Post: #2 Title: Re: حبيبنا الفنان محمد السنى يسلم قلبك الكبير Author: بدر الدين الأمير Date: 11-10-2021, 01:24 AM Parent: #1
شخصيا لاشفت ولا رأيت شخص بهظر مع المرض زى الفنان محمد السنى
Post: #3 Title: Re: حبيبنا الفنان محمد السنى يسلم قلبك الكبير Author: ترهاقا Date: 11-10-2021, 01:31 AM Parent: #2
التمنيات للعزيز محمد السني بالشفاء العاجل
Post: #4 Title: Re: حبيبنا الفنان محمد السنى يسلم قلبك الكبير Author: Abureesh Date: 11-10-2021, 01:33 AM Parent: #3
دعواتنا له بالشفاء العاجل.. أجر وعافية وكفارة
Post: #5 Title: Re: حبيبنا الفنان محمد السنى يسلم قلبك الكبير Author: بدر الدين الأمير Date: 11-10-2021, 01:37 AM Parent: #2
اخبروهو الأطباء انه لابد من تركيب بطارية لتنظيم ضربات قلبه ضحك وقال لهم تمام التمام تانى السودان ما حايكون فيه قطع للكهرباء
Post: #6 Title: Re: حبيبنا الفنان محمد السنى يسلم قلبك الكبير Author: بدر الدين الأمير Date: 11-10-2021, 01:55 AM Parent: #5
تهارقا وابو الريش ايها الرطانة زوجة محمد السنى الرطانيةالحفاوية احلام وهبى رافضة تماما ان يمارض السنى شخص غيرها قمت على حين غرة سألت السنى دا شنو رد قال حقد حقد حاسدانى على ملائكة الرحمة من طبيبات وممرضات لم أتمالك نفسى من الضخك ...
Post: #7 Title: Re: حبيبنا الفنان محمد السنى يسلم قلبك الكبير Author: ترهاقا Date: 11-10-2021, 02:04 AM Parent: #6
وكت معاهو حلفاوية، شن داير من ملائكة الرحمة ؟
Post: #8 Title: Re: حبيبنا الفنان محمد السنى يسلم قلبك الكبير Author: بدر الدين الأمير Date: 11-10-2021, 02:13 AM Parent: #7
تهارقا حلفاوية حاقد لاترحم ولابتخلى ملائكة الرحمة يضحكهن محمد السنى...
Post: #9 Title: Re: حبيبنا الفنان محمد السنى يسلم قلبك الكبير Author: Abureesh Date: 11-10-2021, 02:27 AM Parent: #8
سيعود صحيحا ومتعافى بقلب أوى إن شاء الله
Post: #10 Title: Re: حبيبنا الفنان محمد السنى يسلم قلبك الكبير Author: بدر الدين الأمير Date: 11-10-2021, 02:54 AM Parent: #9
ياابو الريش خلينا من دا كلو السنى سمى ولده الوحيد على الصوفى الجمالى سامى الدين السهرة وردى محمد السنى دفع الله ودى خلقت مشكلة لاستخراج جواز سفر لهذا الطفل كيف يكون اسمه ثلاثى وحلينا المشكة والان سامى عمره 11 سنة
Post: #11 Title: Re: حبيبنا الفنان محمد السنى يسلم قلبك الكبير Author: محمد المرتضى حامد Date: 11-10-2021, 03:27 AM Parent: #10
نسأل المولى لعزيزنا محمد عاجل الشفاء، يعني تكررت قصة (سوق واقف) التي تلت عرض (عرس الزين).. قم يا رجل فالمواجهات المؤجلة يا دوب انفتحت في الخرطوم ومشوار الثوره طويل. مأجور يا سني، زكاة جسد وطهور بإذنه تعالى.
Post: #12 Title: Re: حبيبنا الفنان محمد السنى يسلم قلبك الكبير Author: Ahmed Yassin Date: 11-10-2021, 04:17 AM Parent: #11
سلامة قلبك الطيب... وحاتك يا السني لسه ما بتقدر تقاسم قلبي دقاتو الله يسلم قلبك الابيض وتقوم بالسلامة...
Post: #34 Title: Re: حبيبنا الفنان محمد السنى يسلم قلبك الكبير Author: بكرى ابوبكر Date: 11-11-2021, 02:08 PM Parent: #5
Post: #13 Title: Re: حبيبنا الفنان محمد السنى يسلم قلبك الكبير Author: elhilayla Date: 11-10-2021, 04:24 AM Parent: #1
اللهم رب الناس أذهب الباس اشف عبدك محمد السني دفع الله وأنت الشافي لا شفاء إلا شفاؤك شفاء لا يغادر سقما لا بأس طهور إن شاء الله __ الحليلة
Post: #14 Title: Re: حبيبنا الفنان محمد السنى يسلم قلبك الكبير Author: mohmmed said ahmed Date: 11-10-2021, 06:53 AM Parent: #13
الف سلامة السنى الفنان الامير وكل ناس الدوحة ابقو عشرة على السني
Post: #15 Title: Re: حبيبنا الفنان محمد السنى يسلم قلبك الكبير Author: علي عبدالوهاب عثمان Date: 11-10-2021, 09:05 AM Parent: #14
اللهم عاجل الشفاء لحبيبنا السني
Quote: وكت معاهو حلفاوية، شن داير من ملائكة الرحمة ؟
فنانا الجميل ترهاقا وو اننقا .. صدقت
حبيبنا الامير تحياتي يا جميل طمنا عن اخباره أول بأول
شكرا الحبيب الامير
Post: #16 Title: Re: حبيبنا الفنان محمد السنى يسلم قلبك الكبير Author: Osama Siddig Date: 11-10-2021, 09:12 AM Parent: #15
قدامو العافية إن شاء الله ..
Post: #17 Title: Re: حبيبنا الفنان محمد السنى يسلم قلبك الكبير Author: عمر أبوعاقلة Date: 11-10-2021, 09:16 AM Parent: #15
ألف سلامة للجميل ود السني
أجر وعافية وتقوم لي وطنك وأحبابك سليم ومعافى
Post: #18 Title: Re: حبيبنا الفنان محمد السنى يسلم قلبك الكبير Author: محمد علي البصير Date: 11-10-2021, 10:55 AM Parent: #17
سلامات أبو سامي
ما تشوف ـ أجر وعافية أن شاء الله
تحياتي ود الأمير
Post: #19 Title: Re: حبيبنا الفنان محمد السنى يسلم قلبك الكبير Author: بدر الدين الأمير Date: 11-10-2021, 12:11 PM Parent: #18
يا احباب السنى وهو في السرير الابيض كتب ثلاثة مسرحيات واحدة عن بيوت الاشباح والسجان امرأة بتكونا عارفنها هى منو والتانية للاطفال ذوى الاحتياجات الخاصة وثالثة للأطفال الصم وقال كلها استوحها من سرير المرض احد الأطباء قال للسنى انت بتعاج مش بعالجوك
Post: #20 Title: Re: حبيبنا الفنان محمد السنى يسلم قلبك الكبير Author: Yasir Elsharif Date: 11-10-2021, 12:13 PM Parent: #18
نسأل الله أن يشفيه ويعافيه.
Post: #21 Title: Re: حبيبنا الفنان محمد السنى يسلم قلبك الكبير Author: بدر الدين الأمير Date: 11-10-2021, 12:50 PM Parent: #20
ارسل لى قبل قليل فنانا محمد السنى رسالة عبر الوتساب قال فيها انه تمت ترقيته من من الطابق الارضى للطابق التانى بمستشفى القلب
Post: #22 Title: Re: حبيبنا الفنان محمد السنى يسلم قلبك الكبير Author: بسمات الشيخ Date: 11-10-2021, 01:22 PM Parent: #21
بالسلامة ان شاء الله ..وبالشفاء العاجل للفنان محمد السني .. وقولوا ليه جهاز تنظيم ضربات القلب بقت حاجة عادية وان نصف الشعب الامريكي عايشين بمثل هذا الجهاز ،كما انه بيحفظ ليك قلبك من تقلبات هذا الزمن الغادر والتوترات النفسية التي تحدث من جراء ما يقوم به البرهان وحميدتي في الوطن واللذان حولا السودان الى سجن كبير ...
Post: #23 Title: Re: حبيبنا الفنان محمد السنى يسلم قلبك الكبير Author: جلالدونا Date: 11-10-2021, 01:28 PM Parent: #21
نتضرّع لله ان يمن عليه بالشفاء العاجل
Post: #24 Title: Re: حبيبنا الفنان محمد السنى يسلم قلبك الكبير Author: HAIDER ALZAIN Date: 11-10-2021, 01:50 PM Parent: #23
الف سلامة وعاجل الشفاء للحبيب محمد السني حسنة واجر.
Post: #25 Title: Re: حبيبنا الفنان محمد السنى يسلم قلبك الكبير Author: بدر الدين الأمير Date: 11-10-2021, 02:30 PM Parent: #24
اجلا ى وتقديرى كل محبى فنانا الضاحك والمضحك محمد السنى المبشر المستبشر بغد افضل للسودان على فكرة القطرين بعتبرو السنى حقهم تعالو وامشو فى سوق واقف مع السنى وشوف كيف الأطفال بلتمو حوله ويازل يازول والسنى يضحك ويهرج مع الجميع قلب السنى ارهقة الحب والمحبة لجميع البشر
Post: #26 Title: Re: حبيبنا الفنان محمد السنى يسلم قلبك الكبير Author: معاوية المدير Date: 11-10-2021, 03:08 PM Parent: #25
نسأل الله الشفاء العاجل للفنان الأستاذ محمد السني، وألف سلامة .
الآف التحايا يا ود اللمير ...
Post: #27 Title: Re: حبيبنا الفنان محمد السنى يسلم قلبك الكبير Author: علاء سيداحمد Date: 11-10-2021, 03:36 PM Parent: #26
اسأل الله العظيم ان يمنّ ويصبغ عليك ثوب العافية يا السني .
Post: #28 Title: Re: حبيبنا الفنان محمد السنى يسلم قلبك الكبير Author: Bashasha Date: 11-10-2021, 03:48 PM Parent: #27
كفارة البيك يازول. عاجل الشفاء للعزيز ودالسني.
Post: #29 Title: Re: حبيبنا الفنان محمد السنى يسلم قلبك الكبير Author: اْسامة اْباّرو Date: 11-10-2021, 04:33 PM Parent: #28
بلغوا يا بدر ... لسة الفسحة ، وسوق شاور راسك. الكمبو ونادى العمال ، وابداعات خلف الله والديبة ، ومحى الدين وقفشات ابوسلوى ، واللعوته ، ابداع جمال الشاعر ، وصوت زمراوى وصداحات صديق سرحان ، والمحالج، وعييبك لسة راجياك عودة.. اتغيرت الاماكن ، لكنها تحمل ذات الملامح.. ح تشوف براك.. الف سلامة ليك يا السنى يا ضحوك.. ما تشوف شر يا اجتماعى..
Post: #30 Title: Re: حبيبنا الفنان محمد السنى يسلم قلبك الكبير Author: الشيخ سيد أحمد Date: 11-10-2021, 04:40 PM Parent: #29
سلامات الزول الجميل "السني " اجر وعافية يا رب وماتشوف شر إن شاء الله. ربنا يتتم لك نمام الصحة والعافية. شكرآ بدرنا
Post: #31 Title: Re: حبيبنا الفنان محمد السنى يسلم قلبك الكبير Author: هدى ميرغنى Date: 11-10-2021, 05:34 PM Parent: #30
الدعوات الصادقة بعاجل الشفاء.
سلام وتحايا
Post: #32 Title: Re: حبيبنا الفنان محمد السنى يسلم قلبك الكبير Author: بدر الدين الأمير Date: 11-11-2021, 06:23 AM Parent: #31
سلام احباب السنى والسنى وزجته الحلفاوية العطبراوية احلام وهبى يبلغوكم الشكر والتقدير وهم متابعين دعواتكم وامنياتكم للسنى بالصحة والعافية كل الفحوصات لما قبل العملية طلعت نضيفة باقى تحديد يوم العملية يسلم قلبك يافنان القلوب
Post: #33 Title: Re: حبيبنا الفنان محمد السنى يسلم قلبك الكبير Author: عزيز عيسى Date: 11-11-2021, 02:06 PM Parent: #32
نسأل الله سبحانه وتعالى الشفاء العاجل للصديق الأخ العزيز محمد السني قبة.. أجر وعافية وتقوم بالسلامة إن شاء الله..
الأخ أسامة أبارو.. بالله أنت زولنا من مارنجان وأنا ما عارف؟!
Post: #35 Title: Re: حبيبنا الفنان محمد السنى يسلم قلبك الكبير Author: يحي قباني Date: 11-11-2021, 02:27 PM Parent: #33
كفارة و سلامتك ..
و الف عزيز كرامتك ..
دعواتنا بالشفاء العاجل ان شاء الله ..
السلام امانة يا بدر .. بلغ السني و الاسرة السلام ..
Post: #36 Title: Re: حبيبنا الفنان محمد السنى يسلم قلبك الكبير Author: يحي قباني Date: 11-11-2021, 03:44 PM Parent: #35
Post: #37 Title: Re: حبيبنا الفنان محمد السنى يسلم قلبك الكبير Author: يحي قباني Date: 11-11-2021, 03:51 PM Parent: #36
يا بدر .. وصلت الامانة ؟
قبلة على جبين السني من كل محبيه و مريديه .. و دراويش فنه الراقي ..
Post: #38 Title: Re: حبيبنا الفنان محمد السنى يسلم قلبك الكبير Author: بدر الدين الأمير Date: 11-11-2021, 04:40 PM Parent: #37
يا يحى قبانى هو الحلفاوية بتدينا فرصة لتقبيل يد السنى
Post: #39 Title: Re: حبيبنا الفنان محمد السنى يسلم قلبك الكبير Author: حيدر حسن ميرغني Date: 11-12-2021, 08:36 AM Parent: #38
ألف سلامة للصديق العزيز السني لاباس عليه اسأل الله أن يشفيه ويمتعه بكمالات الصحة والعافية ويعود قلبه الكبير لدقاته الحنينة - سلام يا بدر
Post: #40 Title: Re: حبيبنا الفنان محمد السنى يسلم قلبك الكبير Author: الفاتح يوسف العبيد Date: 11-14-2021, 09:27 AM Parent: #39
الاخ العزيز محمد السني كل الامنيات الطيبة بالصحة والعافية لقد عادت بي الذكريات ل مرحلة المتوسط واولى نجومي بمدرسة الهوارة المتوسطة في الستينات بمدني واول تمثيليه له في كتابة المطالعة السندباد وكان دوره هو السياف السني كان يسكن حي الدرجة وانا اسكن حي المزاد وكان دائما العصر يمتطي دراجته للحضور للمزاد لنقضي بعض الاوقات ثم انتقل مع بعض في نفس الفصل لكن في المرحلة الثالثة متوسط تم نقلهم لمدرسة بركات المتوسطة بعد تم فتحها لابناء موظفين مشروع الجزيرة لم نلتقي في مراحل دراسية اخرى بعد ذهابه للخرطوم للا تحاق ب المرحلة الثانوية ثم المعهد العالي للمسرح محمد السني من عائلة عريقة جدا بمدني والده المرحوم حاج السني وهو يعمل محاسب بمشروع الجزيرة ويعمل ب سينما الخواجة مساءا وتجده دائما ببرش صلاة المغرب قدام مبنى السينما وهو يرتدي البنطلون والقميص وطاقية في راسه والدته المرحومة ستونه كانت اشهر مولدة نساء بالمدينة وشقسقة الصغرى المرحومة سوسن كانت نفس خطوات اخيه في التمثيل والاخراج منذ اغترابي بالكويت والذي قارب 48 عاما لم التقي به كل املي ان يقراء هذه المداخلة
Post: #41 Title: Re: حبيبنا الفنان محمد السنى يسلم قلبك الكبير Author: هشام الدرديري Date: 11-14-2021, 01:20 PM Parent: #1
عاجل الشفاء الاستاذ محمد السني دفع الله ربنا يتم الصحة والعافية سلامتك والالم بزول وكفارة ليك يازول
Post: #42 Title: Re: حبيبنا الفنان محمد السنى يسلم قلبك الكبير Author: بدر الدين الأمير Date: 12-02-2021, 02:04 PM Parent: #41
ادخل قبل ساعة الفنان محمد السنى غرفة العمليات لاجراء العملية دعواتكم
Post: #43 Title: Re: حبيبنا الفنان محمد السنى يسلم قلبك الكبير Author: علي عبدالوهاب عثمان Date: 12-02-2021, 05:53 PM Parent: #42
اللهم عاجل الشفاء لحبيبنا السني
Post: #44 Title: Re: حبيبنا الفنان محمد السنى يسلم قلبك الكبير Author: علي عبدالوهاب عثمان Date: 12-02-2021, 05:53 PM Parent: #42
اللهم عاجل الشفاء لحبيبنا السني
Post: #45 Title: Re: حبيبنا الفنان محمد السنى يسلم قلبك الكبير Author: Osman Musa Date: 12-02-2021, 06:24 PM Parent: #44
عاجل الشفاء يا ترس. وجد ما عندك طريقة . لازم تقوم سريع وتمثل لينا مسرحيتنا. ( هجوم مسلح في نوث كارولاينا ) الكراسة جاهزة وكان اخونا الراحل الشاعر خطاب عمل فيها بعض التعديلات وقال لي دي والله ود السني يجننها جن. ... يا ترس والله صحتك بالدنيا ودعوات الناس البحبوك كلهم معاك . بعدين ياخ عملية البيزميكر دي بقت زي عملية مرقت الشوكة .
سلامتك .
Post: #46 Title: Re: حبيبنا الفنان محمد السنى يسلم قلبك الكبير Author: بدر الدين الأمير Date: 12-02-2021, 07:04 PM Parent: #45
ايها الاحباب السنى خرج من عملية زرع البطارية بالسلامة والعافية اول ما دخلت عليه قال عندك شاحن قلت شاحن شنو قال بطارية قلبى منخفضة دايرة شحن ههههه ماشفت لى زول بضحك وبهظر مع المرض زي السنى بس في سر بحكى لكم عنه وعن تفاصيله لاحقا السنى عندو فوبيا من ركوب الطائرات برجف عديل والمسالة دى كان داسيها واكتشفها الفنان الراحل مصطفى سيد احمد بجيكم لتفاصيلها لاحقا
Post: #47 Title: Re: حبيبنا الفنان محمد السنى يسلم قلبك الكبير Author: عبدالمنعم الطيب حسن Date: 12-02-2021, 09:48 PM Parent: #46
