع الجاب احمد عمر شنو يا ود البشرى
زولك القاصدو احمد محمد وانا مجرد قارئ

ومن عجب إنه (أحدهم) بتعرّفني أكتر من اسمي