🔥مادة خلاء جديدة لنج من آل دقلو

10:42 AM November, 07 2021

سودانيز اون لاين
حسين عبد المجيد-
مكتبتى
رابط مختصر

🔥مادة خلاء جديدة لنج و من خارج نص القانون السوداني اسمها ( لجان مقاومة اشتباه ) دي تقريباً من تأليف دقلو اخوان و بمباركة البرهان .
و ده بيعني انه اي مواطن سوداني ماشي في الشارع .. في السوق.. في الحي .. جالس او واقف جوار منزله ممكن يكون مستهدف و ( مشتبه به )

♨️ تعميم للجميع

جري يوم امس تنوير للقوات المشتركة ( جيش،جنجويد) بمعسكر صالحة و ذلك لاجل استهداف لجان المقاومة في حملة منظمة علي الاحياء و الشوارع تستهدف مناطق بعينها (بري، العباسية، الشجرة،جبرا،كرري، بحري، الكلاكلة)

♨️ صدرت الاوامر لهذه القوات بمعسكر صالحة و ذلك للقيام بحملات منظمة لارهاب الشباب و اخراس الاصوات الرافضة للعسكر و تم توجيههم نحو الشوارع لتنفيذ عملية سميت ب ( تقليم المخالب )

*الشريحة المستهدفة في هذه العملية هم فئة الشباب ما بين عمر 15 الي 35 سنة .

* يتم الاستهداف بناءاً علي المظهر الخارجي و بناءًا علي البينات الاتية ;-
*كل من يحمل علم او يلتحفه او يرتديه باي شكل من الأشكال فهو لجان مقاومة
* اي شخص جالس بجانب التروس طفل او شاب او بنت فهو لجان مقاومة
* اي شاب طويل الشعر او يحمل شنطة 🎒 ظهر
فهو لجان مقاومة .
( يجب قصقصة رؤوس البنادوهم تروس )
*يجب تاديب و تقليم مخالب لجان المقاومة بالضرب و الحلاقة و مصادرة هواتفهم و اموالهم و *كما نطقها الجنجويدي اي ( عفين ولد مرة ) اظهر قوته او حاول المقاومة املو جبخانة يقول كفي .
سمية هندوسة

Quote: صدرت الاوامر لهذه القوات بمعسكر صالحة و ذلك للقيام بحملات منظمة لارهاب الشباب و اخراس الاصوات الرافضة للعسكر و تم توجيههم نحو الشوارع لتنفيذ عملية سميت ب ( تقليم المخالب )

شوف يا كوز جنس كلامك دا لو كان يرعب شباب الثورة ما كانوا طردوا سيدك البشير واخوانك الكيزان من الحكم
الشباب ديل شايلين ارواحهم فى ايديهم وما يهمهم الموت .

اختشي يا كوز .

Quote: شوف يا كوز جنس كلامك دا لو كان يرعب شباب الثورة ما كانوا طردوا سيدك البشير واخوانك الكيزان من الحكم الشباب ديل شايلين ارواحهم فى ايديهم وما يهمهم الموت . اختشي يا كوز .

هههههههههههههههههه قال كوز تبا لك مافي كوز الا انت لسه ماكلة معاك الجلدة بتاعت 2013م ههههههههه
البوست كله منقول

سلام-
هندوسة دى مش ياها الزولة الحلقت شعرها وكذبت إنه كان تعذيب
أظنها قعدت ونجرت أمانيها دى أو هى واحدة منهم وعايزة المرتزقة والجنجويد يعملوا كدا

#الشعب شعب أقوى والردة مستحيلة

Quote: أظنها قعدت ونجرت أمانيها دى أو هى واحدة منهم وعايزة المرتزقة والجنجويد يعملوا كدا

الهمج الجنجويد ديل ما محتاجين لكتابات ورغبات واماني هندوسة
ذاكرة الشعب حية لافعال واعمال الجنجويد من 2013 الي اليوم شغالين جلد وحلاقة في الشباب الامثلة حية وموجودة بالكوم

سلام حسين عبدالمجيد
أنا غايتو بحسن الظن في بوستك دا لحدي ما تفهمنا الحاصل أو توديه الخور
لأنه مادته غريبة وطريقة طرحك أغرب
طيب مادام هو من هندوسة كان على الأقل تكتب عليه ((منقول))
لأنه أنا دخلت على أساس العنوان قبل أشوف المتن ولقيت انه العنوان مضلل
والكلام الجوة ما حبابو والله - بالذات في هذا التوقيت
لأنه الشباب ديل تجاوزوا الأمور دي بمراحل ياخ.

ربنا يحفظهم

Quote: هههههههههههههههههه قال كوز تبا لك مافي كوز الا انت لسه ماكلة معاك الجلدة بتاعت 2013م ههههههههه البوست كله منقول

يا كويز انا والله عارف انك ناقل ولكنك متفق مع ما ورد فيما نقلته ولذلك وجهت الكلام اليك .
ولكن وللاسف الشديد وجدتك هنا تتكلم بطريقة غريبة وتريقة اغرب عن جلد هندوسة فى عام 2013م
وفعلاً الكوز ما انسان كلو كلو .

Quote: وفعلاً الكوز ما انسان كلو كلو .

زول انصرافي زيك كده ما لاقني يا اخ سيبك من كلام انت كوز والسلوك القطيع ده ..
الثورة دي انا في شارعها وصابيها من القيادة حتى الان مش زيك جدادة حائمة باسم الثورة

سلام يا ابوعاقلة

Quote: طيب مادام هو من هندوسة كان على الأقل تكتب عليه ((منقول))

البوست كله ممهور بتوقيع هندوسة يعني منقول

Quote: لأنه مادته غريبة وطريقة طرحك أغرب

المادة حية من واقع افعال الجنجويد الان في الخرطوم وتفتيش البصات السفرية وانزال الشباب واذلالهم بالحلاقة ويكفي ان الناشطة لندنية حلق شعرها تضامنا مع الثوار الذين تعرضوا للحلاقة

Quote: والكلام الجوة ما حبابو والله - بالذات في هذا التوقيت لأنه الشباب ديل تجاوزوا الأمور دي بمراحل ياخ.

عيبه شنو عشان ما يلقى ترحيب منك يعني نتغتغت وندسدس مما يحدث لنا من الجنجويد وابو طيرة الجيش وليه التوقيت ما مناسب مع حالات القتل والسحل والاعتقال نقعد نسكت يعني
نحن شباب ديل شفنا الموت عدييييل كده وما عايز ازايد على احد