Post: #1
Title: انها ( ذات السفارات) أم المعارك الدبلوماسية !
Author: هشام هباني
Date: 11-07-2021, 02:25 PM
01:25 PM November, 07 2021 سودانيز اون لاين
هشام هباني-
مكتبتى
رابط مختصر
معركة ( التخندق بالسفارات) وعدم تسليمها للانقلابيين ستكون ملحمة وطنية حقيقية ينبغي ان يقودها ثوار الخارج بحكمة كبيرة مع السفراء المناضلين لدعمهم في مواقفهم الوطنية المنحازة للثورة لاثبات ان شرعية الثورة باقية وان الانقلاب عمل عدواني مضاد للديموقراطية والحرية والكرامة الانسانية وستجعل هذه المواقف العالم منحازا ومحترما لثورتنا بهذا الموقف الوطني السديد .. والاهم ينبغي ان توكل هذه المهمة الثورية النوعية لشبابنا النشطاء المشربين بالوطنية السودانية وايضا واعون جدا بمخاطبة الراي العام في مواطنهم الجديدة بسبب امتلاكهم ناصية اللغة الرسمية وايضا يمتلكون وعيا ديموقراطيا حقيقيا تشربوه فيها والمهم انهم ايضا انقياء من الذيلية الحزبية السودانية العمياء .
|
Post: #2
Title: Re: انها ( ذات السفارات) أم المعارك الدبلوماس�
Author: هدى ميرغنى
Date: 11-07-2021, 03:01 PM
Parent: #1
سلام أخ هاشم -
كلام سليم ويمكن تنفيذه.
يُدعم السفراء بثوار وتفتحوا قنوات الإتصال لتوضيح الحاصل هناك فى السودان وإنه الشعب السودانى عايز شنو، يعنى مثلا ناس واشنطون يقوموا بمهمة زى دى-يشوفوا العناصر الصادقة،الصلبة غير الهيابة ويشوفوا القنوات وأى شخصيات مؤثرة وحتى يصلوا الرئيس بايدن ودا طبعا ممكن بإعتبارهم مواطنين أمريكان وعندهم معرفة بقضية ملحة - موت ناس عديل ويبحثوا عن الحلول لإنقاذ شعب كامل فى بلد اسمه السودان. فى عام 2019 الهان عمر(إمرأة الكونقريس) كان عندها حديث شجاع لما إدارة ترمب عقدت صفقة أسلحة مع الأمارات قالت فى كلمتها فى ما معناه -إنه السلاح دا من الأمارات بيتصدر للسودان -وكان وما زال تصدير السلاح حاصل.
المعلومات البتصل الان من السودان للخارج كان من ناسهم كان من المنافقين السودانين زى بتاعين العراق الجواسيس زمان معلومات غير كاملة وأحيانا بعيدة عن الحقيقة والممثلين البسافروا من بلادهم للسودان بتكون حركتهم محصورة ما أظن يشوفوا المرتزقة جارين يخطفوا ويغتالوا فى الناس داخل الأحياء.
الواقع الآن على الشعب السودانى لازم يتعرف كامل للعالم.
|
Post: #3
Title: Re: انها ( ذات السفارات) أم المعارك الدبلوماس�
Author: هشام هباني
Date: 11-08-2021, 09:47 AM
Parent: #2
سلامات استاذة هدى
ده المطلوب الان بشكل ملح خاصة في دول الغرب الديموقراطية والتي تسمح بذلك النشاط وعبره يمكن ان توصل صوت شعبنا للعالم.. والتحية للسودانيين في قطر وسلطنة عمان لقيامهم بوقفات امام وداخل سفارتينا برغم حساسية مثل هذه الانشطة في تلكم المنطقة الموبوءة بالطغيان ولكنهم فعلوها فلهم التحية.
|
Post: #4
Title: Re: انها ( ذات السفارات) أم المعارك الدبلوماس�
Author: هدى ميرغنى
Date: 11-11-2021, 04:02 PM
Parent: #3
جاء بالراكوبة"الدبلوماسية الأمريكية تواصل التحشيد … مسؤول قطري رفيع يلتقي إدارة بايدن"
الأمريكان يحيروا عندهم السفير السودانى فى بلدهم ، أعلن إنه رافض للانقلاب جملة وتفصيلا بدل يلتقوا بيه والصادقين من السودانين بامريكا ويعرفوا الحاصل جد جد ،يلفوا لفات غريبة فيها إستهانة برأى الشعب السودانى ويستمعوا لآراء ممثلي الدول صانعى المصائب للشعب السودانى - مصر بجهة ، الامارات بجهة تانية وأها جاءت قطر ملجأ الكيزان وناس الدباب!
|
|