Post: #1
Title: عابرة
Author: أبوبكر عباس
Date: 11-02-2021, 02:23 PM
01:23 PM November, 02 2021 سودانيز اون لاين
أبوبكر عباس-الإمارات
مكتبتى
رابط مختصر
معقول في شاعر اسمو محمد أحمد الحبيب كتب ٣٦ قصيدة تحت اسم عابرة،
وقصائد في غاية الجمال والرقّة والوله والوفاء
وأنا زول مثقف كبير لا أكون سمعت بالشاعر دا ولا أكون سمعت بقصّة حبو من أماني؟!
معقول الكلام دا؟!
أمس في قهوة ستاربكس لقيت لي زول علاقتنا من بعيد، وكنت نازل من العربية بردد في أغنية لمحمد النصري كنت بسمع فيها في العربية؛
قبل أسلم عليهو رددت:
لاهيت من زمان يا أماني
لامن صوتي راح واتبخّ
كمل باقي الأبيات قائلاً:
وفي آخر الزمان خشاني داءً ما بطيق الجرحة
وقال لي؛ شاعر الأغنية دي منو؟
قلت ليهو بنظام اللولوة بتاع سودانيزاونلاين؛
بغنيها محمد النصري
قال لي؛ ما سألتك بغنيها منو؟
شاعرها منو؟
حسيت انو لمباتي كلهن طفن
|
Post: #2
Title: Re: عابرة
Author: أبوبكر عباس
Date: 11-02-2021, 02:40 PM
Parent: #1
لقيت نفسي ما عندي فرصة افتح غوغل
وأعترفت بجهلي
وقلت ليهو قبل تقول لي اسمو خليني أعزمك قهوة وبجيك تونسني وأنا اليوم حوار تحت كرعين شيخو،
حكى لي قصة محمد أحمد الحبيب وقصّة حبو وقصيدة كل سنة شهر تمانية مع الخريف باسم عابرة ون وعابرة تو وعابرة ستة وتلاتين....
وحكى لي تفاصيل التفاصيل وقرأ لي زي سبعة عابرات وكيف عابرة وكيف وكيف
والأصعب في الموضوع انو محمد أحمد الحبيب الآن مريض بمصر
طفيت كل اللمبات وقعدت في الواطة أبكي عابرة
|
Post: #3
Title: Re: عابرة
Author: أبوبكر عباس
Date: 11-02-2021, 02:43 PM
Parent: #2
عابرة الكنت بغني فيها دي هي عابرة ٣٠ بغنيها زي ما قلنا النصري
|
Post: #4
Title: Re: عابرة
Author: أبوبكر عباس
Date: 11-02-2021, 03:17 PM
Parent: #3
ستة وتلاتين شنو؟
عابرة أربعين لقيتها!!
ما بلومك في بعادك
وما بتراود قلبي ريبة
في جفاكي وفي ودادك
في كلا
الحالتين حبيبة
|
Post: #5
Title: Re: عابرة
Author: الشيخ سيد أحمد
Date: 11-02-2021, 08:32 PM
Parent: #4
حياك الله ابوبكر
ياخي فتحت لينا ( نفاج) لي واحد من اجمل الشعراء في منحنى النيل.
| Quote: طفيت كل اللمبات وقعدت في الواطة أبكي عابرة |
طيب اذا سمعت (المناحة) ح تعمل شنو يا ابوبكر- اسمها الآخر (خبرعم المسعكر).
دي حكاية بكاء ونحيب غريب يا ابوبكر - فيها وصف مبالغ لوفاة احد الشباب .
واحده من القصائد التي لم اكمل سماعها باللحن لصعوبة الوصول الى نهايتها دون ان تتملكك نزعة بكاء ونحيب عجيب.
شكرآ على فتح هذه النافذة الجميلة لي زول من اجمل الشعراء.
تسلم.
كسرة: كمال عباس - معاوية محمد - هيثم غالي - حضوركم مطلب ومكسب.
|
Post: #6
Title: Re: عابرة
Author: الشيخ سيد أحمد
Date: 11-02-2021, 08:44 PM
Parent: #5
محمد أحمد الحبيب - المناحة
ﻳـﺎ ﺧﺒﺮ ﻋـﻢ ﺍﻟﻤﻌـﺴﻜﺮ ** ﻳﻮﻣﻚ ﺍﺳﻮﺩ ﻭﻟﻴﻠـﻨﺎ ﻋﺎﻛﺮ
ﻳـﺎ ﻇﻼﻡ ﻟِـﻒ ﻓﻮﻗـﻨﺎ ﺩﻭِّﺭ ** ﻭﻣﺎ ﺃﻇﻦ ﺻﺒﺤﻚ ﻳﺒﻬﺮ
ﺗﺎﻧﻲ ﻭﻳﻦ ﻓﺠﺮﻙ ﻳـﻨﻮﺭ ** ﻭﺍﻟـﻔﺠـﺮ ﺳﻜﻦ ﺍﻟﻤﻘﺎﺑـﺮ
ﻛﻨﺎ ﺯﺍﺣﻔﻴﻦ ﻟﻤﺎ ﻓﺮﻗﻊ ** ﻓﻲ ﻃﺮﻳﻖ ﺍﻟﺰﺣﻒ ﻣﺪﻓﻊ
ﻭﺍﻟـﻔﺠﺮ ﻗﺪﺍﻣﻨﺎ ﺗﺮﺗﻊ ** ﻓﻲ ﻋﻴﻮﻧﺎ ﺍﻟﺪﻧﻴﺎ ﻏﻤﺖ ﻟﻤﺎ
ﺷﺎﻟﻮﻫﻮ ﺍﻟﻌﺴﺎﻛﺮ
ﻭﻳـﻦ ﺣﻠﻮﻟﻚ ﻳﺎ ﻣـﺸﺎﻛﻞ ** ﻭﺍﻟـﻤﺪﺍﻓـﻊ ﻭﺍﻟـﻘـﻨـﺎﺑـﻞ
ﻳﻮﻣﻲ ﺗـﺄﻛﻞ ﻓﻲ ﺍﻟﺴـﻨﺎﺑﻞ ** ﻻ ﻣﺘﻴﻦ ﻳﺎ ﺍﻟﺴﻠﻢ ﺗﻈﻬﺮ
ﻓﻲ ﺍﻟﺠﻨﻮﺏ ﻣﻨﻚ ﺑﻮﺍﺩﺭ
ﻳﺎ ﻓﺠﺮ ﻟﻮ ﻛـﺎﻥ ﺑـﺘـﻄﺮﺍ ** ﻓـﻲ ﺯﻣﻨﺎ ﺍﻟﻜـﻨﺎ ﻧﻘـﺮﺍ
ﻳـﻮﻡ ﺗﻜﻮﻥ ﺍﻟﺠـﻤـﻌـﺔ ﺑﻜﺮﺓ ** ﻟﻤﺎ ﻛﺎﻥ ﻋﺒﺎﺱ ﺯﻣﺎﻧﻮ
ﻓﻲ ﻣﺪﺍﺭﺱ ﻛﻮﺭﺗﻲ ﻧﺎﻇﺮ
ﻛـﻨﺎ ﺩﺍﻳﻤـﺎً ﺯﻱ ﺗـﻮﺍﺋـﻢ ** ﻛـﺎﻥ ﻣﻌﺎﻧﺎ ﺻﻼﺡ ﻭﺣﺎﺗـﻢ
ﻛـﻨﺎ ﻧﻤﻸ ﺍﻟـﺪﻧـﻴـﺎ ﺿﺠﺔ ** ﻭﻳﺮﺟـﻊ ﺍﻟـﺼﺪﻯ ﻓﻲ
ﺍﻟﻌـﻨﺎﺑﺮ
ﻳﺎ ﺍﻟـﻔﺠـﺮ ﺩﻧﻴﺎﻧـﺎ ﻇـﻠﻤﺔ ** ﻭﺍﻟﺰﻣـﻦ ﻣﺎ ﻋـﻨﺪﻭ ﺫﻣـﺔ
ﻟﻴﻪ ﻳـﻔﺮﻕ ﺑـﻴﻨـﺎ ﺿﻤـﺔ ** ﻋﻴﻨﺎ ﻟﻲ ﺃﺣﻼﻣﻨﺎ ﺣﺮﻗﺖ
ﻭﻣﻦ ﻗﺒﻴﻞ ﻛﺎﻧﺖ ﻧﻮﺍﺿﺮ
ﻣـﺎ ﺃﻇـﻦ ﺑـﻌـﺪﻙ ﺑﻨﻔﺮﺡ ** ﻭﻓﻲ ﺿﻠﻮﻋـﻨﺎ ﺧﻴﻮﻝ
ﺑـﺘﻤﺮﺡ
ﻭﻣـﻦ ﺟﺮﻳﻬﺎ ﺷﺮﺍﺭ ﺑﻴﻘﺪﺡ ** ﻣﻦ ﻟـﻘﺎﺀ ﺍﻟﺤـﺼﻰ
ﺑﺎﻟﺤﻮﺍﻓﺮ
ﻳﺎ ﺍﻟﻔﺠﺮ ﻣﺎ ﺷـﻔﺖ ﺃﻣـﻚ ** ﺑﻲ ﺣﻨﺎﻧﺎ ﻫﻲ ﺩﺍﺭ ﺗﻀـﻤﻚ
ﺯﻭﺭﺍ ﻟﻮ ﻛﺎﻥ ﻓﻲ ﻣـﻨﺎﻣﺎ ** ﻟﻤﺎ ﻳﺒﻘﻰ ﺍﻟـﻴﻞ ﺃﻭﺍﺧﺮ
ﺗﺒﻜﻲ ﺣﺰﻧﺎﻧﻲ ﺍﻟﻤـﺪﺍﺭﺱ ** ﻭﺍﻟﺠﻮﺍﻣﻊ ﻭﺍﻟﻜﻨﺎﺋﺲ
ﻭﺍﻟﺒﻮﻳـﺘﺎﺕ ﺍﻟﻌﻮﺍﻧﺲ ** ﻭﺍﻟﻨﺨﻴﻞ ﺍﻟﻔﻲ ﺑﻠﺪﻧﺎ ﻭﺍﻟﻤﺼﺤﺎﺕ
ﻭﺍﻟﻤﺘﺎﺟﺮ
ﻳـﺎ ﻋﺮﻳـﺲ ﻣﻦ ﺩﻭﻥ ﺣﺮﻳﺮﺓ ** ﻳﺎ ﺣـﻔـﻴـﺪ ﺃﻭﻻﺩ ﻣﻬـﻴﺮﺓ
ﻳﺎ ﺍﻟﺮﺟﺎﻟـﺘﻚ ﻣﺎﻓﻲ ﻏـﻴﺮﺍ ** ﻳﻮﻡ ﻳﺠﻴﺒﻮ ﺛﻨﺎﺀ ﺍﻟﻘﺒﺎﺋﻞ ﺑﻴﻚ
ﻳﺎ ﻋﺎﺑﺪﻳﻦ ﻧﻔﺎﺧﺮ
ﺑﻜﺮﺓ ﺫﻛـﺮﻙ ﻳـﺴـﻤﻮ ﻳﻜـﺒﺮ ** ﺯﻱ ﺣﺠﺮ ﻟﻤﺎﻥ ﻧـﻘـﺬﻓـﻮ
ﻟﻤﺎ ﻭﺟـﻪ ﺍﻟـﻤﻮﻳﺔ ﻳـﺼﻔﻮ ** ﺗـﺒـﺪﺃ ﺩﺍﺋﺮﺓ ﺻﻐـﻴﺮﺓ
ﺗـﻄﻔـﻮ
ﻭﻓـــﻲ ﺛـﻮﺍﻧــﻲ ﻧـﻮﺍﺗــﺎ ﺗـﻜـﺒـﺮ ** ﻭﺗـﺒـﻘﻰ ﻣـﻦ
ﻋـﺪﺓ ﺩﻭﺍﺋـﺮ
ﻳﺎ ﺷﻬـﻴـﺪ ﻳﺎ ﻋﺎﻟﻲ ﻗﺪﺭﻙ ** ﻛﻞ ﺯﻭﻝ ﻳﺴﻤـﻌـﺒﻮﺍ
ﺫﻛﺮﻙ
ﻟﻴﻚ ﻳـﻜﻮﻥ ﻋﺮﻓﺎﻥ ﺑﻔـﻀﻠـﻚ ** ﺣﻴﺎ ﺩﻣﻊ ﺍﻟﺴﺎﺭﻱ ﻗﺒﺮﻙ
ﻭﺍﻟﺴﺤﻴﺒﺎﺕ
فتشتها ليك اغنية بصوت المرحوم "ياسين عبدالعظيم" لكن فشلت.
انا حدي مع الغنية الحتة دي يا ابوبكر:
ﻳﺎ ﺍﻟﻔﺠﺮ ﻣﺎ ﺷـﻔﺖ ﺃﻣـﻚ ** ﺑﻲ ﺣﻨﺎﻧﺎ ﻫﻲ ﺩﺍﺭ ﺗﻀـﻤﻚ
ﺯﻭﺭﺍ ﻟﻮ ﻛﺎﻥ ﻓﻲ ﻣـﻨﺎﻣﺎ ** ﻟﻤﺎ ﻳﺒﻘﻰ ﺍﻟـﻴﻞ ﺃﻭﺍﺧﺮ
بعدها بتقع الجرسة الشديدة.
|
|