Post: #2 Title: Re: هل الموت بخوف.... Author: بدر الدين الأمير Date: 11-02-2021, 10:59 PM Parent: #1
انت ميت وهم ميتين
Post: #3 Title: Re: هل الموت بخوف.... Author: بدر الدين الأمير Date: 11-02-2021, 11:13 PM Parent: #2
قالها الشاعر الفلسطيني للموت
Post: #4 Title: Re: هل الموت بخوف.... Author: بسمات الشيخ Date: 11-02-2021, 11:30 PM Parent: #3
اكيد الموت بخوف ...ولكن المؤمنين الصادقين لا يخافون الموت لانهم يعلمون اين مصيرهم بعد الموت ...وعندما اقول المؤمنين الصادقين لا اعني هؤلاء الذين يتجارون بالدين لمصالحهم الخاصة ولكي يكتنزون الذهب عبر الدين والمتاجرة بالدين ... اكيد الموت بخوف وخاصة هؤلاء الذين سرقوا ونهبوا اموال الشعب بدون وجه حق .. اكيد الموت بخوف وخاصة هؤلاء الذين قتلوا شباب الثورة خلال اعتصام القيادة العامة اكيد الموت بخوف وخاصة هؤلاء الذين قتلوا الابرياء من سكان القرى في دارفور واغتصبوا النساء في قرى دارفور الامنة ....
Post: #5 Title: Re: هل الموت بخوف.... Author: أبوبكر عباس Date: 11-03-2021, 03:04 AM Parent: #4
يا بسمات، انتي صغيرة، لكن أنا وعمي بدر دا ناس عجائز أي حاجة شفناها وعشناها وتأكدنا من عبثية الدنيا ونرحب بالموت فيأي لحظة
Post: #6 Title: Re: هل الموت بخوف.... Author: Abureesh Date: 11-03-2021, 04:39 AM Parent: #5
الخوف من الموت اسبابه كتيرة، وأهمها وأكبرها ان الزول الخايف منه ما بيكون عارف هو ماشى وين.. ولكن (الإنسان) هو الذى لا يخاف من الموت. الحيوانات كلها تخاف من الموت، حتى الجمادات تخاف من الموت.
Post: #7 Title: Re: هل الموت بخوف.... Author: Hatim Alhwary Date: 11-03-2021, 07:42 AM Parent: #6
Quote: هل الموت بخوف
صباح الخير
اذا اعتبرنا ان أعز وأغلى ما يملكه الانسان "الكائن الحي عموما" هو الحياة .ويا روح ما بعدك روح.. فمن المنطقي ان فقدها "الحياة" يبعث الخوف ويدعو الى التشبث بها والاستماتة في الدفاع عنها ودا شئ غريزي في كل الكائنات الحية وربما دا يفسر خوف الانسان من المرض ومن الموت لانه سيفقده اعز ما يملكه وايضا ارتباطهما بالالم
Post: #8 Title: Re: هل الموت بخوف.... Author: أحمد محمد عمر Date: 11-03-2021, 08:02 AM Parent: #7
بالعكس المؤمن هو البخاف من الموت لأنه لا يأمن مكر الله كما قال عمر " لو أحد قدمي في الجنة والأخرى خارجها ما أمنت مكر الله " دايماً هو عاوز زمن زيادة عشان يتأكد من إجابته في الامتحان كويس قبل يسلم الورقة بينما المقتنعين بي إنه نهايتها كوم تراب تلقاهم يتسلقوا في الجبال بالحبال وتحتهم 200 متر زلقة واحدة بتوديهم كوم التراب دة ورغم كدة مستمتعين ويضحكوا
Post: #9 Title: Re: هل الموت بخوف.... Author: Hatim Alhwary Date: 11-03-2021, 08:23 AM Parent: #8
ابو حميد تحياتي
صحيح المؤمن بكون أكثر رعبا وخوفا لانه يخاف الحساب وعند الحشرجة يحس باقل اخطائه كانها جبال.
ولكن ايضا غير المؤمن يحياة اخرى بعد الموت يخاف فقد الحياة ودا شئ غريزي يتساوى فيه الجميع
Post: #10 Title: Re: هل الموت بخوف.... Author: أحمد محمد عمر Date: 11-03-2021, 08:38 AM Parent: #9
Quote: المؤمن بكون أكثر رعبا وخوفا لانه يخاف الحساب
دة بالضبط القاصدو أنا رعبه أكتر من مجرد غريزة البقاء الموجودة لدى كل الكائنات الحية رعبه دبل
Post: #11 Title: Re: هل الموت بخوف.... Author: أحمد محمد عمر Date: 11-03-2021, 08:45 AM Parent: #10
المؤمنين ما بتلقاهم بلعبوا الألعاب الخطيرة المميتة لأنهم بخافوا من ما بعد الموت أكتر من خوفهم من الموت لكن ممكن تلقاهم يخوضوا الموت عما يعتقدونه جهاداً لأنه بضمن ليهم حياة جميلة بعد الموت يعني مع غريزة البقاء العادية دي فالمؤمن محتاج ضمان لما بعد الموت وإذا ما لقاهو يظل في حالة هلع وخوف شديد من ما بعد الممات
Post: #12 Title: Re: هل الموت بخوف.... Author: Shinteer Date: 11-04-2021, 11:55 PM Parent: #11
الموت هو الحقيقة الأكثر إخافة للبشر منذ الأزل، ودفعهم هذا الخوف إلى ابتداع قوى أكبر لا مرئية تثبِّت قلوبهم؛ أياً كانت هذه القوى. وكان الخوف البشري نابعاً في الأساس من جهلهم بنوامس الطبيعة. فاخترع الإنسان الأديان لتعينه. ثم تطورت الأديان البدائية إلى أديان سلطوية قائمة على الثواب والعقاب، والجنة والنار، فازداد خوفه المسكين. وواضح أن الخوف يتلاشى كلما ازدادت معرفة الإنسان بالكون وبالغوامض التي أخافت أجداده. تخيُّل الأديان لحياة أخرى بعد الموت، وجنة ونار، هو ما يخيف المؤمنين من الموت. ونحن مؤمنون حتى إشعار آخر.
وبرضو الموت ما حبابو. أنا شخصياً تصالحت معه منذ بضع سنوات ولا مانع لدي إن أتاني في أي وقت. سأكون بعده كما كنت قبل أن أولد، بهذه البساطة.
Post: #13 Title: Re: هل الموت بخوف.... Author: Ahmed Yassin Date: 11-05-2021, 12:17 PM
الثعبان الاقرع
Post: #14 Title: Re: هل الموت بخوف.... Author: أحمد محمد عمر Date: 11-05-2021, 12:32 PM Parent: #13
في ثعبان عندو شعر؟
Post: #15 Title: Re: هل الموت بخوف.... Author: Ahmed Yassin Date: 11-05-2021, 01:42 PM Parent: #14
ادونا ليهو في حصة الدين اسمو كدة الاقرع ما الاصلع قالوا بشيل الزول فووووق ويخبتو بالارض ويتلف في جسمك ويعصرك يكسر عضامك كلها...وهكذا الى قيام الساعة
Post: #16 Title: Re: هل الموت بخوف.... Author: أحمد محمد عمر Date: 11-05-2021, 02:10 PM Parent: #15
يشيلك فوق وين؟ :) حصل مشيت المقابر لقيت الميتين بطوطحوا فيهم؟ وإذا أصلاً انت بتتعذب جوة القبر يوم الحساب لزومه شنو؟
الأدونا ليه في الحصص كتيييييير ، هم يسمّعوا ونحن نحفظ وراهم ونجي نسمع للبعدنا
Post: #17 Title: Re: هل الموت بخوف.... Author: Ahmed Yassin Date: 11-05-2021, 03:11 PM Parent: #16
ايواااااا يا حمادة... جيت في الحتة زاتا في حديث صحيح وحسن .. ان الرسول صلوات الله وسلامه عليه: «بأنه مر على قبرين فقال: إنهما ليعذبان وما يعذبان في كبير؛ أما أحدهما فكان يمشي بين الناس بالنميمة، وأما الثاني فكان لا يستبرئ من بوله>> فاخذ سعفا اخضر فوضعه على قبريهما وقال لعله يخفف عنهما.
Post: #18 Title: Re: هل الموت بخوف.... Author: بدر الدين الأمير Date: 11-05-2021, 03:15 PM Parent: #16
اهلا بجميع الأصفياء اسف للتأخير شغلتنى الشواغل.... وقبل العودة لكم اهديكم كلام الشاعر الكبير محمود درويش عن الموت درويش بقول انا لا اخاف الموت إن كنت لن يكون وإن كان لن اكون
Post: #19 Title: Re: هل الموت بخوف.... Author: يحي قباني Date: 11-05-2021, 08:17 PM Parent: #18
بدر و الاصدقاء ..
انا مع كلام العمة يامنة للأبنودي :
إذا جاك الموت يا وليدي موت على طول.. اللي اتخطفوا فضلوا أحباب صاحيين في القلب كإن ماحدش غاب.. واللي ماتوا حتة حتة ونشفوا وهم حيين.. حتى سلامو عليكم مش بتعدي من بره الأعتاب أول مايجيك الموت.. افتح.. أول ماينادي عليك.. إجلح.. إنت الكسبان.. إوعى تحسبها حساب.. بلا واد.. بلا بت.. ده زمن يوم مايصدق.. كداب.. سيبها لهم بالحال والمال وانفد إوعى تبص وراك.. الورث تراب وحيطان الأيام طين وعيالك بيك مش بيك عايشين..
Post: #20 Title: Re: هل الموت بخوف.... Author: أحمد محمد عمر Date: 11-06-2021, 06:02 AM Parent: #19
البخاري ذاتو بسمّع يا أحمد ياسين :) ماهو يا إما يكون في يوم عرض ويوم حساب والناس تتعاقب بعده يا إما تكون المحاكمة فردية لحظة الموت وتتحاسب جوة قبرك وبالتالي مافي داعي ليوم الحساب لكن ما ممكن الاتنين إذا ما اتحاسبت تتعاقب كيفن! بعدين السعفة دي حنكها شنو؟ أي سعفة بتنفع؟ ولا ديك سعفة خاصة بالنبي! في الحديث قال السعفتين ديل بخففوا عنهم لحدي ما يجفوا .. يعني هن لينات وخضر بخففوا العذاب لكن أول ما واحدة تيبس برجع العذاب تاني طيب ما كانوا يزرعوا شتلة نخلة على القبر وخلاص!
غايتو زي ما قلت ليك .. الشغلانة دي إلا تحفظ وتسمّع، لكن أول ما تفكر فيها بي مخك بتلقاها مجلية
Post: #21 Title: Re: هل الموت بخوف.... Author: Ahmed Yassin Date: 11-06-2021, 07:23 AM Parent: #20
حبيبنا *"احمد محمد عمر"* الزول اللذيذ خالص في محاضرة كانت بعد المغرب قبل سنوات في المسجد(جنب بيتي) والمحاضر شيخ كبير ومشهور... من ضمن ما قاله أن ( الجذع بكى لما أتوا للنبي بمنبر يقف عليه) أو فصاح الجذع صياح الصبيِّ، ثم نزل النَّبيّ (ص) فضمَّه إليه يئن أنين الصبيِّ الذي يسكن. او قالوا (فسمعنا له صوت كصوت العشار(الناقة). بعد المحاضرة.. استأذنت ولحسن الحظ أن إدارة المسجد ومسؤوليه يعرفوني بحكم الجيرة سالت الشيخ ..وقلتبحكم دراستي للصوت وتسريحه فهو دفع الهواء من الرئتين إلى الحنجرة التي بها حبلين صوتيين أو اوتار صوتية وفيها هزاز.. ورمان. وكلما كان الهواء المندفع من الرئتين قويا وتجويف الأنف صحيحا كان الصوت اقوى... هل الجذع يتنفس وهو خشب؟(طبعا أنا اختصرت) الشيخ أجاب إجابة .. صراحة اقنعني واقنعت الحضور الكبير داخل وخارج المسجد الممتلىء قال: معجزة للنبي الكريم ..وألم تكن عصا موسى خشب؟ فالقاها فإذا هي حية (تسعى) وتلقف (دون صوت) واعادها الله (سيرتها الاولى) ونفس العصا ضرب بها البحر فانفلق طريقا يبسا وهي من الخشب
Post: #22 Title: Re: هل الموت بخوف.... Author: أحمد محمد عمر Date: 11-06-2021, 07:55 AM Parent: #21
إذا دخل الدين بالباب طلع المنطق بالشباك انت فكرت فيها بالمنطق البتعرفه والدرسوك ليه، والشيخ مسلّم تسليما كل ما ورد في القرآن والصحاح عندو حقيقي بدون تفكير. إن وافق المنطق يبقى إعجاز وإن خالفه معجزة
Post: #23 Title: Re: هل الموت بخوف.... Author: muntasir Date: 11-06-2021, 08:31 AM Parent: #22
شنتير عدمي وأحمد عمر سجمي😂😂
Post: #24 Title: Re: هل الموت بخوف.... Author: muntasir Date: 11-06-2021, 08:34 AM Parent: #23
زمان كان في حلتنا مرة إسمها طيبة بت حسان الله يرحمها كانت بتعمل وبتبيع أجمل طواقي في سوق أمدرمان كانت بتخاف من الموت خوف شديد ولا تجلس في مجلس فيه سيرته وبتقول للبتلاقيه أنا وانت نبرى من الموت يا ود أخوي 😂
Post: #25 Title: Re: هل الموت بخوف.... Author: أحمد محمد عمر Date: 11-06-2021, 08:37 AM Parent: #24
خالاتي كان جيت تصور واحدة فيهن تقول ليك دي صورة الفيسبوك؟ داير تنزلها يوم البكاء !
Post: #26 Title: Re: هل الموت بخوف.... Author: علاء سيداحمد Date: 11-06-2021, 09:50 AM Parent: #25
سلام يا بدر وضيوفه الكرام نعم الموت بخوف ولكن الخوف لايغنى من الموت شيئاً . وقد قيل فى الاثر : " من طلب الموت وُهبت له الحياة " وفى أصدق الدموع قيل :قال تعالى { وَلَا عَلَى ٱلَّذِينَ إِذَا مَآ أَتَوْكَ لِتَحْمِلَهُمْ قُلْتَ لَآ أَجِدُ مَآ أَحْمِلُكُمْ عَلَيْهِ تَوَلَّواْ وَّأَعْيُنُهُمْ تَفِيضُ مِنَ ٱلدَّمْعِ حَزَنًا أَلَّا يَجِدُواْ مَا يُنفِقُونَ } 92 التوبة هؤلاء ذهبوا الى النبي صلى الله عليه وسلم يوم تبوك وطلبوا منه ان يعينهم بحملهم الى الجهاد واعتذر لهم الرسول : لا أجد ما أحملكم عليه من الدواب .فانصرفوا عن الني وقد فاضت أعينهم دَمعًا أسفًا على ما فاتهم من شرف الجهاد وثوابه وقد قيل بأن دموع هؤلاء من اصدق الدموع وانبلها ودموع قوة لانهم اذا وجدوا الركاب ربما كانوا سيموتون فى الحرب ولا يرجعون الى اهليهم . فى ناس ما بتخاف من الموت ولكنهم قلة قليلة .
Post: #27 Title: Re: هل الموت بخوف.... Author: عمر عبدالرحمن Date: 11-06-2021, 06:58 PM Parent: #26
بلاشك حدث مخيف والا ما سميت ب مصيبة ... (إِنْ أَنتُمْ ضَرَبْتُمْ في الأرض فَأَصَابَتْكُم مُّصِيبَةُ الْمَوْتِ)
Post: #28 Title: Re: هل الموت بخوف.... Author: بدر الدين الأمير Date: 11-11-2021, 12:01 PM Parent: #27
الأستاذ الشهيد محمود محمد طه عندو كتيب بعنوان تعلمو كيف تجهزو موتاكم قراته قبل حوالى عشرين سنة مابقول حبب لى فكرة الموت لكن خفف عنى الرهبة من الموت الكتاب او الكتيب موجود في موقع الفكرة
Post: #29 Title: Re: هل الموت بخوف.... Author: Ahmed Yassin Date: 11-11-2021, 08:28 PM Parent: #28
انتوا ناسين اكثر شىء مخيف في الموت.. مشهد عجيب .ورد في الحديث " اذا خرجت الروح تبعها البصر " عشان كدة يتم اغماض عيني الميت. اصلا الموت هو موت دماغي ...لان القلب يعمل آليا ممكن
