مع الأسف مسـألة زمن. والنهاية ضياع السودان وتقسيمه بين الدول.
Post: #2 Title: Re: واضح ان البرهان سايق البلد لحرب أهلية Author: Nasr Date: 11-11-2021, 07:48 PM Parent: #1
قلنا ليك قبل كدا ومن فترة طويلة الشعب السوداني أقوي من أن ينقاد لحرب أهلية الثورة ستنتصر بسلميتها
الشعب أقوي والردة مستحيلة
Post: #3 Title: Re: واضح ان البرهان سايق البلد لحرب أهلية Author: Abureesh Date: 11-11-2021, 11:59 PM Parent: #2
Quote: قلنا ليك قبل كدا ومن فترة طويلة الشعب السوداني أقوي من أن ينقاد لحرب أهلية الثورة ستنتصر بسلميتها
السودانيين منذ الإستقلال ما وقفوا الحرب الأهلية، وراح ثلث البلاد بسببها وفرز عيشتو وانفصل.. ومئات الالاف قتلوا وشردوا فى دارفور زكردفان والشرق. لا تنسوا تقولوا لى دا برضو.
إلا لو تعتبر السودان هو الخرطوم.. و فى الخرطوم الان هذه الحرب الأهلية تطرق أبوابها. ولا يكون فاهم أى شئ اللى يعتقد حرب الجنوب ودارفور..الخ سببها البشير. الجنجويد نفسهم اسسهم الصادق عليه الرحمة.. مشكلة السودان هى العقلية العنصرية فى المركز والمتحالفين معه من أهل السودان كافة، خصوصا أهل الشمال,, مساقونطلما لا يعلمون.
Post: #4 Title: Re: واضح ان البرهان سايق البلد لحرب أهلية Author: Mohamed Doudi Date: 11-12-2021, 00:28 AM Parent: #3
Quote: الجنجويد نفسهم اسسهم الصادق عليه الرحمة..
ده كلام خطير يا محمد عثمان اثبت كلامك الفوق ده او اعتذر اوع يكون دليلك قالو وقالو
Post: #5 Title: Re: واضح ان البرهان سايق البلد لحرب أهلية Author: Abureesh Date: 11-12-2021, 01:39 AM Parent: #4
يجوز العبارات بس كان ممكن تتقال بطريقة مختلفة. لكن أكيد السيد الصادق هو من أسس لقوات الجنجويد. زمان لما سألوه قال المراحيل ليست قوات قبلية وإنما قوات تابعة للجيش!! كيف يعنى تابعة للجيش؟!! من القوات المسلحة ولا منها؟ ورسلوها من أى قيادة؟ ما أهو الدعم السريع برضو (تابع) للجيش المرحوم هو الذى أسس للجيوش القليلة ومنها الجنجويد
Post: #6 Title: Re: واضح ان البرهان سايق البلد لحرب أهلية Author: بكرى ابوبكر Date: 11-12-2021, 01:51 AM Parent: #5
سلام يا حبيبنا ابو الريش ليك و لضيوفك الكرام من اسس مليشيات الجنجويد هو البرهان و صنع القاتل و الحرامي حميتي هو البرهان والان البرهان في حماية حميتي و السايق السودان للحرب الاهلية هو حميتي لانه يسعي الي تهديم السودان وتاسيس مملكة دقلو من الرزيقات، المحاميد ، الماهرية والزغاوة يعني داير يرجع السودان للعصور الحجرية و هو مجرم حرب و وقالها تاني الحرب حا تكون في الخرطوم و حا نخلي الخرطوم تحوم فيها الكدايس
اسمع التسجيل دا
Post: #7 Title: Re: واضح ان البرهان سايق البلد لحرب أهلية Author: جلالدونا Date: 11-12-2021, 01:54 AM Parent: #5
لامن كنا هنا بننبح انو اغلاق الشرق خطوة في طريق الانقلاب دافعت و قلت ترك بيحمل مظالم الشرق و بيدافع عن حقوقهم و تناسيت بعلم او جون علم استغلال الكوز لمظالم الشرق و الآن بكل بساطة داير تحمّل الشمال مسئولية ما جري و يجري الشمال الآن تارس طريق الشمال و قاطعين التموين عن مصر و واقفين قنا ضد الانقلاب شوف ليك طريقة تزوغ بيها من موقفك من قفل الشرق و يا ريت تبعد عن الشمال بالنسبة للراحل الصادق المهدي طيّب الله ثراه بخليك لي محمد دودي
Post: #8 Title: Re: واضح ان البرهان سايق البلد لحرب أهلية Author: Abureesh Date: 11-12-2021, 03:34 AM Parent: #7
Quote: لامن كنا هنا بننبح انو اغلاق الشرق خطوة في طريق الانقلاب دافعت و قلت ترك بيحمل مظالم الشرق و بيدافع عن حقوقهم و تناسيت بعلم او جون علم استغلال الكوز لمظالم الشرق و الآن بكل بساطة داير تحمّل الشمال مسئولية ما جري و يجري الشمال الآن تارس طريق الشمال و قاطعين التموين عن مصر و واقفين قنا ضد الانقلاب شوف ليك طريقة تزوغ بيها من موقفك من قفل الشرق و يا ريت تبعد عن الشمال
قلت أبعد عن الشمال.. أبعد أمشى وين؟ الشمال بلدى وناسه أهلى وإن كنت من أرض البجا. عام 1973 كنت فى مروى ثم فكينا البحر وطلعنا السقاى لزيارة أهل الأستاذ عبداللطيف عمر حسب الله.. ومن كريمى لغاية دنقلا بالباجور قرية قرية ومدينة مدية.. ننزل من الباجور دا نبيت فى المدينة او القرية ونرجى الباجور البعده الجاى من كريمى. فى مورا الشيخ الصوفى الرجل الصالح سليمان حمد بتنا عنده وعشانا الرقاق الأبيض باللبن.. دا لو الوصفة عرفوها الأمريكان الصف لا يعطيك الدرب.. الشمال القاعد تقول لى أبعد منه خيطته خياطة. الحمد لله ولما طلعت من السودان كنت بالفعل حللت التذكرة. شفت أهلى فى كل قرى وبوادى وبنادر السودان. من طوكر حتى الجنينة ومن دنقلا حتى جنوب بابنوسة (ولا يكلف الله نفسا إلا وسعها) لم أحظ بالتوغل فى الجنوب.. النيل الأزرق حتى ود الماحى.. تعرف ود الماحى؟ مدينة صغيرة او قرية على النيل الأزرق جنوب الروصيرص وقبل الكرمك، ويسكنها أهلنا الوطاويط.
جلالدونا إت مالك تتكلم ساكت..
وأنت لك زمن فى المنبر. من متين انا إتكلم عن فصل الشرق ما لم ترعوى حكومات المركز.؟ لا تكلمنى عن الشمال..
أنا قلت بالحرف:
Quote: مشكلة السودان هى العقلية العنصرية فى المركز والمتحالفين معه من أهل السودان كافة، خصوصا أهل الشمال. مساقون طلما لا يعلمون.
كلامى هو نفس كلم الشهيد قرنق برضو.. مشكلة السودان هى النخبة التى فى المركز التى ورثت السلطة من الإنجليز والدعم من الأفندية من زمن مؤتمر الخريجين الذى بدل أن يقود النضال سلم الراية للسيدين وتززعوا عليهما. وصاروا يهتفون خلفهما.. ومن ديك وعيك المثقفون يصفون خلف الطائفية. ولكن هيهات بعد اليوم.. وسيد نفسك من اسيادك التى تغنى بها وردى كانت عن شفوت وكنداكات اليوم.فى ديسمبر دقسوا لكن الان مافى طريقة لمستهبلين النضال.. ذئاب قحت هسى تعاين ومنتظرة أسود البرارى يصيدوا ليها الصيدة مرة تانية بعد الأولى فلتت منها عشان تتكالب عليها تانى.. لكن هيهات. تكفين الميتة تانى مافى.
(أرجو المعذرة فلم اراجع الأخطاء)
Post: #9 Title: Re: واضح ان البرهان سايق البلد لحرب أهلية Author: ترهاقا Date: 11-12-2021, 03:55 AM Parent: #8
البلد بقت محكومة بعصابات الكيزان ومرتزقة الحركات المسلحة
Post: #10 Title: Re: واضح ان البرهان سايق البلد لحرب أهلية Author: Bashasha Date: 11-12-2021, 04:19 AM Parent: #9
شلوووم يابوالريش،
معليش فاهم غلط!!!
اولا حروبنا الاهلية، وهي الاطول تقريبا في عالم اليوم، كانت علي الدوام مابين جهاز الدويلة الجهوية والثوار في الهامش، او اطلاقا مابينا كافراد كسودانيين، وهذا جد يموخل، يزلزل، يجه جه!!!!
حتي فيما بين اهلنا في افريقيا الحروب الاهلية كانت في بعض المناطق بتبدا من الشارع او بين افراد كمافي نموذج التوتسي والهوتو، او حتي الان في اثيوبيا.
ده بحتاج نقيف عندو او نتناولو بالتحليل!!
هذا يثبت لي، كتلميذ اي حوار في خلوة تاريخ السودان، انو المركوز في اعماق اعماقنا طاغي جدا، لاننا ناس قدام شديد خالص!!!
نعم لايمكن ارث قرون العبودية والاستعمار بطول وعرض ال600 سنة الماضية تستبدل ارث ملايين السنين المركوز جوانا وبالذات ال40,000 سنة الماضية لما تبلور ارثنا الحضاري!!!
