Post: #2 Title: Re: لماذا لم تعتقل قيادات حزب الأمة ؟؟ Author: Elhadi Date: 11-01-2021, 03:32 PM Parent: #1
مريم الصادق
وفضل الله برمة
Post: #3 Title: Re: لماذا لم تعتقل قيادات حزب الأمة ؟؟ Author: Elhadi Date: 11-01-2021, 03:34 PM Parent: #2
في انقلاب يا أخوانا
بخلي وزيرة خارجية الحكومة الانقلب عليها مطلقة السراح
لا وكمان تطلع وتصرح للقنوات
وكذلك رئيس أكبر حزب سياسي في منظومة التحالف أو القوى السياسية التي تم الانقلاب عليها !!
Post: #4 Title: Re: لماذا لم تعتقل قيادات حزب الأمة ؟؟ Author: كمال عباس Date: 11-01-2021, 03:34 PM Parent: #1
ربما أملا بإلحاقهم بركب الكومبارس ومرافقة عسكوري وأردول وهجو ولكن قواعد حزب الأمة بالمرصاد ,, وربما تكتيك لزرع الشكوك وضرب وحدة الصف المعارض للإنقلاب
Post: #5 Title: Re: لماذا لم تعتقل قيادات حزب الأمة ؟؟ Author: Elhadi Date: 11-01-2021, 03:40 PM Parent: #4
عسكوري وأردول ديل مجرد أفراد وليسوا قوى سياسية بأي حال من الأحوال
وما عندهم وزن سياسي أساساً.. مجرد أفراد رخيصين اشتروهم شروة من سوق الله أكبر
عسكوري يقال إنو مدير شركة عزة للطيران ودي شركة تتبع لجهاز الأمن من بدري خالص خالص يعني (شركة أمنية بحتة) فده لا يحسب سياسي
التور هجو زول موهوم ساكت
Post: #6 Title: Re: لماذا لم تعتقل قيادات حزب الأمة ؟؟ Author: محمد البشرى الخضر Date: 11-01-2021, 03:41 PM Parent: #4
تم اعتقال صديق الصادق, اما مريم و برمة فلم يتم اعتقالهم عشان يدي فرصة لزي البوست دا في التوقيت دا
Post: #7 Title: Re: لماذا لم تعتقل قيادات حزب الأمة ؟؟ Author: Elhadi Date: 11-01-2021, 03:47 PM Parent: #6
يعني قصدك البوست ده هو البيفسر سبب عدم اعتقال مريم الصادق وزيرة الخارجية في حكومة حمدوك
وفضل الله برمة ناصر رئيس أكبر حزب سياسي في السودان وفي الكتلة السياسية التي تم الانقلاب عليها ؟؟
إذا كان حمدوك رئيس الوزراء نفسو تحت الإقامة الجبرية وممنوع من التواصل مع الإعلام
لكن مريم ماشاء الله تبارك الله بتطلع وتصرح عادي للقنوات وتتصل بكبار المسئولين حول العالم
يقوم يخلوها عشان بوست العبد الفقير لله ده ؟؟
Post: #8 Title: Re: لماذا لم تعتقل قيادات حزب الأمة ؟؟ Author: محمد البشرى الخضر Date: 11-01-2021, 03:53 PM Parent: #7
قصدي انو الاعتقالات الانتقائية مقصود منها اثارة التساؤلات و التشكيك زي دا- بوستك ليس الوحيد ولن يكون الأخير - و ضرب الوحدة التي اسقطت البشير و هي الأخطر عليهم الآن, عارفين شهوة الانتقام و ما قلنا ليكم و عجبني للمرقوت تغلب عن البعض على التفكير العقلاني السليم في توحيد الجهود ضد العدو الحقيقي! تاني شي لو راجعت القائمة ح تلقى انهم مستهدفين عضوية لجنة التفكيك تحديدا و بعض الاسماء القدمت نقد قوي زي الحاج وراق الاتكلم عن سيناريو الانقلاب و اكيد اسي بكون مزازنه عشان يعرفه مصدر التسريب و زي فيصل محمد صالح اول من تحدث عن الاتفاق و النقاش التم حول توقيت تسليم رئاسة المجلس في نوفمبر.
Post: #9 Title: Re: لماذا لم تعتقل قيادات حزب الأمة ؟؟ Author: Elhadi Date: 11-01-2021, 03:56 PM Parent: #7
السبب الأكثر منطقية في تقديري إنو قد يكون لحزب الأمة وقياداتو المعنية (مريم وفضل الله برمة) موقف مختلف تجاه الانقلاب
وأعني موقف مختلف من موقف الشارع وبقية القوى السياسية المعارضة صراحة للانقلاب جملة وتفصيلاً
وهو تقريباً ما عبرت عنه مريم الصادق بالأمس في واحدة من القنوات
بوصفها للعسكر بأنو فيهم رشد !!
رشد يكتلوا الناس وأولاد الناس ؟؟ ما علينا
وإنهم مجرد غضبانين ساي أو كما قالت !!
Post: #10 Title: Re: لماذا لم تعتقل قيادات حزب الأمة ؟؟ Author: علي عبدالوهاب عثمان Date: 11-01-2021, 04:58 PM Parent: #9
الحبيب الهادي تحياتي عاجل الشفاء للمنصورة مريم الصادق من الكورونا الخبر في موقع الراكوبة ((ذكرت صحيفة “السوداني” ان وزيرة الخارجية د. مريم الصادق أصيبت بفايروس كورونا، وتخضع الآن للعلاج وحالتها مستقرة ))
السوداني
Post: #11 Title: Re: لماذا لم تعتقل قيادات حزب الأمة ؟؟ Author: Mohamed Doudi Date: 11-01-2021, 08:20 PM Parent: #10
حسب علمى تم اعتفال ابراهيم الشيخ سلك محمد الفكى حمدوك والى الخرطوم وتقريبا وزير الثقافه البلوله من الوزراء
Post: #12 Title: Re: لماذا لم تعتقل قيادات حزب الأمة ؟؟ Author: ABDALLAH ABDALLAH Date: 11-01-2021, 08:33 PM Parent: #11
Post: #13 Title: Re: لماذا لم تعتقل قيادات حزب الأمة ؟؟ Author: Nasser Amin Date: 11-01-2021, 11:16 PM Parent: #12
لماذا لم يعتقلوا اعضاء في الحزب الشيوعي مثلا؟
الناس دي اعتقلت الناس البتكلموا وبصوت عالي
عن تسليم السيادي للمدنيين و عن الناس البتكلموا
عن هيكلة القوات المسلحة و دمج الدعم السريع في الجبش
وعن من يتكلمون عن تهريب الذهب و التجنيب و شركات
الجيش و ضرورة ايلولتها لولاية المال العام و كدا...
الواضح انك ما فاهم الحاصل...
لاحظ من تم انتقائهم للاعتقال
و ح تشوف حتى الانتقائية للناس في المعتقل , في ناس بعذبوهم وفي ناس لا
Post: #14 Title: Re: لماذا لم تعتقل قيادات حزب الأمة ؟؟ Author: Nasser Amin Date: 11-02-2021, 00:19 AM Parent: #13
ح اجيب ليك بيان المجلس المركزي للحرية و التغيير، تلى البيان الواثق البرير الأمين العام لحزب الأمة. في قناة الجزيرة. حزب الامة لن يبيع ،و دا ارث الامام الصادق رحمه الله و لن يتعاونوا مع اي انقلابي.
شوف موضوع تاني
Post: #15 Title: Re: لماذا لم تعتقل قيادات حزب الأمة ؟؟ Author: ABDALLAH ABDALLAH Date: 11-02-2021, 01:28 AM Parent: #14
Post: #16 Title: Re: لماذا لم تعتقل قيادات حزب الأمة ؟؟ Author: اخلاص عبدالرحمن المشرف Date: 11-02-2021, 01:35 AM Parent: #15
حزب الامة هو الحزب الاكبر لذا يرجئون المواجهة معه ، وحسب رأئهم في احزاب احزاب فكه وبالتالي يمكن استقصادها
Post: #17 Title: Re: لماذا لم تعتقل قيادات حزب الأمة ؟؟ Author: هدى ميرغنى Date: 11-02-2021, 03:41 AM Parent: #13
سلام- فهمت من كلام ال Elhadi إنه حزب الأمة عنده أعضاء فى الحكومة وكثير من المعتقلين مشاركين فى الحكومة بشكل أو آخر. —- لكن يبدو إنه الإعتقالات الواضحة لناس الحكومة لمواقف شخصية أو محاولة لعمل مساومات زى محاولاتهم غير المفهومة مع حمدوك من طرفهم أو من طرف حمدوك أيضا
Post: #18 Title: Re: لماذا لم تعتقل قيادات حزب الأمة ؟؟ Author: Elhadi Date: 11-02-2021, 03:54 AM Parent: #17
طيب تحياتي للجميع
ما في زول لحدي الآن قدم تبرير أو سبب مقنع لعدم اعتقال مريم الصادق وقيادة حزب الأمة لحدي الآن وتركهم يفعلون ما يشاءون في معارضة الانقلاب "ظاهرياً" على الأقل وإجراء لقاءات مع القنوات الفضائية وغيرها
بالنسبة لكلامك يا دودي فهناك العشرات بل المئات من المعتقلين السياسيين إذا أضفت عناصر شباب لجان المقاومة والذين يتم اعتقالهم بالعشرات بصورة يومية حسب ما يرد من الخرطوم من أنباء وتقارير
فهل ديل يشكلون خطورة على الإنقلاب أكتر من مريم الصادق وقيادة حزب الأمة ؟؟؟
Post: #19 Title: Re: لماذا لم تعتقل قيادات حزب الأمة ؟؟ Author: محمد البشرى الخضر Date: 11-02-2021, 04:20 AM Parent: #18
انت يا الهادي عايز اجابة من منو؟ لو فعلا بتسأل مستفسر يبقى توجه سؤالك للجهة البتعتقل البرهات او ممكن مستشاره ابوهاجة مثلا، لكن لو عايز تقول حاجة وانو حزب الامة متواطئ مثلا فا بدل اللف و الدوران تعال بالباب وقول العندك ودلل عليه وادعمه بالحجج المنطقية، او ان شالله بدون حجج عادي برضو حرية التعبير و الكلام الساي مكفولة
Post: #20 Title: Re: لماذا لم تعتقل قيادات حزب الأمة ؟؟ Author: Elhadi Date: 11-02-2021, 04:22 AM Parent: #18
أسمعوا الكلام الجاي ده كويس يا أخوانا
خصوصاً أخوانا في الحركة السياسية القريبة من نبض الشارع ومطالبه ـ بالذات أخوانا في الحزب الشيوعي ـ و تجمع المهنيين وخلافهم :
تحسبوا جيداً لسيناريو طرح مريم الصادق كرئيسة للوزراء !! ـ ولا ما وارد ؟؟
وذلك في حال استمرار تعنت حمدوك أو أغرائه بمنصب آخر ـ رئيس المجلس السيادي أو خلافه من المغريات ـ
أو على أسوأ الفروض تغييبه أو غيابه القسري لأي سبب من الأسباب ! في كم سياسيين غابوا من المشهد في ظروف غامضة ؟؟
دي ما حاجة جديدة يعني خصوصاً على أنظمة تحكم بالقبضة الأمنية والحديدية والمخابراتية
أو بالعدم تجاوز حمدوك مرة واحدة والمضي مباشرة للبلان B :
طرح اسم مريم الصادق المهدي لرئاسة الوزراء قد يكون أنسب وأخطر سيناريو وورقة بيد الانقلابيين لإحداث الاختراق المطلوب في الشارع وشق الصفوف ـ ودي حقيقة
وستجد القبول الإقليمي ( من دول مثل الإمارات ومصر والسعودية )، ودي حقيقة تانية ـ وممكن تقدم تنازل في موضوع التطبيع ده ـ أساساً هو أكليشيه ساكت بيرفعوا حزب الأمة من غير أي معارضة حقيقية في الواقع
وبالنسبة للمجتمع الدولي أو الولايات المتحدة، برضو مريم الصادق قد تكون هي الشخصية الممكن تقبل باستمرار شراكة العسكر مع المدنيين وهذا ما تطرحه باستمرار الولايات المتحدة
( راجعوا حديث جيفري فليتمان المبعوث الامريكي قبل يوم أو يومين عندما تحدث عن أنهم يركزون على المسار وليس الأفراد ) والمسار بالنسبة للولايات المتحدة استمرار شراكة العسكر والمدنيين خلال الفترة الانتقالية، وهذا ما تطرحه الولايات المتحدة
مريم الصادق قد تكون شخصية غير مقبولة وعليها عدم إجماع من الشارع ـ وده أمر واضح خلال الفترة الفاتت دي ـ
لكن who cares من اللاعبين المؤثرين في موضوع السودان ؟؟ ما قبلي كده فضوا الاعتصام وجابوا ليكم الوثيقة الدستورية وقعدتوا تصفقوا..
لذلك الناس تتحسب لكل السيناريوهات يا أخوانا في الحركة السياسية الوطنية والحركة الجماهيرية..
كامل إدريس والشخصيات الكرتونية دي لن يحققوا للعسكر والإنقلابين الاختراق المطلوب وبالتالي ممكن يكونوا سواقة خلاء ساكت
Post: #21 Title: Re: لماذا لم تعتقل قيادات حزب الأمة ؟؟ Author: Elhadi Date: 11-02-2021, 04:26 AM Parent: #20
ما عارف لي في اللحظة دي بالذات
جالت في خاطري قصة المرحومة نجوى قدح الدم !
وصعودها الصاروخي والصامت وصولاً لتصبح مستشارة للبرهان ـ حسب ما قيل
فهي كانت صديقة وزميلة لمريم الصادق المهدي حسب شهادة مريم الصادق نفسها..
Post: #22 Title: Re: لماذا لم تعتقل قيادات حزب الأمة ؟؟ Author: Elhadi Date: 11-02-2021, 04:27 AM Parent: #21
أقول قولي هذا
واستغفر الله لي ولكم
فأستغفروه فإنه لا يغفر الذنوب إلا هو
Post: #23 Title: Re: لماذا لم تعتقل قيادات حزب الأمة ؟؟ Author: اخلاص عبدالرحمن المشرف Date: 11-02-2021, 04:33 AM Parent: #22
بعد ده كلو يا Elhadi اتذكرت الله يا زول انت تولع في الفتن ومثل الكيزان تتمسح بالدين
ده نفاق منك ا
Post: #24 Title: Re: لماذا لم تعتقل قيادات حزب الأمة ؟؟ Author: Elhadi Date: 11-02-2021, 04:34 AM Parent: #22
Quote: تم اعتقال صديق الصادق
صديق زول كويس، وهو شخص وطني ـ وغاية في الاحترام والتواضع
وهو في تقديري المتواضع أنسب شخصية لممارسة العمل السياسي من أنجال الصادق المهدي ـ
وربما أكتر شخصية تجد القبول من جماهير الأنصار وحزب الأمة ـ ماعاوز افتئت عليهم ـ لكن ده الشفتو وفق تقديراتي الشخصية فقط
واعتقاله وهو ليس الشخصية الأولى في حزب الأمة يحمل من الغرابة ما يحمل
ومين عارف احتمال فقط لابعاده عن المشهد في هذا الوقت لا أكثر ولا أقل !
Post: #25 Title: Re: لماذا لم تعتقل قيادات حزب الأمة ؟؟ Author: Elhadi Date: 11-02-2021, 04:36 AM Parent: #24
أي فتن يا اخلاص ؟؟
Post: #26 Title: Re: لماذا لم تعتقل قيادات حزب الأمة ؟؟ Author: اخلاص عبدالرحمن المشرف Date: 11-02-2021, 04:50 AM Parent: #25
اسع يا Elhadi منو الاعتقلو من كل الاحزاب غير سنهوري؟ الامة ، الاتحادي ، الشيوعي ، الناصري كلهم كلهم منو ؟! ليه بس ناس الامة وهم من اصدر بيان وااااضح . يا Elhadi كسر رقبة بقيت مريم والمرحومة قدح الدم ليس فقط صداقة تجمع ناس مدرسة و ممكن نقول قرب سكني ، جعل من هذه الصلة التي تجمع كثير من السودانيين وخاصة ناس امدرمان رابطة اقرب للماسونية قول كلامك دغري.
Post: #27 Title: Re: لماذا لم تعتقل قيادات حزب الأمة ؟؟ Author: Elhadi Date: 11-02-2021, 05:12 AM Parent: #26
Quote: اسع يا Elhadi منو الاعتقلو من كل الاحزاب غير سنهوري؟
تم اعتقال المئات من السياسيين وشباب لجان المقاومة
والاعتقالات مستمرة بشكل يومي وربما على مدار الساعة وسط لجان المقاومة
ويجري ملاحقة الأصم وغيره من الكوادر السياسية
بالنسبة للحزب الشيوعي وتجمع المهنيين ما عندي شك انو بيكونوا لحدي الوقت ده قاموا بتأمين قياداتهم وفق الظروف المتاحة ليهم، لأنو ده الوضع الطبيعي في ظل ظروف زي دي
ولا انتو شايفين الظروف عادية والحريات متاحة وما في ملاحقات واعتقالات ؟؟
Post: #28 Title: Re: لماذا لم تعتقل قيادات حزب الأمة ؟؟ Author: اخلاص عبدالرحمن المشرف Date: 11-02-2021, 05:24 AM Parent: #27
بالغت لجان المقاومة دي فيهم حزب امة الشباب فيهم حزب امة غايتو انا بنصح مريومة تمشي ليهم بالكورونا ال قالو عندها دي وتقول لهم اعتقلوني في بيت برهان
يا Elhadi اصبر كلو بوقته حتي البرا البلد ح يضيقوا عليهم
Post: #29 Title: Re: لماذا لم تعتقل قيادات حزب الأمة ؟؟ Author: Mohammed Alhasan Mohammed Date: 11-02-2021, 05:50 AM Parent: #28
Quote: لماذا لم يعتقلوا اعضاء في الحزب الشيوعي مثلا؟
الناس دي اعتقلت الناس البتكلموا وبصوت عالي
عن تسليم السيادي للمدنيين و عن الناس البتكلموا
عن هيكلة القوات المسلحة و دمج الدعم السريع في الجبش
وعن من يتكلمون عن تهريب الذهب و التجنيب و شركات
الجيش و ضرورة ايلولتها لولاية المال العام و كدا...
الواضح انك ما فاهم الحاصل...
لاحظ من تم انتقائهم للاعتقال
و ح تشوف حتى الانتقائية للناس في المعتقل , في ناس بعذبوهم وفي ناس لا
فعلا هم ركزو فى الاعتقالات على الشخصيات المصادمة للعسكر ...بل ذهبو اكتر من ذلك و بتلفيق تهم باطلة لهؤلاء المعتقلين ..لاطالة فترة احتجازهم لاطول مدة ممكنة ...
Post: #30 Title: Re: لماذا لم تعتقل قيادات حزب الأمة ؟؟ Author: اخلاص عبدالرحمن المشرف Date: 11-02-2021, 05:59 AM Parent: #29
غايتو اكثر ناس قصدوهمز ناس وجدي صالح وابراهيم الشيخ. لجنة التفكيك بصفة عامة ، زي الحرامي لما يرتقو بسل سكينو ، كديسة وزنقوها
Post: #31 Title: Re: لماذا لم تعتقل قيادات حزب الأمة ؟؟ Author: HAIDER ALZAIN Date: 11-02-2021, 07:07 AM Parent: #30
Quote: وذلك في حال استمرار تعنت حمدوك أو أغرائه بمنصب آخر ـ رئيس المجلس السيادي أو خلافه من المغريات ـ
أو على أسوأ الفروض تغييبه أو غيابه القسري لأي سبب من الأسباب ! في كم سياسيين غابوا من المشهد في ظروف غامضة ؟؟
دي ما حاجة جديدة يعني خصوصاً على أنظمة تحكم بالقبضة الأمنية والحديدية والمخابراتية
أو بالعدم تجاوز حمدوك مرة واحدة والمضي مباشرة للبلان B :
طرح اسم مريم الصادق المهدي لرئاسة الوزراء قد يكون أنسب وأخطر سيناريو وورقة بيد الانقلابيين لإحداث الاختراق المطلوب في الشارع وشق الصفوف ـ ودي حقيقة
وستجد القبول الإقليمي ( من دول مثل الإمارات ومصر والسعودية )، ودي حقيقة تانية ـ وممكن تقدم تنازل في موضوع التطبيع ده ـ أساساً هو أكليشيه ساكت بيرفعوا حزب الأمة من غير أي معارضة حقيقية في الواقع
وبالنسبة للمجتمع الدولي أو الولايات المتحدة، برضو مريم الصادق قد تكون هي الشخصية الممكن تقبل باستمرار شراكة العسكر مع المدنيين وهذا ما تطرحه باستمرار الولايات المتحدة
( راجعوا حديث جيفري فليتمان المبعوث الامريكي قبل يوم أو يومين عندما تحدث عن أنهم يركزون على المسار وليس الأفراد ) والمسار بالنسبة للولايات المتحدة استمرار شراكة العسكر والمدنيين خلال الفترة الانتقالية، وهذا ما تطرحه الولايات المتحدة
مريم الصادق قد تكون شخصية غير مقبولة وعليها عدم إجماع من الشارع ـ وده أمر واضح خلال الفترة الفاتت دي ـ
لكن who cares من اللاعبين المؤثرين في موضوع السودان ؟؟ ما قبلي كده فضوا الاعتصام وجابوا ليكم الوثيقة الدستورية وقعدتوا تصفقوا..
لذلك الناس تتحسب لكل السيناريوهات يا أخوانا في الحركة السياسية الوطنية والحركة الجماهيرية..
كامل إدريس والشخصيات الكرتونية دي لن يحققوا للعسكر والإنقلابين الاختراق المطلوب وبالتالي ممكن يكونوا سواقة خلاء ساكت
فى واحد كدة كان بيلبس جلابية سوداء اسمه كوستاوي والا اركساوي ما عارف بتاع بيعرف الخطط الجهنمية التي يرسمها الأشرار .. وكان متخصص انه يوري البلان ويفك شفرتها ويفضح أسرارها.. اظنك تواردت معه خاطرياً ..
Post: #32 Title: Re: لماذا لم تعتقل قيادات حزب الأمة ؟؟ Author: Elhadi Date: 11-02-2021, 07:32 AM Parent: #31
أبداً..
أنا بس عاوز الناس (خصوصاً في الحركة السياسية الوطنية وقوى الشارع)
تكون متحسبة وجاهزة لكل الاحتمالات والسيناريوهات الممكن تطلع من جراب العسكر ودول الإقليم
بدل ما نتفاجأ بعدين !
هذا كل ما في الأمر
Post: #33 Title: Re: لماذا لم تعتقل قيادات حزب الأمة ؟؟ Author: Elhadi Date: 11-02-2021, 07:37 AM Parent: #32
لي فحأة كل الناس وفي وقت واحد بدت تردد اسم كامل إدريس ؟؟ حتى أصبح بمثابة الترند
لا يخالجني أدنى شك في إنه كان بمثابة تسريب مقصود لسواقة الناس(الرأي العام) في اتجاه معين
Post: #34 Title: Re: لماذا لم تعتقل قيادات حزب الأمة ؟؟ Author: Elhadi Date: 11-02-2021, 12:16 PM Parent: #33
من أحداث التاريخ القريب ..
حين أطبقت إسرائيل حصارها على الزعيم الوطني الفلسطيني ياسر عرفات ـ فيما عرف بحصار الختيار، أو حصار المقاطعة فلسطيناً، و ( السور الواقي ) إسرائيلياً
في رام الله ... في المقاطعة (مقر الرئاسة الفلسطينية كما عرف وقتها) ...
في مبنى متهدم ... وغرفة وحيدة
مع عدد يجاوز الـ 400 شخص بقليل معظمهم من حرسه الخاص
كان أيضاً يزوره المسئولين الغربيين وغيرهم ـ ومن ضمنهم وزير الخارجية الامريكي وقتها ( كولن باول ) ـ ويتواصل معه زعماء العالم عبر الهاتف، وفود دولية تأتي للإطمئنان وتذهب
خرج بعدها عرفات من الحصار " بصفقة" برعاية دولية ـ لكنه خرج بصحة متدهورة جداً ـ ليجري نقله على عجل إلى باريس رفقة قرينته (سهى الطويل) ليعود منها على نعش وكفن
لتنتهي وتطوى قصة من قصص المقاومة الفلسطينية الباسلة
وتبدأ بعدها مرحلة وحقبة جديدة بي ناس محمود عباس ـ والود بتاع الإمارات ده ـ الله يديني اسمو : محمد دحلان
القصة دي للاعتبار فقط
Post: #35 Title: Re: لماذا لم تعتقل قيادات حزب الأمة ؟؟ Author: Mahjob Abdalla Date: 11-02-2021, 12:27 PM Parent: #34
Quote: لي فحأة كل الناس وفي وقت واحد بدت تردد اسم كامل إدريس ؟؟ حتى أصبح بمثابة الترند
لا يخالجني أدنى شك في إنه كان بمثابة تسريب مقصود لسواقة الناس(الرأي العام) في اتجاه معين
تعرف يا الهادى بكونو شاهدو المسلسل الامريكى The house of cards
Post: #36 Title: Re: لماذا لم تعتقل قيادات حزب الأمة ؟؟ Author: هدى ميرغنى Date: 11-02-2021, 04:25 PM Parent: #35
سلام - التحية لأعضاء حزب الأمة وأخص بالتقدير سارة نقد الله وغيرها كثيرين و كثيرات. تحليل الأخ ال Elhadi فى غاية الأًهمية (بس كان يدخل فى الموضوع من بداية البوست) والله يكذب الشينة. مريم الصادق احترمتُ خروجها وحديثها فى الأيام الأولى بعدها جاءت فى حديثها يوم السبت 30 أكتوبر تفتش فى الاعذار للقتلة كتبتُ لاحد الصديقات وقتها "ومريم الصادق عايزة شراكة العسكر رغما إنى اليومين الفاتو كنت شايفاها أفضل من الرقراق حمدوك" وبعدها أُصيبت بالكورونا - التمنيات الصادقة بالشفاء العاجل. من غير تخوين: يا حزب الأمة أى شئ وارد . ومواقف الشفيع خضر ما بعيدة واليومين دى شايل ملفاته تانى وشغال وساطات . بالنسبة للإنقلابين المرتزقة ديل بما إن حزب الأمة حزب مهم وكبير لو وجدوا طريق لإنقسامه يكون حققوا نصرا كبير ضد الشعب السودانى، و كما زكرت دكتورة إخلاص وهو حقيقة عدد مقدر من حزب الأمة فى لجان المقاومة وبالتأكيد يكون فى شهداء من حزب الأمة وعليه الإنتباه مهم من كل الشعب السودانى تحسبا للانقسامات خاصة إنه مريم الصادق لا يمكن فصلها عن/من حزب الأمة. يا Elhadi الدباب الكوز (وشركائه) أحلامه يكون رئيس الوزراء وإحتمال يحاولوا مريم الصادق بشدة تمسك موقع خالد سلك ( ربنا يخيب أمالهم وينصر الشعب السودانى). شكرا يا ال Elhadi لإيرادك حادثة ياسر عرفات للحذر بس ما فى مقارنة بنضال ياسر عرفات التاريخى وحمدوك ..
Post: #37 Title: Re: لماذا لم تعتقل قيادات حزب الأمة ؟؟ Author: Elhadi Date: 11-02-2021, 04:35 PM Parent: #36
تحياتي الأخت هدى
لو استمعتي جيداً للمقابلة الأخيرة لمريم الصادق مع واحدة من المحطات لعلها البي بي سي
هي تحدثت عن العودة لمشروعية ما قبل ١٩٨٩..
وحقيقة لم أفهم ماذا كانت تعني بالضبط فهي لم تذهب بعيداً في هذه النقطة
فهل كانت تعني العودة لمشروعية أباها التي لا خلاف حولها.. لكن كيف وفي فترة انتقالية لا يحق لأحد أن يدعي المشروعية الانتخابية بأي حال
أم كانت تقصد الذهاب للانتخابات مباشرة.. هي لم توضح أي شيء ولم تسهب.. لكن كانت إشارة لافتة وغريبة
Post: #38 Title: Re: لماذا لم تعتقل قيادات حزب الأمة ؟؟ Author: هدى ميرغنى Date: 11-02-2021, 06:37 PM Parent: #37
سلامات Elhadi مشيت سمعت كلام الدكتورة / القانونية (حسب تعريف مقدم الرنامج) مريم الصادق فى لقاء البى بى سى لأنه أحاديثها التى استمعت لها سابقا كانت فى الجزيرة مباشر. فى البداية ما عايزة تقول إنقلاب لدرجة إنى اتلخبطت قلت اللقاء دا قبل يوم 25 أكتوبر وتلوم فى الحكومة كأنها ما مكون أساسى فيها - ما قالت دورها شنو وهى وزيرة الخارجية فى حكومة كما وصفتها وليه يخلوا الأمور تصل الدرجة دى ويجو يعترفوا بعد إنقلاب القتلة! لما نطقت كلمة إنقلاب عرفت إنه لقاء بعد الإنقلاب.
-* أشيد بإنها كررت مرارا فى ما معناه إن من يشارك مع الإنقلابين يكون حرق نفسه و أخطأ فى حق الشعب السودانى وما أظن يقدر يقيف قدامه تانى!
تانى رجعت تتكلم عن ضرورة مشاركة العسكر فى الحكم (دى كم بلد أصلاً- أو بلد بوجهين!). وطبعا الأغرب وغير مفهوم حسب كلامك الرجوع لما قبل إنقلاب 1989 - دا ما لهم ما قالوه ونفذوه من قبل سنتين!
———- # تسقط شراكة الدم (عسكر،جنجويد،مرتزقة،لوردات حرب ومليشيات)
Post: #39 Title: Re: لماذا لم تعتقل قيادات حزب الأمة ؟؟ Author: اخلاص عبدالرحمن المشرف Date: 11-02-2021, 10:17 PM Parent: #38
ال ما بدورك في الضلام يحدر لك
ويا لها من تحديرة تحمل في طياتها التوق لاحتلال مكانها وتغييبها بكل السبل
Post: #40 Title: Re: لماذا لم تعتقل قيادات حزب الأمة ؟؟ Author: هدى ميرغنى Date: 11-02-2021, 10:52 PM Parent: #39
قطع شك ما حتكونى قاصدانى أنا يا دكتورة.
Post: #41 Title: Re: لماذا لم تعتقل قيادات حزب الأمة ؟؟ Author: اخلاص عبدالرحمن المشرف Date: 11-02-2021, 11:00 PM Parent: #40
اهلاً الحبيبة هدي ميرغني انت متوازنة في طرحك ، ذكرت الايجابي والسلبي الاستاذ Elhadi حتي فضل الله برمة مع سنة لم يعفيه ده اكثر من تحديره
Post: #42 Title: Re: لماذا لم تعتقل قيادات حزب الأمة ؟؟ Author: هدى ميرغنى Date: 11-03-2021, 01:12 AM Parent: #41
سلام دكتورة إخلاص - شكرا على التوضيح وأضيف الناس الموجودة دى كلها ما بتكون عايزة تحتل مكانها . تكونى سمعتى النكتة "لو البرهان ضرب ليك ما ترد على التلفون ، لأنه الأيام دى بفتش فى رئيس وزراء" . أما فكرة ال Elhadi دى موضوع هام ويا ريت كل الأحزاب والمجموعات تنتبه ليه مش من موقع تخوين لناسها بس لأنه الإنقلابين ديل حربائين كل خطوة لون جديد.
Post: #43 Title: Re: لماذا لم تعتقل قيادات حزب الأمة ؟؟ Author: اخلاص عبدالرحمن المشرف Date: 11-03-2021, 01:24 AM Parent: #42
في جزء فرز عيشته وقال اسقاط الحكومة زي الكيزان و لمًا استحكمت الحلقات قال كو
نفي النفي . اسع الوضع اصعب من صعب
بس نقول الحمد لله كل الود الحبيبة هدي
Post: #44 Title: Re: لماذا لم تعتقل قيادات حزب الأمة ؟؟ Author: اْسامة اْباّرو Date: 11-03-2021, 02:52 AM Parent: #43
الهادى و المتداخلين ، تحايا طيبة..بخصوص ما ورد على لسان السيدة وزيرة الخارجية من المهم تبيان ما ورد عنها وتم تناقله... اهى ذكرت:العودة لمشروعية ما قبل 1989؟ام:العودة لنظام " وغالبا تقصد تنظيم الحكومة ومؤسساتها" الحكم لما قبل العام 1989 اى النظام البرلمانى وبالاخص الادارى والذى ينظم عملية التقسيم المناطقى الجغرافى والدوائرى المنظم للعملية الانتخابية ؟
Post: #45 Title: Re: لماذا لم تعتقل قيادات حزب الأمة ؟؟ Author: عبدالعظيم عثمان Date: 11-03-2021, 04:54 AM Parent: #44
حزب الأمة موقفه ثابت ورافض للإنقلاب عدم اعتقال قياداته لا تعني أي شئ زيهم وباقي أحزاب المجلس المركزي للحرية والتغير
دي قائمة الاعتقالات
محمد الفكي سليمان (التجمع الاتحادي ). عضو مجلس السيادة صديق الصادق (حزب الامة). قيادي بالحرية والتغيير خالد سلك (المؤتمر السوداني ). وزير مجلس الوزراء وجدي صالح (البعث ). لجنة التفكيك أيمن خالد نمر (التجمع الاتحادي ) والي الخرطوم حمزة بلول (التجمع الاتحادي ). وزير الثقافة والاعلام هاشم حسب الرسول (التجمع الاتحادي) وزير الاتصالات ابراهيم الشيخ (المؤتمر السوداني ) وزير الصناعة محمد ضياء الدين (حزب البعث ) جعفر حسن عثمان (التجمع الاتحادي ) الناطق الرسمي بإسم الحرية والتغيير آمنة المكي (التجمع الاتحادي) والي نهر النيل
دي أبرز الاعتقالات من التنفيذيين والسياسين
Post: #46 Title: Re: لماذا لم تعتقل قيادات حزب الأمة ؟؟ Author: Elhadi Date: 11-11-2021, 03:02 PM Parent: #45
ويظل السؤال قائم عن حقيقة موقف حزب الأمة وقياداته خارج المعتقل ؟؟
Post: #47 Title: Re: لماذا لم تعتقل قيادات حزب الأمة ؟؟ Author: Elhadi Date: 11-11-2021, 03:06 PM Parent: #46
هل انتو معانا ؟؟ انحنا الشعب الأسمر يعني
هل انتو مجرد وسطاء بين الفرقاء ؟؟
ولا مع الخيانة ؟؟
نفهم بس عشان نقدر نحلل
Post: #48 Title: Re: لماذا لم تعتقل قيادات حزب الأمة ؟؟ Author: اخلاص عبدالرحمن المشرف Date: 11-11-2021, 03:31 PM Parent: #47
مرات يا Elhadi بشوفك لابس كادمول مرات بشوفك جبريل فك التخفي وناقش
قال هو الشعب الاسمر 😹😹
Post: #49 Title: Re: لماذا لم تعتقل قيادات حزب الأمة ؟؟ Author: محمد البشرى الخضر Date: 11-11-2021, 03:34 PM Parent: #47
يا الهادي موقف الحزب واضح من بياناته الاصدرها منفردا او تضامنا مع الحرية و التغيير اذا عايو تقيس مواقف الاحزاب باعتقال قياداتها خذ عندك الاحزاب التالية اديني رايك في مواقفها حسب منطقك: - التجمع الاتحادي - البعث بتاع سنهوري - المؤتمر السوداني و هاك سؤال المليون: - الحزب الشيوعي !!
