شكله مجبر على البيان.. لم يذكر الوثيقة الدستورية .. سأحاول رفع الفيديو
Post: #2 Title: Re: ظهور حميدتى فى بيان مقتضب Author: اْسامة اْباّرو Date: 11-08-2021, 01:03 AM Parent: #1
شكرا باشمهندس محمد عثمان.. تلاحظ من عباراته انو فيهو كتير من خيبة.. يبدوا انو الجماعة عصروهو وقطعوا عليهو طريق الانكار والرجعة .. كان ماسك العصاية من النص ، بمثلما فعل فى 2019 ، رغم وجود قواته على الارض الان ولكن التسونامى الشعبى الداخلى ، والاعاصير الخارجية دفعت به للانزواء منذ بدايات الانقلاب .. يبدوا ان وراء الاكمة ما وراءها.. منتظرين التسجيل يا باش..
Post: #3 Title: Re: ظهور حميدتى فى بيان مقتضب Author: اسامة محمد ابوبكر Date: 11-08-2021, 01:07 AM Parent: #1
Post: #4 Title: Re: ظهور حميدتى فى بيان مقتضب Author: Abureesh Date: 11-08-2021, 01:36 AM Parent: #3
شكرا أسامة وشكرا أسامة على جلب الفيديو.. البيان مسجل وما فى وكالات أنباء.. ما زلت فى رأيى ان الرجل مجبر ومكره على قراءة البيان
Post: #5 Title: Re: ظهور حميدتى فى بيان مقتضب Author: اْسامة اْباّرو Date: 11-08-2021, 01:51 AM Parent: #4
شكرا ي اسامة على رفع الفيديو.. نعم ي باشمهندس ملاحظ عدم الحماس الجنجويدى مهزوز وحاضرة السياسى والمالى على المحك .. لم ولن تشفع له محاولات التطبيع مع الشعب السودانى ، ماضيه الاسود بعيده وقريبه سيلاحقة مهما حاول التنصل عنه او مداراته بمساحيق المال المنهوب..
Post: #6 Title: Re: ظهور حميدتى فى بيان مقتضب Author: Abureesh Date: 11-08-2021, 02:09 AM Parent: #5
نعم يا اسامة لاحظت انا برضو.. وجهه كان جامد بدون اى تعابير، وعيونه مسمرة فى شاشة وراء الكاميرا يقرأ منها أو على الأصح يسمع منها.. مافى أى تعابير وجه تستشف منها انه مقتنع بأى كلمة يقولها. أعتقد شعر ان إزاحته كانت هى سبب الإنقلاب..
Post: #7 Title: Re: ظهور حميدتى فى بيان مقتضب Author: ترهاقا Date: 11-08-2021, 02:17 AM Parent: #6
اللبس العسكري ده ما إنتحال شخصية؟
Post: #8 Title: Re: ظهور حميدتى فى بيان مقتضب Author: اْسامة اْباّرو Date: 11-08-2021, 02:23 AM Parent: #7
ههههه يا فنان ، بقت على اللبس والبرنيطة؟ ده سرق ارواح ، وهوية ، وشرف البلد.. خليك من دهب ولحوم ذبيح وحى بشر وحيوان.. الدبيب ده الشباب حرقوا اللساتك مرق من جحرو.. لسة شطة الشارع راجياهو..
Post: #9 Title: Re: ظهور حميدتى فى بيان مقتضب Author: Mahjob Abdalla Date: 11-08-2021, 02:59 AM Parent: #8
الزول نجيض, بنتظر لغاية ما تميل الكفة و بعداك بعلن رأيو الصريح. هسى لو لاحظتو ما قال اى شئ يدل علي تأييدو للبرهان او ضد الثورة. لمن يجى في اللفة الاخيرة لو شاف كفة الثوار مرحجة حيعلن حمايته للثوار و لو شاف كفة البرهان راجحة فهو في مكانه دون ان يعاديه.
Post: #10 Title: Re: ظهور حميدتى فى بيان مقتضب Author: محمد البشرى الخضر Date: 11-08-2021, 03:52 AM Parent: #9
كيف ما قال حاجة يا محجوب؟ بداية الفيديو يقول تابعتم قرارات القائد العام التي جاءت تصحيحا لمسار الثورة و المحافظة على امن و استقرار البلاد بعد فشل محاولات الاصلاح بسبب تمسك فئة قليلة بالسلطة! ثم قال تشكيل الحكومة المدنية بلا وصاية, هو الانقلاب شنو غير الكلام دا الرسالة الوحيدة العايز يوصلها هي احترامهم لحق التظاهر السلمي وفقا للقانون و دي ما للداخل لكنها لبلنكن المطلوب منو يضع اسماء قيادة الانقلاب لمعاقبتها
Post: #12 Title: Re: ظهور حميدتى فى بيان مقتضب Author: اْسامة اْباّرو Date: 11-08-2021, 04:40 AM Parent: #10
Quote: الرسالة الوحيدة العايز يوصلها هي احترامهم لحق التظاهر السلمي وفقا للقانون و دي ما للداخل لكنها لبلنكن المطلوب منو يضع اسماء قيادة الانقلاب لمعاقبتها
قراءة سليمة يا هندسة ، بالفعل كان تركيز قرائتنا على لغة الجسد .. ولكن الا تتفق بأنه لم يكن فى حالة غير التى عهدناها عليه وان تظاهر بالهدوء والرزانة التى تليق بنائب رئيس؟ ثم.. هل نتوقع من مليشا الجنجويد كف يديها عن المتظاهرين السلميين كما يزعم؟ اعود واقرأ الظاهر فى الشاشة شخصية مهزوزة تعانى من خوف مرتقب.. حميدتى يخشى مصير صدام حسين ان استصحبنا بيان الرباعية والذى قد يشكل نواة تحالف اممى كما حدث فى عاصفة الصحراء..
Post: #11 Title: Re: ظهور حميدتى فى بيان مقتضب Author: خضر الطيب Date: 11-08-2021, 04:25 AM Parent: #4
مرحب يا باش
Quote: شاشة وراء الكاميرا يقرأ منها
هو يقرأ من جهاز مثبت امام عدسة الكاميرا اسمه المُلقن ( Prompter) https://www.0zz0.com مستحيل الجنجويدي البليد دا يقرأ من طايوقو بكون راجع الموضوع دا ألف مرة و تمت اعادة التسجيل ألف مرة غايتو المصور المسكين دا بكون جاهو غضروف من الوقفة خلف الكاميرا
Post: #13 Title: Re: ظهور حميدتى فى بيان مقتضب Author: علاء سيداحمد Date: 11-08-2021, 04:45 AM Parent: #11
بيان الجنجويدى حميدتي بيان داعم لبيان الانقلاب ماسك العصا من طرف الانقلاب .
بيان خائب .
Post: #14 Title: Re: ظهور حميدتى فى بيان مقتضب Author: علاء سيداحمد Date: 11-08-2021, 04:46 AM Parent: #13
البيان يؤكد على تمسك العسكر بالسلطة وعدم التفريط فيها .
Post: #15 Title: Re: ظهور حميدتى فى بيان مقتضب Author: علاء سيداحمد Date: 11-08-2021, 04:53 AM Parent: #14
وكما كتب الاخ ابو الريش فى بداية البوست :
Quote: شكله مجبر على البيان
احتمال يكون مجبر من اللجنة الامنية الكيزانية .
Post: #16 Title: Re: ظهور حميدتى فى بيان مقتضب Author: علاء سيداحمد Date: 11-08-2021, 04:56 AM Parent: #15
Quote: احتمال يكون مجبر من اللجنة الامنية الكيزانية .
حتى يكون موقفه واضحاً من الانقلاب لدى الشعب السوداني .
Post: #17 Title: Re: ظهور حميدتى فى بيان مقتضب Author: Abureesh Date: 11-08-2021, 05:13 AM Parent: #16
شكرا يا باشمهندس خضر أنا اعرف ال teleprompter لكن دا ما أدونا ليه.. فعلا دا متقدم بالنسبة للبيانات المسجلة.. لكن live speech المرايتين أفضل لأن الناس تعتقد يجيل النظر فيهم يمين وشمال.
ما زلت على رأيى ان الرجل مكره لا بطل.. أولاً النبرة monotone على طول البيان .. يعنى مافى طلوع ونزول فى الصوت، ومافى مشاعر من تشديد العبارات والتركيز على عبارات.. يعنى لم يتفاعل من النص. وهو نسخة من خطاب عمر سليمان الذى فرضه عليه الجيش. تلاه بنفس الأسلوب. شوف الخطاط كتب اسمه فى البانر فى نهاية الفيدو.. كتب محمد (حـدان) !! قرب يكتبها حردان
Post: #18 Title: Re: ظهور حميدتى فى بيان مقتضب Author: Abureesh Date: 11-08-2021, 05:51 AM Parent: #17
والله يا بروف كودى، الحلو انتزع منى الإحترام لسببين: 1. الرؤيا الواضحة 2. الثبات على المبدأ
إضافة الى انه يحارب وسط جنوده.. شجاعة وإقدام وتحمل للمشاق
Post: #19 Title: Re: ظهور حميدتى فى بيان مقتضب Author: Elhadi Date: 11-08-2021, 06:20 AM Parent: #18
خطاب حميدتي اعتقد أنه موجه للخارج أكثر من كونه موجه للداخل السوداني
Post: #20 Title: Re: ظهور حميدتى فى بيان مقتضب Author: منتصر صلاح Date: 11-08-2021, 07:17 AM Parent: #19
حميدتي الدموي في انتظار مرحلة الدماء الغزيرة .. عند احتدام المعارك مع الثوار سيظهر بثوبه ووجهه الحقيقي المعروف .
هيا خطة موضوعة .. واعتقد دوره وملشياته ح تكون الأخيرة .. يا انتصرنا .. او قتل كل الشعب .
ابو الريش وضيوفه .. سلام وتحايا
Post: #21 Title: Re: ظهور حميدتى فى بيان مقتضب Author: سامر دوشه Date: 11-08-2021, 07:56 AM Parent: #1
حميدتي ظهر كثاني شخصية قيادية للإنقلاب العسكري من الشق العسكري، وطبعاً مسارات الشارع بدت ظاهرة للعيان انو الانقلاب دا ما حيعدي بي اخوي واخوك، و بعتقد انو دا اكبر دليل للزج به -حميرتي- للإعلام في الوقت دا تحديداً، ولو كان السيناريو مختلف والشارع اظهر قبول للانقلاب (لا قدر الله) كنا حنلقاهو حايم مع باقي رباطة العسكر أمثال كباشي ومن على شاكلته،
طبعاً المحتوى خارم بارم زي طلتو علينا
Post: #22 Title: Re: ظهور حميدتى فى بيان مقتضب Author: محمد عبد الله الحسين Date: 11-08-2021, 08:22 AM Parent: #21
البيان واضح منه الغرض هو التأكيد على وقوفه مع الإنقلاب و ذلك رداً على الأقاويل التي تقول إنه معارض له.. تبدو على ملامح وجهه التعب و الهم و السهر.. وطبعا الظرف صعب..و العملية ليست بتلك السهولة .
Post: #23 Title: Re: ظهور حميدتى فى بيان مقتضب Author: اخلاص عبدالرحمن المشرف Date: 11-08-2021, 10:44 AM Parent: #22
السلام عليكم الخطاب كتب بعناية فائقة و تعابير حميدتي ونبرة الصوت والاسترسال والطلاقة متعمدة وهي للايحاء بتمكنه من وقدرته اللغوية ، لا يخالجني شك ان خبراء اسرائيلين في العلاقات العامة هم من صاغوا البيان ، اللهجة غير استفزازية ومحسوبة بعناية دون استخدام اليدين والانفعال . لا يريدون تسليط الضوء عليه لتمر الزوبعة بأقل الخسائر للجنجويدي وحتي يواصل نهب الموارد وتوريد المخدرات .
لن يمر ما فعله ف الشعب لا زال يعاني من الاعتقالات والاهانات والاعتداء ات الجسدية هذا الي جانب جلبه للمخدرات و تهريب الذهب واحتكار تجارة المواشي والمحاصيل.
Post: #24 Title: Re: ظهور حميدتى فى بيان مقتضب Author: علاء سيداحمد Date: 11-08-2021, 11:30 AM Parent: #23
د.طارق الشيخ حميدتي ظاهرة مؤقته لا مستقبل له بالسودان
Post: #25 Title: Re: ظهور حميدتى فى بيان مقتضب Author: Mahjob Abdalla Date: 11-08-2021, 12:45 PM Parent: #24
Quote: كيف ما قال حاجة يا محجوب؟
سلام ود البشرى تعرف زى مسرحية "شاهد ما شافش حاجة" اهو "قال ما قالش حاجة". مسك العصاية من النصف و صراحة ما قال شئ او كلام الطير في الباقير. هو اصلا ما داير يتكلم زى لما كان عملها مع عمر البشير لكن هذه المرة الجماعة زنقوهو (اما معانا او مع الخيانا) و لذلك اتكلم و لم يقل شئيا, فقط لتنفيذ رغبة الذين ارادوهو ان يتكلم.
Post: #26 Title: Re: ظهور حميدتى فى بيان مقتضب Author: Abureesh Date: 11-08-2021, 01:22 PM Parent: #25
بالمناسبة هذا الخطاب لم يوجه للشعب السودانى، ولو كان موجهاً للشعب لكان من خلال التلفزيون.. كيف توجه خطاب للداخل والانترنت مقطوع؟!! الخطاب موجه للخارج لتضليل أمريكا ومصر (كما ضللهم البشير).
Post: #27 Title: Re: ظهور حميدتى فى بيان مقتضب Author: اخلاص عبدالرحمن المشرف Date: 11-08-2021, 02:20 PM Parent: #26
كما قال باشمهندس Abureesh الخطاب موجه للخارج .
Post: #28 Title: Re: ظهور حميدتى فى بيان مقتضب Author: اْسامة اْباّرو Date: 11-08-2021, 03:18 PM Parent: #27
Quote: كما قال باشمهندس Abureesh الخطاب موجه للخارج .
وممكن يا دكتورة " ونتمنى " يكون رد على كلام البرهان فى جزئية " الجبش لا يقتل المواطنين ، وسنقوم بالتحقيق" والذى نتائجه معلومة ، ان تطاولت فترة الانقلابيين بالسلطة ، "واشك فى ذلك" وفى الغالب ح يكون اللهو الخفى ، او كتائب الكيزان ، ولا نستبعد مسلحى الحركات للتخلص منهم ولو اننا نجزم بعدم مصداقية الجنرال البائس. اما الجنجويدى فقد ادمن الهروب والانتهازية.. ولا يهمه غير الحفاظ على امبراطورية آل دقلو.. اللهم اجعل كيدهم فى نحرهم..
Post: #29 Title: Re: ظهور حميدتى فى بيان مقتضب Author: اخلاص عبدالرحمن المشرف Date: 11-08-2021, 03:34 PM Parent: #28
وقت الخطاب يدل علي انه موجه لامريكا تحديداً وكما ذكر الاخوة Elhadi و Abureesh اما يا استاذ اسامة ابارو جزئية القتل فهي رد علي حملة محاسبة الجنجويد ومناشدة المشرعيين الامريكان، من متين حميدتي بتكلم مع السودانيين بادب ، ما هو كلو تمطر حصو وشارع تاني واستحقار و في رأئه ثمن السوداني سبيطة موز واذا انتقدته جنوده وجلادينه جاهزين بالدبشك والكفيت ولو كثرت طلقة في نص الراس
Post: #30 Title: Re: ظهور حميدتى فى بيان مقتضب Author: اخلاص عبدالرحمن المشرف Date: 11-08-2021, 03:41 PM Parent: #29
Post: #32 Title: Re: ظهور حميدتى فى بيان مقتضب Author: بدر الدين الأمير Date: 11-08-2021, 04:40 PM Parent: #30
ابو الريش التقرير الصوتى الرسلتو لك فيه ملاحظات مهمة حول خطاب قائد الجنجويد منها انه ظهر وهو حالق شنبو... والتقرير بث في وقت متأخر من الليل وعلى الفيس بك وممكن نقاربه بحوار البرهان الذى خص به حصريا قناة الجزيرة ياريت تنزلو هنا لاثراء الحوار والتحليل
Post: #31 Title: Re: ظهور حميدتى فى بيان مقتضب Author: محمد نجيب عبدا لرحيم Date: 11-08-2021, 04:31 PM Parent: #26
Quote: بالمناسبة هذا الخطاب لم يوجه للشعب السودانى، ولو كان موجهاً للشعب لكان من خلال التلفزيون.. كيف توجه خطاب للداخل والانترنت مقطوع؟!! الخطاب موجه للخارج لتضليل أمريكا ومصر (كما ضللهم البشير).
مساء الخيرات أبو الريش كلامك صحيح البعض يعتقد أن حميدتي يسير البرهان لكن الواضح أمامنا الجنجويد يعيدون مشهد مذبحة القيادة العامة من ضرب وقتل والبرهان رجل مكار ورط الجنجويد في في الإنقلاب على الثورة وسبق أن ورطهم في مذبحة القيادة وظهوره الآن تحت ضغط من البرهان ورهطه عشان ما أقفز من مركب البرهان في مركب الثوار ثانياً هو خايف على مملكة آل دقلو ذهب وسلاح وسلطة وبرستيج ولذا كان مضطرباً مهزوزاً ومهزوماً لأن سقوط العسكر ما عليهو إلا يسلم رقبتو للحبل ويكون راح ومملكة أل دقلو الدموية ذهبت مع الريح تحياتي
Post: #33 Title: Re: ظهور حميدتى فى بيان مقتضب Author: Abureesh Date: 11-08-2021, 06:09 PM Parent: #31
شكرا يا بدر على الملف.. أرجع لعدة الشغل وأرفعه على يوتيوب اليوم..
Post: #34 Title: Re: ظهور حميدتى فى بيان مقتضب Author: بدر الدين الأمير Date: 11-08-2021, 10:15 PM Parent: #33
في تقديرى هذا شغل شركة العلاقات العامة الكندية التى يملكها يهودى التى دفع لها قائد الجنجويد خمسة مليون دولار لتلميع صورته في الغرب والملاحظ انو لقاء البرهان كان للجزيرة الانجليزية
Post: #35 Title: Re: ظهور حميدتى فى بيان مقتضب Author: اخلاص عبدالرحمن المشرف Date: 11-09-2021, 01:42 AM Parent: #34
Post: #36 Title: Re: ظهور حميدتى فى بيان مقتضب Author: Hamid Elsawi Date: 11-09-2021, 05:52 AM Parent: #35
من شعارات الثورة تصفية لكل المليشيات و جمع السلاح في يد القوات المسلحة و تكوين جيش موحد بعقيدة واحدة و يمثل كل جهات السودان. الشعار ده هو ما خلق قلق علي حميدتي أولاً و برهان الذي لا و لم يكف عن ذكر الجيش و الدعم السريع حاجة واحدة في كل خطابته. و السؤال للبرهان.... هل وظيفتك الرفيعة في الجيش هي التقنين و الدفاع عن مؤسسة عسكرية توزع الرتب علي منسوبيها بدون اي منهج مدروس؟ ظهور حميدتي خصم من هيبة البرهان (و هي في محك) أمام العالم الذي يضع كل أنظارة علي السودان. هل حميدتي هو الكفاءة العسكرية التي يقدمها للعالم؟ الغرض من ظهورة هو وضع الدعم السريع في الصورة حتي يتم الاعتراف به و التعامل معه و لتقنين و فرض قوة الدعم السريع علي القوي الخارجية. ظهور حميدتي بعد زيارة وفد الجامعة العربية ما عندو دلالات؟ سؤال هل ممكن يكون تأكيد لوجود هذه القوات التي تجاهلها وفد الجامعة. و ايضا التجاهل للرجل و قواته من كل الوساطات الخارجية. لعل هذا هو سبب ظهورة لكي يقول أنا أهو ناسيني مالكم يا ناس الوساطات. عاوز يكون طرف في المفاوضات و ماسك العصاية من النص و موقف الامارات و السعودية مع امريكا و بريطانيا أداهو شعور بانه فقد أعز أصدقاءه بعدين الحاجة المحيراني البرهان و حميدتي ما بخجلوا لمن يقولوا حق التظاهر محفوظ. و هم مصادرين حق الاتصال (قطع النت) و سجونهم مليانه بالمعتقلين. المهم هناك غموض سوف تكشفه الايام و تبقي قرايتنا للامور مجرد تكهنات و تحليلات منها ما قد يصيب و منها ما قد تثبت الايام انه عير سليم .... نعم للدولة المدنية الديمقراطية لا لدولة المليشيات التي يسعي اليها البرهان و جماعته شكراً صاحب البوست و ضيوفه الكرام
