Post: #2 Title: Re: مساعدة لو سمحتوا - كيفية إضافة صور ،ڤيديو Author: ABUHUSSEIN Date: 11-03-2021, 05:54 PM Parent: #1
اهلا بيك اختنا هدى الصورة بتحتاجي لي موقع بيرفع الصور و بديك رابط للصورة الفيديو برضو بتنسخي رابط الفيديو و بتنزليه هنا التفاصيل شوية طويلة و بتحتاج لي صور للمساعدة في كم بوست كانو اتفتحو فيهم شرح وافي لكن عايزات تفتيش ما عارف بكري حافظهم في مكتبة براهم و ل خاليهم حايمات مع البقية ... تحياتي
Post: #3 Title: Re: مساعدة لو سمحتوا - كيفية إضافة صور ،ڤيديو Author: ABUHUSSEIN Date: 11-03-2021, 06:16 PM Parent: #2
كدي شوفي البوست دا كاتبو زميلنا المرحوم سامي عبدالمطلب الزول الخلوق الراقي اللهم ارحمه و اغفر له و اجعل مثواه الجنة سلسلة دروس تقنية _ التعامل مع المنبر العام (فيديوهات)سلسلة دروس تقنية _ التعامل مع المنبر العام (فيديوهات)
Post: #4 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-03-2021, 06:18 PM Parent: #2
الأخ ABUHUSSEINالتحايا والسلام- كثير التقدير على الرد والإرشادات
Post: #6 Title: Re: مساعدة لو سمحتوا - كيفية إضافة صور ،ڤيديو Author: حامد عبدالله Date: 11-03-2021, 06:25 PM Parent: #4
سلام و عبركم للباشمهندس بكري لا بد من تحديث المنبر
ودوورد
Post: #8 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-03-2021, 07:05 PM Parent: #6
سلام يا أخ حامد-
أوافق كلموه بس أنا جديدة ساكت ما عندى حق ڤيتو.
Post: #5 Title: Re: مساعدة لو سمحتوا - كيفية إضافة صور ،ڤيديو Author: خضر الطيب Date: 11-03-2021, 06:22 PM Parent: #2
مرحب اخت هدي بالنسبة لرفع الصور انا بستخدم موقع العملاق لرفع الصور لما تفتحي الموقع بتظهر معاك الصورة التحت دي https://www.0zz0.com بتغطي على زر (ارفع) و بتختاري الصورة بعدها بظهر معاك لنك المنتديات تنسخيهو و تعملي paste في البوست المعني https://www.0zz0.com اتمنى انها تكون واضحة و لو عندك استفسار انا حاضر عشان نعبر و ننتصر لمرحلة رفع الفيديوهات و برضها ساهلة
Post: #7 Title: Re: مساعدة لو سمحتوا - كيفية إضافة صور ،ڤيديو Author: علاء سيداحمد Date: 11-03-2021, 07:02 PM Parent: #5
مرحبا اخت هدى
بالنسبة لاضافة الصورة فى المنبر يمكن استخدام موقع خارجى يمكن تحميل رابط مباشر منه مثل موقع :
Top4toP | مركز تحميل و رفع الصور و الملفات من الخليج إلى المغرب
ادخل الموقع : اضغط Browse واختر الصورة المراد تحميلها ثم اضغط على الموافقة على اتفاقية الخدمة ثم اضغط على رفع الملفات
ثم اضغط على رابط الصورة المباشر لتحميل الرابط بالضغط كليك يمين الماوس Copy . وبعد ذلك فى سودانيز اضغط على اضف رد
اضغط على اضف صــورة امسح ما بداخل المستطيل من كتابة
هنا يتم وضع الرابط الذى تم تحميله Paste
ثم الضغط على شاهده قبل نشره للتأكد من انّ الصورة قد تم رفعها وبعد التأكد يتم الضغط على اضافة رد
Post: #9 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-03-2021, 07:08 PM Parent: #5
الأخ خضر الطيب- كثير الشكر على النجدة وتعليمى صيد السمك.
عملت بإرشاداتك ونجحت فى إضافة الصورة كثير التقدير
Post: #10 Title: Re: مساعدة لو سمحتوا - كيفية إضافة صور ،ڤيديو Author: خضر الطيب Date: 11-03-2021, 09:12 PM Parent: #9
Quote: الأخ خضر الطيب- كثير الشكر على النجدة وتعليمى صيد السمك.
عملت بإرشاداتك ونجحت فى إضافة الصورة كثير التقدير
ممتاز اخت هدي اذن طالما انك بهذه القدرة العالية على التعلُم خلينا نعبر لرفع الفيديو و سننتصر :)
افتحي الفيديو و اضغطي على Share
https://www.0zz0.com
بتظهر معاك الأيقونات دي اضغطي على Embed https://www.0zz0.com
بظهر ليك الكود العلى اليسار انسخيهو و لصقيهو في البوست محل الكتابة
https://www.0zz0.com و بي كده بتكوني اول عضو جديد عبر و انتصر في دقائق معدودة يلا اتحفينا .. بالتوفيق ..
Post: #11 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 00:35 AM Parent: #10
سلام والتحايا أخ علاء وشكرا على المساعدة - قدرت انزل صور لكن يوتيوب فيديو محتاجة لى ساع ساعتين . كثير التقدير
Post: #12 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 00:41 AM Parent: #10
الأخ خضر سلام تانى وشكرا - ما قدرت لسه أنزل ڤيديو (يوتيوب تحديدا).
حاولت انزل نشيد العطبرواى مرحبتين بلدنا حبابها وما قدرت
Post: #13 Title: Re: مساعدة لو سمحتوا - كيفية إضافة صور وڤيديو Author: خضر الطيب Date: 11-04-2021, 01:00 AM Parent: #12
Quote: الأخ خضر سلام تانى وشكرا - ما قدرت لسه أنزل ڤيديو (يوتيوب تحديدا).
حاولت انزل نشيد العطبرواى مرحبتين بلدنا حبابها وما قدرت
تحياتي اخت هدى طيب التلاتة خطوات الفوق اختصرا ليك تضغطي بي يمين الماوس في نص الفيديو بتنزل معاك قائمة منسدلة اضغطي على العبارة المعلمة بالاصفر، كده بتكوني نسختي الكود ارجعي للبوست و اعملي paste او Control+V
https://www.0zz0.com
Post: #14 Title: Re: مساعدة لو سمحتوا - كيفية إضافة صور ،ڤيديو Author: عبد الله حسين Date: 11-04-2021, 01:17 AM Parent: #12
سلام يا هدى
شغلي الفيديو في اليوتيوب
وكلك بالماوس باليمين
على الفيديو وهو شغال
بتفتح معاك نافذة بعدة خيارات
في القائمة كلك على:
Copy embed code < >
في سودانيز أون لاين
حا تدوسي رد كالعادة
بعد تفتح نافذة الرد
كلك بالماوس باليمين
ودوسي على بيست
بعد داك دوسي على " شاهده قبل نشرة "
عشان تتأكدي من ظهور الفيديو
مع التحية
إضافة لتوضيح خضر
Post: #15 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 02:17 AM Parent: #14
Post: #16 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 02:18 AM Parent: #15
شكرا شكرا يا أخ خضر
Post: #17 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 02:19 AM Parent: #16
شكرا شكرا عبد الله حسين أخيرا نجحت
Post: #18 Title: Re: مساعدة لو سمحتوا - كيفية إضافة صور ،ڤيديو Author: بكرى ابوبكر Date: 11-04-2021, 02:40 AM Parent: #17
البرلومة هدي بت ميرغني مرحب بيك شنو يا زولة دايرة تتعلمي الحاجات من اول شهر ...كان كدا نحن موعودن بقلم سنين،،،، مرحب بيك و نورتي بيتك
Post: #19 Title: Re: مساعدة لو سمحتوا - كيفية إضافة صور ،ڤيديو Author: Hafiz Bashir Date: 11-04-2021, 02:48 AM Parent: #17
سلام يا هدى ومرحب بيك في المنبر إضافة متميزة
في الكود بتاع الفيديو بتلقي "width = "834 "height = "1112
غيريهم ل "width = "800 "height = "560 وأمسحي الكود بتاع ال Centered or Left alignment او أعمليهو Right عشان مساحة الفيديو تكون مناسبة للصفحة وما تفتل الصقحة.
Post: #20 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 03:16 AM Parent: #19
شكرا ليك أخ بكرى- والله اتلحت الجماعة هنا وهم مشكورين ماقصروا لما إتعلمت . زمان ما كان عندى كيبورد عربى فكرت قلت بس أكتب بخط يدى (وخطى شوية ما شين) وأصور والصق لكن برضه علقت لما اتعلمت أكتب سريع بالعربى
يا باشمهندس إنت من كثرة ما شاطر عملت المنبر كله وملحقاته - أنا كيفية رفع الصور والڤيديو فيه الا بالمساعدة.
Post: #21 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 03:22 AM Parent: #20
أهلا وشكرا ليك أخ Hafiz Bashir- جيهت الڤيديو كويس ، أنا يا الله يا الله قدرت علقته بعد كم درس وكم دفرة.
Post: #22 Title: Re: مساعدة لو سمحتوا - كيفية إضافة صور ،ڤيديو Author: خضر الطيب Date: 11-04-2021, 03:44 AM Parent: #21
Quote: شكرا شكرا يا أخ خضر
حمد الله على السلامة حاولي اعملي براكتسنق على الفيديو من اليوتيوب حتحتاجي لطريقة رفع الفيديو من الفيسبوك و من الواتس و وسائط أخرى و رفع فيديو MP4 لليوتيوب للأخيرة دي اعملي ليك قناة في اليوتيوب الشغلانة دي باخد الشيك من الباشمهندي بكري :)
Post: #23 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 04:29 AM Parent: #22
Post: #24 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 04:41 AM Parent: #23
شكرا يا أخ خضر- اليوم إتعلمت كثير تانى ما بقيف من إضافة الصور والڤيديوهات كثير التقدير
Post: #25 Title: Re: مساعدة لو سمحتوا - كيفية إضافة صور ،ڤيديو Author: بسمات الشيخ Date: 11-04-2021, 11:58 AM Parent: #24
الحبيبة هدى ميرغني ما شاء الله عليكي يا هدي ...لانك فهمت.شرح رفع الصور للمنبر من اول وهلة نحن شرحوا لينا الحكاية دي اكثر من ١٠٠ مرة ولهسع ما بنفهم اي شئ في كيفية رفع الصور ..... حاجة واحدة فهمناها وهي رفع الاغاني من اليوتوب للمنبر العام.... لكن اصعب حاجة هي ان تصوري احداث حاصلة قدامك بكاميرا وتنزليها هنا في المنبر العام....دي من المستحيلات الاربعة....وكنت مستغربة عضو المنبر كوستاوي كان بيصور شوارع واشنطن بكاميرا وينزلها في المنبر العام... معلوماتنا التكنلوجية صفر....
Post: #26 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 12:32 PM Parent: #25
العزيزة بسمات الشيخ صباحاتك وصباحات الوطن خير-
اتلحت الجماعة هنا لما علمونى وليهم التقدير ما قصروا
والتحية لنساء السودان الصامدات المناضلات فى كل الجهات •••• أنسانة ابسط ما يقال تمشي وما بتطأطي ما بين بير وشاطي تطلع عالي واطي
نهارها مع السواقي وليلها مع الطواقي وعمرها للجهال —— والمعركة الدارت تصلصل بسيوفها وبالحراب والعلاقة البينو بين الغابة والهبابة والربابة والمنديل ومجرى النيل وضلفة باب وبكية طفلة في الكتّاب تفتش عن قلم رصاص وقع في الباص ——— وحس رصاص هدر في ناحية فيها العيش حكر للجيش بتاكل من زمن مافيش وتشرب من زمن مافيش وكان اضراب
Post: #27 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 12:35 PM Parent: #26
https://www.0zz0.com
Post: #28 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 12:38 PM Parent: #27
عاش نضال الشعب السودانى الصامد الصابر # تسقط شراكة الدم التى مع العسكر الكيزان والجنوجويد ومليشياتهم وكل المرتزقة
Post: #29 Title: Re: مساعدة لو سمحتوا - كيفية إضافة صور ،ڤيديو Author: Sudany Agouz Date: 11-04-2021, 01:56 PM Parent: #28
الإبنه الحبيبه هدى ..
أنا عمك العجوز ارنست .. السوداني العجوز ,, هذه أول مداخله مع حضرتك .. ولي الشرف أن أكتب لك هذه الكلمات لأشكرك ,, لأنني حاولت عدة مرات تنزيل نشيد الفنان الجميل الأصيل محمد الأمين .. نشيد " ملحمة أكتوبر " .. وفشلت عدة مرات .. وحينها وجدت البوست الذي تطلبين فيه كيفية تنزيل اليوتيوب .. عندها تتبعت ردود الأحباء الذين بذلوا جهدهم الكريم لكيما يعرفونا الطريقه الصحيحه للتنزيل .. والحمد لله تعلمت منهم .. شكراً مره أخرى لحضرتك يا هدى .. الرب يبارك حياتك ..
وهنا وجب عليّ أن أهدي لك هذه الملحمه ..
عمك العجوز ,. ارنست
Post: #30 Title: Re: مساعدة لو سمحتوا - كيفية إضافة صور ،ڤيديو Author: اسامه العريفي Date: 11-04-2021, 02:25 PM Parent: #29
Post: #31 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 02:39 PM Parent: #29
الأخ المحترم سودانى (وحدها تكفى) - وفى لغتى أرد على المودة والإهداء بالمودة "••وعلى الأرض السلام وبالناس المسرة ..". والشمس تشرق كل يوم ألف مرة
#تسقط شراكة الدم مع العسكر الكيزان ، الجنجويد وميليشياتهم ، ولوردات الحرب وكل المرتزقة عاش نضال الشعب السودانى
Post: #32 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 02:45 PM Parent: #31
سلام أخ أسامة ولك التحية والشكر يبدو إنه الأخ سودانى رجع من كم يوم - يعنى مقدرات لا أدعيها فى عودته 😀
#تسقط شراكة الدم مع العسكر الكيزان ، الجنجويد وميليشياتهم ، ولوردات الحرب وكل المرتزقة عاش نضال الشعب السودانى
Post: #33 Title: Re: مساعدة لو سمحتوا - كيفية إضافة صور ،ڤيديو Author: Nasser Amin Date: 11-04-2021, 03:05 PM Parent: #31
سلام عليكم اخت هدى ومرحب بيك نقل الصور و الفيدوهات من الفيس مثلا نقل فيديو أو صورة من الفيس للمنبر في ... 3 نقاط في الركن الاعلي الايمن تضغطي عليها
بيظهر خيارات من بينهاEmbed
تضغطي علي خيار Embed و تظللي المستطيل البتظهر في بدايته iframe > وتعملي كوبي و تجي تلصقي في مداخلتك في المنبر ( تجاهلي السهم الماشي على Advanced Settings)
بالنسبة للملفات الصوتية في مواقع مثل https://soundcloud.comhttps://soundcloud.com. بترفع الملف الصوتي في الموقع اسفل الملف الصوتي بتضغط على المربع الفي النص حيث يشير السهم👇
بتضغط على Embed المشار لها بالسهم👇
تظلل الكود كله و تعمل كوبي و بيست في البوست كما يمكن التحكم في الطول و العرض لو لاحظتو في الصورة ادناه حتي يناسب البوست و ما يفتلوا.
... .. .
Post: #35 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 03:34 PM Parent: #33
سلام أخ Nasser Amin-
كثير التقدير والشكر على الإرشادات الوافية
Post: #36 Title: Re: مساعدة لو سمحتوا - كيفية إضافة صور ،ڤيديو Author: Yasir Elsharif Date: 11-04-2021, 04:01 PM Parent: #35
سلام يا هدى
ومرحب بيك كنداكة جديدة في المنبر.
وأهدي لك ولزوار البوست وزائراته حديث المناضلة التونسية مها الجويني
Post: #37 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 04:45 PM Parent: #36
التحية والشكر ياسر- نساء السودان زى الضوء يا ياسر يلفحن العباية، الطرحة أو الثوب وإلى شوارع الثورة القدم بالقدم مع أخوانهن، أبائهن ،وأبنائهن بشجاعة مماثلة سيسجلها التأريخ كأعظم البطولات السلمية- لهم التحية أجمعين. الشكر أيضا للمناضلة التونسية مها الجوينى وحديثها القوى المعنى مع رقة التعبير.
العسكر ما بتفهم العسكر ماجورة
Post: #38 Title: Re: مساعدة لو سمحتوا - كيفية إضافة صور ،ڤيديو Author: هدى ميرغنى Date: 11-04-2021, 07:24 PM Parent: #37
