Post: #2
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-09-2021, 07:10 PM
Parent: #1
نعم عايزين نقوم بي دور كبير جدا كاعضاء للفكرة نجحت.
|
Post: #3
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-09-2021, 07:11 PM
Parent: #2
الفكرة تتلخص في تصميم تطبيق خاص بلجان المقاومة، كوسيلة استطلاع للراي فوري لمساعدة حمدوك وكل رؤساء الجهازين التنفيذي والتشريعي في المستقبل.
|
Post: #4
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-09-2021, 07:12 PM
Parent: #3
بالنسبة للوضع الحالي، هذا مفصلي، مفتاحي، وهذا اكثر ما يفتقده حمدوك، وكنتيجة بنجرف مع تطلعات منطلقات المنظومة الحاكمة، وكنتيجة احيانا يصطدم بالشارع، بالذات مع غياب السلطة التشريعية!!!
|
Post: #5
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-09-2021, 07:12 PM
Parent: #4
هذا المشروع لو نجحنا فيهو فسيخدم شعبنا او بلدنا بي صورة خلاقة، وهذا سيكون غير مسبوق في عالم اليوم!!
|
Post: #6
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-09-2021, 07:13 PM
Parent: #5
قرارت رئيس السلطة التنفيذية ستكون بالطريقة دي، ماخوذة مباشرة من الناخبين، اي من الشارع، وهذا سيكون خرافي!!
بالذات انو حمدوك بي طبعو "مهني" او مش سياسي، وكنتيجة استقراؤ لي راي الشارع محدود!!
الميزة الاساسية لكل قادة العالم النجحو في انجاز مشاريعم، تتمثل في القدرة "اللدنية" في استشعار حراك الشارع بي صورة الية ميكانيكية غريزية.
اكتر واحد في تاريخنا الحديث امتاز بالخاصية نجد الامام المهدي، او من بعد ديمابور.
اذن خلونا نحول الخاصية دي الي الية محددة موضوعية.
الموضوع بيحتاج لي نقاش مفصل بخصوص كيفية الوصول للواطين الجمرة تحديدا، الجيل الراكز او ده ماحيكون ساهل!!
من السهل اختراق هكذا اداة او تحويل مسارو!
انسب موقع لقيادة وتنفيذ هذا المشروع هو هذا الفضاء بما لايقارن باي موقع اخر، او بكري ابوبكر هو الاكثر تاهيل لقيادة هكذا مشروع!
بناء عليه، حمدوك بي نقرة واحدة ممكن يعرف راي الشارع شنو في الموضوع المحدد، ومباشرة، وبذات النقرة يوصل رايو هو للشارع عشان يعرف راي الشارع او رد فعلو قبل اتخاذ القرار او بعدو!!
ده لو نجح حيكون انقلاب راس عديل لانو حيخت البتكلمو بي اسمنا في علبم او بي كده يعملو للشارع الف حساب بدل الطائفية والعقائدية الديماغوغية الشاطحة الناطحة بلا حسيب او رقيب، وكنتيجة البسطاء هم البدفعو التمن!!!
حمدوك شخصيا وتحديدا، ده، هو الناقصو، او ماناقصو اي شئ تاني عشان يقوم بي دورو المعطل لغياب هكذا الية للتفاهم المباشر مع الشارع، مش الشلل!!!
|
Post: #7
Title: Re: مشروع دور اكبر لهذا الموقع عايزين رايكم:
Author: Abureesh
Date: 11-09-2021, 07:40 PM
Parent: #6
| Quote: من السهل اختراق هكذا اداة او تحويل مسارو! |
ما طالبنى حليفة لكن رأيت هذا البوست السمين والثمين، فحشدت الطاقات وأنا أقرأه ومنيت نفسى بنقاش خصب وفريد فى المنبر.. ولكنك سامحك الله قطعت سرورى وختين ترس فى طريق القراءة
وهو العبارة المستلبة من الشوام أعلاه.. لا أحب الإستلاب.. ويعنى لوقلت "من السهل إختراق هذه الأداة" أو "إختراق مثل هذه الأداة" يعنى الدنيا حتنهى؟ هذا مع إعترافى بحق كل فرد فى الكلام بالطريقة التى تعجبه و أن
يتبع لهجة أى دولة عرية.. حرية سلام وعدالة.
|
Post: #8
Title: Re: مشروع دور اكبر لهذا الموقع عايزين رايكم:
Author: Hafiz Bashir
Date: 11-09-2021, 10:05 PM
Parent: #7
| Quote: الفكرة تتلخص في تصميم تطبيق خاص بلجان المقاومة، كوسيلة استطلاع للراي فوري لمساعدة حمدوك وكل رؤساء الجهازين التنفيذي والتشريعي في المستقبل. |
شكرا بشاشا
أدعم وبشدة وياريت يجونا أختصاصيي البرمجيات وهم كثر في سودانييز اونلاين ويورونا متطلبات تنفيذ المشروع ونحن وراهم.
لو إتنفذ المشروع حيساهم كتير جداً في حل كتير من المشاكل وحيساهم كتير جداً في دعم التحول المدني الديمقراطي.
|
Post: #9
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-10-2021, 00:08 AM
Parent: #8
اللدود او برضو صديق، مرحب بيك
ياخي حساسيتك تجاه الشوام، واللغة العربية واليه خرجت عن الطور!!!
ياعزيزي بالنسبة لينا، العربية رطانة، لغة عجم نلعب بها كما نشاء!!!
خلينا في موضوع البوست والركة علي امثالك، من "الكودرز".
|
Post: #10
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-10-2021, 00:10 AM
Parent: #9
عزيزي القترئ:
المشروع ده لو انجز حقيقة ضخم جدا.
قطعا مصدر الفكرة هو النموذج الامريكي.
نعم ده مجال كبير جدا جدا، والنظام السياسي بيعتمد عليهو اعتماد كلي كامل، وهذا يعرف هنا بالPoll.
هو نظام راسمالي طبعا وكنتيجة اي شئ بتقاس بالملي والملينة، والسياسة في البلد دي مهنة/حرفة او مازينا في السودان حيث المنطلق ايديلوجي عقائدي لو طائفي او ديماغوغي كمانقول، لو يسار او يمين.
باختصار هنا في امريكا، المدخل لاي عمل سياسي هو استقراء الراي العام اولا، والغرض في العادة هو توظيف التوجه المحدد!!
نعم بشوفو الريح هابة في ياتو اتجاه، عشان يصممو او يختار عيش مناسب يضرو باتجاه الريح!!!!
شئ مختلف اختلاف جذري!!!
طبعا القوي المهيمنة وعن طريق وسائل الاعلام، ممكن يدودرو "قمرية" الراي العام باتجاه الشرك المعني، واحيانا طق، الشرك ده بقبض!!!!
ماعلينا، ماعايزين نسرح في موضوع تقاليد العمل السياسي في امريكا، ولكن عايزين نوظف تكنولوجيا الPolling او التحري او الاستقصاء، للراي العام لمصلحة نظام نظام ديمقراطي حقيقي نحكم في السودان،
كبديل للنظام الحالي العقائدي الطائفي الخلا حشرات جراد العسكر ينتشر في فضاءنا السياسي في ال65 سنة الماضية، لانو نظام السيدين افرغ النظام الديمقراطي من محتواه تماما، وكنتيجة العسكر ملو الفراغ!
لو قدرنا نضع نظام لاستقراء وتوظيف الراي العام مباشرة كوسيلة لاتخاذ القرار، فهذا سيعمق جذور نظامنا السياسي الديمقراطي وللمرة الاولي من 56!!!
بالذات اننا كشعب نمتاز بالقرب الشديد جدا من بعض كافراد، وباكثر حتي من بقية اهلنا في افريقيا!!!
دي ميزة او خاصية، فعلا نعمة او نعمة كبيرة لوندري!
|
Post: #11
Title: Re: مشروع دور اكبر لهذا الموقع عايزين رايكم:
Author: Abureesh
Date: 11-10-2021, 00:39 AM
Parent: #10
| Quote: خلينا في موضوع البوست |
حاضر
ومرحب بيك أخ كمال.. وشكرا على سعة الصدر.. فعلا والمضوه هام.. بس ساعدنا وشيل الترس دا بمجهود بسيط.. أن زاتى رطانى وتعلمت اللغة العريية فى المدرسة.. جـد
|
Post: #12
Title: Re: مشروع دور اكبر لهذا الموقع عايزين رايكم:
Author: ترهاقا
Date: 11-10-2021, 01:05 AM
Parent: #11
| Quote: الفكرة تتلخص في تصميم تطبيق خاص بلجان المقاومة، كوسيلة استطلاع للراي فوري لمساعدة حمدوك وكل رؤساء الجهازين التنفيذي والتشريعي في المستقبل. |
دعم بلا حدود
|
Post: #13
Title: Re: مشروع دور اكبر لهذا الموقع عايزين رايكم:
Author: خضر الطيب
Date: 11-10-2021, 01:19 AM
Parent: #12
بشاشا يا ابو البنيات التلاتة
الحلوة ياتا ؟ اكيد كلهن
ربنا يحفظن
افكارك دائماً رائعة
فعلاً هذ المشروع اذا تم تنفيذه
سيكون متفرد و يخدم الغرض الذي قام من أجله
تزامناً مع المشروع التوثيقي الذي ناقشناهُ سوياً
و الذي تمتلك كل الداتا الخاصة به مع بقية المُعينات
بالتوفيق يا حبيب
|
Post: #14
Title: Re: مشروع دور اكبر لهذا الموقع عايزين رايكم:
Author: زينب محمد عبدالله
Date: 11-10-2021, 01:36 AM
Parent: #12
Quote: الفكرة تتلخص في تصميم تطبيق خاص بلجان المقاومة، كوسيلة استطلاع للراي فوري لمساعدة حمدوك وكل رؤساء الجهازين التنفيذي والتشريعي في المستقبل.
|
شكرا بشاشا
فكرة عبقرية ارجو الاسراع فى تسجيلها قبل ان يسطو عليها الخبثاء
|
Post: #15
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-10-2021, 05:15 AM
Parent: #14
حافظ يامراحب،
نعم لو اتوفقنا أو نفذنا المشروع ده المردود حيكون خرافي بمعني المفردة!
هذا سيادي الي استقرار السودان، لانو النظام حيكون فعلا ديمقراطي بالمعني الحرفي للمصطلح اي "ديمقراطية"!
نعم نظامنا بي كده حيكون فريد بحق!
ليه؟
لاننا أو من دون شعوب العالم نمتاز بالعلاقة الفريدة الليصقىة البينا كافراد، رغم انف قرون المحارق، الاحتلال الاستعمار ومااليه.
إحنا بنفسر الظاهرة دي خطأ!
نعم التصور العام اننا مسكنونين كشعب بالسياسة، والموضوع ماكده.
تقديري، هذا في الظاهر، وهذا نتيجة ماسبب!
في الباطن الموضوع متصل بالقرب الشديد بينا كافراد لاسباب محددة، أو مش ولع بالسياسة، أو ده هو السبب!
السلمية جاية من مرجعية ارثنا الروحي الصوفي ورسول السلميمة كان جدنا اخناتون ولد امنا الملكة التاية "الأسرة 18" والجماعية جاية من اسلوب حياتنا كمجتمع حضري يمتهن الزراعة مستقر، ثم البعد الاموي في تركيبتنا الثقافية فوق لي نسيج صلة الرحم النجم عن صيغة ومفهوم "زواج" وهذا اختراع سوداني صرف بالمناسبة!
عشان كده ثورتنا نجحت رغم انف محارق الابادة والتشريد للملايين، نعم الحروب الاهلية العبثية بالوكالة، بي سبب الخلفية دي!!
لهذا هكذا مدخل للعمل السياسي حيكون فعلا فريد أو مختلف عن المتداول في النظم الديمقراطية في مجتمعات اساسا الفردية، عكس مجتمعنا اللي اساسو الجماعية، لدرجة حتي الموت ياساتر بتحول لي عرس في وعينا لو كان جماعي!!
سانتقل لعرض بعض التفاصيل، وهذا محتاج لمشاركة اكبر عدد ممكن.
البوست ده جماعي يااعزايي.
اها، ابوالريش من الان امسك الجانب التقني في المشروع ده.
|
Post: #16
Title: Re: مشروع دور اكبر لهذا الموقع عايزين رايكم:
Author: Haytham Ghaly
Date: 11-10-2021, 05:56 AM
Parent: #15
فكرة عبقرية ورائعة
كامل الدعم
شكراً بشاشا
|
Post: #17
Title: Re: مشروع دور اكبر لهذا الموقع عايزين رايكم:
Author: بدر الدين الأمير
Date: 11-10-2021, 05:56 AM
Parent: #15
يارطانى يامنحوس
داير دور اكبر لهذا
المنبر الامريكى خلى
سيدو يبعو لا حد المحاور
|
Post: #18
Title: Re: مشروع دور اكبر لهذا الموقع عايزين رايكم:
Author: بدر الدين الأمير
Date: 11-10-2021, 06:06 AM
Parent: #17
هل تعلم ان سودانيز اولاين
اقدم من الفيس بك ومشتقاتها
ليش تاخرت سودانيز وغيرها
تقدمو
|
Post: #19
Title: Re: مشروع دور اكبر لهذا الموقع عايزين رايكم:
Author: منتصر صلاح
Date: 11-10-2021, 06:07 AM
Parent: #17
متابعة باهتمام شديد
واصل ولدنا
منتصر سورتود
|
Post: #20
Title: Re: مشروع دور اكبر لهذا الموقع عايزين رايكم:
Author: علاء سيداحمد
Date: 11-10-2021, 06:18 AM
Parent: #19
| Quote: الفكرة تتلخص في تصميم تطبيق خاص بلجان المقاومة، كوسيلة استطلاع للراي فوري لمساعدة حمدوك وكل رؤساء الجهازين التنفيذي والتشريعي في المستقبل. |
سلمات بشاشا امبس
ادعم الفكرة وبشدة وياريت .. فكرة غير مسبوقة فى المنطقة العربية
ياريت اخصائي البرمجيات فى سودانيز كولهم يعملوا قروب واتساب
او فيس بوك من كل انحاء العالم وينفذوا الفكرة دى وبأسرع ما يمكن .
|
Post: #21
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-10-2021, 06:19 AM
Parent: #17
الفردة ترهاقا،
كل ماجيب سكة عابر بي اسمك، طوالي برجع للأيام ديك في كالفورنيا، لما كنا لسة سودانيين، من حيث اسلوب الحياة في تعاملنا، قبل ما نتامرك كما غيرنا، لانو ده شلال جارف!
المهم خليك متابع.
يااعزايي:
اشاعة قوية انو الجيش بدا التمرد علي العوقة البرهان أو حمرتي، بي سبب اعتداءات الجنجويد علي الثوار!!
|
Post: #22
Title: Re: مشروع دور اكبر لهذا الموقع عايزين رايكم:
Author: وليد محمود
Date: 11-10-2021, 10:23 AM
Parent: #21
فكرة ممتازة
نتمنى أن يأخذ الجميع هذا الامر بالجدية اللازمة
خاصة من المبرمجين من أعضاء المنبر
شكرا بشاشا
|
Post: #23
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-10-2021, 03:40 PM
Parent: #22
خدر ياطيب ليك وحشة.
بالنسبة لي بناتي ديل، اخوك اتحرم من البنوت، نعم ماعندي غير اولاد، او عشان كده شغال في الاسرة قلع للبنيات.
في الموضوع اياهو حاصلك في الخاص!!!
الزميلات والزملاء:
في تقديري بنحتاج لي زي مليون عضو في البرلمان الاسفيري ده، مع علمي انو ده خارج تماما عن العرف في هذا المجال.
اقصد ما من العادة.
الPollesters اي منظمات/شركات استقصاء/رصد الراي العام بيكتفو بي 1,000 نفر كحد اقصي، او 500 كحد ادني.
هذا يكفي بالنسبة ليهم في امريكا لاعطاء فكرة عن التوجه العام فيما اتصل بالموضوع المحدد.
في بالي عايزين الPolling ده يعم السودان كلو، مناصفة مابين النوعين، النساء والرجال، ثم الاعمار.
موضوع نسبة كل عمر عايز نقاش، وكذلك نسبة العاصمة مقارنة بالريف او الاقاليم.
دي تفاصيل محورية، عايزة نقاش.
ايضا جانب مهم للغاية هو التاكد انو الجيل الراكز تحديدا، فرسان الميدان يكونو الاغلبية المطلقة.
برضو مهم لوفي طريقة نعرف توجهات المعسكر الاخر.
عايزين نسمع مقترحاتكم.
لتامين المنظومة دي، الاشتراك لازم يكون بي تسلسل معين، عن طريق الReferral زي مابقولو بالانجليزي، او معليش يااخوانا لحشر الانجليزي هنا، لاني احيا مابعرف المقابل شنو بالعربي.
ده مهم عشان نعرف التوجه العام للفرد المشارك في البرلمان الاسفيري ده، من زول بعرفو.
ولا ريكم شنو؟
قنا مليون لاني مقتنع سيكون هناك حماس، والموضوع بسيط مابكلف المشارك شئ.
لجان الاحياء هم اساس كل هذا، وصمام الامان.
تذكرو، بنعرف بعض كويس جدا جدا، في احياءنا.
|
Post: #24
Title: Re: مشروع دور اكبر لهذا الموقع عايزين رايكم:
Author: Mahjob Abdalla
Date: 11-10-2021, 04:19 PM
Parent: #23
سلام بشاشا,
فعلا فكرة ممتازة و ضرورية.
بوست كتبتو قبل يومين بسأل عن مقترحات كيفية حل الازمة و كان الهدف ان تأتى مقترحات قد تساعد حمدوك حكومته في كيفية التحرك في الاتجاه الصحيح.
افتاراضا لو قدر ل حمدوك ان يبدأ التفاوض (تسليم و تسلم من قبل العسكر) ماذا بيد لحمدوك ليقدمه لهم. هل يمكن يأخد وجهة نظر شخصية او مع خمس من مستشاريه او بالامكان تكون في اراء كثيرة مبذولة يمكن مراجعتها جميعا و الخروج بـ consensus
اذا ضرورى يكون في platform من خلاله ممكن التفاعل مع الشارع و ايجاد مقترحات عملية.
|
Post: #25
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-10-2021, 06:14 PM
Parent: #24
الاخت العزيزة زينب،
يامراحب.
كلامك صاح، بخصوص سرقة الافكار.
ده منتشر في السودان، للاسف.
|
Post: #26
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-11-2021, 01:15 AM
Parent: #25
هيثم غالي يامراحب.
نعم، لو تمكنا من انزال الفكرة دي للواقع فده حيغير مجري التاريخ في بلدنا.
نعم بي كده، وللمرة الاولي شعبنا سيحكم نفسو بي نفسو.
نعم سيد نفسو، مين اسيادو؟
نيلو، او هيلو، جرا قدامو!!
معليش عزيزي القاري،
وقسما محروق الحشا من الحاصل، ولهذا الدموع بتجري غصبا عن الواحد.
الفاقع مرارتي هو الجحيم العايشين فيهو الغبش تاني من اول او جديد!!!
حولا ولاقوة!!!
حنرجع تاني من اول جديد للحصار الاقتصادي، بعد 30 سنة جحيم معقولة؟
او ده كلو من دون اي سبب؟
حولا ولاقوة!!!
|
Post: #27
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-11-2021, 05:06 AM
Parent: #26
المسنوح بدر الامير مرحب بيك،
الرطاني عندنا اعلم، هو الزيك، الفقد لسانو او "بحكي عربي".
ذي ماحكيت كتير، مكان ولدتا، كباري كانو بقولو حتي الكديسة البستلفوها من الجيران، من بتقوم جارية من البيت الفيهو اهلو برطنو عربي، لانو ده بضرس سنونا!!!!!
شفتا كيف؟
|
Post: #28
Title: Re: مشروع دور اكبر لهذا الموقع عايزين رايكم:
Author: bakri abdalla
Date: 11-11-2021, 03:15 PM
Parent: #27
مبادرة في قمة الروعة
لابد من تبنيها وو ضعها قيد التنفيذ
اقترح تسمية صاحب الموقع للقيام بالتنسيق
تحياتي
|
Post: #29
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-12-2021, 03:34 PM
Parent: #28
منتصر امبس يامراحب...
الاوضاع الان كمان احرج مما كان..
الانقلاب الان اكتملت اركانو.. او حكم الفرد عاد، تاني من اول او جديد، او بي صورة افظع من الانقاذ!!!
ديل مجرمين بمعني المفردة، فسدة، فسغة، غير انهم جبناء، او عشان كده ممكن يعملو اي شئ للدفاع عن انفسم كافراد!!
حتي كنظام عسكري دموي ديكتاتوري، لايمكن نقارن هؤلاء المجرمين الفسدة بي عبود او نميري مثلا!!!!
دي مصيبة!!!
البقطع انياط القلب هو حال الغبش، مع استمرار هكذا وضع محارب بواسطة الكون كلو!!!
الحيدفعو تمن ده كلو هم البسطاء، من اول او جديد!
ارجاع الديون النجمت عن نهب نظام القتلة السابق، مع الحصار الاقتصادي المتوقع لي شركات النهب، والسودان بعامة، حيكون كارثة الكوارث!!!!
|
Post: #30
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-17-2021, 06:22 AM
Parent: #29
.*.
|
Post: #31
Title: Re: مشروع دور اكبر لهذا الموقع عايزين رايكم:
Author: Bashasha
Date: 11-17-2021, 06:39 AM
Parent: #30
واضح انو العوقة القاتل البرهان رمش!!!
اكيد امريكا وللمرة الاولي هددتم عديل كده!!!
نعم شركات النهب، بي اسم الجيش،ثم شركات حرامية ال دقلو، ممكن ضربها بي "كللك" واحد، الساعة 11:59م بي توقيت نيورك!!
اقصد يوم الدولار الامريكي ببدا الساعة 12 او دقيقة واحدة منتصف الليل!!!
كل المطلوب نقرة واحدة الساعة 11:59م بي توقيت نيويورك، لوضع الشركات دي، سبب الانقلاب خارج الخدمة تماما!!!
ده غير الملاحقة لكل قادة الانقلاب بي صورة شخصية!!!
دي خطوة مامن السهل لامريكا اللجوء اليها، ولهذا من الاول ما لجاؤو للخطوة دي نظن!!
ماحدث في افغانستان كان مكلف جدا لي ادارة بايدين البتعاني الان من نزول عداد الشعبية حاليا!!!
ياريت القحاتة يعقلو او يبطلو مناقراتم دي، الجابت الانقلاب ده، ياريت!!!!
هذا عبط او عوارة بمعني المفردة!!!
مفروض يقعدو او يصلو لي اتفاق حد ادني بدل المناقرات دي البدفعو تمنا ثوارنا في الشارع، او ثورتنا ثم وطنا!!!!
حاجة تمغس، مثل هكذا مناقرات لامعني لها اطلاقا، وهي مكلفة جدا!!!
|
Post: #32
Title: Re: مشروع دور اكبر لهذا الموقع عايزين رايكم:
Author: محمد عبد الله الحسين
Date: 11-17-2021, 06:58 AM
Parent: #31
الأخ بشاشا تحياتي
أزكي هذه الفكرة العملية المتقدمة
فعلا نحن بتنقصنا المبادرات والابتكارات خاصة في الجوانب السياسية و كذلك في ربط السياسي و الجوانب الأخرى..
نتمنى أن تكون هذه الفكرة فاتحة خير.
|
Post: #33
Title: Re: مشروع دور اكبر لهذا الموقع عايزين رايكم:
Author: عمر دهب
Date: 11-17-2021, 07:25 AM
Parent: #32
سلام شيخى بشاشا
ماغريب عليك الراى السديد
والتنويرالذى تمسك بشعلته .
|
|